ما الفرق بين اداب انجليزى تعليم مفتوح واداب انجليزى تعليم نظامى ؟!

[nour_cota 0]

استفسار ضرورى يا شباب الخبرة انا يا جماعة مدرسة دراسات اجتماعية وقدمت فى كلية اداب انجليزى لدراسة تخصص اخر يفتح لى مجالات العمل اكثر حيث انى اجد صعوبة فى العمل بتخصصى  سواء بالمجال الحكومى او الخاص لذلك احب ان ادرس اللغة الانجليزية لاهميتها بالنسبة لى لكن اخشى شىء واريد ان استفسر هل كلية اداب انجليزى تعليم مفتوح تشمل نفس المواد التى يدرسونها اداب انجليزى تعليم نظامى اقصد من حيث المادة العلمية ؟ فانا اسال هذا السؤال لان لى صديقة اخبرتنى انهم يدرسون ربع ما يدرس لكلية اداب انجليزى تعليم نظامى  وكمان عاوزة اعرف مدى اعتراف المدارس الخاصة بهذا المؤهل؟ وشكرا

[Honey Bunny 0]

السلام عليكم نور

يعني انا شايفة انه مفيش داعي للاستماع وتصديق كل من يهول الامور والرد بسيط جدا الفرق الوحيد بينا هنا والانتظام هو انه التركيز هنا ومن اول فصل دراسي علي الترجمة لانك مش انجيليزي شعبة عامة انتي داخلة علي التخصص مباشرة وهتعرفي معني اللي بقوله من الروابط دي:

الرابط الاول لمنهج شعبة اللغة الانجليزية كليه الاداب جامعة القاهرة من الفرقة الاولي وحتي الرابعة:

http://arts.cu.edu.eg/departments/English/material.html


والثاني للمقررات الدراسية الخاصة بنا من المستوي الاول وحتي الرابع:

http://www.ou.cu.edu.eg/NewsDetails.aspx?NewNumber=222

[nour_cota 0]

شكرا لردك واهتمامك طب اللى مش عاوز يشتغل فى الترجمة ومهتم بالتدريس هل هذا الليسانس يعادل بكالوريوس تربية انجليزى او اداب انجليزى لان زى مانتى عارفة فى المدارس الخاصة بيدققوا قوى الاولوية لكلية تربية انجليزى ثم اداب انجليزى بمعنى هل يكفى ليسانس اداب انجليزى تعليم مفتوح لاقناعهم بالعمل بالتدريس ام انهم يفضلون التربية والاداب الانتظام علما بانى تربية ايضا لكن دراسات اجتماعية وشكرا ليكى يا قمر

[Honey Bunny 0]

شوفي خريج ترجمة اقوي من خريج شعبة عامة و اقوي الف مرة من خريج تربية انجليزي لانه في تربيه زي منتي عارفة الاهتمام بيكون موزع بين مواد تربوي ومواد اللغة اما انتي هنا فالتركيز منصب ع اللغة اما خريج شعبة عامة مش مطالب انه يتعمق اوي في اللغة زي المترجم اللي من المفترض انه يتقن اللغة اللي هيترجم لها تماما كاتقانه للغته الام يبقي تخيلي كده معايا ايهم افضل !بلاش كده
اكيد انتي جربتي بنفسك ع مدي سنواتك الدراسية تخبط مدرسي اللغة الانجليزية "خريجي تربية"في قواعد الجرامر بما فيهم مستشارة اللغة الانجليزية للثانوية العامة و ازمة سؤال الترجمة

وفي النهاية احب اقولك انه انتي من سيغير تلك النظرة المحبطة اذا كنتي كفء ومؤهلة لان تكوني معلمة ومربية اجيال ...اكيد هيبقالك ادواتك واسلوبك الخاص.

ربنا يوفقك وكل سنة وانتي طيبة نور.

[nour_cota 0]

وانتى طيبة يا قمر وشكرا جدا على اهتمامك وفعلا زى مانتى قولتى وانا فعلا بحب اللغة الانجليزية منذ الصغر والفيصل بينى وبين الغير مقتنعين بهذا النوع من التعليم اكيد مستوايا الللى من خلالة لازم اثبت بية وجودى وعلى فكرة الدكتورة فى الاختبار الشخصى سالتنى لية عاوزة تغيرى التخصص وجاوبتها ان انا بحب اللغة الانجليزية وان هى كمان هى اهم شىء فى هذا العصر ولها مستقبل هايل وساعتها ابتسمت وقالتلى ok great وانا مبسوطة جدا بيكى وبهذا المنتدى اللى بعتبرة فى نظرى زاخر بالكنوز فى مجال اللغة الانجليزية وبحييكى انتى والاستاذ حمدى على هذا المجهود الكبير والرائع الذى ليس لة غرض الا الحب فى الله والمصلحة العامة لاخواننا واخواتنا فى التعليم المفتوح اللى للاسف انا بشعر ان هما تايهين ومحتاجين اللى يقف بجانبهم ويساعدهم جزاك اللة كل خير واتمنى انا اشارك معكم لو مكانش بمجهودى يكون بالنصيحة ومعلش انا يعنى لسة مش قوى فى مجال النت

[Honey Bunny 0]

اقتباس :

معلش انا يعنى لسة مش قوى فى مجال النت

ولا يهمك كلنا مبتدئين محدش فينا هاكر ولا حاجة

ان شاء الله تستفيدي معانا وتتعلمي وتنمي قدرات ومهاراتك ...موفقة باذن الله.

[أسامة1 0]

أختي نور : ما تقلقيش من ناحية الشغل ، احنا لينا زميلة شغالة مدرسة في مدرسة خاصة ، و في طلبة مننا شغالين مترجمين فري لانس و أنا واحد منهم. في اللغة بالذات المستوى هو الفيصل، و لما الواحد بياخد شغل ترجمة من حد لأول مرة، بيختبره و يقوله ترجم لي الورقة دي مثلا ، و بعد كده بيقرر اذا كان هيديله شغل و لا لأ، بغض النظر عن نظام تعليمه أو جامعته. ربنا يوفقك.

[nour_cota 0]

شكرا يا جماعة على اهتمامكم وباذن الله الواحد بعد كدة هيفكر فى حاجة واحدة ازاى يستفيد م اللغة ويحاول كمان يكتشف مخابئها لان اللغة دى بحر واسع ويستمتع كمان وهو بيدرس وباذن الله مش هيشيل هم