اختار اي كلية في التعليم المفتوح ؟

[سارة محمود 0]

معاكم سارة عضوة جديدة فى منتداكم الجميل واريد منكم طلب
انا عاوزة اقدم فى التعليم المفتوح بس محتارة اختار كلية اية بالنسبة للسهولة يعنى وانا من المنصورة وعايزة اعرف لو فى حد فى كلية المنصورة يقولى فى كلية دار علوم او اداب عربى هناك
ولكم جزيل الشكر

[hend nga 3]

يا هلا يا هلا يا سارة بكى فى المنتدى

اظن موقع الجامعة للتعليم المفتوح ممكن تعرفى منه ايه الكليات المتاحة فى المنصورة

موضوع بقى السهولة والصعوبة وتختارى ايه دى حاجة ترجع لميولك ورغبتك فى الدراسة

يا رب توفقي في حياتك واختيارتك

[Hamdy Tawfik-manar9 0]

اهلا اخت سارة

التعليم المفتوح كلياته واحدة بالنسبه الاي حد في مكان

يعني متفرقش انت في المنصورة او القاهرة او اي مدينه اخري

اما اسهل كلية فده انت اللي تحدديه حسب ميولك واستعدادك وخلفيتك التعليمية

وده صفحة فيها الكليات المتاحة بالتعليم المفتوح جامعة القاهرة

وتقدري تقدمي فيها من فرع المنصورة

اضغطي علي الرابط بالاسفل

http://www.ou.cu.edu.eg/NewsDetails.aspx?NewNumber=119

[nour_cota 0]

معلش يا اخت سارة هختلف معاهم فى الراى انتى اللى لازم تحددى هدفك اولا وكمان متنظريش للموضوع من حيث السهولة والميول انظرى للدراسة من حيث مستقبلها فيما بعد وكمان من حيث الدراسة دى هل هتفيدك فى حياتك العملية ولا هى مجرد شهادة وخلاص وشكرا

[Sarah 2009 0]

مرحبا بك ساره فى المنتدى
انا كمان عضوه جديده فى المنتدى و دخلت لكى اسال عن امتحانات اداب انجليزى.
بالنسبه للكليه المناسبه ليكى انت الوحيده التى يمكن ان تحدديها ،فكل كليه لها مجال مختلف فى العمل
و لكن يمكن ان تدخلى فى المنتديات الخاصه بكل كليه و تشاهدى الاسئله الخاصه بكل كليه و معرفه المزيد عن الامتحانات وكذلك الصفحه الخاصه بالتعليم المفتوح ستجدى بعض المحاضرات و منها تستطيعى ان تحددى اي كليه انسب لميولك و اهتماماتك وامكانيه ايجاد فرصه عمل بعد ذلك
اذا اردتى نصيحتى فان اللغات لها مستقبل كبير ، و بالتوفيق ان شاء الله لنا جميعا.

[سارة محمود 0]

انا غبت عليكم كتير لان حصلتى لى ظروف منعتنى من التقدم فى الكلية
وانا ان شاء الله اريد ان اقدم فى كلية اداب بس عاوزة منكم طلب تساعدونى فية اختيار القسم المفيد اية القسم الا لما اخرج منة الاقى وظيفة معلشى بطتقل عليكم وشكرا لردكم واهتمامكم بى جزاكم الله كل خير

[سارة محمود 0]

اية ياجماعة محدش هيفيدنى

[Walaa El-moataz 0]

ازيك يا سارة عاملة ايه

بصى فى اقسام لغات كتير فى اداب زى انجليزى واسبانى وفرنساوى وعبرى

المهم شوفى انتى كويسة فى اى لغة لان الدراسة بتبقى باللغة دى

ولازم بردو تعدى من الانترفيو عشان تقبلى

فالقرار ليكى انتى شوفى انتى حتقدرى تدرسى انهى لغة

وربنا يوفقك

[abdelrahman1 0]

بسم الله الرحمن الرحيم
نصيحتي للاخت سارة انك تختاري آداب إنجليزي وتشدي حيلك فيها لأن مجال العمل بها
كبير , ومعظم الوظائف بتطلب اللغة الانجليزية , وأنا نصيحتي ليكي عن
تجربة فأن حصلت على ليسانس آداب قسم غير اللغات من 11 سنة ولغاية الأن لم أعمل بها
ونصيحة تانية ليكي هو انك لما تدخلي أي كلية هتحصلي على الشهادة المطلوبة
وهتخلصي إن شاء الله بالطول والعرض ,
وتمنياتي للجميع بالنجاح والتوفيق ,,,

[marina 0]

انا اعتقد ان اداب لغات مفيدة وشقية وخاصة اداب انجليزى او فرنساوى واعلام بريضة كلية لها مستقبل

[سيد طه 0]

السلام عليكم ورحمه الله وبركاته

انا اخوكم سيد
والله انا اخترت كليه تجاره بس انا اتصلت بيهم قالو التقديم بعد العيد
لو حد يقدر يفدنى بأى شىء يكون مشكور جدا ليه
انا من القاهره واخترت انى اخش جامعه القاهره التعليم المفتوح كليه تجاره اتمنى انى الاقى حد يكون بيقدم زى كده ونكون اصدقاء
ومش معنا كده انكم مش اصدقائى كلنا هنا اصدقاء واخوات

[bosy.star 0]

بص ياسيد انا برضو داخله السنه دى واخر حاجه ان التقديم يوم 15/9 بعد العيد يارب اكون افادتك بحاجه

[سيد طه 0]

السلام عليكم ورحمه الله وبركاته
انا بجد متشكر ليكى جدا
ايوه انتى عرفتينى لانى مكنتش عارف
اصلا فى ناس فضلو يكرهونى فيها وكده
بس ان شاء الله هروح يوم 15 اشوف ايه المطلوب وان شاء الله هقدم
انا كل مشكلتى انى مشغول جدا الايام دى فى الشغل
وان شاء الله بعد العيد هكون فاضى للجامعه خالص

[فارس عز 0]

يااخ سيد انا كمان نويت اقدم الترم ده ان شاء الله
وبرده كان الرد ان التقديم بعد العيد ياله شد حيلك وربنا يوفقنا جميعا

[فارس عز 0]

bosy.star كتب:

بص ياسيد انا برضو داخله السنه دى واخر حاجه ان التقديم يوم 15/9 بعد العيد يارب اكون افادتك بحاجه

بوسى اهلتا بيكى كنت حابب اعرف انتى ناويه تقدمى تجاره ولا ايه اصلى بصراحه محتار بين التجاره والاعلام ومحتاج حد يفكر معايا يمكن تساعدينى او اساعدك فى اتخاذ القرار وربنا يوفق الجميع

[سيد طه 0]

لا ان قررت انى اختار تجاره مش عارف انا حسيت براحه اوى لما صليت صلاه استخاره وربنا كريم
وا شاء الله ربنا يوفقنا جميعا
المهم اننا نفضل نتواصل هنا ونعرف الجديد مع بعض ماشى يا فارس انت وبوسى

[فارس عز 0]

اكيد طبعا ان شاء الله لازم نتواصل هنا وربما فى الجامعه كمان