استفسار عن تغيير المناهج للعام الجديد؟!!

[أمجد1 0]

السلام عليكم ورحمة الله وبركاته....

انا طالب مستجد لسة مقدم السنة دي في قسم اداب قسم لغة انجليزية في جامعة القاهرة للتعليم المفتوح لكن هامتحن في الكويت لاني عايش علطول هناك مع والدتي واخواتي الكبار....

انا لاحظت ان في بعض المواد بتاعت السنين اللي فاتت مختلفة شوية عن السنادي هل دة صحيح؟

يعني مثلا انا لما قدمت استلمت خمس كتب وخمس اسطوانات
اسم المواد:
مادة 111: النحو من خلال الجملة
مادة 112: القراءة والفهم (لغة انجليزية)
مادة 113: (A Primer of English Grammer Part 1 )
مادة 114: (Translation Manual Level 1 ) (English -Arabic )
مادة 115: مادة ثقافية (A First Course In Culture )

اللي انا لاحظته لما نظرت على امتحان سابق 2010 في مادة القراءة والفهم لقيت موضوع عن الاسد والراجل اللي ساعده واصبح المدرب بتاعه لكن دة مشموجود في المنهج الجديدبتاع السنادي اللي هايبدأ يوم 1-10-2010م.

واضح ان المنهج سهل جدا وبسيط بدرجة غير مصدق بها لكن مادتين بس قلقت منهم : النحو العربي والمادة الثقافية دي

ان شاء الله نكون على تواصل السنادي , لأني هاكون في الكويت ومش عارف هاينفع احضر المحاضرات هناك ولا لا , عشان طبعا مقدم في جامعة القاهرة للتعليم المفتوح في مصر.

والسنادي بردة هايكون في دروس ملغية؟؟

وحاجة تانية دققت النظر عليها في مادة القراءة والفهم في سؤال بيبقى على كل قطعة , السؤال التاني هو بيقول انك تشرح معنى الكلمة بالانجليزي وبعدين تحطها في جمل من عندك , السؤال دة ماجاش يعني في الامتحانات اللي فاتت , دة مش شرط انه يجي السنادي , يعني مش عارف لازم احفظهم من التدريبات اللي على كل قطعة وهايجي في الامتحان نفسهم ولا مش هايجي خالص السؤال دة , يعني ويجي اسئلة على الفقرة بس؟؟

واي حد محتاج اي مساعدة في الانجليزي في الجرامر انا تحت امره.... لأني احسن حاجة عندي الجرامر بغض النظر عن التحدث باللغة الانجليزية.

[Hamdy Tawfik-manar9 0]

اهلا بك في المنتدي

الحقيقة انا مفهمتش ايه مشكلتك بالضبط

لكن لو قصدك علي تغيير المنهج فده وارد من سنه لسنه

ممكن اجزاء من المنهج تتغير

الفيصل هو المحاضرات اللي هتنزل علي صفحتك الدراسية

هو ده المنهج المقرر عليك

اما بالنسبة للامتحانات فهي بتكون قريبه من امتحانات التيرمات السابقة

خصوصا امتحانات اخر تيرمين او تلاته

وممكن تتابع هنا مع زملائك اللي بيحضروا اي تطورات جديدة في المقررات

وان شاء الله حد تاني يرد عليك ويفيدك

[أمجد1 0]

فين صفحتي الدراسية دي ؟ اوعى تقولي في موقع جامعة القاهرة للتعليم المفتوح - الموقع الرسمي

لأن اساسا ً مفهوش حاجة غير الاخبار وخلاص ومشعارف ادخل المنتدى بتاعه بادخل كلمة السر يقولي غلط..

[Hamdy Tawfik-manar9 0]

ايوه طبعا هو ده الموقع الرسمي اللي علية صفحتك الدراسية

بتدخل برقم التسجيل اللي هو بيكون مكتوب علي الكارنيه

وكلمة السر بتستلمها لما تسجل اول مرة وبعد كده تقدر تغييرها من صفحتك

لو نسيت كلمة السر يبقي لازم تروح مكتب التسجيل اللي انت مسجل فيه ويكون معاك الكارنية

وتطلب منهم كلمة سر جديدة لانك نسيت الاصلية

[أمجد1 0]

باستلم كلمة السر من الجامعة؟

[Hamdy Tawfik-manar9 0]

BlackCitadel كتب:

باستلم كلمة السر من الجامعة؟

ايوه طبعا من الجامعة ..لما تدفع المصاربف بيعطيك الكارنية عليه رقم التسجيل بتاعك

وبيعطيك كمان كلمة سر

وبالاثنين تقدر تدخل علي صفحتك الدراسية

http://www.ou.cu.edu.eg/login.aspx

[أمجد1 0]

اوك يعني رقم التسجيل وكلمة السر الاتنين هالاقيهم عالكارنيه؟؟؟

[om_maram 0]

اخى الكريم ببساطة جدا

رقم التسجيل هو الرقم المدون على الكارنية و هو فى الغالب مكون من ست ارقام

هتلاقيه فوق علامة الكود و تحت امتحانات يناير


اما كلمة السر انت بتطلبها من الكلية و انت بسجل

انت لازم تطلبها مفيش حد يتبرع و يديك كلمة السر الا لو سالت

[أمجد1 0]

شكرا لكم جميعا , وانا لقيت كلمة السر في ورقة التسجيل ودخلت الصفحة بتاعتي

واتمنى نكون على تواصل ان شاء الله السنة دي

[أمجد1 0]

يا اساتذة , اول يوم في الجامعة كان امس 1/10/2010م وقالو ان المحاضرات بتنزل على صفحتي الرئيسية فتحت الصفحة الرئيسية بتاعتي ملقتش حاجة , بافتح القسم " محاضرات مكتوبة للطباعة " ومحاضرات بوربوينت ومحاضرات تلفزيونية مكتوب " لا يوجد ملفات للتحميل " غير كدة كل اللي موجودين محاضرات قديمة سنين اللي فاتت