المسرحية في مادة 421 ملغية

[dalia 0]

السلام عليكم ورحمة الله وبركاته
أحب بس أقولكوا إن الدكتور سيد البحراوي لغى امبارح مسرحية باب الفتوح من المنهج، يعني مش حتيجي في الامتحان إن شاء الله.

اللهم بلغت، اللهم فاشهد

بالتوفيق للجميع

[داود مطر 0]

شكرا لك يا اخت داليا على هذا الخبر ،،، و على ضمانك مش ح ادرس هذه السرحية ، لاننا نحن طلاب نقيم في دبــي و بعيدين عن المحاضرات المباشرة ، مرة اخرى شكرا على هذا الخبر....

[Om Habiba 0]

بجد جزاكي الله خيرا

[dalia 0]

لا شكر على واجب يا جماعة، دي أمانة وأنا عارفة إزاي لما الواحد تبقى ظروفه ما تسمحلوش يحضر وماحدش يساعده. ربنا يقدرنا جميعاً ونساعد بعض

بالتوفيق والنجاح للجميع

[leaderboss 0]

ارجوكى يا اخت داليا هل انتى متأكده لان لى زميل من القاهره قال لى انها مقرره و انا حتى الان لم اذاكر شىء من الاصل لظروف العمل

[dalia 0]

leaderboss كتب:

ارجوكى يا اخت داليا هل انتى متأكده لان لى زميل من القاهره قال لى انها مقرره و انا حتى الان لم اذاكر شىء من الاصل لظروف العمل

زميلي العزيز، ده اللي الدكتور قاله بنفسه في المحاضرة، إنه لضيق الوقت "حعفيكوا" من المسرحية والطلبة سقفوا له وشكروه...حضرتك زميلك اللي في القاهرة ده حضر ولا سمع من حد؟ عموماً يا جماعة، اللي قلقان ممكن يبعت رسالة للبريد التعليمي ويتأكد برضه

[Om Habiba 0]

اذا كانت الاخت داليا كانت موجوده في المحاضرة و ده اللي فهمته من كلامها و سمعت الدكتور و هو بيقول علي موضوع الالغاء..يبقي اكيد الكلام صحيح 100%

[leaderboss 0]

شكرا زميلتى العزيزه على الاهتمام و الرد . انا كنت عايز بس اتأكد

[dalia 0]

السلام عليكم

زملائي الأعزاء، مافيش حد تاني في المنتدى حضر المحاضرة يوم الجمعة اللي فات غيري؟؟ اللي مش في مصر وماحضروش عندهم حق يقلقوا وياريت أي حد تاني يكون حضر يأكد كلامي لو سمحتوا...وشكراً

على فكرة، مع إننا ترم تامن والمفروض إن عددنا لا بأس به، إنما في رأيي إحنا أقل مجموعة بتتفاعل وبتساعد بعض وماحدش بيرد خالص تقريباً

بالتوفيق للجميع إن شاء الله

[Om Habiba 0]

علي فكره انا اصلا ترم سادس بس واخده المادة دي لاني بضم ترمين مع بعض لظروف السفر....بس انا حاسة برضه ان التفاعل مش كتير لان في ترم سادس نفس الحكاية انتين او تلاثة هم اللي بيتفاعلوا مع المنتدي