المراجعة النهائية ... .... ترم أول آداب E

[عبد الرحمن 89 0]

هو مفيش شخصيات مهمه ولا ايه ؟؟؟؟

[waghelamar77 0]

معلش ياستار انا لسة شايفة مشاركتك الان بالنسبة للامتحان الحمد لله على قد مافهمت من الترجمة كتبت والله الموفق
واهلا بيكى فى اى وقت يسعدنى اتعرف عليكى انا فى الدمام شوفى ازاى نتقابل وقوللى واهلا بيكى منتظراكى انا كل يوم بفتح اميلى وبشوف اى رسايل تيجى من المنتدى الا فى حالة لو النت فصل ردى علية وشوفى نتصل ببعض ازاى
وانا كمان فعلا بفكر امتحن فى مصر
انا هابدا النهاردة او بكرة فى الاغلب وهابدا بالمقرر الى قالت علية الدكتورة والباقى ربنا يسهل فية

[hend nga 3]

وفيه غير اللي وضعته دعاء اسئلة معينة اكدت عليها الدكتور انا حطتها في حلقة دراسية

ما دام عبد الرحمن كسل يدور عليهم هابحث عليهم واحطهم هنا ووجه القمر انا هابعثلك رقمي

علي الخاص ويمكن نتقابل ان شاء الله لو نزلت الدمام لأن اقامتي هتكون في الجبيل لشهر تقريبا

[Doaa.M.M 0]

عبد الرحمن 89 كتب:

هو مفيش شخصيات مهمه ولا ايه ؟؟؟؟

عبدالرحمن هى الدكتورة فى الاول قالت ان الملكة اليزابيث مقررة
وبعدين فى اخر محاضرة قالت انها ملغية ......
فانت ذاكرها وخلاص احتياطى

[hend nga 3]

الأسئلة المهمة اللي ذكرتها كيرني هي....



اما بالنسبة للمحاضرات الأخيرة اليوم ففي مادة 115 الثقافية الدكتورة لغت الملكة اليزابيث

والتركيز يكون على التواريخ والمبانى فى الوحدة الأولي وعلي اماكن القصدير والذهب

اما وحدة ( الغزو الرومانى ) التركيز علي الأسئلة الأتية 1و 3و4و5

والتركيز علي الثلاث قبائل اسيتو وتاريخ 410 وقطعة الترجمة ( عام 43) التى ذكرتها من قبل

اما وحدة ( انجلو ساكسون ) التركيز علي التواريخ 410 و1066

وقطعة الترجمة والشخصيات الثلاثة هارولد وروبرت .. والأسئلة 1و 3 و 12

اما وحدة ( انجلو نورمان )التركيز علي الشخصيات الثلاثة هارولد وروبرت وقطعة الترجمة

وقطعة الترجمة والأسئلة 1 و 8 و 12

[عبد الرحمن 89 0]

شكرا يا ستار / دعاء
ومعلش بتعبكوا معايا

[om_maram 0]

السلام عليكم اخبار المذاكرة ايه معاكم ... بالتوفيق ان شاء الله

star ... جربى القاموس دا ان شاء الله يعجبك ... هو كلمات فقط بس اعتقد احسن من الايزى لينجو

/montada-f13/topic-t2801.htm#24042

دعاء ... بقولك يا قمر .. دا راى يعنى لو حبيتى تخدى بيه

ياريت تشيلى الميل بتاعك ... لان فى ناس مش محترمة ممكن تعملك اضافة

ستار ... انتى كنتى حاطة الميل شيلتيه ليه

[waghelamar77 0]

اما وحدة ( الغزو الرومانى ) التركيز علي الأسئلة الأتية 1و 3و4و5
الاسئلة دى فين ياستار فى الكتاب ولا المحاضرات المكتوبة للطباعة ولا فى معاكو حاجة مختلفة مصورنيها من الدكتورة

[hend nga 3]

وجه القمر الأسئلة دى اللي في التطبيقات

والتطبيقات الدكتورة حالة فيها كل اسئلة الكتاب وفيه اسئلة من عندها الركيز هيكون اكثر علي النقاط

اللى حددتهم وبصراحة هي ركزت علي اصعب واهم نقاط تخص المنهج حاجات لو ذاكرتيها ممكن تعديها وخاصة الأسماء

وكمان فيه حاجة تانية السنتين اللي فاتوا كانت بتجيب الأسئلة اللي اجابتها قصيرة

اظن السنة دى بما ان امتحانها نيو لوك فهتركز علي الأسئلة الطويلة

اهم حاجة كانت بتأكد عليها كيرنى هي الأسماء مثلا

الذهب والقصدير " بيجوا منيين _ اسم القائد اللي قام بالغزو الرومانى اسم الإمبراطور

اللي جابلوه التعزيزات _ اسم القبائل الثلاثة البريطانية اللي استسلموا وهكذا

[Doaa.M.M 0]

السلام عليكم جميعا

انا امتحنت النهاردة ترجمة 2 والحمد لله الامتحان كان كويس
هو كان طويل شوية بس الحمد لله عدى على خير...

أنا معاكم فى الثقافية ادعو لى الحق اخلص لان باقى يوم واحد

بالتوفيق لنا جميعا

[Doaa.M.M 0]

أم مرام
أنا لسه شايفة مشاركتك دلوقتى

وشكرا لرأيك وطبعا هعمل بيه ..

انا اصلا مش بعرف اوى فى الكمبيوتر

وده السبب فى عدم تركيزى على حاجات كتير

[hend nga 3]

انا يعتبر النهاردة اول يوم في المذاكرة كمان حصلت لي حاجات كتير عطلتنى والله مش خايفة غير من الشخصيات كنت عايزة ابتدي بيها بس حصل خير هابتدي بالجزء الأول علشان مبقاش ضيعت الكل منى وربنا يستر ومتجبلناش شخصيات لأن بصراحة اتعقدت من امتحاناتها

دعاء ركزى علي الأسئلة اللي قلت عليها الأول والأسماء واطمنى ان شاء الله نلحق نخلص

مراجعة لو فيه اى استفسار هاحاول اجاوبك عليه بسرعة

[om_maram 0]

Doaa.M.M كتب:

أم مرام
أنا لسه شايفة مشاركتك دلوقتى

وشكرا لرأيك وطبعا هعمل بيه ..

انا اصلا مش بعرف اوى فى الكمبيوتر

وده السبب فى عدم تركيزى على حاجات كتير

و لا يهمك يا قمر ... لو فى حاجة مش عارفاها راسلى استاذ حمدى

و هو ما شاء الله بيتسجيب على طول ... ربنا يبارك له

[Doaa.M.M 0]

شكرا لتعاونك معايا وتشجيعك يا ستار
وان شاء الله هنخلص مراجعة على خير..

ام مرام

اشكرك مرة تانية على النصيحة

[عبد الرحمن 89 0]

انا ذاكرت كل اللي قولتي عليه مهم يا ستار بس في حاجه قلقاني
ازاي مفيش اي حاجه مهمه من الجزء التاني من الكتاب ؟؟؟؟

[hend nga 3]

لأنها اخر محاضرة قالت انها مش هتجيب شخصيات ولغت اليزابيث معاهم بعد ما كانت

قررتها الكلام ده علي لسان اللي حضرت المحاضرة الأخيرة لكن انا ووجه القمر هنزاكر الشخصيات

لأن الكلام ده اكيد لا ينطبق علينا

[hend nga 3]

يا شباب لو ممكن حد فيكم يختصرى اجابة الأسئلة دي لأنها طويلة قوي






Why is
Shakespeare's life bound to be loaded with superlatives?


*Shakespeare's life is bound to be loaded with superlatives
because several of his plays are among the world' finest written works. Taken
collectively, his plays establish him as the foremost literary talent of his
own Elizabethan Age, and as a genius whose creative achievement has never been
surpassed.







3-Why is it necessary to place the figure of
Shakespeare against the rich tapestry of his '' Age''?


*It is necessary to place the figure of Shakespeare against the
rich tapestry of his age because without such fleshing out into historical,
social, and literary settings, the skeletal character of what we know about
Shakespeare from primary sources would make for slim and, ironically, boring
books.









5-What is the result of the interpretations of
Shakespeare's private life?


*The result of the interpretations of Shakespeare's private life
is that there is now a huge tapestry of descriptive, critical, and analytical
work about Shakespeare in existence, much of it reasonable, some of it
outlandish, and some of it hogwash.



بس يا ريت المختصر المفيد اللي يدي الدرجة كاملة

[hend nga 3]

يعني مفيش حد يرد عليا هو انا وحدي ولا ايه

ولا المهم بس هو اخذ المعلومات بالتفصيل

[عبد الرحمن 89 0]

انا بصراحه يا ستار انا مذكرتهمش بس حاولت اختصرهم معرفتش
لو معرفتيش تختصريهم اضغطي علي نفسك وحاولي تحفظيهم

[waghelamar77 0]

ولا انا اعرف اختصرهم

[hend nga 3]

يعني تقريبا كدة حفظتهم زي ماهما وحاجات بسيطة حذفتها وركزت علي قطعة الترجمة الخاصة

بالموضوع يعني احتمال تجيبهالنا

وطبعا عبد الرحمن مش هيدخل يقولنا ايه اللي حصل في الإمتحان النهاردة لأنه خلاص اخر امتحان

بالتوفيق والنجاح للجميع وان شاء الله ربنا يسترها معانا النهاردة في اخر امتحان
واتمنى انكم تطمنوني علي نتايجكم بعد ظهور النتيجة ان شاء الله

اتشرفت بمعرفتكم كلكم وسلامي للجميع

دعاء وايمان ووجه القمر وعبد الرحمن

[عبد الرحمن 89 0]

الامتحان كان كويس الحمد لله
الامتحان كان سؤالين اول واحد قطعتين ترجمه
اول واحده in may ad
تاني واحده the arrival of saint augustin in 597 convert to cristian
السؤال التاني كان عبارة عن 7 اسئله
1 when did henry seiza-
2--who supervis colchester
3-where anglo saxon come ffrom
4-what henry first thought
5-where the gold and tin come
6-who took place of william
7--what the anglo saxon chonicle

[Doaa.M.M 0]

فعلا الامتحان كان حلو وسهل جداااااا

بس أحلى ما فيه انه آااااخر امتحان عندى

أجازة سعيدة للجميع

[hend nga 3]

ختامه مسك الحمد لله

الأمتحان كان حلو وفيه اسئلة مشتركة زي قطعة الترجمة الأولي وكمان فيه

3 اسئلة

بالنجاح والتوفيق دعاء

[Doaa.M.M 0]

شكرا يا ستار

وبالنجاح والتوفيق انا وانتى والجميع

[waghelamar77 0]

الحمد لله على اخر امتحان كان جميل بالتوفيق لينا كلنا شكرا ياستار على مجهودك وعايزين نفضل ايد واحد كل ترم ان شاء الله وشكرا لعبد الرحمن ودعاء ولكل من ساعدنا ودايما نتعاون مع بعض باذن الله ووقت النتيجة هاندخل هنا ونطمن بعض ووقت دخول الامتحانات نتعاون مع بعض باذن الله
بالتوفيق لينا كلنا وسلامى للجميع