لاللتعصب !!!!أنا مش هشجع كورة تاني

[رحاب 0]

خلص الكلام

كنت بحب أشوف الكوره بعد اللي حصل إمبارح كرهتها
هوه إحنا ليه زعلنا من اللي حصلنا في السودان مهو إحنا بنقطع في بعضينا
أهلي وإسماعيلي زمالك ومصري كلهم قطعوا في بعضهم إمبارح امال لو كان كاس عالم كنا عملنا ايه
لما زعلنا من اللي حصل في السودان من الجزائرييين طلعوا الجماهير من كل المحافظات وقالوا هنشجع بحب فين الكلام ده حراااااام والله كل المحبوسين والمصابين أعمارهم مابين 16 -19حتى الكوره يا ناس........

[dalia 0]

رحاب كتب:

خلص الكلام

كنت بحب أشوف الكوره بعد اللي حصل إمبارح كرهتها
هوه إحنا ليه زعلنا من اللي حصلنا في السودان مهو إحنا بنقطع في بعضينا
أهلي وإسماعيلي زمالك ومصري كلهم قطعوا في بعضهم إمبارح امال لو كان كاس عالم كنا عملنا ايه
لما زعلنا من اللي حصل في السودان من الجزائرييين طلعوا الجماهير من كل المحافظات وقالوا هنشجع بحب فين الكلام ده حراااااام والله كل المحبوسين والمصابين أعمارهم مابين 16 -19حتى الكوره يا ناس........

عندك حق،حاجة تكسف وعيب والله...وبعدين نقول تغيير وديمقراطية وعايزين نعمل مش عارفة إيه، إحنا شعب ما ينفعش معاه غير الحكم الفرعوني...إيه التفاهة اللي بقينا فيها دي! معقولة، ونشتم في الحضري وبعدين نرفع تسعمية سما لما يصد كام جون كانوا حيهزأونا قدام العالم...يا ماما ده أحنا مالناش خير في بعض، مطلوب منا نتطور ونتقدم إزاي بس يا ربي...حسبي الله ونعم الوكيل...ده كله مخطط معمول لمسح مخ الشعب والله والشعب بسم الله ما شاء الله هو اللي بينفذ الخطة بحزافيرها ضد نفسه

[amonhoteb 0]

أنا الحقيقة مش عارف إنتي تقصدي إيه يا رحاب ؟ هو أيه إللي حصل في ماتش الأهلي

والإسماعيلي ؟ أنا شفت الماتش كله من أوله لأخره وعلى ما أذكر يعني إن ماحصلش مشاكل في

المباراة .. أما بالنسبة للجمهور ... فأنا بقولها ياجماعة إن مش الجمهور هو السبب في التعصب

ولكن السبب هم القائمين على الإعلام سواء المرئي أو المقروء أو المسموع .. يعني مثلاً هناك ناقد

مصري كبير إسمه محمود معروف خرج على الناس في مقاله اليومي يتحدث عن ماذا هل تعرفوا

؟ إنه يتحدث عن الكلب الذي كان يحمله اللاعب أحمد حسن في الإعلان التليفزيوني وكيف أن

الكلب كان لونه أبيض أي أنها كانت رسالة موجهة لجمهور الزمالك ؟؟!! وإن أحمد حسن كان

يقصد الإساءة إلى نادي الزمالك !!! شوفتوا إنتوا تفاهة وعصبية أكتر من كدة ؟ طيب لو فرضنا

إن أحمد حسن كان يقصد ذلك فهل من مصلحة المعلن أن يخسر جمهور كبير مثل جمهور

الزمالك؟؟ ياجماعة بجد هو لا هو مخطط ولا إحنا بنعرف نخطط ولا حاجة .. الموضوع كله إن

المسؤلية بقت في يد ناس مش قدها

[رحاب 0]

لو متابع يا أخ أمنحوتب كنت شفت جمهور الإسماعيلي وهو بيكسر كراسي اللإستاد قدام الظباط وطبعا دي ردت فعل للي حصلهم وهمه جايين من الإسماعيليه جمهور الأهلي وقفهم في ميدان رابعة العدويه وقطعهوم أنا أساسا أهلاويه وقبل كل ده مصريه وبحب الكوره ونفسي نرتقي بأنفسنا في كل حاجه بدل ما ندور على التغيير في وزاره ولا حكومه نغير نفسنا الأول ده جيم مش حرب يا ريتنا نعمل كده عشان القضيه الفلسطينية بدل ما احنا بنغذي شباب زي الورد بالحقد عشان يروح يفرخ كبته في اخواته ..........حسبي الله ونعم الوكيل.....

[amonhoteb 0]

بصراحة المعلومة دي جديدة .. أنا ماشفتش جماهير الإسماعيلي وهي بتكسر الإستاد .. يمكن ده

ظهر على قناة غير إللي كنت بتفرج عليها .. بس في سؤال مهم ؟ لو فعلاً كان جمهور الأهلي ضرب

جمهور الإسماعيلي في ميدان رابعة العدوية طب هو الإستاد ماله ؟ بيكسروا كراسيه ليه ؟

وفين الشرطة إللي المفروض تمسك جماهير الأهلي الممُغتصبة وتحطها في الزنزانة ؟

بس في الآخر برضوا أرجع وأقول إن الإعلام له يد في ذلك التعصب . وشكراً على موضوعك

[Hamdy Tawfik-manar9 0]

الرياضه اخلاق

[dalia 0]

أنا متفقة مع حمدي إن الرياضة أخلاق ومع رحاب إن مش معقولة المستوى اللي وصلناله وبرضه متفقة مع أمنحتب إن الإعلام له يد في تسخين الأمور الله ينور ولا سخان أوليمبيك.

عارف يا أمنحتب، المشكلة كمان إننا بسم الله ما شاء الله شعب بيسخن في ثواني، وده طبعاً من الجهل والفقر وإن الناس بتلهي نفسها في حاجة تفرغ فيها شحنات الغضب والإحباط وكل المشاكل اللي مش عارفين يحلوها

[amonhoteb 0]

ياداليا إنتي موافقة على كلام حمدي إن الرياضة أخلاق ... ماشي بس شوفي بعد الكلمة عامل ايه ؟؟!!

HAMDY كتب:

الرياضه اخلاق

[dalia 0]

amonhoteb كتب:

ياداليا إنتي موافقة على كلام حمدي إن الرياضة أخلاق ... ماشي بس شوفي بعد الكلمة عامل ايه ؟؟!!

HAMDY كتب:

الرياضه اخلاق

لا مخدش بالي من دي بجد!

بس أنت فاهم أنا أقصد إيه

[amonhoteb 0]

طبعاً فاهم ... ده إنت أخ

[dalia 0]

amonhoteb كتب:

طبعاً فاهم ... ده إنت أخ

أنا أخ؟

[amonhoteb 0]

لا ياداليا أنا بقول لـ حمدي يعني

أما إنتي أحلى أخت