المحاضرات و التطبيقات المكتوبة للترم الرابع (اكتوبر 2010)

[a.h.issmail 0]

بسم الله الرحمن الرحيم

الي كل الطلبة في التيرم الرابع
ده ملف مجمع فيه جميع محاضرات التيرم الرابع والتطبيقات المكتوبة
وياريت الي معايا في التيرم الرابع يقول هو معاه مواد ايه وان كان معاه مواد من تيرمات قبل كدة او تيرمات قبل كدة
واي حاجة انا موحود في الخدمة

mediafire.com ?x84ikhhomcbld9k

[om_maram 0]

انا معاك يا استاذ احمد فى الترم الرابع

و الحمد لله معايا الخامسة مواد

و انا كنت سالت على حضرتك قبل كدة و عارفة ان حضرتك بتحضر

انا كمان بحضر ... لو مفيش ازعاج ممكن حضرتك ترسلى رقمك

و انا شاء نتقابل فى الكلية

[om_maram 0]

هى المواد اللى حضرتك رفعتها هى الموجودة على الصفحة الشخصية

و لا المواد دى بتاعة الترم اللى فات

[a.h.issmail 0]

ازيك ياام مرام اخباراتك
استاذ ايه بس وبتاع ايه
هتحسسيني بالكبر
اينعم دي المواد الموجودة عندي في الصفحة
انا هحاول علي قد مااقدر اشوفلك حد اعرفه ترم خامس ولو اني مش عارف انتي عايزاهم ليه مع ان المحاضرات هيا هيا ماتغييرتش
وبالنسبة لموضوع الحضور انا فعلا كنت بحضر بس الترم ده مستحملتش المدرج حضرت محاضرة الديكشنري بالعافية لان امتحاني فيها ان شاء الله بعد اسبوعين

=========================
بلاش بقي استاذ وحضرتك وبتاع ويافندم
والكلام ده
انا اسمي احمد

[Rehab SISAQ 0]

جزاك الله خيرا احمد انا للاسف مازلت في الترم الثالث وربنا يوفقكم

[dalia 0]

منور يا أحمد!!! كل سنة وأنتم جميعاً بخير وبالتوفيق يارب...أي مساعدة أنا تحت أمركم جميعاً.

ما تختفيش يا أحمد

[a.h.issmail 0]

ازيك يارحاب عاملة ايه
احكيلي عملتي ايه وليه مش واخدة حاجة من الترم الرابع



داليا منورة الترم الرابع

واه عايز منك مساعدة
عايزك تدخلي المنتدي كل يوم في وقت معين لو تقدري

اعتبريها وظيفة

المرتب بتاعها شوية بكش حلوين من بتوعي علي دعوتين حلوين مني
وطبعا دعوات من الاعضاء الي هايستفيدوا من خبراتك

قلتي ايه اتكل علي الله وانفذ الي عايز اعمله ولا لا

[هادى 0]

نورت المنتدى مرة اخرى يا احمد وعقبال دريم وامنحتب
ربنا يوفقك لما يحبه ويرضاه

[dalia 0]

داليا منورة الترم الرابع

واه عايز منك مساعدة
عايزك تدخلي المنتدي كل يوم في وقت معين لو تقدري

اعتبريها وظيفة

المرتب بتاعها شوية بكش حلوين من بتوعي علي دعوتين حلوين مني
وطبعا دعوات من الاعضاء الي هايستفيدوا من خبراتك

قلتي ايه اتكل علي الله وانفذ الي عايز اعمله ولا لا


[/center][/quote]

أنت تأمر بس يا فندم...ممكن تلاقيني هنا كل يوم الساعة مثلاً 4 بعد الضهر، حلو كده؟ والمرتب بصراحة هو اللي أغراني ههههههههههههههههههههه
أنا تحت أمرك وتحت أمر كل الزملاء في اي حاجة أقدر أعملها إن شاء الله

[om_maram 0]

اهلا يا داليا منورة صفحتنا المتواضعة

اة يا ريت تخليكى معانا كدة و تدينا ارشادات و نصائح

و ازاى نذاكر كل مادة و نركز على ايه

و الحاجات اللى انتى عارفها بقى هههههههههه

[dalia 0]

om_maram كتب:

اهلا يا داليا منورة صفحتنا المتواضعة

اة يا ريت تخليكى معانا كدة و تدينا ارشادات و نصائح

و ازاى نذاكر كل مادة و نركز على ايه

و الحاجات اللى انتى عارفها بقى هههههههههه

الصفحة منورة بكل الناس الجميلة اللي هنا

اللي أنتوا عايزينه وأقدر أساعد بيه عينيا ليكوا

شوفي يا ستي، من ناحية المذاكرة، أنصح بالآتي:
1. تقروا المحاضرات المكتوبة بتاعة كل مادة الأول كده قراية عامة علشان الواحد يعرف المقرر وياخد عليه
2. تقروا التطبيقات المحلولة والامتحانات علشان برضه تاخدوا على شكل الامتحان وشكل الأسئلة وتعرفوا إيه المواضيع اللي بيتركز عليها
3. لازم، بجد لازم، على الأقل تقروا عناوين الفصول اللي في الكتاب، ماعدا طبعاً الترجمة لأنها بتبقى طويلة قوي، بس الحاجات التانية أنصح فعلاً تقروا الكتب
4. ده المفروض على فكرة يعني ما يخدش شهر الكلام ده لكل المواد، بعد كده بقى نمزمز ونأزأز المحاضرات التليفزيونية مع المكتوبة، ونكتب ورا الدكتور الملاحظات بتاعتنا

بالشفا وبالتوفيق

[om_maram 0]

شكرا يا داليا على النصائح

بس تعرفى ايه المشكلة ان كل دكتورة تدخل تقول الكلمتين دول :

مع احترامى للكتاب و اللى كاتبه بس انا مش هشتغل منه

نعمل ايه بقى ... و طالما ان الكتاب مش عاجبهم

بيدفعونا مصاريف الكتب ليه تصدقى و تامنى بالله

انا عندى كتب بتاعة الترمات اللى فاتت جديدة و لا اتفتحت حتى

و حسبى الله و نعم الوكيل

[dalia 0]

om_maram كتب:

شكرا يا داليا على النصائح

بس تعرفى ايه المشكلة ان كل دكتورة تدخل تقول الكلمتين دول :

مع احترامى للكتاب و اللى كاتبه بس انا مش هشتغل منه

نعمل ايه بقى ... و طالما ان الكتاب مش عاجبهم

بيدفعونا مصاريف الكتب ليه تصدقى و تامنى بالله

انا عندى كتب بتاعة الترمات اللى فاتت جديدة و لا اتفتحت حتى

و حسبى الله و نعم الوكيل

بصي يا أم مرام، الكتاب حيوضح لك حاجات بتتقال في المحاضرات بطريقة عابرة وممكن تعدي على الواحد، الشرح أكتر في الكتاب، ممكن ما يجيش منه في الامتحان، معرفش، بس الفكرة في إن الواحد بيفهم أكتر الموضوعات لما يقرا الكتب

[om_maram 0]

شكرا يا داليدا على افادتك لينا و ان شاء الله الواحد يبص بصة على الكتاب

يعنى هو احنا هنخسر حاجة بالعكس اكيد هنستفيد معلومة جديدة

[a.h.issmail 0]

هادى كتب:

نورت المنتدى مرة اخرى يا احمد وعقبال دريم وامنحتب
ربنا يوفقك لما يحبه ويرضاه

منور بيك ياهادي وبكل الاعضاء التانين وان كنت زعلان منك حبتين مش عارف ليه حارمنا من كلماتك الحلوة
ولا ايه مفيش كلمتين حلوين طيب علشان رجعت نورت المنتدي ولا ايه

dalia كتب:

أنت تأمر بس يا فندم...ممكن تلاقيني هنا كل يوم الساعة مثلاً 4 بعد الضهر، حلو كده؟ والمرتب بصراحة هو اللي أغراني ههههههههههههههههههههه
أنا تحت أمرك وتحت أمر كل الزملاء في اي حاجة أقدر أعملها إن شاء الله

ربنا يخلييكي لينا ياداليا
خلاويث ان شاء الله انا هارتب الفكر في دماغي وابعتلك اقولك علي الي هايتم ان شاء الله

[Rehab SISAQ 0]

حمدالله على السلامة خالو احمد بجد نورت المنتدى انت رجعت تاني بجد المرة سعداء برجوعك الى بيتك مرة اخرى وياريت ترجع ايام الترجمة والقطع والتنافس الجميل

[a.h.issmail 0]

الله يسلمك يارحاب
وان شاء الله عن قريب هانبتدي الترجمة تاني

واعملوا حسابكوا انها هاتكون بشكل مختلف



لا ان شاء الله هتبقي ترجمات محترمة غير لعب العيال الي كنا بنعمله في الاول

وربنا يقدرني وااعقدكوا

[om_maram 0]

بقولك يا احمد


انت بستخدم برنامج ايه عشان ملفات البى دى اف

اصل الاكروبات رخم و تقيل

و الفوكس كل شوية يصلع لى رسايل

ياريت تقولى بتستخدم ايه و رقم الفيرجن

[a.h.issmail 0]

انا بستخدم فوكس بس نسخة بورتابل لذيذة
وبالنسبة لمشاكل الاكروبات هو فعلا الاصدارات الجديدة منه تقيلة دوري علي اصدار يكون قديم شوية هتلاقيه شغال معاكي كويس ان شاء الله
هادورلك علي الرابط بتاعه واقولك
========================
جربي ده وقوليلي

http://download1us.softpedia.com/dl/ab64b53ea8f495a89fd1449994f9c810/4cb17df7/100070048/software/portable/office/FoxitReaderPortable_3.3.1.paf.exe

[om_maram 0]

الف شكر يا احمد

انا قعدت ادعبس على النت لقيت برنامج جديد و لذيذ و خفيف

اسمه PDF-XChange Viewer

دا الرابط بتاعه لو عايز تاخد فكرة

mediafire.com ?gnteyghzjjk

[om_maram 0]

هى صفحة الجامعة مالها النهاردة

مش راضية تفتح من الصبح .. حد عنده معلومة

[om_maram 0]

محاضرات الكومبرهنشن نزلت لوووووووووووووول

عقبال الترجمة

[om_maram 0]

مش عارفة ليه كل سنة لما بلاقى مادة جديدة بترعب مع انها ممكن تكون سهلة

السنة اللى فاتت فضلت مرعوبة طول السنة من علم الترجمة و لما ذكرته

قبل الامتحان مباشرة لقيته معقول بس انا اللى كنت معقدة نفسى

و المقال اول محاضرة اتخضيت بعد كدة عرفت انه زى الجرامر


السنة دى بقى عندى رعب من علم الصوتيات و المعاجم

بجد مش قادرة اقولكم الرعب و الخوف من المادتين عامل ازاى

[a.h.issmail 0]

انتي جاية في اكتر مادتين زي العسل وخايفة منهم

تعرفي انك لو فتحتي القاموس الورق علي اول صفحتين فيه هاتفهمي الفوناتكس كله علي فكرة

وبالنسبة للدكشينري انا شايف انها جميلة جدا وبسيط والدكتورة مبسطة الموضوع علي الاخر
كان ممكن تتعقدي منها فعلا لو كان الدكتور الي قبل دي بس الحمد لله ربنا بيحبنا

[om_maram 0]

a.h.issmail كتب:

انتي جاية في اكتر مادتين زي العسل وخايفة منهم

تعرفي انك لو فتحتي القاموس الورق علي اول صفحتين فيه هاتفهمي الفوناتكس كله علي فكرة

وبالنسبة للدكشينري انا شايف انها جميلة جدا وبسيط والدكتورة مبسطة الموضوع علي الاخر
كان ممكن تتعقدي منها فعلا لو كان الدكتور الي قبل دي بس الحمد لله ربنا بيحبنا

تصدق انا اصلا مفتحتهومش بس انا بخاف من الشىء الجديد عامة لحد ما اخد عليهم

و ان شاء الله كل حاجة بتعدى و ربنا يسهل بإذن الله

[شريف سالم 0]

شكرا جزيلا علي المشاركة اللي اكيد فادت كتير من الاخوة والاخوات ،، وياريت لو حد من الاعضاء معه مواد وتطبيقات ترم ثالث يرفعه وله / لها الشكر الجزيل مقدما ،،

[om_maram 0]

انا عايزة اعرف محاضرات الترجمة منزلتش ليه لحد دلوقتى

[om_maram 0]

الحقو الحقو غيوا شكل صفحة الجامعة لووووووووووووول

[om_maram 0]

هو انا بكلم نفسى و لا ايه ... عامة ...

انا راسلت الجامعة بسال على محاضرات الترجمة قالو هيرفعوها لما ينتهو من اعدادها

معنى كدة ان المحاضرات اتغيرت عن السنة اللى فاتت و لا ايه !!!!!

[عمرو الشاعر 0]

سلمى امرك الى الله هى دى بلدنا

[om_maram 0]

عمرو الشاعر كتب:

سلمى امرك الى الله هى دى بلدنا

انت بتدخل هنا ليه اوعى تدخل تانى فاهم و لا لا خليك فى الاعلام بتاعك

مش لو كنت دخلت انجليزى كنت زمانك هنا معانا ههههههههههههههههههه

[عمرو الشاعر 0]

عندك حق والله ده مفيش حد فى اعلام هنا غيرى انا بس

[om_maram 0]

خلاص احلق حول فرصة كلنا هنساعدك هنا

[عمرو الشاعر 0]

احلق واللا الحق

مينفعش احول طبعا لانى فى ترم تانى

[om_maram 0]

فى حد ابتدى يذاكر

طيب بيذاكر ايه لانى تايهة على الاخر

الكومبرهنشن ....... مخدناش حاجة

الترجمة ...... خدنة و مش فاهمة حاجة

معاجم ........ كويسة المحاضرتين ممكن الواحد يلمهم فى ساعتين

العربى ........ خدنة جزء بسيط المفروض يتقرى

الصوتيات ..... حضرت و كنت فاهمة الاول بس فى الاخر تهت منها