ساعدوني في مواد الترم الخامس

[maysa 0]

السلام عليكم أعزائي الطلبة ...

انا جديدة معكم بالمنتدى و بتمنى تساعدوني في مواد الترم الخامس ... لأني متاخرة جدا في الدراسة بسبب ظروف وفاه بعيلتنا ولم يتبق الا فترة قصيرة للإمتحانات ... وبشكر الجميع على تعاونهم .

مع تحياتي

[Yasmeen1 0]

السلام عليكم ورحمة الله وبركاته ... أولا برحب بيكي في المنتدى ... وثانيا البقاء لله وربنا يرحم الجميع
وان شاءالله نقدر نساعدك في الفترة دي .... انا في التيرم الخامس ومعايا مواد 311و312و313و314و315 ...

اعتقد تم تحميلك للمحاضرات والتدريبات والتطبيقات التليفزيونية من صفحتك الرئيسية .. مادة اللغة العربية 311 المقرر فيها الاديب الحق , حوار مع نزار قباني ,قضية الاسلام , عمر بن الخطاب , نصوص عربية اثرت في التراث العربي , شكسبير مسرحية مكبيث.. وطبعا القواعد حاولي تفهمي حوار النص والاسئلة التي فيها .

312 ... بصراحة انا بعتبرها مادة ابداعية تكتبي حوار بطريقتك ولكن لابد ان تكون بشكل سليم وصحيح ومعرفة الفرق بين اذا كان الحوار رسمي او غير رسمي والكلمات المناسبة في كل حوار وهكذا.

313 ... حفظ التعريفات لكل من الشعر والقصة القصيرة والدراما والمسرحية والملحمة والرواية وترجمة النصوص بمدى استيعابك لها ومعرفة نبذه عن كل شاعر.

314 ... ترجمة طبعا حفظ كلمات و التدرب على الترجمة من والى العربية والعكس .

315 ... تقريبا نفس الترجمة ولكن تختص بالترجمات العلمية .

ده اختصار ولو في اي سؤال ممكن ان شاءالله لو قدرت هساعد ...

وبتمنى التوفيق لكي وللجميع باذن الله ...

[maysa 0]

أهلين أخت ياسمين ... أنا بتشكرك كثير على مساعدتك الي ... وفعلا انا حملت كل المحاضرات والتدريبات والتطبيقات .. بس خايفة الوقت مايسعفني اني خلص 5 مواد .. وحابة اعرف شو اهم اشي ممكن ركز فيه .

ومرة ثانية بشكرك على ذوقك .

[أسامة1 0]

الأخت ياسمين : يا ترى حضرتى الجمعة اللى فاتت؟ اللى هى بتاعة امبارح 4 يونية , اللى كان فيها ترجمة علمية و ترجمة تتبعية؟ لو حضرتى يا ريت تعرفينى ايه المهم اللى اتقال فى المحاضرات؟
و لو أى حد فى التيرم الخامس يا جماعة غير الأخت ياسمين حضر ياريت يقولنا برضو ايه اللى اتاخد الجمعة اللى فاتت لأنى ما حضرتهاش.[/b]

[Yasmeen1 0]

ازيك يااسامة ... أولا انا مش في القاهرة فمش بحضر اي مادة من المواد في الجامعة ... انا بعتمد على المحاضرات الي في الصفحة الرئيسية او من بعض المعلومات الاضافية هنا في المنتدى .. وبتمنى لو حد عارف اي معلومة تفيدنا ياريت يقولنا .

واسفة اني مقدرتش اساعدك ..

[maysa 0]

مرحبا ... مافي حدى بالتيرم الخامس يقدر يساعدنا ويفيدنا بشي ؟؟؟

[أسامة1 0]

الحمد لله يا أخت ياسمين , متشكر على ردك. عامة احنا فى انتظار أى حد حضر يساعدنا , و على فكرة انا لما بروح المحاضرات بوزع على زمايلى رابط منتدى المنار مكتوب فى ورق صغير كاتبه بأيدى عشان يزيد عدد الزملاء بالتيرم الخامس فى المنتدى و نقدر نفيد ونساعد بعض اكتر و اكتر. ياريت يا جماعة كل الزملاء و الزميلات فى كل التيرمات يعملوا الفكرة دى , لأنى اكتشفت ان فى ناس كتير جدا ماكانوش يعرفوا منتدى المنار!

[Yasmeen1 0]

اسامة معلش سؤال انت اكيد حضرت محاضرات بعض المواد سؤالي في مادة 315
(مصطلحات علمية) هل الشخصيات مطالبين علينا نعرف نبذة عنهم ؟؟ زي زويل ,انشتاين
وغيرهم ؟؟

[أسامة1 0]

أختى ياسمين : مش عارف بصراحة الشخصيات مطلوب نعرف نبذة عنهم و لا لأ بس أنا ما أعتقدش . و عموما هسأل ان شاء الله دكتورة المادة للتأكد , و لو حد عنده معلومة ياريت يفيدنا يا جماعة.

[Yasmeen1 0]

شكرا ليك يااخ اسامة ... واكون ممنونة ليك لو اتأكدت علشان ماننصدمش في الامتحان .. وبتمنى باقي الطلبة يفيدونا بشئ .

[أسامة1 0]

أختى ياسمين : أنا سألت دكتورة المادة نفسها النهاردة و قالت لى أن الشخصيات مش هايجى أسئلة عنهم فى الامتحان لكن ممكن يجوا فى قطع ترجمة ؛ بمعنى أن مفيش سؤال هايجى يقول لك اتكلمى عن شخصية علميه أو قولى معلومات عنه أو عن حياته لكن ممكن تيجى قطعة فى الامتحان عن عالم منهم و يقول لك ترجميها .

[أسامة1 0]

و سألت الزملاء عن اللى خدوه فى المحاضرة اللى ماحضرتهاش بتاعة 4 يونية و قالوا لى أن دكتورة مادة المصطلحات العلمية قالت أننا ملتزمين بمذاكرة كل اللى فى الكتاب و المحاضرات والتطبيقات. و قالت أن فى الامتحان هايجى كلمات انجليزى و هنكتب ترجمتها بالعربى . و أن الامتحان هايجى عبارة عن قطعتين ترجمة , واحدة هتترجم من ع الى E والتانية من E الى ع + مصطلحات هتترجم عربى . قالت أن الفاصلة فى العربى تتحول الى نقطة فى الترجمة الانجليزى ؛ طبعا من وجهة نظرى الشخصية أن موضوع الفاصلة ده مش فى كل الحالات , لكن ممكن يكون فى كتير منها.أما دكتورة مادة الترجمة التتبعية قعدت تشرح قواعد فى النحو العربى عن كيفية كتابة الأعداد بلغة عربية سليمة.

[enigma_sinai 0]

شكرا ليك يا أسامة...أفدتنا أفادك الله

[أسامة1 0]

العفو يا ياسر ، ربنا يخليك .

[Yasmeen1 0]

جزاك الله خيرا يااسامة ..شكرا على المعلومات وربنا يوفق الجميع ان شاءالله

[msmsz 0]

الزميله maysa
اكيد -ان شاء الله- تقدري في الفتره القصيره القادمه ان تذاكري الخمس مواد، ولكن بشرط، تنظيم الوقت ودراسة وفهم كل ماده بعمق.
الماده 311 تنقسم الي جزئين، الجزء الاول عدة مقالات مقرره وهي:
الاديب الحق , حوار مع نزار قباني ,قضية الاسلام , عمر بن الخطاب
يجب قراءة كل مقال علي حدى، وفهمه واستيعابه بشكل جيد، ثم اجابة الاسئلة المرفقه به وقراءة التدريبات الخاصه به.
يجب ان تذاكري اولا من الكتاب الجامعي، ثم تستمعي الي محاضرات الفيديو المسجله، ثم المحاضرات المكتوبه، ثم التدريبات المكتوبه، واخيرا مراجعة اسئلة الامتحانات في السنوات الماضيه.
الجزء الثاني الخاص بقواعد النحو والصرف العربيه، وهي بسيطه وسهله ولكن محتاجه فهم ودقه، وهي كلها مقرره، لا يوجد بها محذوفات. وهي ايضا متراكمة ومترابطه عبر عدة ترمات قادمه، يعني النحو العربي غير منفصل
في الترمات القادمه، يجب ان تفهميها جيدا لكي تضمن النجاح فيها. يوجد في المرفقات شرح كامل ووافي لكل قواعد النحو العربي. بالتوفيق والنجاح.
4shared.com/file/lUiZIime/__online.html
4shared.com/file/Y5iSLy6e/___.html
4shared.com/file/qI7ZpvCp/___online.html

[msmsz 0]

الزميله maysa
المواد 312، 313، 314 سوف اجاوب عليها الاسبوع القادم ان شاء الله.

الماده 315 هي عبارة عن جزئين، الجزء الاول محاولة حفظ كلمات انجليزيه كثيره والتركيز علي المصطلحات الطبيه الجديده الموجوده في المقرر وترجمتها الصحيحه طبقا لموقعها في الجمله، لأن اغلب الكلمات لها عدة معاني بحسب موقعها في الجمله.
الجزء الثاني مهارتك الشخصيه في ترجمة مقال ما من الانجليزية الي العربيه والعكس، وهي تعتمد علي فهمك الجيد جدا لتركيب الكلمات والجمل في اللغة العربيه والانجليزيه و تعتمد علي وضع علامات الترقيم بشكل صحيح بعد ترجمة المقال من او الي العربيه و الانجليزيه. وهي مادة متراكمه معك في الترمات القادمه كلها.
ارجو ان يكون المعنى المراد ايضاحه هو الذي تم فهمه. بالتوفيق والنجاح

[maysa 0]

بتشكرك كثير زميلي العزيز .. بس عندي سؤال الزميلة ياسمين كتبت ان اللغة العربية فيها المقالات الي انت كتبتها بالإضافة الى نصوص عربية اثرت في التراث العربي و شكسبير مسرحية مكبيث هل هي معنا ولا.. والحمدلله انا عم ادرس بقدر المستطاع وان شاءالله الله يوفقنا جميعا.

[msmsz 0]

الزميله maysa
الماده 311 المقرر فيها لهذا الترم هي المقالات التاليه:
الاديب الحق , حوار مع نزار قباني ,قضية الاسلام , عمر بن الخطاب
الحمد لله نجحت في هذه الماده في الترم البيني الماضي، ولكن حضرتها من اسبوعين لكي اتأكد من الموضوعات المقرره بنفسي.
بالنسبة للنحو العربي فكله مقرر وكله مبني ومتراكم من الترمات الماضيه والقادمه.

[maysa 0]

... بس في محاضرات موجودة للمقالين (نصوص عربية اثرت في التراث العربي و شكسبير مسرحية مكبيث) عامة مافي مشكلة انا ذاكرت العربي كله بالنحو. شكرا على مساعدتك.
وعم استنى باقي المواد حتى اعرف شو الجديد ...