الغاز خفيفه..شاركنا الحل

[man y man 0]

السلام عليكم ورحمة الله وبركاته

كان في اربع علماء

راكبين منطاد


عالم فيزياء

عالم كيمياء

عالم فلك

عالم ذره


حصلت مشكله وكانوا مضطرين رمي واحد منهم من المنطاد

يا تري تفتكروا يرموا مين

[hend nga 3]

يرموا اثقلهم وزنا .......!

[man y man 0]

برافو عليكي

[man y man 0]

اللغز الثاني


ابن امك وابوك لكن مش اختك ولا اخوك


تفتكر يبقي مين

[hend nga 3]

يبقى انا .......... ابن امى وابى .......!

[man y man 0]

للمره التانيه برافو عليكي

[man y man 0]

اللغز الثالث


واحد متجول بيبيع لبن
معاه مكيال ب 10 لتر مملوء باللبن واخر ب 7 لتر فارغ وثالث ب 3 لترايضا فارغ
فقمت بالنداء عليه من شرفة المنزل فصعد اليك فطلبت منه 5 لترات من اللبن
فكيف يكيلهم لك

[hend nga 3]

.... هاحاول افكر فيها ...؟

[hend nga 3]

دويييييييييييخة ................



نُفرغ من الوعاء الأول إلى الثالث 3 لتر ثم من الثالت إلى الثاني الكمية نفسها فيصبح لدينا
الأول فيه= 7 لتر
الثاني= 3 لتر
الثالث= فارغ

نعيد الكرّة من الوعاء الأول إلى الثالث 3 لتر ونضيفها إلى الثاني فيصبح لدينا

الأول= 4 لتر
الثاني= 6 لتر
الثالث= فارغ

ومرة ثالثة نُفرغ من الأول إلى الثالث 3 لتر فيصبح لدينا

الأول= 1 لتر
الثاني= 6 لتر
الثالث= 3 لتر

ثم
نُفرغ من الثالث إلى الثاني (الذي يحتوي 6 لتر ) لتر واحد لأنه لا يستوعب أكثر من7 فيصبح لدينا

الأول= 1 لتر
الثاني= 7 لتر
الثالث= 2 لتر

ثم نُفرغ الوعاء الثاني ( 7 لتر ) إلى الوعاء الأول ( يحتوي 1 لتر ) فيصبح مملوءاً بـ 8 لتر وتصبح الأوعية على الشكل التالي

الأول= 8 لتر
الثاني= فارغ
الثالث= 2 لتر

نُفرغ الثالث إلى الثاني فيصبح الثاني فيه 2 لتر والثالث فارغ والأول على حاله 8 لتر

أخيرا نفرغ من الأول إلى الثالث 3 لتر ..فيبقى في الأول 5 لتر ..
وهو المطلوب ..



قطعت نفسه حرام عليك كل ده عشان كيلو زيادة

[man y man 0]

مش مهم قطع نفسه
المهم انت استمتعتي بالحل ولا لآ

[man y man 0]

اللغز الرابع


ايهما اوفر ولماذا ؟؟


ان تدعو صديق للسينما مرتين ام ان تدعو صديقين للسينما مره واحده

[hend nga 3]

لالالالالالالالالالالالا اذا كان علي التوفير .........

يبقى بلاها سينما ......خالص

لكن لو لازم يعنى يبقي صديقين فى يوم واحد ....... علشان ادفع ثمن ثلاث تذاكر

اما بقي لو صديق واحد مرتين فهغرم من جيبى ثمن 4 تذاكر وده كتيييير

ممكن يتسببلى فى ازمة مالية وعالمية

[man y man 0]

لكن انت نسيتي حاجه
المواصلات في المرتين هاترهقك ماديا غير لما تكون في مره واحده وفي الحاله دي ها تتفاقم الازمه العالميه وتنهار البرصه ويرتفع سعر الحديد وهاتبقي حكايه

[hend nga 3]

ايه ده هو كمان المواصلات علي حسابى .............. بلاها الصحوبية دى مش جايبة

ثمنها ............... واحدة فيهم يكون عندها ذوق وتدفع حساب التاكسي فى الذهاب

تروح الثانية تتكسف علي دمها ........... وتتدفع في المرة الثانية

شوفت توفير اكثر من كدة

[man y man 0]

باين عليكي ست بيت من الدرجه الاولي


انت غلبت مدام نظيفه في اعلان مسحوق الغسيل .. نظافه وتوفير

[man y man 0]

اللغز الخامس

ضفدعه بينها وبين مستنقع مسافة 100 متر

بتنط كل مره نص المسافه

توصل المستنقع بعد كام مره

[hend nga 3]

انتى شرير قوى يا مان هو انتى عايز الضفدع ده عمره ما يوصل المستنقع

بحسبتك دى كدة عمره ما يوصل

كل مرة يقطع نصف المسافة يعنى فى الأول هينط 50 متر ثم 25 متر ثم 12.5 ..........الى مالانهاية

اختار لنا الغاز حلوة لها حل علشان نفكر فيها

[man y man 0]

صدقيني انت اللي شريره ... دايما بتقرأي اللي في دماغي

علي فكره معظم الالغاز دي من الذاكره

ها حاول اختارلكم الغاز حلوه

انتوا تامروا وعلي التنفيذ

[man y man 0]

[

اللغز السادس


قرد وقع في حفره عمقها عشرون متر

حاول ان يتسلق هذه الحفره للوصول للارض

فكان كلما تسلق ستة امتار يسقط مره اخري لمسافة واحد متر

بعد كام مره يصل الي مستوي الارض

[hend nga 3]

العدد كدة صح ولا...................!

[man y man 0]

يعني اه مش فاهم

اللي انت كتبتيه دا اجابه ولا سؤال

لو كانت اجابه يبقي





الاجابه خطأ

[hend nga 3]

3 نطات ها صح

[man y man 0]

اموت وافهم اه الفرح اللي انت عاملاه دا

للاسف الاجايه خطأ



الاجابه الصح هي بعد اربع مرات

اول مره هايتسلق 6 امتار ويسقط 1 متر

يعني يبقي تسلق 5 متر

تاني مره هايتسلق 6 امتار + 5 متر اللي وصلهم في المره الاولي =11 متر ويسقط 1متر

يعني يبقي تسلق 10متر

ثالث مره هايتسلق 6 امتار + 10 متر اللي وصلهم في المره التانيه =16 متر ويسقط 1 متر

يعني يبقي تسلق 15متر

رابع مره هايتسلق 6 امتار + 15متر اللي وصلهم في المره الثالثه = 21 متر

هايكون وصل لمستوي الارض

[hend nga 3]

ايه يا مان يبقى اجابتى الأولي صح ما انا عملالك اربع نطات فى الأجابة الأولى

هو انتى عايز تغلطنى وخلاص

[man y man 0]

انا مافهمتش انك بترمزي بالوجوه الضاحكه الاجابه


علشان كدا استفسرت منك وقلت لك يعني اه مش فاهم


علي العموم ماتزعليش

[man y man 0]

اللغز السابع

واحد امه مريضه وصف لها الطبيب علاج بالاعشاب من جزيره

للوصول الي تللك الجزيره يجب ان يمر الابن بسبعة بحور

وحتي يستطيع العوده لابد ان يجمع عدد من الفاكهه

بحيث كلما مر علي بحر منهم القي به نصف ما كان معه من الفاكهه

فكم العدد من الفاكهه الذي يجمعه الابن اثناء عودته حتي يصل الي امه بالاعشاب للعلاج

[hend nga 3]

انا لم افهم قصة الأميرة والسبع بحور دول وضح هاحاول احلها اليوم او بعد اسبوع

شكلها كدة زى بائع اللبن او لغز الضفدع

[man y man 0]

لا الموضوع اسهل بكتير من بياع البن
القصه وما فيها ان الامير وهو راجع للديار لازم يكون معاه عدد معين من الفاكهه ولنفرض عدد من التفاح
كل بحر هايعدي عليه هايرمي نص اللي معاه والبحر اللي بعده هايرمي نص اللي باقي معاه وهكذا حتي يصل الي البحر السابع هايرمي نص اللي معاه ويوصل لقريته بالسلامه
يبقي كان معاه كام تفاحه

[نت2 0]

64 تفاحة

[man y man 0]

الاجابه خطأ

الاجابه الصحيحه 128 تفاحه
البحر السابع هايرمي نص اللي معاه يتبقي 64
البحر السادس هايرمي نص اللي معاه يتبقي 32
البحر الخامس هايرمي نص اللي معاه يتبقي 16
البحر الرابع هايرمي نص اللي معاه يتبقي 8
البحر الثالث هايرمي نص اللي معاه يتبقي 4
البحر الثاني هايرمي نص اللي معاه يتبقي 2
البحر الاول هايرمي نص اللي معاه يتبقي 1

[man y man 0]

اللغز الثامن

اجب علي اللغز في حدود 15 ثانيه ولابد ان تكون امين مع نفسك

امر امير الامراء بحفر بئر في الصحراء ليشرب منه الفقراء والسفراء والوزراء والغرباء

كام ( ر) في ذلك

[sun_shine 0]

ولا حرف راء في ذلك!!!!

[man y man 0]

احسنت الاجابه صحيحه

[man y man 0]

اللغز التاسع

ما رأيك يا قاضي تها في امرأة تزوجتها هي امي وانا ولد تها

ماهي صلة القرابه بين القاضي والمرأه والولد

[Hamdy Tawfik-manar9 0]

شكلهم عيله كده

القاضي علي مدينه تها

وزوجته والابن

[man y man 0]

nice يا man


هي النتيجه نوعا ما صح لكن التحليل فيه حاجه مش صح

القاضي اسمه تها
والمرأه زوجته في جملة (تزوج تها)
والولد ابنه في جملة (ولد تها)

[somya 0]

الغاز جميييييييلة جداااا

[marina 0]

ههههههههههههههه حلوة