قصتنا ( قصة بقلم كل اعضاء المنتدى )

[dream 0]

السلام عليكم

بايحاء من احد ردود سيادة المدير
خطرت لى هذه الفكرة التى اتمنى ان تجد صدى لديكم
وهى ان نكتب قصة نشترك جميعا فى كتابتها
ومن حق الجميع تغير مجرى الاحداث وادخال شخصيات كما يحلو له
بل واستخدام اللغة الفصحى او العامية بحسب الشخصية ورغبة مبتكرها
فربما فازت قصتنا تلك بنوبل المنتديات

وسابدأ انا بعد اذن حضراتكم


المشهد الاول


جلس عمر على كرسيه المفضل امام شاشة الكمبيوتر ليكمل عمله الذى بدأه منذ عدة ايام . ولكنه أحس برعشة برد خفيفة تجتاحه . ظنها اولا تاتى من ذاك الشباك الذى لم يحكم اغلاقه فى آخر الغرفة . قام ليغلق الشباك جيدا ، ثم عاد ليجلس جلسته السابقة . ما زال البرد يجتاحه ... تزداد حدته ... فايقن انه يأتيه من داخله !
نظر إلى الشاشة التى امامه . لم ير الا صورتها العالقة فى ذهنه تستقر على شاشته !
يا الله مضت السنوات ولا زال يذكرها ... يستمتع بتذكر نغمة صوتها ... بفيض الحب الذى كانت تغمره به
وبفرط غيرتها التى طالما تساقطت دموعها بسببها .
ووجد نفسه دون ان يدرى بردد اسمها يناديها بكل ما اوتى من قوة ...............

[enigma_sinai 0]

المشهد الثاني

وذهب الى فراشه يغمره الحزن والتعاسة وحاول متقلبا أن ينام ولكن كانت قوة روحها لا تفارقه وهناك الوسادة التى يحتضنها فى كل ليلة حتى أنه سمى هذه الوسادة بإسمها ..وبعد فترة طويلة من التقلب على الفراش وحلم اليقظة لم يفارق رأسه، ذهب الى الكمبيوتر مره أخرى وكتب هذه الرسالة، من ضمن الرسائل التى يكتبها ويحتفظ بها لنفسه فى ملفه الخاص المخفى....
أحبك..قالها مضمر قلبي منذ سنين
أحبك وأنتى لا تكتريثين
أحبك ولا أشعر بالحياة من صد طرفك الثمين
أحبك والهيام محتوينى يا نور العين
وهنا أغفلت عينه وسريعا ما انحنت رأسه على لوحة المفاتيح وذهب فى نوم عميق.......

[Hamdy Tawfik-manar9 0]

ايه الافكار المبدعة دي ياست دريم ..افكارك حلوة بس نواياك مش حلوه

قصدك تستعرضي علينا مهاراتك الادبيه

ياسر ودريم اول من استهلوا الموضوع... صعب حد يكمل بعدهم لكن نحاول

ان نؤدي بدون ان نطرب علشان الموضوع يمشي .. ساكتب في قالب كوميدي كعادتي

..بس من غير ماحد يضحك او يتريق
........

المشهد الثالث

ومع اول اشراقة لنور الصباح استيقظ عمر ..لتبدا معاناته اليوميه مع الذكريات

التي تطارده في احلامه ويقظته ..

تفكر عمر قليلا في حالة وقال الي متي ساظل علي هذا الحال اعيش في الاوهام والذكريات ..

اعبش علي امل ان يعود طائر الحب ليغرد في حياتي من جديد .. لقد رمقتك بنظرة وداع وعتاب

لن تستطيع ان تنساها.. كانها كانت تقول.. انت من ضيعتني .. لن اعود اليك .

وهل سينفعك الالم والذكريات ؟

تذكر عمر مكالمتها الصباحية التي كان ينتظرها كل يوم في مثل هذا التوقيت..

ونظر الي الموبيل ..هل يمكن ان تفاجاني بمكالمه؟؟ فهي تحب المفاجات .

.لايمكن ان تكون قد نسيتني .. لابد انها تفكر في مثلما افكر فيها .اريد ان

اسمع صوتها ولو لمرة واحدة فقط ..كم اشتقت الي عذوبة حديثها ورقة وقيض مشاعرها ..

بل لقد اشقت الي صرخاتها وعتابها المستمر ..لم تكن تكذب عندما قلت لها ان كل ماياتي منها جميل ..

.فلقد احببتها وهي نسمة ربيعية ولم يفتر ابدا حبك لها حتي وهي عاصفة هوجاء .

لكنه استفاق من احلامه وقال لنفسه ... اضغاث احلام .. واماني العاجزين ..

لابد ان انهي كل مايذكرني بها

وسابدا بك ايه الموبيل اللعين ..ساحذف كل ارقامها وامسح كل رسائلها التي مازلت احتفظ بها في ذاكرتك

والتقط الموبيل لينفذ فكرته ..لكن الموبيل صرخ في وجهه !!!!!!!

انتظر ..... هل جننت .؟؟!!!!!!

دعني في حالي استمتع برسائلها المخزنه في داخلي

دعني في حالي ..فمن هنا مرت موجات الاسلكي التي كانت تحمل معها صوتها الشجي

وفي داخلي استوعبت دفء مشاعرها الذي اذاب دوائري الالكترونيه

وسرت ضحتها الجميله في اجزائي أقوي من كل نغمات الفيبريشين والكول تون

كم تمنيت ان اكون تليفونها الخاص لاتخلص منك ايها الكئيب الممل

كان حلمي قبل ان يكون حلمك ان اقترب من شفتاها

فربما اخظات مرة وتقترب مني حتي تلثمني شفتاها

كنت ساكون اسعد موبيل علي وجة الارض لن يستطيع ان يناطحني موبيل اخر

رغم اني تليفون كارت مش فاتورة

وهنا ادرك عمر ان كل مايحيط به يعانده حتي موبيله الخاص

وقال ..ايها الخائن.. انها مؤامرة .. لم يكفيها ان تسرق مني قلبي وتسيطر علي حياتي

بل حتي موبيلي اصبح يعشقها

فقال له الموبيل كيف لاتريدني ان اخونك وقد خانك قلبك الساكن بين ضلوعك

ان كان بستطيع ان ينساها ...فربما استطيع انا

ولم يستطع عمر ان يرد علي موبيله .. وطأطأ راسه ناظرا الي الارض يتحسر ألما علي حاله

[dream 0]

السلام عليكم

المشهد الرابع

استيقظت يمنى بتكاسل وهى لاتريد ان يبزغ النور ويختفى القمر .
فلقد اصبح القمر هو الكائن الوحيد الذى تستطيع ان تبثه ما بها من شوق إليه
أن تسأله عنه! أن تتوسل إليه ان يضىء ليله ويريه طريقه الذى أختاره مبتعدا عنها !
نظرت إلى ساعة الحائط المعلقة قبالة سريرها وتفكرت فى الايام التى كانت تحادثه فيها بالساعات
ولم يكن من عدو لها الا تلك الساعة التى كانت تعلن مضى تلك الساعات وتقدم الوقت نحو بزوغ الفجر.
آه يا عمر .... كيف تستطيع الاستيقاظ الان من نومك دون أن أرن عليك لعدة مرات حتى تستيقظ ؟
لكم اوحشنى صوتك وانت لازلت متيقظا من نومك .
اغمضت يمنى عينيها فى محاولة ان تتفادى دموع بدأت تتجمع بمقلتيها .

[amonhoteb 0]

المشهد الخامس

إنتي يابت يايمنى ...!!

نداء كسر حاجز الصمت الذي تلتحف به يمنى آملة أن يدوم للأبد

ولكن عودة النداء مرات ومرات دفعها إلى الرد على صاحبة الصوت

أيوه ياماما.. عايزة أيه ؟ أنا صاحية أهو

يابت أومي فزي من السرير علشان تساعديني في تحضير الفطار

يوووووه .. هو كل يوم ياماما ... هو مافيش غيري في البيت ده

يابت قومي علشان نلحق نعمل الأكل ... خالتك وولادها جايين إنهاره

ولادها أيه ياماما .. هي خالتي عندها ولاد غير منى

ليه بقى ... إنتي نسيتي علاء ولا إيه ؟

علاء !!! أه صحيح .. بس هو مش علاء في أمريكا ؟؟؟

لأ ماهو رجع إمبارح .. وحلف أول حد يزوره يكون بيت خالته

يمنى محدثة نفسها ( علاء ... ياااااه ... ياترى هيفتكرني ؟

[Hamdy Tawfik-manar9 0]

هههههههههههههه

حلوه ياامونحتب ...مستنين القاء المرتقب بين علاء ويمني ..بس عمر كده خد سكه خلاص

استمر يامونحتب ..عاوز اعرف ام يمني هتعمل ايه علي الغدا بالتفصيل

[amonhoteb 0]

ماهو ياباشا جو النوم والسهوكه دي مش سكتنا ماانت عارف

خلينا نغير الجو شوية .. ونشوف دريم هتعرف تعيش في الجو ده ولا لأ

[dream 0]

السلام عليكم

المشهد السادس

قامت يمنى من فراشها بتكاسل وهى تفكر فى ايام صباها وتحاول تذكر شكل علاء
اتراه مازال نفس الشاب الوسيم الرياضى الذى كانت تلتفت إليه عيون صديقاتها اينما ذهب .
وضحكت حين تذكرت صديقتها سمر التى كانت تود لو تذهب هى لخطبته ...
كانت أيام جميلة ... وكان علاء وقتئذ مرتبط باحدى زميلاته بكلية الطب . وكان يهيم بها حبا
لدرجة انه لم يستطيع البقاء فى مصر بعد زواجها من آخر. وكان يائسا لدرجة انه تقدم للزواج لاكثر من فتاة فى ذات الوقت . وصدم عندما وجد الترحيب منهن جميعا .
ثم عادت وتذكرت آخر لقاء بينهما . كانت لازالت فى السادسة عشر وقال لها :
أه يا يمنى لو كنت أكبر من هذا ولو بسنوات قلائل ...

[hend nga 3]

المشهد السابع

وأتى المساء وحضرت خالتى ومنى ..... والدكتور علاء ... كنت ما زلت ارتب نفسى

فى غرفتى عندما سمعت صوت منى وهى تقول هى يمنى فين ودخلت غرفتى مسرعة ووجها

مشرق بالسعادة والبهجة لعودة اخوها من امريكا بعد حصوله على الدوكتوراه فى جراحة القلب

ايه ده هو انتى لسة مجهزتيش علاء نفسه يشوفك ويسلم عليك ...

ولا أدرى لما خطر فى بالى عمر وتمنيت للحظة انه يكون هو اللى متلهف لرؤيتى و......

كنت قد بدأت ادخل فى حلم من احلام اليقظة ولكن قاطعتنى منى بصوتها بسرهة يا بنتى

هو فيه ايه ؟ مالك منتيش على بعضك ..........مفيش خلاص انا جاهزة وخرجنا من الغرفة

لأجد علاء يجلس بهدوء بجوار امى ورمقنى بنظرة طويلة واعتدل من جلسته ليسلم على

بابتسامة زادته وسامة فلم تغير السنين من شكله ووووو.........

[hend nga 3]

انا سبت تفاصيل العشاء على امنحوتوب اكيد هيبدع فى وصف المائدة

[Hamdy Tawfik-manar9 0]

جميل ياخت نجمة ... واعجبني الجزء ده

ولا أدرى لما خطر فى بالى عمر وتمنيت للحظة انه يكون هو اللى متلهف لرؤيتى

اصل عمر حاسس انه مسكين ... انا متعاطف معاه وصعبان عليا .

شكلي هاضطر اوصف مائدة الغذاء او العشاء لان امنحتب مش باين رغم انه اكيد كان هيبقي ابرع مني

استمروا ... عايزين نشوف الحكايه الملعبكه دي هتنتهي علي ايه

[Hamdy Tawfik-manar9 0]

المشهد الثامن

نهض علاء من مكانه واقبلت عليه يمني علي استحياء ومدت يديها لترحب به

اهلا ياعلاء .متغيرتش كتير ياعلاء ..شكلك زي ماانت

علاء : لكن انت اتغيرتي يايمني ... كبرتي ما شاء الله واحلويتي اكتر ..

يتورد وجه يمني خجلا . ووتذهب لتجلس في مقعد مقابل علاء

.مع صوت ضحكة خافته غير بريئه من مني

تسود لحظات من الصمت بقطعها صوت ام علاء ..

خلتك عملتلك محشي ورق العنب اللي بتحبه ياعلاء .. ولا انت اتعودت علي اكل الخواجات بقي

ولم تنتظر ام علاء الاجابه .وقالت بصوت مرتفع ياللا يا ام يمني

ياللا يامني علشان نجهز الاكل... خليكي انت هنا يايمني بدل ماعلاء يقعد لوحده

ضحكة غير بريئه ثانيه من مني ...

ينصرف الحضور لتجهيز العشاء وينظر علاء الي يمني نظرة متفحصة ويقول في نفسه

يالهي مازالت عينياها تحمل زرقة السماء .. وشعرها منسدل كجدائل الذهب

..وابتسامتها كزهرة جلنار متفتحه ..

ويتوجه بحديثه الي يمني ..........

[dalia 0]

عايزة أحيي كل المبدعين تحية كبيرة جداً

استمروا، عايزين نعرف مين تاني حيظهر غير عمر وعلاء، يمنى واضح إن إحساسها عالي جداً وأعتقد إننا حنشوف ناس تانية غيرهم

[هادى 0]

ايه ده يا جماعه . .دا احنا معانا مجموعة مبدعين ..اقلام رشيقه ..اسلوب سلس ماشاء الله ..ما شاء الله

[amonhoteb 0]

HAMDY كتب:

المشهد الثامن

ينصرف الحضور لتجهيز العشاء وينظر عمر الي يمني نظرة متفحصة ويقول في نفسه

مركز إنت مع عمر أوي ياريس ... أنا عارف إنه صعبان عليك .. بس ماتفضحناش أدام الواد علاء

[Hamdy Tawfik-manar9 0]

ههههههههههه

تصدق مخدتش بالي .. اصله مسكين وغلبان

هصلح الخطأ

[hinar 0]

المشهد التاسع

- قولى لى يا يمنى انهيت دراستك ولا لسه .

يمنى ... يمنى ... انت روحتى فين !

وكانت يمنى قد غرقت فى احلامها من جديد ، فماذا كان سيحدث لو كنت انت يا عمر الجالس امامى الان ، يالخيبة رجائى ، لازلت اراك فى كل الوجوة ، فمتى ترحل عنى يا أغلى من فى عمرى .

انتبهت يمنى على نداء علاء الذى ارجعها الى ارض الواقع .

- ايوه يا علاء انا هنا ، بس عندى صداع اصلى لم اعرف ان انام جيدا بالامس لان الجو حار جدا هذه الايام

- معاكى حق فعلا انا فوجئت بالحر ده . يظهر انى نسيت ايام الحر فى مصر . ولكنك لم تردى على سؤالى

- اى سؤال ؟

- هل انهيت دراستك ؟

- ايوه منذ اربع سنوات ، تخرجت فى كلية الحاسب الالى .

- عظيم اذن خبرتك عالية فى الكمبيوتر . انتوى فتح مستشفى على احدث الطرز الحديثة . وساترك موضوع الكمبيوتر ده عليكى . فكل المؤسسات الحديثة تعتمد على هذا الجهاز الساحر.

-حاضر يا علاء ان شاء الله اول ما تبدأ هتلاقينى جاهزة .

عاد علاء لاختلاس نظرات اخرى ناحية يمنى ... صدقت ماما ومنى ... لقد اصبحت اية’ فى الجمال ...

ترامى صوت ام يمنى اليهم ... يالا يا ولاد الاكل جاهز ...

[amonhoteb 0]

سامحك الله يا hinar بقالي ساعة ونصف تقريباً بألف في الحوار

إللي دار بين علاء ويمنى أثناء تجهير الطعام وأمسح وأكتب وأمسح وأكتب لغاية ماخلصت

وجيت أنشره لقيتك بعتي ... وكمان في إتجاه تاني خالص غير اللي أنا كاتبه ...

يالله ... إنتي على العموم فتحتي نوافذ جديدة

شكراً ليكي

[Hamdy Tawfik-manar9 0]

امونحتب انا داخل اشوف العشاء ملاقيش حاجه

ياراجل ده كلام ... سيبهم كل ده من غير اكل

انا مستني وصفك لمائدة العشاء ياامنحتب

[dream 0]

السلام عليكم

انا كمان فى الانتظار
هسيبلك المشهد العاشر
وهبدأ الفصل الجديد
هيا يا ملك اتحفنا

[amonhoteb 0]

أنا شغال عليها بس أوعى حد يسبقني ويبعت أنا خلاص قربت أخلص

[amonhoteb 0]

المشهد العاشر

ايه ده كله .. ايه ده كله .. محاشي ومكرونات سلطات ... وإيه ده كمان؟؟؟ ملوخية !!

لااااا ده إنت هتهيص إنهارده يا علاء

خالتو يامنى دايماً بتعرف إللي نفسي فيه من غير مااقول

ياحبيبي أنا عارفة إنت تلاقيك هفتان من أكل الخواجات المايع ده

ربنا يخليكي يا خالتو أنا بقالي كتير ماشمتش حتى ريحة الأكل الحلوة دي

طيب يالله بقى مدوا إيديكو أنا مش هعزم على حد ... إنتوا في بيتكو

يالله يايمنى حطي لإبن خالتك الأكل في طبقه

حاضر ياماما ...

إلا قوللي ياعلاء ... نويت على ايه بقى بعد ماخدت الدكتوراه

والله ياخالتو لسه ماقررتش .. أنا قدامي عرض بالتدرس من الجامعة إللي أخدت منها

الدكتوراه في أمريكا

يالهوي ... وتتغرب تاني يابني ... ده احنا ماصدقنا إنك رجعت ياعلاء ...

ياخويه قطيعة الغربة وسنينها

أنا لسه حتى مافكرتش ياخالتو ... لكن ربنا يعمل إللي فيه الخير

يارب ياحبيبي ... إيه إنت مابتكلش ليه

لا أنا خلاص شبعت ... تسلم إيدك ياخالتو

يوه ... يابني هو إنت كلت حاجة

حرام عليكي ياخالتو ده أنا مش قادر آخد نفسي

أنا هقعد في البلكونة شوية لغاية ماتخلصوا أكل

طيب ياحبيبي وأنا هعملك الشاي بإيدي وأبعتهولك

ماشي ياخالتو .

إتفضل يا علاء الشاي

شكراً يا يمنى ... تسلم إيدك .. تعبتك معايا

لا أبداً ولا تعب ولا حاجة

بس إنتي ماكلتيش حاجة إنهاردة

لا أبداً بس مشغولة شوية الأيام دي بشوية حاجات

يارب يكون خير ؟!! ..

خير إن شاء الله .. المهم سيبك مني أنا وقولي

إنت فعلاً جيلك عرض تدرس في أمريكا

أيوه .. الكلية قدمت لي عرض مغري جداً بس أنا ماردتش عليهم

بس ده ماكنش حلمك ياعلاء

وإنتي لسه فاكرة حلمي يا يمنى ؟!!!

أه طبعاً .. مش حلمي ده إللي كان بيذاكر معاك في الثانوية العامة

علاء ضاحكاً .. مافيش فايدة فيكي يايمنى .. عمرك ماهتتغيري

بس بصراحة وحشتني خفة دمك دي

لكن قوليلي بجد .. إنتي لسة فاكره أنا كنت بحلم بإيه ؟

إنت ماتعرفش إنك خلتني جزء من الحلم ده من غير ماتعرف

إزاي بقى ..؟؟

إنت نسيت إننا كنا مع بعض في المستشفى إللي كان بابا الله يرحمه تعبان فيها

ويومها وإحنا قاعدين كلنا في اللوبي شوفنا الإستقبال وهو بيرفض حالة مريض

علشان مش معاه فلوس تكفي للعلاج ... ساعتها إنت جريت وحاولت تتكلم مع المستشفى

لكن هما رفضوا .. ساعتها رجعت وإنت زعلان وقلتلي

أنا نفسي لما أتخرج أفتح مستشفى وأعالج فيها الناس الغلابة إللي زي دول مجاناً

مش هو ده حلمك يا علاء

إعتدل علاء للخلف باسماً وقال ...

وياترى إنتي لسه جزء من الحلم ده؟!!!

إحم إحم .. نحن هنا يا جماعة

تعالي يامنى ... إيه إنتوا خلاص هتمشوا ولا إيه

إحنا مستنيينك يا علاء

طيب يالله يا بابا

مع السلامة يا يمنى

سلام ياعلاء سلام يا منى

[Hamdy Tawfik-manar9 0]

مية ميه يامنحتب

عجبتني اووي بس توهت شويه في الاول لانك مش كاتب قصاد اللي بيتكلم اسمه

بس عجبتني حكاية حلمي

هو ام يمني معملتش لحوم خالص ولا ايه ؟؟ كلها سلطات ومكرونات

هو كان مصادف يوم مقاطعة اللحوم

[amonhoteb 0]

أه .. بس في مشكلة فعلاً يا ريس

وهي إن كل واحد بيكتب وبيخلي مشاعر البنت في إتجاه

يعني شويه بتفكر في عمر ... وناس تانية مخلياها مياله لعلاء

وده مصعب إن واحد يكمل ورا واحد

هنعمل عند البنت تخلف عقلي

[Hamdy Tawfik-manar9 0]

لا القصه ماشية في السياق تماما

هي بتحب عمر ... لكن علاء هو اللي بيحبها من طرف واحد

ومفيش مانع يعني يكون فيه اعجاب بسيط بشخصية علاء لانه انسان ناجح بعكس عمر

.. البنت قلبها كبير يااخي

ليه تضيق عليها .. اصل عمر ده مش مضمون .. خلي علاء احتياطي علي الاقل

[hend nga 3]

ايه ده يا جماعة هو انتو لسة فى العشاء ما هو لحد فيكم يطلع عليه نهار اليوم الذى لا يريد ان

ينتهى او حد يعملنا فلاش باك ويرجع بينا للخلف علشان نعرف ايه اللى حصل مع يمنى وعمر

وليه الزعل والإكتئاب ده كله بينهم

[dream 0]

السلام عليكم

الفصل الثانى
المشهد الاول


أفاق عمرمن حديثة الشائك والمتكرر مع موبيله على دقات عنيفة على الباب ...
- اهلا محمد
-عمر معقولة لسه ما لبستش ، يا عمر اتأخرنا ودى فرصة عمرنا ، اجهز بسرعة الله يكرمك
انا هستناك تحت . اوعى تنسى البرامج

نزل محمد مسرعا ... وعاد عمر لافكاره من جديد متسائلا اين هى فرصة عمرى ؟!
فرصة عمرى اضعتها بيدى... بغبائى ... لو كنت اعلم انه لا حياة بدونك يا يمنى ...
وتذكر حواه مع موبيله . وابتسم هكذا كل شىء فى حياتى لا يريد سواكى ... انت ... وانت فقط
اكمل عمر ارتداء ملابسه ونزل ليجلس إلى جوار محمد فى سيارته المتهالكة .
اتجه محمد إلى فرع الشركة الشهيرة فى اكتوبر حيث سيعرضان على مدير الفرع برنامجهما الجديد
وتذكر عمر يوم اتت إليه يمنى مستبشرة بأنها قد وجدت فرصة للعمل بهذه الشركة
وكيف فاجأا برفضه التام فالمسافة بين منزلها وبين الشركة طويلة جدا إلى جوار انها ليست آهله بعد
وكيف ان يمنى خضعت لارادته ولم تذهب إلى هذا العمل
اتراها عادت لتعمل بها بعد ان افترقا
هل محتمل ان يراها الان تدخل من هذا الباب
وبهزة من محمد تنبه عمر إلى انه لا بد ان يدخل للمقابلة .

[الطائي 0]

المشهد الثانى

السلام عليكم


و بعد ان دخل عمر ومحمد الى مكتب مدير
الشركة


جلسو مع محسن مدير الشركة وراحو
يتبادلو الحديث حول البرامج التى صممها
عمر


واثناء الحديث دق جرس الهاتف الداخلى للمكتب........


رد محسن ايوه تفضلى يا منار


ثوانى ودخلت منار ومعها مجموعه من
الاوراق ......


واذا بها تقع عيناها علي عمر وفي اثناء دهشتها تسقط الاوراق من يدها


وفى بالها مين مش معقول عمر
انا مش مصدقه نفسى عمر الذى كنت
وماذلت احبه


منذ ان كنا فى الجامعة وهو لم يكن
يشعر غير بيمني ااااااااه


منار منار يامنار


ايوه يافندم فى ايه لا لا مفيش حاجه يافندم وتلملم الاوراق وتضعها
علي مكتب مديرها وتغمغم معه ببعض الكلمات وتخرج مسرعه من المكتب





واكمل محمد الحديث مع محسن


اما عمر فكان يفكر فى منار ...... معقول دي منار من ايام الجامعة .... البنت
الي حاول كل شباب الدفعة يتكلموا معاها وهيا كانت بترفض حتي النظر اليهم ......
ووجد نفسه يتسال عن احاولها وان كانت قد تمت خطبتها ويفوق من اسئلته علي انتهاء
الحديث بين محمد ومحسن


ومحسن يقول ان شاء الله حقعد مع مجلس الاداره وارد عليكم
وخير ان شاء الله


السلام عليكم .........


وعليكم السلام.........


وخرج عمر ومحمد من المكتب واثناء سيرهما فى ممر
الخروج


اذا بعمر يشاهد منار واقفه لازالت في
حالة الارتباك التي اصابتها بالداخل توجه عمر اليها مبتسما وقال


ازيك يامنار عامله ايه


الحمد لله ياعمر ايه ده انت لسه فاكر..... انت ايه اخبارك


وهنا يقاطع محمد الحديث يلا
ياعمر احسن انا هتاخر على خطيبتي


طيب يامنار انا همشى واكلمك مش
تليفونك لسه زى ماهو برضه


ايوه لسه زي ماهو


وانت لسه رقمك معيه حبقي اكلمك سلام

[dream 0]

السلام عليكم

المشهد الثالث

- عمر من فضلك اقفل الشباك تانى ، التكييف مفتوح .
- هقفل التكييف يا محمد الجو النهاردة جميل .
- شفت الاعلان ده ياعمر
- لا اعلان ايه
- دا اعلان عن مستشفى لدكتور جراحة قلب لسه راجع من امريكا ، انا شفت اللقاء معاه فى احد البرامج التليفزيونية منذ عدة شهور وكان قال انه ناوى يعمل مستشفى فى مصر افضل من مثيلاتها فى اى دولة كبرى وقد صدق الرجل
- وهو انت محتاج لمستشفى ليه خير .
- اصبر بس يا عمر المستشفى لسه فى مرحلة التكوين وطالبين شركة كمبيوتر لعمل الشبكات وتوريد الاجهزة اللازمة ثم صيانة هذه الاجهزة بعد الانشاء .
- لكن الموضوع ده اكبر من امكانيتنا .
- ليه اكبر يا عمر . احنا لا ينقصنا سوى مورد مالى معقول نحاول ندبره ونتفق معاهم على ان يكون الشغل مراحل وكل مرحلة منفصلة وهكذا ...
- معنى كده اننا لازم نبدأ للتجهيز فى اوراقنا من دلوقتى لان مدة التقدم للمناقصة 3 ايام فقط .

وفى الميعاد المحدد قصد عمر مبنى المستشفى الذى كاد ان يكتمل وقدم مستنداته داعيا الله ان تقبل
لان هذه هى فرصته الوحيدة ليعاود الاتصال بيمنى وخاصة بعد ان علم من منار انها لم تتزوج بعد او حتى تخطب ....

[dream 0]

السلام عليكم

المشهد الرابع

- اهلا يمنى
- اهلا محمد
- اخبارك ايه ... لم نعد نراك
وهنا ادرك محمد انه قد أخطأ التعبير ... فلم يكن يراها الا برفقة عمر .
حاول استدراك الموقف ... ولكنه فشل فوقف صامتا .
ادركت يمنى ما به فارادت ان تخرجه من الاحراج بسخريتها المعهودة
- اصلى ما عدتش بشوف وحش
- هههههه كعهدى بك يا يمنى
- انا هنا فى انتظار ميعاد بدء فتح المظاريف للمناقصة التى تجريها الشركة وانت .
- ضحكت يمنى وقالت مثلك تماما .
وفى داخل الحجرة نظر محمد حوله فلم يجد يمنى . اتراها قد آثرت السلامة ورحلت
فهو لم يخشى احدا من الموجودين سواها . فلقد كانت دائمة موهوبة ومبتكرة .
ارتاح محمد لفكرة رحيلها . واذا به يفاجأ بانها تدخل ضمن أعضاء اللجنة
ما هذا يمنى المدير الادارى للمستشفى !!!


خارج القاعة ... محمد ينتظر نتيجة انتهاء اللجنة من الاختيار ...
لم يصدق محمد وهو يسمع اسم شركته هو وعمر بانها الفائزة بالمناقصة ...
ولكن يا دى المصيبة اكيد يمنى لما تعرف ان عمر شريكه ستستبعدهما من المناقصة ....

[dream 0]

السلام عليكم

المشهد الخامس

جلست يمنى فى مكتبها تتصفح الاوراق التى امامها
ثم اغلقت عينيها وارجعت رأسها للوراء ...

- يعنى ايه يا عمر ... ولماذا لم قل له حقيقة الوضع بيننا .
- هل اقول لشخص وسطنى لخطبتك انها حبيبتى !
- لا بل قل انها خطيبتى . او ليس هذا ما ننتويه .
- قولى له انت ما شئت . اما انا فقد خنقت من هذه الشركة ولن أعمل تحت امرة مدير طامع فى حبيبتى
- لا تتسرع يا عمر فبالغد سوف يخلو منصب رئيس القسم وانت اولى الموجودين به
ارجوك انتظر للغد فقط . وساتحدث انا مع المهندس ايهاب
- وماذا تقولين له ، ام انها فرصة لتتكلمى معه
- عمر حبيبى لولا علمى بمدى ضيقك الان لاغضبنى ما تقول

وفى اليوم التالى

- يمنى المفروض بهذه المناسبة تعزمينا على الفطار
- اشرق وجه يمنى اذن فقد صدق حدسهاوتم اختيار عمر رئيسا للقسم
- وفى نظرة حانية لعمر ، اوافق ولكن لماذا ؟
- تم اختيارك رئيسة للقسم

خرج عمر مسرعا وتبعته يمنى
- طبعا حبيب القلب لازم يختارك
- سارفض يا عمر
- وهل تظنين اننى اوافق ان تكونى المشرفة على اعمالى
انسى يا يمنى
انا ماشى

تسمرت يمنى فى مكانها
الم اكن استحق تهنئتك يا عمر !!


ابتسمت يمنى بسخرية ... ونظرت الى الاوراق التى امامها والتى تحمل اسم عمر
وقالت : فلتقل لى الان يا عمر
هل تقبل اشرافى ؟؟؟

[Hamdy Tawfik-manar9 0]

دا الموضوع بقي ملعبك قوي

هو الواد عمر زعلان ليه بقي

اصل انا تركيزي مش قد كده النهارده

[amonhoteb 0]

أنا برضوا حاسس إني تهت شوية .. متهيألي محتاج أقرأ تاني الحوارات ...

لكن مجهود مشكورين عليه ياجماعة بجد

[man y man 0]

المشهد السادس

وبينما كان عمر علي حالته تلك غارق في جو من التوتر والعصيبه واذ بهاتفه الجوال يدق فاخرجه من جيب سرواله فاذا بالمتصل هو ياسر صديق عمر الصدوق الذي يعلم سره ويحافظ عليه
فاجاب عمر الهاتف اهلا ياسر انت فين مش باين ليه
فاجاب ياسر اسف ياعمر انشغلت الاسيوع دا في مجموعة مشاكل في الشغل
عمر خير ان شاء الله
ياسر ماتشغلش بالك بعدين نتكلم... ماتقابلني بعد ساعه علي الكافيه عاوز اطمن علي اخبارك عمر طيب يا ياسر هاكون موجود في الميعاد ان شاء الله
وعند باب الكافيه ياسر حبيب قلبي عمور وحشتني ياعم البكاش


وجلسا سويا يتجاذيا اطراف الحديث الاان قاطع ياسر عمر..... مالك شكلك متغير ليه

عمر مافيش حاجه

ياسر علي بابا هو انا مش عارفك ...بجد في اه

عمر فاكر يمني يا يايسر!!!! ياه انت لسه فاكرها

ياسيدي الاسيوع اللي ماشوفتكش فيه دا حصل فيه اني..... وبدأ يحكي من اول ما فكر فيها الي لحظة لقاءوه بياسر

ياسر ياعمر ياحبيبي كام مره اقولك الكلام دا دايما اول حب (ذي مابنسميه) او بمعني ادق التجربه الاولي في حيات اي شاب مننا ينسبة 99% بتفشل ودا من وجهت نظري لانه مابيكونش حب تقدر تسميه استلطاف او اعجاب او طيش شباب او انك تتماشي مع الجو العام حواليك اصحابك في الجامعه كلهم بيحبوا ويتحبوا فبتركز في بنت ما بيشدك فيها شكلها او لبسها او طريقتها في الكلام او دلعها او او او من هنا تبدأ توهم نفسك انك بتحبها

تقدر تقولي انت اه مفهومك للحب طيب البنت اللي وهمت نفسك بحبها فيها اه من صفاتك او حياتك اه التوافق بينكم في الطباع والتصرفات اه وجه الشبه بين بيئتك ومعيشتك وبينها اه وجه الشبه بين ثقافتك وتدينك وفكرك وبينها واوعي تقولي اصل مرايت الحب عاميه ياعزيزي اللي انت فيه دا وهم اسمه الحب

عمر طب ياللا بينا نمشي انا مش عاوز اجادل معاك دلوقتي انا مش فايق لك

[dream 0]

السلام عليكم

المشهد السابع

خرج محمد من المستشفى وهو لا يدرى ماذا سيقول لعمر . وكيف سيبلغه ان يمنى هى التى ستتسلم منهما الشغل . ان المبلغ الذى جمعاه هو وعمر هو كل ما يمتلكانه حتى مقدمة الشقة التى كان ينتوى دفعها وضعها تحت تصرف هذا المشروع . فهل سيدخل العند بينهما لحد ان يخسر هو كل شىء ....
- عمر عارف شفت مين فى الستشفى ؟
-يمنى . انا شفتها داخلة الشركة يوم ما كنت بقدم ولفت نظرى انهم بيصبحوا عليها ولما سالت عرفت .
- يعنى انت عارف يا عمر ومع ذلك تركتنا نتورط هذه الورطة ؟ دا كل اللى حيلتنا هنحطه فى المشروع ده . انت متصور لما يمنى تعرف هتعمل ايه ؟ انت نسيت انت سبتها ازاى ؟
واهنتها اد ايه ؟ بص انا هروح اسحب العرض ونخلص من المشكلة دى
لان اكيد يمنى لو تعرف كانت رفضت عرضنا .
- ههههه انت بتقول ايه يمنى تعرف طبعا . انت ناسى ان اسمى جنب اسمك على كل الورق
- يعنى ايه ياعمر انت ناوى تضيعنا ؟
- لا يا محمد يمنى عمرها ما تقدر تضر حد وتاكد اننا هناخد حقنا كويس دى يمنى يامحمد يمنى ...
- طب ومنار يا عمر ... انت ناسى انها من يوم ما اتقابلتوا وهى بتتصل بك او بتيجى كل يوم تقريبا المكتب . وكل حاجة بتقول ان البنت بتحبك
- منااااار لا طبعا انت بتقول ايه ؟ دا انا كل كلامى مع منار عن يمنى وهى اللى شجعتنى انى اقابلها تانى .....

[man y man 0]

المشهد الثامن

لازال عمر جالسا بشرفة منزله المتواضع بعد تناول الغداء وهو شارد الذهن تداهمه مجموعه من المشاعر المخطلطه ما بين الحزن والسعاده والحيره والاحباط وفي محاوله لتخطي ما به من احاسيس متضاربه للخروج من حالته النفسيه التي هو عليها فقاطعه نداء منال شقيقته الصغيره ابيا عمر تليفون علشانك .... فنهض عمر من جلسته واجاب الهاتف الو مين
اذيك يابني ... اهلا ياسر اخبارك اه
ياسر الحمد لله ........ انت اللي عامل اه
عمر ........ ماشي الحال هه عايش
ياسر اه مود الدراما اللي انت عايش فيه دا .. طبعا مانت رامي ودانك مع سي محمد وعمال يوددودلك في موضوع ست يمني
عمر يالعكس انت دايما ظالمه دا حتي عمال يلومني علي تصرفاتي القديمه معاها ويفكرني اذاي كنت بعاملها واذاي كنت باهينها
ياسر يابني فوق البنت اللي تقبل علي نفسها تتهان وتتنازل عن كرامتها تفضل طول عمرها عديمة الشخصيه مع اللي هانها ولاقدرالله لو اتجوزها تفضل تتنازل عن كرامتها وشخصياتها وحياتها لحد ماتبقي ذي المسخ لابتاخد قرار في حياتها ولا كسبانا احترامها لنفسها ولاحتي حاسه بانها متساويه مع مثيلاتها من الزوجات اللي تعرفهم ولو كان عندها شوية عزة نفس باقيه من ايام حريتها هايكون الحال هو الانفصال
وفي نفس الوقت الزوج اللي سايب في البيت عروسه لعبه بتنفذ كل اوامره وتستحمل كل اهاناته وسخفاته هايحس ناحيتها بالملل ويبدأ يدور خارج بيته عن حد يعوضه عن حرمانه من ضعف شخصية زوجته ودا علي نهج سي السيد
عمر ... مش كل الناس زي زينب يا ياسر ومش علشان واحده عرفتها وحبتها بجد لكن طلعت مش اد حبك ليها وضاعت معالم احترامها جواك لانها اتنازلت حتي عن شرفها معاك يبقا كل بنات حوا ملهمش امان اواحترام لكن الموضوع اللي بكلمك فيه مختلف
طيب ياعمر انا لسه في الشغل ويظهر المدير عاوزني بعدين نكمل كلامنا
[/size]

[dream 0]

المشهد التاسع

- اساء اتاخرتى ليه كده ، دا انا كنت ماشى
- سورى يا محمد ، اصلى عديت على العمارة وخلاص صاحبها وافق ياخد المبلغ اللى معاك ويقسط الباقى بعد ما ماما فضلت تتحايل عليه وتفكره باننا بنبتدى وان ربنا هيرزقه بسببنا
- فى الحقيقة يا اسراء عاوز اقولك حاجة المبلغ مش هيكون جاهز معايا قبل كام شهر
لانى دخلت به مشروع .
وبدون ادنى كلمة ...اخرجت اسراء الدبله من اصبعها ووضعتها امام محمد ورحلت !!
ابتسم محمد ابتسامة ساخرة .. وقال فى نفسه .. بركاتك يا يمنى !!!

وفى طريق العودة عرج محمد على عمر

- اهلا محمد مالك ؟
قص له محمد ما حدث بينه وبين اسراء ...
- ودلوقتى يا عم مفيش حاجة تمنعنى من اتمام المشروع واللى يحصل يحصل
بس فيه حاجة لازم نتفق عليها . يمنى يا عمر ... بلاش تحاول تجرحها تانى
يمنى ارق واطيب من انك تجرحها تانى .
- يعنى اللى كنت بفكر فيه صح وشكى طلع مضبوط يا محمد
- اااه دا اتهام جديد بتفكر تحضره ليمنى كعادتك فى سلسلة اتهامها
لا يا استاذ مفيش حاجة بينى وبين يمنى لسبب لانها كانت عملاك قبلتها ومحور حياتها
ولو كانت هى اللى مكان الهلفوته خطيبتى كانت شجعتك ووقفت جنبك
لكن انت اللى انانى ما شفتش غير نفسك وسمعت كلام ياسر وحبيت تجرب غيرها
بحجة انك ما عرفتش غيرها وانك لازم تعرف العديدات لتتاكد انك بتحبها
انت غبى ضيعت احلى حاجة فى عمرك .....

[man y man 0]

لازال المشهد التاسع مستمر


اولا يامحمد في رأيي انت مخطأ خطأ افدح مني بالرغم من هجومك القاسي عليا خطيبتك ياخي معزوره انت اخذت رايها في موضوع تصرفك في الفلوس اللي معاك حتي لو كان دا في تنفيذ اكبر احلام حياتك علي الرغم انك مافكرتش في اهم احلام حياتها هي وهو انكوا تكونووا مع بعض تتشاركو في احلامكوا سوا والبنت ياعيني قابلتك بفرحه وهي حاسه ان حلم حياتها اصبح قريب المنال وفجأه سعادتك صدمتها بان الفلوس بح فمن شدة غضبها وبدل مايحصلها حاجه في دماغها لقت ان اقرب تصرف تعبر بيه عن الغضب اللي جواها انها تديك الدبله وارجع وافكرك بحديث الرسول صلي الله عليه وسلم (فيما معناه)(خلقت المرأه من ضلع واعوج ما في الضلع اعلاه)
اما بالنسبه ليمني فهي فيها شيء مخوفني منها خايف يكون كلام ياسر صح وانها ما بتحبنيش لكن واهمه نفسها بحبها لي انا كنت عاوز اتاكد انها بتحبني بجد علشان ما نعيش بعد كدا نلعن اليوم اللي جمعنا سوا لكن انا مانكرش اني عرفت غيرها لكن في الفترات اللي كنا ما بنتكلمش فيها سوا اما الاوقات اللي كنا مع بعض زي السمن علي العسل انت عارف انا اد ايه كنت مخلص لها حتي عنيا كانت بتعاندني ومترضاش تبص علي اي بنت تمر من ادامي ودا مش لاني فلاتي ولا لاني ملول لكن انا ذي كتير من الشباب ماعرفش اعيش في فراغ عاطفي فلما تكون يمني قريبه مني بتملي كل كياني ولما بتبعد عني مش مهم مين وقتها يكون معايا سلوي ولا نهي ولااميره ولاحتي سعاد حسني المهم ان كل دول ما بيملوش مكانها
محمد ... اسمع كلا مك اصدقك اشوف امورك استعجب ,يامؤمن الكلام دا لو انت بتعرف البنات دي معرفه هامشيه لكن خمره وحشيش وشقق مشبوهه واوعي تقولي اصلي عاوز انسي انت مابتحبش غير نفسك ... ويمني جت يبقي فل الفل .. يمني راحت في 10 غيرها جايين

[Hamdy Tawfik-manar9 0]

ايه ده .. عمر طلع حشاش كمان وبتاع شقق مشبوهه... زرغتي يام اسماعيل


لوووووووووول

الموضوع كبر اوووي ياجماعه ولازم نلمه

والشخصيات كترت وحاسس ان السياق بتاعها عاوز لمه وضمه

علشان نحزمه وميطخنش عن كده لان الروايه ممكن تتبعزق مننا وتفرط علي الارض

ايه الدرر اللي انا بقولها دي ؟

اسمحوا لي ان اكتب المشهد القادم

[Hamdy Tawfik-manar9 0]

المشهد العاشر

محمد .ضاحكا ... انت عامل ياعمر زي الأحول اللي كل مابنت تحبه يروح يمسكها

يقوم يغلط ويقوم ماسك بنت الجيران بدل منها ..

عمر :: وانت مين علشان تحاكمني يا محمد ..بلاش تتقمص دور الملاك وانت كلك عيوب

اذا كنت تري حولا في عين صاحبك ..فربما العيب عندك وتحتاج لعمل نظارة

او تركب لنسز قبل ماتتهم الاخرين بحول الرؤيه

محمد .. ههههه .. انت قلبت فصحي .. لا يبقي انت اتضايقت بجد .. انا مش قصدي

انا عامل علي مصلحتك وحقك عليا ياعم .. هات راسك ابوسها..ولا اقولك تعالي

معايا اعمل لنسز خضرا يمكن اسراء اما تشوفها متقدرش تقاوم سحري وترجع لي

عمر .. انت فايق وبتهذر انا ماشي .. محتاج اقعد مع نفسي شويه واعيد حساباتي

محمد : طيب استني اوصلك .. عمر لا شكرا ياله سلام

عمر يسير وهو لايعرف وجهته مخاطبا نفسه : احتاج ان اتكلم مع احد اثق به

ولكن المشكله اني فقدت الثقه في الجميع

وبينما هو سائر علي قدميه لفت نظرة يافطه علي مدخل احد العمارات

عليها اسم طبيب نفسي شهير

وهنا خطرت في باله فكره .. لماذا لا اذهب الي هذا الطبيب واتحدث معه .

.علي الاقل ساضمن ان يكون موضوعي ومشاعرة محايده

ماذا ساخسر ..؟؟ الامر يحتاج قدر من الجرأة فقط

ولا جرأه ولا حاجه .. هو انا هغرق يعني ؟

نطلع نتكام مع الطبيب النفسي ونفضفض ...

لعل وعسي اجد عنده الراحه والاجابه علي تساؤلاتي

[Hamdy Tawfik-manar9 0]

الفصل الثالث

الطبيب والمريض في جلسة خاصه جداااا

من حسن حظ عمر ان عيادة الطبيب كانت خاوية ..يبدو انه محظوظ اليوم علي غير عادته

تشير إليه الممرضة بالدخول إلي غرفة الطبيب >> يطرق الباب طرقات خفيفه

الطبيب : تفضل ….. عمر السلام عليكم ….

الطبيب وعليكم السلام ….تفضل .. خيرا مما تشتكي

عمر .. لا اشتكي من شيء ,, فقط اريد من اتحدث معك واخرج اليك مانفسي

. عاوز افضفض معاك مش اكتر


الطبيب .. يبتسم ابتسامه ناعمة ثم ينظر اليه .. وانا خير مستمع ,,

تفضل استلقي علي الشزلونج عشان تاخد راحتك

يمدد عمر جسده علي الشزلونج وينظر الي سقف الغرفه ذات الأضواء الباهتة

ويتوجه بنظره إلي الطبيب قائلا … أبدا منين ؟

الطبيب : زي ماتحب … من حيث تريد ان تبدأ

عمر : طيب .. انا مشكلتي … مشكلتي … انا مش عارف ايه مشكلتي ؟ … انا تايه ؟

انا زي الي في بيغرق وكل مايحاول ينقذ نفسه ..الموج يسحبه ويغرق اكتر…

وبفضل يغرق ويعاني الموت لكن ياريت بيموت ...ويستريح …

انا حي لكن عايش الموت .. وميت لكن علي قيد الحياة ..

هههه … انا بخرف .. اكيد انت متعود علي شغل المجانين دا يادكتور

الطبيب : اتكلم براحتك وكاني مش موجود وقول الكلام اللي يخطر علي بالك بدون ماتفكر فيه

عمر : طيب ماشي …انا بحب بنت ظهرت في حياتي ولخبطت كل حياتي .. بس حبي مش حب عادي

الطبيب :: ياتري لانك شخص مش عادي

عمر :: يبتسم ساخرا .. ايوه فعلا انا شخص مش عادي

وعلشان كده حبيت بنت غير عاديه علي الاطلاق

الطيبب : بمعني ايه بنت غير عاديه ممكن توضح وتفهمني اكتر

عمر : ماهو انا لو فاهم مكنتش جيت لك .. انا عاوز افهم -هو ممكن يادكتورتحس

ان بنت تحبك بجنون في لحظات ..وفي لحظات تانيه تحس انك شيء ثانوي في حياتها

او انها مش بتحبك اصلا ..لا مش في لحظات تانيه

دي في نفس اللحظة الشعوريين بيكونوا متواجدين

… حصل معاك الكلام ده يادكتور او مر عليك في حياتك

الطبيب ::: هاييييييييه انت هتقلب عليا المواجع .. الحقيقة انا مريت بالاحساس ده

في مرحلة شبابي ..وكانت برضه بنت غير عاديه

عمر :: برضه غير عاديه …. النوعيه دي كانت موجوده علي ايامكم

الطبيب :: ماهو انت مش فاهم اي بنت تخليك تمسك السماء

وتطير خارج حدود زمانك ومكانك تبقي مش عاديه

عمر :: والنوعيه دي من البنات طبيعتها ايه يادكتور ..وهل فعلا موجوده ولا في الخيال بس

الطبيب :: موجوده مادمت مصدق انها موجوده …موجوده مادمت مصدق انها بتحبك

…..موجودة مادمت عارف ومؤمن ان الحب مخلوق من مخلوقات ربنا وموجود في الكون…

عمر ::: ايه يادكتور.. دا انت باين كنت واقع لشوشتك ….

مدد كده يادكتور وافرد ظهرك .. خد راحتك خالص ..واتكلم

ماتيجي شويه علي الشزلونج تلاقيك تعبت من قعدة الكرسي

الطبيب :: لالالا انا مستريح كده …كمل ياعمر

عمر : اكمل ايه يادكتور : كمل انت … انت كانك بتتكلم عني ..احكي لي يادكتور كان شكلها ايه

الطبيب :: شكلها ..؟؟ عارف الفرحه والبراءة اللي بتشوفها في عيون الاطفال وهما بيلعبوا

..عارف ألوان الطيف في شفق السماء وقت الغروب …

عارف تمايل الزهور علي نسمات الهواء وقت الشروق

…. عارف قطرات الندي علي اوراق الاشجار في الصباح

… عارف عارف احلام العذاري .. عارف ترانيم النساك .

. … عارف تغريد اللطيور في لحظات الغزل …

عارف صوت حبات الثلج علي طرقات ……..

عمر ::: كفايه يادكتور … ايه كل ده … الملاك اللي بتحبه دي كانه ملاكي انا

الطبيب ::: اكيد ملاكك هو ملاكي

عمر ::: لالالالا … دا يظهر انا وانت المفروض ندور علي دكتور تاني يعالجنا …

قال جيبتك ياعبد المعين تعيني ...

الطبيب :: استني بس :: اسمعني ::: ملاكك هو ملاكي …

لان حبك كان بعظمة حبي … ملاكك هو ملاكي لان .....

عمر :: استني يادكتور .. فيه سؤال مهم . هو ملاكك كان رقم موبيله كام ..

وكان موبينيل ولا اتصالات … اصلي خايف يكون ملاك واحد وبشتغلنا احنا الاتنين

ماهو معدتش فيه حد مضمون اليومين دول … انت ملاكك كان كارت ولا فاتورة ؟

الطبيب :: ملاكي كان شبكة لوحده …مفيهاش الا خطي وخطه …

موصول بينا باشعة العشق و الغرام والهيام والجنان والـ…….

عمر ::: ايوه الجنان : بقولك ايه يادوك انا مضطر امشي

علشان ورايا ميعاد وان شاء الله ارجع لك بكره

الطبيب : ياعمر استني انا ماصدقت الاقي حد يسمع لي وافضفض له ..دا انا استريحت معاك قوي

عمر :: ايوه ايوه يادكتور ماانا جي بكره … معلش بقي علشان مستعجل

عمر يخرج مسرعا من عيادة الطبيب .. وما ان خرج من باب العياده حتي انفجر من الضحك

ده الدكتور عاوز دكتور …. شاطر ياعمر … ابقي اتفاخر بالحكايه دي قدام اصحابك

… انك خليت الدكتور هو اللي يشكي لك ويحكي لك

بدل مايعالجك … اهو ده اللي انت فالح فيه …

الناس هتساعدك ازاي وانت مش عاوز تديهم الفرصه انهم يساعدوك

انا تعبت …….. انا عاوز اروح انااااااااااااااااااااااااااااااااااااااااااااااااااااااااااااااااااااااااااااااام

[man y man 0]

المشهد التاني
يمني .. يا يسرا انت فين هو انا ماجيش مره من الشغل الاقيك مرتبه فرش النوم بتاعنا ابدا وسايبا الدنيا تضرب تقلب واضطر انا ارتبه
يسرا .. بس بس بس اه زعبيب امشير اللي انت داخلا علينا بيها من الباب دي لو انا مش عجباكي شوفيلك اخت تانيه تشاركك غرفة نومك ... خلاص ماتعمليهاش حكايه انا ها روح اعمل حت دين فنجانين شاي واجي اشوف اه اللي معفرتك كدا
يمني .. هاتي الشاي يامجنناني ...اتفضل ياتوأم روحي ... بس لو ماتتعصبيش كنت تجنني
يسرا ..اه حكايتك ياقلبي
يمني .. حكايه ملهاش اول من اخر ... وبدأت جلسه من الفضفضه استمرت لحوالي 40 دقيقه ويسرا بتسمع وما تعلقش ..واخيرا بدا الحوار من الجانب الاخر
يسرا .. انا بصراحه مش عارفه انت عاجبك فيه اه دا بني ادم فاشل من يوم ماتخرج من الجامعه محققش اي نجاحات تخليكي تفتخري بيه ومعملش اي خطوه ايجابيه تشدك ناحيته حبك ليه دا معناه اه هاتفضلوا تحبوا في بعض لحد ما يبقا عنكوا 60 سنه وتتقابلوا في جنينة الاسماك وهناك تكتشفوا انها اتقفلت من سنين وتروحوا تتمشوا علي عكازين تقزقزوا ترمس علي كورنيش الزمالك وتمصمصوا في شفايفكم وتقولوا احلا حاجه في الدنيا الحب يافرحتي .. اصحي بقا من الاوهام اللي انت فيها دي .. لازم لما ترتبطي بحد يكون الحد داهايضيف لحياتك شيء وتفتخري وتقولي ان زوجة فلان مش انت اللي تضيفيله ويبقا هو زوج الست ومش كدا وبس وكمان يبدأ يطلع عقدو النفسيه عليكي ويحيطك
يمني .. انا كان عندي امل انه يتغير ويبدأ يفكر في حياتنا بجديه شويه ويحس بالمسؤليه ناحيتي
يسرا.. اللي جابلك يخليلك ياختي ... وعندها كام سنه ست امل دي
ههههههه
ودخل عليهم في الوقت دا اخوهم كريم
كريم .. بتقطعوا في فرو مين
يسرا .. عاوز اه يارخم ... دا كلام بنتيتي الولاد مالهمش فيه
يمني .. يظهر يابنتي انا ماليش حظ في اخواتي حتي الكلمتين اللي عاوزين نقولهم في السر لازم ينط لنا فيهم عزول
اقولي ياكريم اه اخر نكته سمعتها النهارده
كريم .. عارفه ليه بلدياتنا الصغير ازكي من بلدياتنا الكبير ...
يمني ..ليه قول انت
كريم.. اصل بلدياتنا الصغير مش من زمان بلدياتنا
هههههههههههههههههههههههههههههههههههههههههههههههه

[amonhoteb 0]

عمر ::: كفايه يادكتور … ايه كل ده … الملاك اللي بتحبه دي كانه ملاكي انا

بصراحة أنا ماعتقدش إنه كان ملاكي ... إحتمال كان أجره !

حلو الحوار ده أوي ياحمدي بجد يعني إستمتعت بيه