حلقة دراسية لترم اول .....هنا.

[hend nga 3]

بعد تعارفنا واستلامنا جميعا للمحاضرات والمواد الخاصة بالترم الأول او ما يدرس احدى مواد الترم معنا

زملائى بدأ العد التنازلى باقى اقل من شهرين على الإمتحانات

وبما اننا فى المركب سوا يا ريت نبدأ سوا نخطط لما نفعله ونراجع التدريبات والتطبيقات سوا فى هذه الصفحة

لجميع مواد الترم

لا تنتظروا الى اخر الوقت وتسألوا فى المنتدى على المحذوف

اذا نظرتم الى الجامعات الأمريكية والغربية تروا ان هذه الحلقات الدراسية مشهورة جدا داخل الحرم الجامعى

وايضا فى داخل جروبات على الفيس بوك ( فهكذا كانت بداية التفكير فى الفيس بوك )

هيا نبدأ من اليوم يا شباب

[hend nga 3]

شكلى كدة انا الوحيدة فى الحلقة

ما شاء الله ما فيه حد محتاج مساعدة او مشاركة فى ترم اول

كدة يبقى ابتدى بنفسى ........................

ويا رب حد يشارك معايا

هابتدى بنحو عربى بحل تطبيقات واسءلة موجودة فى المحاضرة التليفزيونية وغير موجودة بالمحاضرات المكتوبة


اقرأ الفقرة الآتية ثم اجب عن الأسئلة بعدها .

" تعد سيرة عنترة العربية الشعبية بحق من روائع الملاحم العالمية , فما من مصنف ينتظم هذه الروائع ,

يخلو من عرض موجز أو مفصل لهذه السيرة التي تؤكد حقيقتين بارزتين , هما :

أن الآداب الشعبية ليست كلها محلية محصورة في بيئة جغرافية محدودة , أو وطن معروف ,

وأن الشعوب تتبادل التأثر والتأثير علي اختلاف العصور وتباعد الديار ."

1- من الأسماء في الفقرة سيرة , عنترة , ............... اكمل.

2- من الأفعال في الفقرة تعد ........... اكمل.

3- من الحروف : من ان ............. اكمل

4- استخرج كل جمع وبين نوعه , وهات مفرده؟

5- استخرج كل مثني , وهات مفرده ؟



الإجابة :

1- الأسماء هي : سيرة , عنترة , العربية , الشعبية , ( بحق ) حق اسم , والتحق بها ( الباء ) فعل

روائع , ملاحم , العالمية , ( هذه ) اسم إشارة , عرض , موجز , مفصل , السيرة , ( التي ) اسم موصول

حقيقتين , ( كلها ) اسم والضمير اسم أيضا , محلية , الآداب , محصورة , بيئة , جغرافية , محدودة ,

وطن , معروف , اختلاف , عصور , تباعد , الديار.



2- الأفعال هي : تعد , مصنف , يخلو , تؤكد , ( ليست ) من أخوات كان , تتبادل , التأثر , التأثير .



3- الحروف هي : من , أن , ما من , أو , اللام ( لهذه ) , والواو , إن ( حرف ناسخ





4- الجمع : روائع جمع تكسير مفردها ( رائعة )

ملاحم .............ملحمة

الآداب ................. ادب

الشعوب........... شعب

عصور..........عصر

5- المثني فى القطعة

حقيقتين.........حقيقة

بارزتين ...... بارزة





القطعة الثانية :

أقرأ الفقرة الآتية وأجب عن الأسئلة بعدها ؟

" الأمثال عند كل الشعوب مرآة صافية لحياتها , تنعكس عليها عادات تلك الشعوب , وتقاليدها وعقائدها ,

وسلوك مجتمعاتها , وبؤسها ونعيمها , وآدابها ولغاتها ".

1- استخرج كل اسم في الفقرة :

الأسماء هي : الأمثال , عند , كل ............؟ اكمل

اذكر في هذه الفقرة فعل واحد اذكره وبين نوعه .

استخرج حروف الجر من الفقرة ؟

استخرج كل جمع وبين نوعه وهات مفرده؟

الأمثال جمع تكسير ومفرده مثل ..........اكمل\

هات المثني لكل من الأسماء الأتية:

كتاب – مرآة – ميزان – صافية

الإجابة :

الأسماء :

الأمثال , الشعوب , عند , كل ( ظرف )

مرآة , صافية ( مشتق من الفعل ) , حياتها , عادات , تقاليد , عقائد , سلوك , مجتمعات , ميزان , هي ( ضمير )

تلك ( اسم اشارة ) , رقيها , انحطاطها , بؤسها , نعيمها , آدابها , لغاتها .

الفعل

هو ( تنعكس ) ونوعه : فعل مضارع لدخول احدى احرف المضارعة عليه وهى التاء

الحروف

" اللام , علي , الواو , في .

الجمع :

الأمثال : جمع تكسير مفرده مثل

الشعوب جمع مذكر مفرده شعب

عادات جمع تكسير مفرده عادة

المثنى

كتاب اما بالرفع كتابان . او بالنصب كتابين

مرآة مرآتان مرآتين

صافية صافيتان صافيتين

ميزان ميزانان ميزانيين

3 - استخرج الأسم والفعل والحرف مما يأتى

قال تعالي " والعصر* ان الإنسان لفي خسر * إلا الذين آمنوا وعملوا الصالحات وتواصوا بالحق وتواصوا بالصبر."



الإجابة:

الأسم

العصر , الإنسان , خسر ( مشتق من الفعل ) ,الذين ( اسم موصول ) , الصالحات , الحق , الصبر.

( امنوا ) الواو تعد اسم لأنها ضمير

وكذا الفعل

عملوا

امنوا , عملوا , تواصوا

الحرف

الواو , إن , اللام ( لفي ) ,في , إلا ( حرف استثناء ) , والباء ( بالحق – بالصبر )




سلاااااااااااااااااااااااام الى المادة القادمة

بايييييييييييييي يا شبابببببببب

[Hamdy Tawfik-manar9 0]

جميل يااخت ستار

ااكيد الزملاء والزميلات هيشاركوا لما يلتفتوا للموضوع

جزاك الله خيرا

[hend nga 3]

ان شاء الله

ويا ريت لو فيه حد من الترم الأول فى ماذة الثقافية 115 لو فيه من اجاب على الوحدة الثانية

والتى لم تقم بشرحها الدكتورة يا ريت يضع الإجابة هنا فى الحلقة لقد قمت بالإنتهاء من مذاكرة

الوحدات التى قامت بشرحها والآن بدأ فيما لم تشرحه

وهذه اسئلة الوحدة الأولى الى ان انتهى من الثانية

المحاضرة الأولى 115

2-Answer the following questions:

1- When did tribes flourish in the British Isles?

Tribes flourished in the British Isles by 8000 B.

2-When did people emerge from the Paleolithic era into the Neolithic era?

People emerged from the Paleolithic era into the Neolithic era around 4500 B.C.

3-What were the characteristics of the Neolithic era?

In the Neolithic era, people began building fairly modern houses out of stone, wood and whalebone, and practiced agriculture and domestication of animals. Though most still lived individually, some began to gather into

small villages. During the early and middle Neolithic era when stone structures known as ''henges'' began to appear around the landscape.

4- What purposes did stone structures (henges) serve in the Neolithic era?

Stone structures (henges) served many purposes. They were used to observe the night sky to determine when to sow and when to harvest, as meeting places for trading of goods and as defensive structures.

5-When did the English society move into the Bronze Age?

The English society moved into the Bronze Age around the time that Stonehenge was built.

6-Where did tin and gold come from in the Bronze Age?

In the Bronze Age, tin came from Cornwall and gold came from Wales.

[Doaa.M.M 0]

ستار

مجهود أقل ما يقال عنه انه رائع جداااا
وأنا معاكى وسعيدة بأفكارك بس ادينى فرصة يومين أذاكر
شويه وأرجعلك لانى كنت مشغولة الفترة اللى فاتت وبدأت
مذاكرة متأخر
استمرى والله معنا ومعكى

[om_maram 0]

اختى الكريمة ستار اسمحيلى اخد من وقتك كام دقيقة

انا بدأت دراسة فى التعليم المفتوح سنة 2002 و اجلت سنة و دخلت تانى و اجلت 7 سنين و دخلت تانى

حاليا انا فى الترم الثالث و بحضر المحاضرات بس معظم كلام الدكاترة انجلش و طبعا انا تقريبا مخى اتفرمت هههههههههههههههه

فدخلت المنتدى ادور على شوية كلمات من اللى خدتها قبل كدة فلقيت الموضوع دا

/montada-f2/topic-t1256.htm

بس للاسف طبعا الراوبط غير صالحة ياريت لو حد يراسل الاخت و يطلب الكلمات

عشان كلنا نستفيد بإذن الله

أسفة انى عطلتك و حكيت ليكى قصة حياتى ههههههههههههههه

[hend nga 3]

عزيزتى ابدا على الأطلاق بخصوص الملفات ل سويت هى من سنة وعشان كدة الميديا فاير رفعتها

بس مديرنا الأستاذ حمدى عمره ما يضيع ملفات بيحملها اول بأول علو موقع المنتدى 4 شيرد

لكى لا تضيع اظن لو بحثت فى مكتبة المنتدى للمواد العلمية سوف تجديها ان شاء الله

وكمان انا قمت بعمل ملف اكسل ووضعته فى قسم المفردات بأسم my notebook

فيه اكثر من 2000 كلمة ممكن تحمليه من 4 شيرد وتكملى عليه مجموعت الكلمات الخاصة

بالترم

بس ايه رأيك فى الحلقة الدراسية للمجموعة اللى انا الوحيدة فيها

[om_maram 0]

هههههههههههههههههههه حلوة اعتبرى نفسك بتذاكرى بصوت عالى

بصى يا قمر بالنسبة للمفات اللى بقول عليها انا دعبست عليها فى الموقع مش موجودة

ياريت تراسلى سويت و ياريت لو هيا مصرية تقوليها انى عايزة اتواصل معاها

بالنسبة للملف بتاعك notebook حملتها طبعا عيب تسألى سؤال زى دا هههههههههههههه

اصلى بحاول اجمع اكبر قدر من الكلمات وعلى فكرة انا حاليا بجمع بس

مرحلة المذاكرة لسه هتبتدى فى شهر 6 ربنا يستر و يعدى الترم دا على خير

[hend nga 3]

هاحاول ابعث رسالة لسويت بس يارب ترد عليا لأنى ملاحظة انها لا تدخل المنتدى هذه الأيام هى

وهنى بونى ( رانيا )

دعاء يا ريت تشاركى معايا فى الحلقة الدراسية ونزاكر سوا وننظم جدول دراسى نستفيد منه ونوفر الكثير من الوقت والجهد لنا

لو رغبتى ممكن ننظم سوا حتى ان فيه فى المنتدى صفحة الدردشة ممكن نستفيد منها او هذه الصفحة فى اجابة التطبيقات سوا اذا وافقتى بلغينى

[Doaa.M.M 0]

طبعا موافقة يا ستار

وياريت ننظم مواعيد ندخل فيها صفحة الدردشة
ونتفق على اللى نذاكره ونجاوب على الاسئلة فى الصفحة دى

[hend nga 3]

خلاص اتفقنا اختارى الوقت اللى يعجبك ما عدا يوم الجمعة والوقت كل يوم

بالنسبة لى مفتوح ما عدا من 1 الظهر الى 4 العصر وباليل بعد الساعة 11 مساءع لشان ده الوقت الى بكون مشغولة فيه بشؤون البيت والأولاد انتى عارفة

[om_maram 0]

بقولك يا ستار خلى بالك اى كلمة مهما كانت صغيرة احتفظى بيها مكنتش هتفيدك فى الترم دا ممكن تفيدك فى الترم اللى بعده

اقولك احتفظى بيهم كلهم و لما تخلصى دراسة عديهم شوفتى حفظتى كام كلمة فى 4 سنين هههههههههههههه

[hend nga 3]

Doaa انتى فين
يا ريت تبلغينى نبدأ من أى مادة 111 او 112 او 115 شوفى نظامك ايه وبلغينى

[hend nga 3]

ام مرام انا حاولت الأتصال بسويت وارسلت لها رسالة خاصة ولم ترد الى الأن

الأهم من تجميع الكلمات هو حفظها وتثبيتها فى المخ للأبد ليس فقط للترمات يا رب يساعدنا

وينشط مخنا احسن الزهايمر لما بيشتغل معايا بيبخر كله وكأنى

[om_maram 0]

بالنسبة للزهايمر متقوليش انا عندى ضغط نفسى و مش عارفة ازاى احفظ الكلمات و تتثبت فى دماغى ربنا يستر

[hend nga 3]

عزيزتى ام مرام هو الموضوع المفردات اللى تخص سويت اترفع لأنى بدخل على الرابط اللى وضعته اجده مرفوع ولا اتذكر مقعه فى المكتبة ولا فى اى قسم يا ريت تشوفيه

لأنى عايزة ابعت الرابط للأستاذ حمدى لأنه الوحيد اللى هيقدر يصلح الروابط

[Doaa.M.M 0]

ستار

اسفة انى اتاخرت فى الرد بس الجهاز عندى كان بيتصلح
يلا نبدأمذاكرة بمادة 115 الثقافية ومنتظراكى يوم الاتنين
الساعة 6مساءا ونكون ذاكرنا اول اربع وحدات
هما منهم اتنين اتشرحوا فى المحاضرات واتنين لا
وممكن نراجع شويه فى النحو العربى لو فى وقت

[hend nga 3]

على فكرة انا عرفت من احمد ان الوحدة 2 , 3 فى 115 ملغيين من سنتين وعلشان كدة ملهمش

محاضرات

انا هابدأ معاكى خلينا نزاكر 1-4-5 فى 115 ونزاكر المحاضرتين المحدثين اخيرا فى النحو العربى الموضوع بتاعهم سهل ونتقابل يوم الأثنين

على فكرة لازم تركزى معايا فى حفظ كلمات كل وحدة ونتقابل ان شاء الله على خير

[hend nga 3]

دعاء انتى فين لم تظهرى على الصفحة اليوم هل انتهيت من الجزء المحدد ام لا وهل تريدين المتابعة ام لا ارجو ابلاغى

[hend nga 3]

سأضع اليوم الأجابات الخاصة بالثقافية 115 الوحدة 2 و 3 يا ريت لو حد يراجع معايا الأجابات

ونشوف اذا كان بها خطأ وهم غير موجودين بالمحاضرات المكتوبة او التطبيقات

Unit 2

When did Julius Caesar first come to Britain? - 1

Julius Caesar first come to Britain on August 27, 55 BC.

What did the Britons forces include? - 2

The Britons forces included Warriors in horse drawn chariots .

What was the effect of the bad weather on the Roman expedition? - 3

The bad weather was seriously damaged many of the Roman ships,

Which restricted the mobility in the Roman expedition.

Where did the Roman legions stay in Britain? - 4

the Roman legions stay in Britain in a coastal zone.

When did Caesar order a return to Gual? - 5

Caesar order a return to Gual after repairing most of the ships.

Unit 3

When did the Romans go back to Britain in the second expedition? - 1

The Roman returned to Britain on July 6, 54 BC .

What caused the Britons to retreat? - 2

the large size of the Roman force, caused the Britons to retreat.

Why did various tribe rulers make alliance with Caesar?- 3

various tribe rulers make alliance with Caesar because he extended

Roman protection to them as long as they " fit in " with the Roman

Way of life .

What forced Caesar to return to Gaul? - 4

Mounting problems forced Caesar to return to Gaul .

[hend nga 3]

على فكرة يا زملاء الترم الأول واللى معاهم نحو عربى 111 الدكتور اتغير واترفعت كل محاضراته المكتوبة والمرئية

واصبحت الدكتورة وفاء هى دكتورة المادة لهذا الترم ونزلت بالأمس المحاضرة الثالثة لها على الصفحة الدراسية وهذا الخبر من المسؤولين عن موقع الجامعة فى ردهم على رسالتى بخصوص

المادة والمحاضرات التى تأخروا فى وضعها وقامو بتحديث جميع المواد الأخرى ولا يوجد بها اى تغيير

[kerny 0]

الاخت ستار بالنسبة للمادة الثقافية فالوحدة الثانية والثالثة ملغيين اما النحو العربى فياريت لو كنت حملت المحاضرات التلفزيونية للدكتور محمد خضير ترفعيها لنا لانها مفيدة جدا وشكرا

[hend nga 3]

انا بالفعل عندى كل محاضرات دكتور خضير وحاولت ارفعهم على حسابى فى 4 شيرد حتى اضعهم

على المنتدى ولكن فشلت فى عمل ذلك هاحاول مرة ثانية علشان خاطرك ويا رب تنفع

اما بخصوص الوحدتين 2 - 3 فأنا عرفت انهم ملغيين وكمان الوحدة رقم 7 فى نفس المادة 115 ايضا ملغية لأنه نفس منهج الترم السابق ( ترم يناير )

[kerny 0]

شكرا لكى ستار وانا فى انتظار المحاولة علشان عايزة اخلص النحو واركز فى الباقى وربنا معانا جميعا

[hend nga 3]

قمت برفع المحاضرات التليفزيونية لمادة النحو 111 على 4 شير اتمنى انهم يشتغلوا عندك

وتستفيدى بهم لو امكن تخبرينى ماذا عملتى فى مادة 112 القراءة والفهم بتذاكريها ازاى لحد دلوقتى عندى مشكلة فى حل السؤال اللى يخص المعنى الضمنى اما الالفكرة الرئيسية لالا ليست عندى هذه المشكلة ماذا عنكى


الرابط التالى

4shared.com/account/dir/u-kekamc/sharing.html?rnd=98

[hend nga 3]

نزلت اليوم على صفحتى الدراسية المحاضرة الخامسة للنحو العربى ولم تنزل المحاضرة 4

لو فيه احد نزلت عنده المحاضرة الرابعة للدكتورة وفاء يا ريت يضعها على المنتدى

[dinaar 0]

سؤال عن مادة القراءة والفهم
لو فى حد بيحضر يا ريت يقول لى ايه اللى أخدتوه لحد دلوقتى؟؟؟ وهل فى حاجات ملغية؟؟

[hend nga 3]

هذه المادة يمكن الوحيدة اللى تعبانى الترم ده اكثر من الترجمة لكن عموما لحد دلوقتى لم يشارك احد فى الترم الأول بحضر المحاضرات وكل كلام الزملاء اللى بيحضروا من الترمات الأخرى بيقولوا انه نفس المنهج والشرح الوجود فى المحاضرات التليفزيونية


لو امكن اذا كان عندك المحاضرة الرابعة للدكتورة وفاء نحو عربى ضعها هنا على هذه الصفحة لأنها غير موجودة فى صفحتى الدراسية

[dinaar 0]

على فكرة أنا عندى مادتين بس من الترم الأول اللى هما النحو(عربى) والقراءة والفهم ، والحمد لله الثلاث مواد التانيين جبت فيهم امتياز ... بس اللى مجننى بقى وخانقنى جدا انى مش عارفة أذاكر من الكتاب ولا المحاضرات لانى خايفة أذاكر المحاضرات بس والاقى فى الامتحان حاجة من الكتاب أنا ما ذاكرتهاش.
أصل أنا فى الترم الأول ف مادة الترجمة عملت شاطرة وذاكرت الكتاب كله والمحاضرات وهما كانوا بيقولوا المحاضرات بس فا جيت ف الامتحان لقيت قطعتين واحدة من الكتاب وواحد من التطبيقات ومفيش حاجة جات من المحاضرات ... وأنا كان حظى حلو انى مذاكرة كل حاجة.
وفى الترم التانى عندى مادة الترجمة (2) وبعانى من نفس المشكلة ... انا ممكن أذاكر الكتاب كله بس المشكلة ان الوقت قصير ومش عارفة أعمل ايه بصراحة ... عايزة أذاكر المحاضرات بس ... لكن الدكتورة شرحت قطع من الكتاب مش موجودة فى المحاضرات
يا ريت لو حد يعرف حل المشكلة دى ايه يقوللى
أسفة على الاطالة
شكرا

[kerny 0]

انا ماحضرتش محاضرات القراءة والفهم الا الاسبوع الماضى لان بنتى كانت بتمتحن ولما رحت لقيتهم مصورين ورق الدكتورة بتشتغل منه هو افضل من الكتاب بكتير ومش هنشتغل من الكتاب يعنى اركنى الكتاب وحاولى تطلبى الورق من المركز لانى مش هاقدر انزله لان معنديش سكانر

[hend nga 3]

الورق اللى بتتكلمى عنه هو مختلف عن المحاضرات والتطبيقات الموجودة على الصفحة الدراسية

ام لا اتمنى تعملى مقارنة بينهم وتخبرينا ارجوك بسرعة لأن الأمتحانات على الأبواب

[dinaar 0]

شكرا جزيلا ... بس أنا بسأل بردو نفس السؤال اللى سألته Star. H
يا ريت لما تعرفى تقوليلنا

[kerny 0]

احنا اخدنا حتى الان ثلاث قطع فقط وكلهم مش موجودين فى المحاضرات ولا التطبيقات لو تقدرو تتصلو بالمركز علشان ينزلوهم وزنوا عليهم لانهم بيكسلوا وانا يوم الجمعة القادمة ان شاء الله هقول للدكتورة انهم مش موجودين فى صفحاتنا الرئيسية وهبلغكوا باللى حصل

[hend nga 3]

اشكرك مساعدتك بس يا ريت متنسيش زمايلك الغلابة

[hend nga 3]

اللى جاو بفيكم يا شباب الترم الأول التطبيقات الجديدة للنحو العربى للدكتورة وفاء يضعها

على هذه الصفحة حتى نصحح لبعض

يا رب حد يعبرنى ويشارك معايا

[hend nga 3]

kerny , dinaar اتمنى اللى بيحضر فيكم المحاضرات يبلغنا بأخر التطورات

الصفحة الدراسية التحديثات فيها بطيئة جدا والأمتحانات على الأبواب يا ريت حد يتعب ويقولنا

عن الموضوعات الجديدة اللى فى القراءة والفهم وكمان النحو العربى لأن المحاضرات الجديدة نازلة
من غير تطبيقات ومختلفة عن المحاضرات الدكتور ويا ريت كمان قطع الترجمة الجديدة اللى نزلت

[Doaa.M.M 0]

kerny كتب:

انا ماحضرتش محاضرات القراءة والفهم الا الاسبوع الماضى لان بنتى كانت بتمتحن ولما رحت لقيتهم مصورين ورق الدكتورة بتشتغل منه هو افضل من الكتاب بكتير ومش هنشتغل من الكتاب يعنى اركنى الكتاب وحاولى تطلبى الورق من المركز لانى مش هاقدر انزله لان معنديش سكانر

عزيزتى kerny اولا اهلا بيكى فى المنتدى والف سلامة على بنتك
يا رب تكون اتحسنت وبخير
بخصوص الورق اللى بتتكلمى عنه انا ممكن ارفعه على المنتدى لانى عندى
سكانر فياريت لو انتى من القاهرة نتقابل الجمعة الجاية فى الجامعة واصور منك الورق
ده طبعا لو ما عندك مانع وكده نستفيد كلنا وجزاكى الله خيرا

[hend nga 3]

kerny ارسلت لك رسالة علي الخاص يا ريت الان اقرائيها اتمنى توافقى وتردى عليا

[kerny 0]

اسفة يا جماعة على التأخير فى الرد عليكم الموقع هنا بقالى ساعتين بحاول افتح الصفحة دى واخيرا فتحت انا قلت يوم الجمعة للدكتورة على موضوع ورق القراءة والفهم و الى ان يحدث شىء انا كنت باكتب لكم المواضيع على الوورد وهاضعهم هنا ولكن بما ان الاخت دعاء عندها اسكانر يبقى اقابلها يوم الجمعة ان شاء الله وتأخذ الورق بس ياريت يا دعاء نتقابل بعد محاضرة الدكتورة وفاء وعلشان فيه ورقة ترجمة عربى صديقتى هتصورها وتجيبهالى يوم الجمعة

[Doaa.M.M 0]

شكرا لردك يا kerny وان شاء الله نتقابل
فى المحاضرة او بعدها لانى نازلة احضرها بإذن الله
وهبعتلك رقم تليفونى فى رسالة خاصة حالا
وجزاكى الله خيرا

[hend nga 3]

الحمد لله ان معايا زميلات مشاركات متعاونات

الظاهر ان مذاكرة النحو اثرت على دماغى عمال اكتب كل الكلام بجمع تكسير

فى انتظار الجديد والأوراق وربنا يستر احسن صحبتكم مش عارفة ممكن تعمل ايه لو كانت

الموضوعات مختلفة عن اللى بذاكره

[Doaa.M.M 0]

والله يا بنتى اللى فيه الخير يقدمه ربنا
واحنا ونصيبنا

[kerny 0]

انا ياجماعة كتبت اول موضوع فى القراءة والفهم وعايزة انزلة بس مش عارفة بعملcopy,past بلاقيه اتلخبط اعمل ايه

[Hamdy Tawfik-manar9 0]

اعملي copy للمحتوي في الورد ثم افتحي ملف نصي واعملي past جواه <<

وبعدين ارجعي اعملي copy للمحتوي اللي داخل الملف النصي واعملي paste داخل نافذة الارسال

هتلافي النص تخلص من تنسيقه وبقي سليم وهو ده الغرض من الحكاية دي

الملف النصي المقصود بيه new text document وشكل ايقونته

ولتفاصيل اكثر بخصوص كيفية كتابة وتنسيق المواضيع في المنتدي

ارجعي للموضوعين التاليين

/montada-f1/topic-t630.htm

/montada-f1/topic-t4.htm

[Doaa.M.M 0]

kerny اولا شكرا لانك بتتعبى نفسك علشان تساعدينا
بس بدل ما تتعبى نفسك فى الكتابة لانها هتاخد منك وقت ومجهود جامد
ولو مش هتقدرى تقابلينى فى الجامعة ممكن تشوفى اى مكتبة او مركز
كمبيوتر كويس يكون عنده اسكانر وتعملى الورق عنده
يا ريت تردى عليا تقوليلى هتنزلى الجمعة الجاية ولا لا
وارقام تليفونى هتلاقيها فى رسالة خاصة عندك

[Hamdy Tawfik-manar9 0]

kerny كتب:

انا ياجماعة كتبت اول موضوع فى القراءة والفهم وعايزة انزلة بس مش عارفة بعملcopy,past بلاقيه اتلخبط اعمل ايه

وممكن كمان ترفعي الملف علي المنتدي من خلال المرفقات

التي تكون اسفل نافذة الارسال

[Doaa.M.M 0]

انا عندى فكرة تانية هى ممكن تبعته
فى ايميل لستار او انا او لحضرتك
واحنا نرفعه
وشكرا لمساعدتك استاذ حمدى

[hend nga 3]

اشكرك kerny علي مجهودك ويا ريت يا دعاء تتابعى الموضوع معاها لأنى هسافر ان شاء الله

غدا صباحا لجدة ومكة يمكن 5 ايام او اكثر لأداء العمرة

اشوفكم على خير الأسبوع القادم

[Hamdy Tawfik-manar9 0]

معندناش اي مانع يااخت نجمة ان تشملينا بكام دعوة في الحرم والمدينه

من باب دعاء المسلم لاخيه بظهر الغيب

عمرة مقبولة ان شاء الله

[Doaa.M.M 0]

HAMDY كتب:

معندناش اي مانع يااخت نجمة ان تشملينا بكام دعوة في الحرم والمدينه

من باب دعاء المسلم لاخيه بظهر الغيب

عمرة مقبولة ان شاء الله

تقبل الله منك