الامتحان التحريرى 18/9/2010 اليوم السبت......مساعدة !!!

[Gandhi 0]

السلام عليكم ورحمه الله وبركاته
انا الحمد لله كنت فى الامتحان التحريرى لكلية اداب ترجمة انجليزى والحمد لله الامتحان كان سهل كده وعبارة عن سؤالين
السؤال الاول / كتابة برجراف عن اى شخصية مشهورة فى خمش جمل او اكثر
السؤال الثانى / ترجمة الى العربى كانت عن الكمبيوتر والانترنت والحمد لله يعنى كانت سهله جدا
انا عندى سؤال هل لاقدر الله فى حد سقط فى التحررى بيكمل ويمتحن شفوى ولا الاثنين بيكملوا بعض ؟
والامتحان الشفوى يوم الثلاثاء والواحد خايف جدا ياريت لو حد يعرف حاجة عن الامتحان الشفوى بيكون ازاى وبيكون دكتور واحد اللى بسالنا وياترى بيسال عن ايه ؟

[عمرو الشاعر 0]

اعتقد ان كل امتحان لى نتيجتو ولابد من النجاح فى الاتنين مينفعش نجاح فى واحد والامتحان الشفوى غالبا بيدخل 3 طلبة مع بعض وبيقعدو مع دكتور او دكتورة وايه اللى بيجى فى الامتحان غالبا معلومات عامة ولكن طبعا حسب الكلية ولغتها يارب اكون افادتك

[Gandhi 0]

متشكر جدا ياعمرو على اهتمامك

[عمرو الشاعر 0]

متقولش كده احنا اخوات وتحت امرك فى اى سؤال

[Hamdy Tawfik-manar9 0]

gandy كتب:

السلام عليكم ورحمه الله وبركاته
انا الحمد لله كنت فى الامتحان التحريرى لكلية اداب ترجمة انجليزى والحمد لله الامتحان كان سهل كده وعبارة عن سؤالين
السؤال الاول / كتابة برجراف عن اى شخصية مشهورة فى خمش جمل او اكثر
السؤال الثانى / ترجمة الى العربى كانت عن الكمبيوتر والانترنت والحمد لله يعنى كانت سهله جدا
انا عندى سؤال هل لاقدر الله فى حد سقط فى التحررى بيكمل ويمتحن شفوى ولا الاثنين بيكملوا بعض ؟
والامتحان الشفوى يوم الثلاثاء والواحد خايف جدا ياريت لو حد يعرف حاجة عن الامتحان الشفوى بيكون ازاى وبيكون دكتور واحد اللى بسالنا وياترى بيسال عن ايه ؟

الموضوع ده ممكن يفيدك

/montada-f20/topic-t1250.htm

[Gandhi 0]

والله ياجماعة انا مش عارف اشكركم ازاى
والله انا متشكر جدا جدا جدا على اهتمامك
وصح زى مانا قرات عن المنتدى انه كله بيساعد بعضة

[om_maram 0]

اللى بيدخل هنا استحالة يخرج تانى

[mohammad 0]

السلام عليكم

لابد من اجتياز الاختبار التحريري لكي تتمكن من دخول المقابلة الشفوية .
وامتحان الشفوي بيكون كل طالب على حدى ( منفردا ).

[Gandhi 0]

om_maram كتب:

اللى بيدخل هنا استحالة يخرج تانى

صح عندك حق....

[Gandhi 0]

mohammad كتب:

السلام عليكم

لابد من اجتياز الاختبار التحريري لكي تتمكن من دخول المقابلة الشفوية .
وامتحان الشفوي بيكون كل طالب على حدى ( منفردا ).

شكرا جدا يامحمد وانا اتاكدة من هنا انهاردة من الجامعة
بس فى سؤال محيرنى....!! الامتحان كان عبارة عن سؤالين هل كل سؤال من عشر درجات....يعنى لو الامتحان من 20 وانا جبت مثلا من 10 درجات لفوق يبقى 10 درجات دول ينجحونى ولا لا ؟
ولا لازم اجيب مثلا 70% او اعلى ولا النجاح بيكون ازاى ؟
اللى عند اى معلومه يفيدنى وشكرا لكل من ساهم واهتم

والله منتدى جمييييييييييل جداااااااااا

[Hamdy Tawfik-manar9 0]

نتائج الامتحان التحريري لكلية الاداب انجلش

http://www.ou.cu.edu.eg/NewsDetails.aspx?NewNumber=1006&IsHomePage=1

[عمرو الشاعر 0]

النجاح فى الامتحان التحريرى هو درجة النجاح بس مالوش علاقه بجاوبتى واحد واللا اتنين ولكن الاختلاف هنا على النتيجة الكلية للانتر فيو يعنى لازم النجاح فى الشفوى والتحريرى اتمنى اكون جاوبت على استفسارك

[عمرو الشاعر 0]

مساء الخير يا أستاذ حمدى ويارب تكون بخير وارجو من حضرتك اى ملخصات لبعض مواد كلية الاعلام الترم التانى مادة الترجمة الاعلامية - مقدمة فى مناهج البحث العلمى - اللغة الاعلامية - فن الاعلان الصحفى - الاخبار الاذاعية والتليفزيونية .

[عمرو الشاعر 0]

ايه يا استاذ حمدى يعنى مرديتش على استفسارى

[Honey Bunny 0]

اقتباس :

ايه يا استاذ حمدى يعنى مرديتش على استفسارى

السلام عليكم

الاستاذ حمدي وكذلك 99% من أعضاء المنتدي أداب انجليزي وكل ما علي مكتبة المنتدي الدراسية يخص أداب ترجمة زي ما حضرتك ملاحظ لاننا بنرفع مواد الترمات المختلفة لكي يستفيد بها الاخرون
ورحمة بهم من صعوبة التعامل مع الموقع الرسمي للكلية ...اذا اللي حضرتك شايفه ما هو الا تفاعل طلاب كليه معينة مع بعض واعتقد انه الوضع هيكون افضل اذا توافرت نفس الروح والايجابية دي في طلبة اعلام ...اخيرا ربنا ييسر الامر ويتفاعل معاك اي حد في ترمات اعلي في اعلام ان شاء الله .

[mohammad 0]

يا استاذ عمرو حضرتك اعلام
طيب السؤال عن اداب انجليزي
وفي اداب انجليزي الوضع مختلف عن اعلام
وزي ما قلت انه لابد من اجتياز الاختبار التحريري لدخول الشفوي
يعني يلزم النجاح اصلا في الاتنين يعني المجموع مش تراكمي
وعموما السائل خلاص عدى المراحل دي وان شاء الله موفق

وبخصوص استفسارك زي ما قالت اختنا المشرفة ان المنتدى اصلا كان بيقتصر على طلبة اداب انجليزي فقط والاقسام الاخرى اضيفت مؤخرا
وانت ان شاء الله اللي هاتقدم هنا وتفيد الكل

[Gandhi 0]

السلام عليكم جميعا
الكل يقولى مبروك بقى عشان انا نجحت فى التحريرى الحمد لله وعقبال الشفوى بكرة ان شاء الله
ولا اقولكم خلوا كلمة مبروك دى بعد الشفوى ان شاء الله
والله الله المنتدى ده وشه حلو عليا ان شاء الله كل اعضاء كمان
وخصوصا الاستاذ حمدى المدير العام شكر خاااااااااااص جدا وش حضرتك حلو عليا اوى والله
حضرتك بعت الموقع ودخلت لقيت نفسى ناجح والحمد لله

هل نتيجة الشفوى بتظهر وانا هناك فى نفس اليوم لا بعد الامتحان بيومين ولا ايه ؟
بالله عليكم كل اللى شاف الموضوع يدعيلى من قلبه لله....

[mohammad 0]

مبروك مقدما ان شاء الله نااااااااااااجح
انا مش عارف موضوع النتيجة
بس انت بتحس النتيجة من الاجابات ومن الممتحن

[Honey Bunny 0]

اقتباس :

الكل يقولى مبروك بقى عشان انا نجحت فى التحريرى الحمد لله

[Gandhi 0]

ربنا يسترها ان شاء الله
وبكرة اول ماجى هعرفكم اللى حصل ويكون خير باذن الله

[عمرو الشاعر 0]

ياريت الناس اللى امتحنت تطمنا عليهم

[Gandhi 0]

السلام عليكم
دلوقتى اقدر اقول ليكم تقولوا ليا مبروووووك
الحمد لله نجحت فى الشفوى والدكتورة اللى امتحنتى تقريبا اسمها شهيناز عسولة والله
المهم انا دخلت انا 2 معيايا يعنى كنا 3 والدكتورة بتضحك كده وقالت متخفوش انتم متوترين كده ليه عادى يعنى
المهم بدات تسال اللى كان جنبى سالتوا انت انت عاوز تلتحق بالكليه دى ليه ؟ فجاوب وبعدين قالت له انت بتشتغل معرفى يرد فاعادت السؤال تانى فقال اه قالت له بتشتغل ايه ؟ معرفشى يرد فقالت له هسيبك للاخر وبعدين دخلت عليا بقى.....الحمد لله ولله الحمد انا كويس جدا جدا جدا فى التحدث فى الانجليزى الحمد انا مش بحب اقول كده عن نفسى يعنى. المهم بدات تسال وانا الحمد لله اجاوب وظلت تسالنى وانا اجابى واتحاور معاها اكنى بتحاور مع واحد صحبى ولله حوالى ربع ساعة وتضحك معايا والله كان يوم زى العسل وفى الاخر قالت ليا انت ناجح you are acceptable Gandy thank you
بالظبط قالت ليا كده
انا كنت مع الدكتورة شهيناز وكان فى دكتورة تانية مش عارف مين كل واحدة بتاخد اربع طلاب
ايه اللى المفروض اعملة بعد كده عشان اقدم ؟؟؟؟

[عمرو الشاعر 0]

اعتقد انى زى ما قولتلك كل 3 مع دكتور او دكتور لكن واحد قال انى كلامى غلط عموما الف مليون مبروك وربنا يوفقك فى الدراسه انشاء الله

[عمرو الشاعر 0]

التقديم سهل جدا اولا هتروح المركز وهتدفع 50 جنيه فتح ملف وطبعا معاك الاوراق الرسميه وبعد كده هيدوك الملف تملاه وبعد كده هتروح على شباك تانى تدفع الفلوس بتاعت المواد اللى انت اختارتها وبعد كده هتروح المكتبه بايصال تسديد تستلم الكتب والسى دى هات والكارنيه وبس كده

[mohammad 0]

ايوه مظبوط
بس انا كنت فاكر قصدك ان الـ 3 بيجاوبوا مع بعض
زي " بسم الله الرحمن الرحيم الاجابة طنطا "
انت فهمت

[عمرو الشاعر 0]

فاهم قصدك طبعا يارب بس نقدر نفيد الناس

[Gandhi 0]

الله يبارك فيكم
هو ياجماعة الواحد ممكن لو جاب تقدرات كويسة ان شاء الله ينفع يشتغل معيد فى الجامعة ولا لأ ؟
وهل فى رحلات زى الجامعة بالظبط وكده ولا ايه ؟

[Gandhi 0]

وان شاء الله ايه الشغل المتاح للواحد بعد التخرج ان شاء الله؟
معلشى ياجماعة والله بتأل عليكم وبسال كتير معلشى سمحونى!!!
شكرا

[Hamdy Tawfik-manar9 0]

عمرو الشاعر كتب:

مساء الخير يا أستاذ حمدى ويارب تكون بخير وارجو من حضرتك اى ملخصات لبعض مواد كلية الاعلام الترم التانى مادة الترجمة الاعلامية - مقدمة فى مناهج البحث العلمى - اللغة الاعلامية - فن الاعلان الصحفى - الاخبار الاذاعية والتليفزيونية .

مساء النور ياعمرو

اولا ياريت التعامل يبقي بدون القاب ...يعني حمدي وعمرو

ثانيا .. ياريت لما يكون عندم استفسار بعيد عن الموضوع الاصلي تحطه في موضع مستقل علشان التفت اليه

ثالثا : بالنسبة لسؤالك .. زي ماالزملاء جاوبوك ان المنتدي قبل ذلك كان مخصص لطلبة اداب فقط

وتم توستعته في الفترة الاخيرة ليشمل باقي كليات التعليم المفتوح

انا طالب زي زيك في التعليم المفتوح لكن انا اتخرجت الحمد لله

المواد العلمية اللي موجوده في المنتدي هي من رفع زملاء لينا في التعليم المفتوح .. يعني كل واحد بيرفع المواد اللي عنده علشان يستفيد بيها زملاؤه

اتمني مع الوقت يظهر طلبة الاعلام وباقي الكليات .. ويكون فيهم ناس محبة لفعل الخير ويرفعوا ماعندهم من مواد دراسية ابتغاء للاجر من الله وخدمة لاخوانهم

اتمني اكون جاوبت علي اسئلتك

تحياتي

[عمرو الشاعر 0]

متشكر جدا لاهتمامك

[الحب فى الله 0]

يا جماعة ازيكم ممكن نماذج اختبارات اداب انجليزى

لان امتحانى يوم السبت 6 نوفمبر يارب اتقبل بها
وبعدها المقابله دعواتكم

[basma abo alez 0]

السلام عليكم .. انا امتحاني يوم السبت دة وعايزة حد مالي امتحن يقولي هل كلكم نفس النظام .. الامتحان التحريري عبارة عن كتابة برجراف عن شخصية مشهوره وترجمة لعربي

[marina 0]

شوف الرابط دا حيساعدك

/t1250-topic

للعلم الباجراف تكتب 5 جمل ممكن عن شخصية او اى موضوع



والسوال التانى ترجمة جملتين من انجليزى لعربى الهم احفظ كلمات وذاكر ازمنة

[marina 0]

وكمان الرابط دا

/t3389p195-topic#37630

[basma abo alez 0]

الف شكر يا مرينا على اهتمامك وردك ربنا يوفقك

[basma abo alez 0]

كنت عايزة اسأل كمان لو فيه وقت محدد للأمتحان ؟

[aml ahmed 0]

وقت الامتحان ساعه بس اللى بيخلص بيخرج بعد ربع ساعه وربنا يوفقك

[777 0]

يارب وفق الجميع

[Gandhi 0]

السلام عليكم

والله يا جماعه من ناحية الامتحان سهل جدا ومتقلقوش من اى حاجه

اهم حاجه توكل على الله وركز فى اللى بتقوله ومتخفش واتكلم بثقه....

وربنا يوفق الجميع ان شاء الله

[basma abo alez 0]

طيب الحمد لله انا نجحت في الامتحان التحريري .. بيسألوني في ايه بقا في الامتحان الشفوي ؟

[marina 0]

الاسئلة انت دخلت التعليم المفتوح لية واية رايك فى ثورة 25 يناير متجوز شغال عندك اطفال لية داخل انجليزى واداب تحب الانجليزى عايز تشتغل اية مخلص كلية ولا ثانوية عامة سنك اسمك وهكذا

[Hamdy Tawfik-manar9 0]

بيسألوه عن رأيه في الثورة ؟

جديدة الحكاية دي

علي كده الواحد لازم يعرف الدكتور مع الثورة ولا من الفلول ؟!

[الشخصية 0]

هههههههههههههههههههههههه

صحيح معاك حق

[Gandhi 0]

ربنا يوفقك الجميع ان شاء الله

[walaa mostafa 0]

انا كنت في الامتحان يوم السبت اللى فات و كان جايب اكتب عن اصعب قرار .. و قطعة ترجمة انجليزي عربي ... عن مصادر الطاقه .. و قطعة انجليزي عربي بتتكلم عن .. جحا وابنه وحماره .. و الحكمة المأخوذة من القصة