حلقة دراسية ...ترم تانى اداب انجليزى دور يناير 2011

[Doaa.M.M 0]

هذه الصفحة ستكون خاصة بطلبة الترم التانى لنتواصل معا من خلالها

وربنا يوفقنا جميعا ......

كالمعتاد نبدأ نتعرف أولا وكل عضو يكتب المواد اللى مسجلها

أنا مسجلة ثقافية 2 وقراءة وفهم 2 والنحو من خلال النص (عربى )
وباقى المواد كانت معايا الترم اللى فات وخلصتها ونجحت فيها الحمد لله...

[Doaa.M.M 0]

فيييييييين طلبة الترم التانى

اللى معانا ترم تانى وحضر الاسبوع اللى فات

يقولنا ايه الاخبار

[hend nga 3]

يا هلا بدعاء معاكي ترم تاني لكن لا اعلم بعد اذا كان 4 او خمس مواد علي حسب

[hend nga 3]

لو فيه حد ترم تاني معاه ترجمة يا ريت يقولي فيه محاضرات نزلت علي صفحته لترجمة و لأ

لأنها المادة الوحيدة التي لا يوجد لها اي محاضرات عندي لا مكتوبة او مرئية

[om_maram 0]

اطمنى يا قمر انا ترم رابع و مفيش برضه محاضرات للترجمة فقط

بالنسبة لنا الدكتورة غيرت الكتاب كله و المحاضرات بقت جديدة

و بالتالى اهم عاكفين على كتابة المحاضرات و التطبيقات

غير طبعا لسة لما تخلص التلفزيونية هيرفعوها


فاعتقد نفس القصة عندك

[hend nga 3]

من الواضح كدة ان انا ودعاء بس اللي هنكون في هذه الصفحة ترم ثاني زيي الترم اللي فات

والباقين هيشتركوا في الإمتحانات فقط لكن اظن انك يا ام مرام معاكي في الترم الرابع زملاء اكثر

ربنا يعديها علي خير لو كملت ؟؟؟

هو عموما لم يتم فتح اي مادة الي الآن وربنا يسهل ان شاء الله

[om_maram 0]

ايه يا هند نظام الحسد دا هههههههههههههههه

لا لحد دلوقتى انا و احمد و 2 كمان تقريبا

بس هى كل الحكاية الناس لسة ما ابتدتيش مذاكرة

و بكرة تلاقيهم كلهم داخلين متقلقيش

دا انتهم الترم اللى فات كنتو كتير قوى ما شاء الله

[hend nga 3]

يا ريت يا دعاء تفتحي المحاضرات اللي عندك الخاصة بالنحو من خلال النص والكتاب وتقولي لي ايه العلاقة اللي بينهم

لأني اظن كدة ان الدكتور اخطأ ووضعلنا محاضرات ترم اول النحو من خلال الجملة

يا ريت تتأكدي وتيلغيني

[marina 0]

[size=18]هاى مفيش حلقة دراسية لطلبة الترم الاول اداب ترجمة انجليزى دور سبتمبر 2010 -يناير 2011[size=24][color=navy]]]

[marina 0]

ولو حد يقولنا اية اللى حصل فى المحاضرات اللى فاتت بليز مساعدة شكرا باى

[hend nga 3]

hi marina ممكن تقومي انتي واصدقائك في المنتدي بعمل حلقة دراسية لترم اول بكل بساطة

وبالتدريج هيكون فيه مشاركة واظن ان فيه اكثر من شخص معاكي ترم اول وبالتوفيق والنجاح

ان شاء الله

[hend nga 3]

يا ريت يا شباب اللي في ترم تاني معانا يدخل يشرفنا بمعرفته

واللي عنده خبر عن نحو ترم تاني

والفرق والإختلاف اللي بين الكتاب والمحاضرات يا ريت يبلغني علي الصفحة

[hend nga 3]

فينك يا دعاء وفين اخر الأخبار في محاضرات الجامعة انتي اختفيتي من الحلقة ليه

[عبد الرحمن 89 0]

اول حاجه انا عايز اقولكم انكوا كنتوا سبب في اني اجيب جيد جدا في الترم الاول بعد ربنا سبحانه وتعالي
تاني حاجه انا معاكم في الترم التاني ومعايا الخمس مواد
وبجد يا جماعه لولا اننا كنا بنتشارك المذاكرة مع بعض مكنتش جبت تقدير
بس يا تري انتوا فاكرني ؟؟؟؟؟

[Doaa.M.M 0]

طبعا فاكرينك يا عبدالرحمن

واخيرا حد ظهر معانا فى ترم تانى انا وستار...

ايه اخبار المذاكرة معاك وبتحضر ولا لا

[عبد الرحمن 89 0]

للاسف لسه محضرتش بس بدأت مذاكرة
بس هاحضر كل المحاضرات الجايه

[hend nga 3]

يا هلا بعودة الشباب مرة تانية بالحلقة مبروك النجاح عبد الرحمن باقي معانا وجه القمر علي ما اتذكر

لسة ما اعرفش اخبارها ايه

اتمني نكون الترم ده اكثر تفاعل

بما انك يا عبد الرحمن معاك الخمس مواد مثليي يا ريت تقولي اخبار مادة الترجمة في صفحتك ايه

لأن لا توجد عندي اي محاضرات وشهر 10 انتهي ولسة مفيش جديد عندي

[عبد الرحمن 89 0]

انا نزل عندي 7 محاضرات الترجمه بتاريخ 2/11

[Hamdy Tawfik-manar9 0]

عبد الرحمن 89 كتب:

اول حاجه انا عايز اقولكم انكوا كنتوا سبب في اني اجيب جيد جدا في الترم الاول بعد ربنا سبحانه وتعالي
تاني حاجه انا معاكم في الترم التاني ومعايا الخمس مواد
وبجد يا جماعه لولا اننا كنا بنتشارك المذاكرة مع بعض مكنتش جبت تقدير
بس يا تري انتوا فاكرني ؟؟؟؟؟

الف مبروك علي النجاح والتفوق ياعبد الرحمن

حافظ علي هذا التقدير ولا تتنازل عنه

[hend nga 3]

بالفعل اخيرا نزلت المحاضرات اليوم وموجود عليها تاريخ 2\ 11 بالرغم ان اليوم 6

ما علينا المهم انها نزلت ان شاء الله هابتدي المذاكرة اليوم

لكن لن اذاكر النحو العربي لأن محاضراته وموضوعاته

هي نفسها الترم الأول ومعنديش استعداد اعادة مزاكرتها وعشان كدة تقريبا هاسيبها لمراجعة الأمتحان

[hend nga 3]

يا ريت اللي ناوي يذاكر معايا المحاضرات يبلغني ......لكن الموعد والبداية هيكون بعد

العيد ان شاء الله ...... بسبب سفري

لو مفيش استجابة منكم هاذاكر لوحدي بالمنزل ونأجل موضوع الحلقة دي لأيام الأمتحانت فقط

كل عام وانتم بخير

[marina 0]

ممكن اكون معاكى

[hend nga 3]

اهلا بكي مارينا معانا ............طبعا ما هي محتاجة سؤال هذه حلقة مفتوحة

يا تري معانا في الخمسة مواد في ترم تاني .......ولا ايههههه؟؟؟؟؟؟؟

[marina 0]

دا ترم تانى سورى انا ترم اول

[عبد الرحمن 89 0]

انا طبعا معاكي

[hend nga 3]

خلاص يا عبد الرحمن شوف هنبتدي بأي مادة والوقت المناسب

دعاء مش عارفة ليه مختفية الفترة اللي فاتت يا رب تكون بخير وتظهر في الحلقة من جديد

[Doaa.M.M 0]

اهلا ستار
شكرا لسؤالك وأنا بخير الحمد لله...

أنا معاكم وياريت نبدأ بمادة القراءة والفهم 2 أو الثقافية

وعلى فكرة المقرر من مادة القراءة والفهم...

الموضوعات 2 و 3 و4 و 6 من الجزء الاول

والموضوعات 8 و 9 من الجزء التانى لان الكتاب مقسم جزءين

يلا نبدأ بالموضوع الاول من الجزء الاول

واسمه Scientific Success

[hend nga 3]

يا هلا ومرحبا بعودتك دعاء ..........خلا ص نتوكل علي الله ونبدأ مبقاش عندي حجة

لعدم المزاكرة العيد انتهي ......... والكمبيوتر الجديد وصل بالأمس والحمد لله

المقرر الذي ذكرته هو ما قاله الدكتور ام الموجود بالمحاضرات

ويا ريت يا دعاء لو كان من الدكتور تسألي الدكتور اذا كان المقرر ده يخص المقيمين بالخارج ايضا

لأني مش عايزة يحصلي زي الترم اللي فات

[Doaa.M.M 0]

مبروك على الكمبيوتر الجديد وعقبالى يارب...

بخصوص المقرر ..ده المقرر اللى قالت عليه الدكتورة وتقريبا
هو الموجود فى المحاضرات .

بإذن الله يوم الجمعة الجاية هسألك الدكتورة عن انه يخص المقيمين بالخارج ولا لا

ويلا ابدأى مذاكرة وشجعينا كالعادة

[عبد الرحمن 89 0]

اهلا بيكي من تاني يا دعاء
انا هبدا معاكوا بــــ Scientific Success
وياريت يا دعاء تقوليلنا علي المقرر في بقيه المواد علشان ظروف الشغل بتمنعني من الحضور
هو انتي يا دعاء معاكي كام ماده الترم ده ؟؟؟

[hend nga 3]

يا ريت يا شباب المحاضرة لا تأخذ اكثر من يوم لأن الوقت قصير وانا وعبد الرحمن لسة معانا

الترجمة والجرامر لازم نظبطهم سوا لأن دعاء مشتركة في 3 مواد بس وتقريبا كدةالكل هيخلي النحو العربي في النهاية لأنه مش محتاج وقت

نتقابل في نهاية اليوم هنا علي الساعة 10 مساءا يعني 9 م بتوقيت مصر

بالتوفيق للجميع

[hend nga 3]

مطلوب يا شباب في هذه المحاضرة paragraph لتذكر رأيك الشخصي بالموضوع

وهو اساسي لفهم المقال كاملا فإما ان تختار نعم او لا ولذلك سأحاول ان اقوم بعمله اليوم ووضعه في نهاية اليوم بالشكل الذي قامت بشرحه الدكتورة فحاولوا ان تقوموا بالمثل لنكون انتهينا من

المحاضرة بالشكل المظبوط....... بالتوفيق يا شباب

[عبد الرحمن 89 0]

ياريت يا جماعه لو حد بيحضر يقولنا ايه المقرر في ماده الترجمه
وبعدين الناس مختفيه ليه ؟؟؟؟؟؟

[hend nga 3]

لن يحدد المقرر في الترجمة الا بعد نزول المحاضرات التليفزيونية ومؤقتا المقرر في المحاضرات

المكتوبة التي نزلت علي موقع الجامعة اما بخصوص الحضور فلا يوجد غيري وانت فقط في الحلقة

معه ترجمة لأن دعاء معها 3 مواد فقط في ترم ثاني والترجمة ليست منهم

[hend nga 3]

المحاضرات التليفزيونية لمادة الترجمة نزلت علي الصفحة الدراسية بالأمس ........

........... 7 محاضرات بالهنا والشفا................ يا شباب

[Doaa.M.M 0]

بإذن الله هسألكم على المقرر فى الترجمة 114

واقولكم عليه

[عبد الرحمن 89 0]

هي القطع اللي في المحاضرات التليفزيونيه والمحاضرات المكتوبه هي المقررة بس ؟؟

[عبد الرحمن 89 0]

علي فكرة يا دعاء احنا معانا ترجمه 124 بتاعه ترم تاني مش 114
لو عرفتي تسألي حد من زمايلك اللي بيحضروا علي المقرر فيها تبقي عملتي معانا واجب ومعلش هانتعبك معانا

[hend nga 3]

تم تغير المحاضرات التليفزيونية النحو العربي علي صفحتي الدراسية بتاريخ الأمس وكذلك التطبيقات

التليفزيونية اعيدو تحميل المادة من جديد

[hend nga 3]

المحاضرات المكتوبة لمادة الترجمة ناقصة لا يوجد بالمحاضرة غير قطعة واحدة اما في المحاضرة التليفزيونية يوجد 12 قطعة

هنعمل ايه يا شباب نكتبهم لوحدنا ولا ننتظر يمكن يقوموا بوضع الناقص في المحاضرات

[hend nga 3]

سأضع قطعتي الترجمة للمحاضرة الأولي للمادة وسيقوم كل منا محاولة ترجمتها بنفسه

بعيدا عن ترجمة الدكتور

القطعة الأولي


Jailed nurse loses appeal
Amanda Jenkinson, 38, a nurse jailed forfive years for sabotaging
a patient's life-support system, lost her appeal against convictionyesterday.
Lord Justice McCowan, sitting withMr. Justice Ognall and Mr.
Justice Kay, said they would givereasons for their decision tomorrow
. Jenkinson was convicted of grievous bodily harm to Kathleen Temple,
67, at Bassetlaw Hospital,Workshop.

القطعة الثانية


Jailed Nurses won appeal


Libya’s Supreme Court scrappeddeath sentences against five
Bulgarian nurses, and ordered aretrial of the cases which have harmed
Libya’s efforts to build ties withthe West.


The five nurses, jailed since 1999, had beenconvicted of
infecting children withthe HIV virus, and had been sentenced to death.

They said they were innocent and their confessions extracted under
torture.

The medics also presented the testimony ofWestern medical experts,
who said the outbreak startedbefore they arrived and was probably caused
by unhygienic practices.
Parents and relatives of theinfected children stood outside the Supreme
Court, protesting against the verdict and calling for the death penalty
to be carried out.
اتمني وضع الترجمة بسرعة لنستطيع الإٌنتقال الي باقي قطع المحاضرة والإنتهاء منها والإنتقال لغيرها

[hend nga 3]

يا ريت لو حد يقولنا علي اخر اخبار المحاضرات في الجامعة لأن دعاء كانت وعدت بأنها هتقولنا

علي المحاضرات ولكن للأسف تقريبا انقطع تواصلها معنا في المنتدي

عبد الرحمن هل ستواصل معي المذاكرة بالحلقة ام لا لأنك منذ وافقت لم اري اي تواصل ايجابي او

رد بخصوص قطع الترجمة لأعلم فقط لأني اريد ان اسرع لم يبقي الكثير علي الإمتحان دخلنا علي

شهر 12 والمفترض شهر يناير للمراجعة النهائية قبل الإمتحان

[عبد الرحمن 89 0]

طبعا هواصل معاكي
وهاضع ترجمه القطعتين

[Doaa.M.M 0]

اسفة كنت وعدتكم هسأل لكم عن محاضرات الترجمة

بس للاسف ما عرفت اقابل حد بسبب اختلاف المواعيد

[hend nga 3]

لم اقصد الترجمة وانما انتي مشتركة معنا في ثلاث مواد اخرين من المفترض انك حضرتي محاضراتهم

او علي الأقل عرفتي شيئا من زملائك بالجامعة عنهم ........

[hend nga 3]

طبعا مفيش كالعادة اي مشاركة فعالة في الحلقة كالمعتاد ولذلك سأقوم بالمذاكرة لوحدي

قمت ىبتفريغ والإنتهاء من اول محاضرة ترجمة لن اضع ترجمتي الخاصة

ولكن سأضع القطع المشروحة بالمحاضرة والغير موجودة بالمحاضرات المكتوبة

اولا ترجمة القطعة الأولي ووضعت بها بعض التعديلات


الممرضة السجينة تخسرالإستئنافخسرت بالأمس الممرضة أماندا جنكنسون البالغة منالعمر 38 عاما والتي حكم عليها بالسجنلمدة خمس سنوات لإتلافها جهاز إبقاء المريض علي قيد الحياة طلب الإستئناف ضد الحكمبالإدانة الصادر عليها , صرح رئيس المحكمة مكاون

وعضوي المستشارينأوجنال وكاي بـأنه سيتم الإدلاء غدا بحيثيات الحكم , وقد ادينت جينكنسن بإحداث ضررجسيم للمريضة كاثلين البالغة من العمر 76 عاما في مستشفي باستليو بمدينة وركشوب.
وهذه 6 قطع عربية ترجمها الدكتور الي الإنجليزية وايضا غير موجودة بالمكتوبة



1- يشكل الإرهاب خطراً كبيراُ علي صناعة السياحة لأنه يعوق جهودالحكومة في الترويج لها.

- Terrorism poses a tremendous threat tothe Tourism industry,

asit hinders the government efforts to promote it .

2- الديمقراطية هي حق الشعب في اختيار حكومته

- Democracy is the right of people to electits government .

3- اكد الدكتور احمد نظيف رئيس الوزراء ان الحكومة تبذل جهودالتوفير فرص العمل
امام الشباب الخريجيين وتشجيع الإستثماروالصادرات .

- Dr. Ahmed Nazif the Prime Minister, asserted that his
Government is exerting painstaking efforts to creat jop
Opportunities for the young / recent graduates and to
Boost investments and exports .

4- يتسبب استخدام التليفون المحمول والسرعة الزائدة في الكثير من
حوادث السيارات التي تقع في مصر وجميعانحاء العالم .

- The use of mobile phone during driving and exceeding speed

Limits cause many car accidents in Egypt and the world over.

1- تعرض مئات من المهاجرين بصورة غير قانونية لمخاطر الجوع والموت.

- Hundreds of illegal immigrants were exposed to the danger
Of starvation and death .

2- لقي اكثر من خمسين شخصاً مصرعهم وأصيب عشرون اخرون في انفجار
قنبلة زرعت علي جانب الطريق في العاصمةالعراقية بغداد .

- More than fifty people were killed and twenty others were
In jured when aroad side bomb went offin the Iraqi
Capital, Baghdad.


بالتوفيق والنجاح للجميع يا ريت لو فيه حد قام بتفريغ لأي محاضرة غير موجودة بالمكتوبة

ينقلها هنا فهي مجرد عملية قص ولصق

[Doaa.M.M 0]

ستار أنا معاكم هنا ايما وبدخل المنتدى كتير..

أنا بذاكر المحاضرات التليفزيونية والمكتوبة مع الكتاب أيضا

ولسه معظم الدكاترة ما قالوا ايه الملغى او المقرر لان الموضوع ده بيتحدد آخر الترم

مفيش غير مقرر القراءة والفهم وأنا كتبته قبل كده فى الحلقة ...

عموما لو عايزة تسألى عن حاجة أنا موجوة واعذرونى لو اتاخرت بيبقى غصب عنى

[عبد الرحمن 89 0]

معلش يا ستار انا مش بدخل علشان ظروف الشغل وان شاء الله هبدأ معاكوا من يوم السبت
معلش يا جماعه بس غصب عني والله

[hend nga 3]

لم أسأل عن المقرر والمحذوف عزيزتي وانما سألت عن المحاضرات الجامعية يعني مثلا

في القرأءة والفهم الدكتورة بتشرح نفس القطع الموجودة في المحاضرات المكتوبة ولا فيه قطع مختلفتة زيي ما عملت الدكتورة الترم الماضي

وفي مادة الثقافية الدكتورة بتوضع في المحاضرة اسئلة اضافية ولا لأ لأن التطبيقات مفيهاش غير

خمس اسئلة فقط الخاص بالكتاب

وقطعة ترجمة بخلاف الترم الماضي الدكتورة كانت شاملة الموضوع بأسئلة متنوعة ومختلفة غير اسئلة الكتاب

ومادة النحو الدكتور بيشرح المنهج الموجود في المحاضرات المبتدأ والخبر وكان واخواتها

والكلام اللي سبق واخدناه ولا بيشرح النصوص اللي في الكتاب الغير مشروحة لا في الكتاب

ولا المحاضرات ولا اعلم ايه فايدة حطها اصلا مادام المنهج هو هو ترم اول شرح قواعد نحوية

علي امثلة اتمني تكوني فهمتي قصدي بسؤالي عن الجامعة ممكن اكون من المفترض كان من

البداية اققولك علي اللي عايزة استفسر عنه

يا الله يا ستي اطربينا بالأخبار الجامعية اللي عندك واحنا منتظرين

[hend nga 3]

ما في خبر الي الآن من الجامعة هو مفيش حد بيحضر نهائي في الجامعة

عموما انتهيت من القراءة والفهم والترجمة وسأبدأ في القواعد والثقافية اتمني ان تكونوا متقدمين

عني لأني متأخرة جدا بسبب ظروفي وتقريبا كمان هذا الأسبوع سيضيع تماما بسبب سفري لعدة

ايام سأحاول الدخول للمنتدي قريبا اتمني ان اجد جديدا في الأخبار

بالتوفيق يا شباب