اخي ، اختي انتبهوا البس الخوذة !

[mohammad 0]

السلام عليكم ورحمة الله وبركاتة

اولا منقووووووووووووووووووووووووول لاخر حرف

******************************

السلام عليكم ورحمة الله وبركاته

إخواني وأخواتي .
نفيدكم علماً بأن الموضوع ده هيبقى فيه ضرب نااار فعليكم بالصبر والصدق مع النفس
ولبس خوذة الحياء

وإن حصل فيه ضرب فأنا غير مسؤول
فبالله عليكم محدش يزعل .. لأني والله مش قاصد حد بعينه .. أنا قاصد كل المسلمين
.. وعلى رأسهم الملتزمين
واسمعوها مني كلمة ..
أنا جاي أحكيلكوا على حكايات كل يوم بنسمع عنها ومش واخدين بالنا منها ولا مدركين أثرها على نفسنا وعلاقتنا بربنا وبالحياة حوالينا والمستقبل اللي بيستنانا
الحكايات دي حصلت مع بنات اتمدنوا ودخلوا ع النت
.. وشباب كمان كان الجدع من دول يدخل ع النت وقلبه بيدق وبيدعي ربنا
يارب ألاقي حبيبتي أون لاين .. قصدي أختي أون لاين
تعالوا بقى نشوف السيناريوهات اللي بيعملوها الشباب ع البنات والبنات ع الشباب أون لاين ونشوف إيه آخرة اللي بيحصل
يفتح الستار

الشاب من دول يدخل المنتديات أو ( المدونات ) .. والفيس بوك ..... يا سلام
ويكتب بقال الله وقال الرسول وأختي الفاضلة .. وأختي الكريمة والبنات نشتغل جزاك الله خيراً يا أخي ،
جعله الله في ميزان حسناتك
شوية وينشن أخونا ده على واحدة حسب مزاجه بقى في الرقيقة وفي المشاغبة وفي الحونينة !
وفي الجامدة قوي واللي بيحب يتحدى نفسه ويسيطر على مشاعر النوع الأخير ده من البنات يبدأ برسائل خاااصة للبنوتة دي
والله دي وصلة موضوع ليا أبقى سعيد لو علقتي عليه يا أختي الفاضلة
شوية .. ونلاقي البنت دايرة ورا مواضيعه وبتتابع كل نفس ليه أو تعليق أنجذبت ليه .. ما هو متديييييييييين بقى وعارف ربنا
شوية ويقولها : ده إيميلي يا أختي لو تحبي تضيفيني على الماسينجر ونكمل حديثنا عن الموضوعات الدينية والفكرية اللي بطرحها
وهنا بقى لو فرضنا إن البنت دي من البنات اللي ماسكين نفسهم شوية وقالتله
: أنا مستحرمة أتكلم ع الماسينجر وكدة
يبدأ بقى السيد الحاج المتأبلس بإقناعها كالتالي :
يعني ما كلامنا ع المنتديات والمدونات والفيس بوك زي الماسينجر برضه
دا أنا روحت دار الإفتاء بنفسي وسألتهم وقالولي مدام الكلام محترم
والحديث في كلام عادي ولا يتطرق لكلام رومانسي أو على الحياة الشخصية خلاص مش حرام !!
تقوم البنت تصدقه .. وتصدقه لحالتين
إما أنها ثقافتها الدينية والتزامها مش ولابد وهي واثقة فيه ثقة عمياء أو علشان هو متدييييييييييين
وطبعاً الدنيا في النت ضلمة واما لأن هواها جاااي على كلامه وهي بتتلكك من الآخر وعايزة تكلمه بسبب الميل الطبيعي بين الجنسين .. الشباب والبنات يعني
ْْْويبدأ الكلام الأول يكون بالألقاب أختي الفاضلة ، أخي الفاضل .. متنشيين يعني
ويكون الكلام إيه رأيك في الموضوع الفلاني والرأي العلاني

وبعدين بما إن أخونا عارف إن البناااات ناقصات عقل بسبب عنصر العاطفة اللي بيتغلب عليهم فيبدأ يدخل للغلباااانة من هنا
دا أنا النهاردة مخنوق ومش قااادر أتكلم .. تعبان في حياتي ولا أنا أخويا ماااات وأنا صغير وحااااسس بالحرمان بعديه

وماليش حد أشتكيله وافضفضله وببعض الحديث الدرامتيكي بقى على حبة أفلام هندي من اللي انتوا عارفينه
تقوم تبدأ البنت تحن بقى .. ويبدأ الخضوع بالقول .. قصدي المواساة معلش يا فلان ربنا يصبرك ..
طب لعلمك بقى أنا كمااااااان حصلي استبحس في قفايا وأنا صغيرة والدكاترة مش لاقينله دوا لغاية دلوقتي

وخطوة بخطوة .. تتشال الألقاب وندخل في الحياة الشخصية أحكيلك وتحكيلي .. وأقولك وتقولي ..وأنا والله ارتحتلك ربنا يكرمك ويجعله في ميزان حسناتك
وبعديييييييين !! يقولها إيه ؟؟بصوا بقى كويس وركزوا في الكلمة دي
إني أحبك في الله ،
هههههههه ،

شايفين اللعب على أصوله طبعاً ما هو الأخ ملتزم وساعات بقى لما تزنق معااااه قوي يقولها إني أحبك جداااا في الله

شوفتوا بقى كلمة "في الله" اللي لزقينها دي!!!طيب عايزين يحبوا بعض مع ألف سلامة بس ما يتمحكوش في الدين بقى وفي الله وإني أحبك في الله ،
ما تقولها صراحة وخليها عالمكشوف اشمعنى في الله يعنى ييقولك يعني علشان كدة يبقى ثبت البنت يعني

.. هي هتقوله عيب ليه مثلاً دا حتى بيقولها في اللــــه ولو اعترضت بقى يقولها ده الرسول صلى الله عليه وسلم حتى لما كان الصحابي واقف جنبه ومر راجل تاني من أمامهم فقال الصحابي لرسول الله صلى الله عليه وسلم إني أحب هذا الرجل فقال له رسول الله صلى الله عليه وسلم : وهل أخبرته ؟ قال : لا ، قال : فاذهب فأخبره
وأنا دلوقتي بخبرك يا حبيبتي في الله

إبليس مش بقول لكم يزين له الشيطان سوء عمله .. ويزين للبنت كمااان سوء عملها بس البنت هنا بتعاني من أكتر من ضغط ..

ضعفها الطبيعي وعاطفتها ، زائد هوى النفس ،زائد وسوسة الشيطان ، زائد وسوسة إبليس اللي هو يعني صاحبنا

أما صاحبنا فعنده هوى نفسه ، ووسوسة الشيطان بس الضغط قليل شوية علشان كدة بيعرف يخطط كويس ويدبر منين يوقع فريسته المهم يستمروا ،
وبعدين ييجي يقولها لو غابت كام يوم عنه ما كلمتهوش ع الماسينجر
إنتي غبتي فين ؟؟ دا أنا قلقت عليكي قوي والله ! طيب ممكن أطلب منك طلب لو سمحتي

شوفوا الأدب بقى ! شوفوا الأدب واتعلموا فالبنت تقوله : اتفضل بنت مؤدبة .. مؤدبة يعني !! يقولها إيه بقى ؟؟
ممكن رقم تليفونك علشان بس لو غبتي أقدر أطمن عليكي مش أكتر صدقيني وممكن كمان نبقى نصحي بعض في صلاة الفجر ..

ونعين بعض على قيام الليل ولو مش عايزة خلاص واعتبريني ماقلتش حاجة .. ودي حريتك وأنا بحترمها جداً!!!! تقوم البنت برضه تكابر وتقاوم في البداية ..
وتقوله حراااام يقولها هبعتلك رسالة عليه بس !! مش هتكلم صدقيني تقوله آآآآه .. لو رسالة بس .. ماااااا!! ماشي وتلاقيه تاني يوم يتصل بيها ..

إذا ماكنش في ساعتها ويبدأ أخونا بقى في النحنحة نحانيحي نحانوحو
ولو اعترضت البنت برضه يقولها : يعني انتي مش بتكلمي البياع اللي بتشتري منه مثلاًما بتطلبيش طلبااااتك من السوبر ماركت بالتليفون ولا إيه

ومش برضو انتي في جامعة .. يعني بتكلمي زمايلك لما تحتاجي منهم حاجة ساعات ما دي زي دي ..
ولو البنت كابرت برضو بصوا بقى للكلمة الجاية دا لو زنقته يعني وجابتله بقى حديث أو آية بتعارض اللي بيقوله ، فيقولها إيه

استفتي قلبك .. يا سلاااااااااام سلم ع اللي بيتكلم ، استفتي قلبك يا حونييييييييييييين يقولها ما هو قلب المؤمن دليله .. دليلي احتاااار دليلي احتااااار على رأي واحدة زيهم
وبرضو لأن هوى البنت جاي مع الكلام وكل اعتراضاتها كانت من نوع حلاوة الروح يعني ضعيفة من أساسه وبتفرفر من الشبكة اللي حوطتها بيها ..
فتتكلم!!!
بس بقى ويبقى مش فاضل غير إنه يكلمها ع الكاميرا أو يشوف صورتها ويبعتلها صورة وكدة بقى .. بحجة برضو : مش عايزة تشوفي أخوكي شكله إيه ؟؟

ممكن أشوف أختي شكلها إيه !! ما هما أساساً إخواااااااااات في ميييييييين ؟؟؟في الله .. في اللـــــــــــــــــــــه ، أوعوا تنسوا ..
برضو بيتمحكوا مفيش فايدة ويكمل بقى : احنا اتفقنا إن احنا أخوة في الله ما تخافيش مني ده أنا أخاف عليكي أكتر من نفسي وهكذا دواليك .. وتقنع البنت نفسها إنه أخوها يا عيني في الله وهي أخته برضو يا عيني في الله .. غلااااااابة غلابة الجوز والله وبعدين تقع في حب أخوها في الله .. وتتعلق بيه ..ووالله أعلم هيقف الموضوع لحد كدة ولا هيكمل في سكك تانية وفي جميع الحالات نهاية السكة دي غالباً بتبقى "أمك في العش ولا طااااااااارت"
وتتفاجأ بقى إن صاحبنا مش حاططها في دماغه أصلاً
.. وكان مجرد بيلعب بيها وبعشرة زيها
وجوااااااااااز مين يا ماما اللي بتقولي عليه ..
أنا ما اتجوزش واحدة كلمتها ع الماسينجر وكلمتني
ما اللي يخليكي تعملي كدة معايا .. هتعمليه مع غيري ولو واجهته بالكلام بتاااعهم الأولاني يطلع نفسه زي الشعرة من العجين

وتطلع البنت في الآخر هي اللي فهمت قصده غلط وإنه ما كنش يقصد ..
وإن تفكيرها سطحي وبتسئ الظن بالناس وإنه غلبااااااان وطيييييييييب وعارف ربنا وإنها بتفتري عليه منها لله
لأ كمان .. ده ممكن يطلع متجوز بقى ويعيش عليها ويقولها إنه عارف إنها بتحبه وقال لزوجته وزوجته قالتله براحة شوية ع البنت بلاش تقولها إنك متجوز !!

علشان ما تتصدمش وعلشان كدة هو كان هيقولها على كل حاجة بس هي اللي ما صبرتش واتهمته بإنه لعب بمشاعرها ما الحكاية أصلها كلها هجص من الأول فمش فارقة بقى

وهكذا لنهاية المشهد ويسدل الستار على بنت وشاب احتقروا نفسهم وقلوا من قيمتهم وعصوا ربنا وخاااانوا الأمانة يا شبااااااااب ويا بنااااااااات مفيش حد معصوم من الخطأ كل بني آدم خطاء
وخير الخطائين التوابون

يا شاب يا اللي بتضحك على نفسك وفاكر نفسك ملاك أو على الأقل صحابي فوق لنفسك واعرف قدرك

أو يا اللي بتتسلى على بنات الناس خليك راجل بقى و تحمل تصرفاتك و اعرف إن عندك أخت و لا بنت ولا زوجة و لا أم ، تخاف عليهم
و تتقى ربنا فيهم

أي بنت ضحكت عليها في يوم صدقني هتتردلك فى بناتك أو في أختك مش بعيد فى الوقت اللى بترسم فيه إنك توقع بنت ،
تلاقى أختك مع راجل برضو بيرسم عليها علشان يوقعها وأنت مش شايفها و لا هى شايفاك

لكن ربنا شايفكم كلكم وتجارب الحياة طافحة بالأمثلة دي مش خايف من ربنا ؟؟
مش خايف تيجى فى يوم تلاقى واحد بيكلم مراتك عالتيلفون
و لا على الشات و لا على اى حاجة؟؟
مش خايف ربنا يقبض عمرك و انت بتتكلم فى اللحظة دى معاها
و تبعث يوم القيامة على نفس وضعك دة ؟؟
هتقول ايه لربنا ساعتها ؟؟
يابنااااات أهاليكم واثقين فيكم وجايبين لكم الموبايل و لا الكمبيوتر
علشان تستفيدوا منه أو ترفهوا بيه عن نفسكم وواثقين إن بنتهم بعيدة عن الشبهات و انهم أحسنوا تربيتها ،
تيجى فى الأخر و تبقى اقل من ثقتهم فيكى تيجى فى الاخر و تخونى الأمانة
الأمانة شئ عظييييييييييييييم
و الحساب على تضيعها عسيييييييييييييييييير
روقيتك امانة .. نظرك امانة .. سمعك أمانة كل ذلك كان عند الله مسئولا
.. و هتحاسبى عليه أمك وأبوكي مش شايفينك و انتى بتكلمى فلان ولا علان بس ربنا شايفك و مطلع عليكي بتخافى من دول و مش خايفة من ربنا
اتقوا الله .. اتقوا الله .. اتقوا الله
وكفانا معاصى .. كفااااااانا ذنوب ،كل واحد يبدأ من نفسه ، ويراجع حساباته مع ربنا
انا بقولكم الكلام ده لأنى زعلاااان جداً من الحكايات و الروايات اللى بتتحكالى
و اللى بشوفها قدامى بقولكوا كدة لأنى بحبكم في الله و خايف عليكم
خايف على الشباب والبنات من المعاصى و الذنوب
و خايف على القلوب الصغيرة من الإنكسار
"وسارعوا الى مغفرة من ربكم و جنة عرضها السموات و الأرض أعدت للمتقين".
.آخر حاجة مش معني كلامي ده إن أي حد يدخل على النت تبقى دي نهايته النت ده ممكن يكون باب خير كبيييييييييييير
بس والله دي خطوات والشيطان شاطر بيمشينا على مهلنا لحد ما يزحلقنا
وما نقدرش نقوم غير بصعوبة وعارفين يعني إيه يزحلقنا ؟؟
يعني افرضوا واحد ماشي على أرض مستقيمة
وبعدين الأرض دي بقت منحدرة وناعمة وعليها صابون مجرد ما ينقل رجله من أرض الاستقامة للانحدار
هيسقط لتحت لتحت لتحت
من غير ما يقدر يمسك نفسه لغاية ما يوصل للقاع .. ويمكن يكون القاع ده مستنقع
خطوة .. هي البداية خطوة علشان كدة الباب اللي يجيلك منه الريح سده واستريح
يعني ما نستسهلش ولا نقول إحنا هنجرب وهنخلي بالنا" ولا تتبعوا خطوات الشيطان "
مفيش حاجة اسمها أخ ملتزم أو أخت ملتزمة بيكلموا بعض في شاتينج لوحده ممفيش حاجة اسمها ضرورة أو على الفيس بوك او المنتديات
إيه المانع لما يكون النقاش الضروري ده علني وقدام كل النااااس ونتقيد بحدود الحوااار بين الطرفين علشان نسد أبواب الشيطان

وقتنا ده غااالي ودعوتنا عايزة ناس هممها عالية ، إسلامنا محتاجنـــا
ليه نشغل تفكيرنا وعواطفنا ووقتنا ونأخر أولوياتنا علشان حاجات تافهة زي دي
فلنُعلي الهمم
ويارب ما أكونش تقلت عليكم
وجــــزاكم الله خيراً

************************
ايه رأيكم بقى فى الموضوع ؟؟؟
ـــــــــــــــــــــــــــــــــــــــــــــــــــــــ
أنا نقلت الموضوع ده علشان يذكرنى قبل أي حد تانى وعلشان لما شيطانى يوسوسلى بحاجه أرجع للكلام اللى نقلته وعلشان أبدأ معاكم صفحه جديده وعلشان نشجع بعض أننا نقرب لربنا أكتر وأكتر أنا والله ربنا يعلم أنا مش بدعى الألتزام بس بحاول أخد خطوه فربنا غفور رحيم ولعل هذا الموضوع ينفع حد منا
فربنا لا تؤاخذنا أن نسينا أو أخطئنا
أيه رأيكم نبتدى من النهارده بلاش نتكلم فى الشات غير البنات مع البنات والشباب مع الشباب وبلاش رسائل خليها على العام أكيد الكلام هيكون فيه حرص أكتر وأخيراً بلاش نعمل تاج (بخصوص الفيسبوك) لللأغانى يا سيدى عاوز تسمع أغنيه أتحمل ذنبك بس مش لازم تحمل نفسك ذنوب الأخرين

منقووووووووووووووووووول

[mohammad 0]

وعلى سياق الموضوع تأتي هذه الكلمة - منقول ايضاَ

اختي .....

لاتفتحي قلبك لأي شاب

حتى إذا شعرتِ الصدق في كلامه

الا بعد العقد الشرعي

{وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم

إن لم تفعلي ذلك... ستتعبين
إذا دخلتي الحب لكي تجربيه .. ستندمين
لأنك بعد اول خطوة .. لن تتراجعين
والله امرنا أن لا نمشي ورا خطوات الشيطان

{يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ }(21) سورة النــور

كلنا نحب نلاقي الصدر اللي نحن إليه وقت السعادة ووقت الحزن

والقلب الذي يأوي إليه بعد أي مشكلة تصادفنا في حياتنا

كلنا نحب نحكي ونثرثر مع اللي نحبهم ونلمس الحنان والصدق في كلامهم

لكن

طاعة الله احلى واجمل من أي معصية

هي معصية حتى لو كانت العلاقة بريئة والحب شريف

لان الاسلام منع أي علاقة بين الفتاة والشاب الا بعد العقد الشرعي

ليس لكي يضيق عليك

لا


بل ليحمي صدرك الطاهر .. ان يتعلق بالاوهام والاحلام

ولكي يحمي قلبك الابيض .. ان يمتلي بنقاط المعاصي السوداء

ولكي يحمي عقلك الصافي .. ان ينشغل بالتفكير والهواجس

هل تذكري كيف كنتِ قبل هذه العلاقة التي تقولي عنها بريئة وشريفة

كنتِ لا تعرفي من هذه الدنيا الا امك وابا ك وعائلتك

كنت تحبي أن تجلسي لتقرئي القرآن وبعض الكتب النافعة وتسمعي بعض الاشرطة الدينية

كانت حياتك عفيفة وطاهرة .. مليئت بالنوووووور

ومنذ أن تعرفتي عليه

أصبحتِ تفتحي عينك على ذكره وكلماته

وترررركض على الجهاز لكي تفتحي المسنجر

او على الجوال اذا كانت العلاقة متقدمة

لم يصبح لديك وقت الا للاحلام

والكلام والضحك

واحيانا الغيرة والهواجس والبكاء والدموع

سجادتك تشكي

ومصحفك يئن

{وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُورًا } (30) سورة الفرقان

ولماااااذا كل هذا

فكري قليلاً
هل تستاهل هذه المعصية انك تخسري رضا الله من أجلها
هل تستاهل هذه المعصية انك تحسي بأنك تخونين نفسك واهلك

تظنين ان الدنيا ستجمعك مع حبيبك في يوم من الايام

غيرك جرب .. وقلييييييييل من نجحوا وجمعتهم الدنيا

وحتى من جمعتهم الدنيا

اكتشفت ان زوجها الملاك .. رجل عادي

يزعل ويخاصم ويشك ويعصب ......


واللي ماجمعتهم الدنيا اصناف ..


في واحد تركها بعد ماراحت حلاوتها

وفي واحد تركها لانه اعتبرها لعبة .. واللعبة انتهت .. ومل ومنها .. ولا يحب أن يعيدها مرة ثانية ..

يحب أن يجرب لعبة جديدة

ويتركها لاحلامها اللي تبعثرت

وقلبها اللي تحطم

وتذهب و تلملم جميع ذكرياتها


وتعيش معاها هذه الذكريات بقية حياتها


حتى وإن تزوجت

سيكون الزواج بدون طعم

لانها يمكن أن تعيش بقلبين

قلب مع زوجها

وقلب مع حبيبها


اختي

اتمنى أن تفكري بعقلك

وارفعي من أمام عينك غشاوة الحب


وابدئي نظفي قلبك من نقاط المعاصي السوداء التي تجمعت طول الايام الماضية

تعالي وتذكري معي هذا الحديث

قال رسول الله صلى الله عليه وسلم يقول :


(تعرض الفتن على القلوب كالحصير .. عودا عودا
فأي قلب أشربها نكت فيه نكتة سوداء
وأي قلب أنكرها نكت فيه نكتة بيضاء
حتى تصير على قلبين
على أبيض مثل الصفا .. فلا تضره فتنة ما دامت السماوات والأرض
والآخر أسود ، مربادا ، كالكوز مجخيا ، لا يعرف معروفا ولا ينكر منكرا)

إذا تركتي قلبك دون تنظيف .. سيصبح بعد فترة اسود

مثل الوعاء المقلوب

الذي لا يمسك الماء

وتصبحي بعد فترة .. تظني الخطأ صح .. والصح خطأ

وتقدمي علاقتك مع حبيبك .. على علاقتك مع الله

اختي ..


إن الله سيسألك عن سمعك وبصرك وقلبك

{ إِنَّ السَّمْعَ وَالْبَصَرَ وَالْفُؤَادَ كُلُّ أُولئِكَ كَانَ عَنْهُ مَسْؤُولاً} (36) سورة الإسراء

قفي الان ياطاهرة

واقطعي كل علاقة تذكرك بماضيك

وهذا الأمر سهل جداً
بشرط ان تفعلِي ذلك لله .. وفي مرضات الله

ولاتتراجعين أو تترددين

لانك إذا تراجعتي خطوة .. ستتقدمي خطوات في طريق الشيطان

قد تتيأسي..

وتبكي...

كل ذلك سيكون في ميزان حسناتك


وستسقط الدمعة الساخنة .. باردة على قلبك الطيب

وتغسل قلبك الذي كان مليئاً بالنقاط السوداء .. حتى يصبح ابيض صافي

وتذكري قول الله عز وجل
{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ} (69) سورة العنكبوت

أي مجاهدة النفس على هذا الأمر
وابشري

سيعوضك الله عن الذي قد مضى منك...
ويهديك طريق الحق

الله يملا قلبك بالهدى والنور

ويملا حياتك بالسعادة والسرور
.
لم تخلق المرأة من رأس الرجل .. حتى لا تتعالى عليه
ولا من رجله .. حتى لا يحتقرها
بل خلقت من ضلعه ، لتكون تحت جناحه .. فيحميها
وقريبة من قلبه

[mohammad 0]

اسأل الله تعالى أن يرزقنا الصدق والإخلاص ، وأعوذ به أن أذكر به وأنساه . ...

[هادى 0]

جزاك الله خيرا يا اخى محمد
ياااريت البنات المضللات بالافلام والاغانى.يقرأوا الموضوع بجديه ويستفيدوا منه لانهم هم اللى هينضروا لو انساقوا فى طريق الشيطان مش اى حد تانى

[عمرو الشاعر 0]

اللهم اهدى أمة المسلمين

[man y man 0]

الله عليك ولد ... ربنا لا يحرمنا من موضوعاتك الهادفه

...اني احبك في الله ...

اوعي تفهمني غلط مش عاوز الاميل علشان اكلمك علي الماسنجر

بالرغم اني لم اراك وبالرغم من انه لم تجمعنا سابق معرفه ... ولكن

والله والله والله اني احبك في الله ...

[mohammad 0]

شكرا هادي وعمرو للمرور الكريم
ربنا ينفعنا ويعلمنا

متشكر جدااااااااااا يامان على الكلام الجميل
القلوب عند بعضيها
واحبك الله الذي احببتني فيه


بالرغم من انك لسة زحلان ومش عارف من مين؟؟ هههههه

[عمرو الشاعر 0]

متشكر جدا يا محمد

[Hamdy Tawfik-manar9 0]

حلوة اختي اون لاين دي

لقد اضناني الهوي ياختاه !!

جزاك الله خيرا يامحمد

[man y man 0]

mohammad كتب:

بالرغم من انك لسة زحلان ومش عارف من مين؟؟ هههههه

ها غير الصوره ياعم ... ودا بس علشان خاطرك ... اعمل اه بحبك في الله

[enigma_sinai 0]

انا شفت عنوان الموضوع قلت بيتكلم عن الموتوسيكل..خاصتا بتلاقى الايام دى واحد واخد عيلته على الموتوسكل وماشى

شكرا على النقل أخى محمد..وفعلا انا لاحظت بعض هذه التصرفات فى غرف البالتوك اللى المفروض انها بتدعى لله ورسوله
الله يهدى الجميع

[somya 0]

[size=24]جزاك الله الفردوس الاعلى
يا اخي في الله( ما تفهامونيش غلط)[/size]