اى حد عنده استفسار عن التيرم الثانى يقولى

[pepsi 0]

السلام عليكم و رحمة الله و بركاته يا جماعه انا فى تيرم تانى و معايا المواد كلها و الحمد لله مش معايا حاجه من التيرم الاول يعنى اى حد يسأل عن التيرم الثانى بس و شكرا ليكم

[eamy 0]

السلام عليكم :..
طيب أنا عندي استفسار بسييط ..
أنا لحد الأن مفيش أي مادة من المواد نزلت ع صفحتي الشخصية ولاا
وصلتني الكتب من عند الوكيل ولا أي حاجة نهائياا ..
هو الحجات دي كلها موجودة عند حضريتك ؟؟؟
قصدي المواد و الكتب يعني ؟؟؟

[pepsi 0]

بصى يا eamy عندنا لزم ندفع المصاريف علشان الحجات دى تنزل على الصفحه و الكتب برده كده انا مش عارف الموضوع عندكم فى جده اى ظروفه بس اكيد نفس النظام عندنا

[eamy 0]

اهاا بس أنا دفعت من زماااااااان و شكلهم لساا بالهم طوييل قوي ..
الوكيل بقالو شهر يقول الاسبوع الجاي تنزل الموااد و لحد الأن
مفييش حاجة نزلت خاااااالص .. الوقت بيسرقنااا و هم حاطين
ايدهم في المية البااردة هناا ..

[الطائي 0]

الدكاترة تقريبا كلهم اتغيروا علشان كدة مفيش استقرار علي المنهج لحد دلوقتي مش عارف الموضوع هايستقر امتي بس متوقع قريب ان شاء الله

[eamy 0]

ربناا يسهل .. و ان شااء الله يستقرو قريب ..
وبعدين كمان مين عاارف يمكن التأخير دا فيه خير ليناا ..
احنا مش بإيدنا غير نصبر , ننتظر و نتابع الموضوع ..

[pepsi 0]

ولله يا ايمى انا دفعت المصاريف و كله تمام على العموم الامتحانات اعتقدانها فى شهر 7 و المواد مافيهومش غير النحو العربى هو الى تقييل شويه على العموم انا ممكن ابعتلك الكتب على الايميل
هما معايا على الكمبيوتر

[eamy 0]

أوكي أخي pepsi عموماا أناا يومياا بتصل بالوكيل و منتظرة كداا يومين لو منزلتش المواد عالموقع هديك خبر و تبعتهم لياا ان شااء الله ..
و ربناا يجزيك كل خيير على مساعدتك ..

النحو كاان من خلاال الجملة أعتقد السيمستر داا هيكون من خلاال النص و هيبقى
تقيل فعلاا .. هههههههه مين عاارف بااقي الموااد كماان فيهاا ايه ..

طيب يااجمااعة بالنسبة للمحاضرات التلفزيونية كماان .. دي ايه النظاام فيهاا هتتغير ؟؟؟
وبتفيد ولاا ايه الوضع ؟؟؟ اناا بصرااحة فادتني في اول تيرم و خصوصاا اللي في المراجعاات
النهاائية قبل الإمتحاان ..

انتو ايه الأخبار معااكم ؟؟؟

[pepsi2k007 0]

انا مش بذاكر الا من المحضرات المتصوره دى اصلا بتجيب م الاخر الدكتوره بتاعة الجرامر كويسه او هى بتدينا مادتين grammar و comprehension بس كويسه اوى

[eamy 0]

ممممممم فعلاا كتيير نااس بيذاكرو بس من المحاضراات المتصورة دياا ..
خصوصاا ان احنا هناا مش بنروح نحضر محاضرات ولاا أي حااجة خاالص ..

أماا عن الدكتورة أهاا طيب كويس طمنتني ..
لكن هو اسم الدكتورة ايه بس بعد إذنك ؟؟؟

[pepsi2k007 0]

الدكتوره اسمها نهله حلمى اصلا شرحها تحفه و الدكتوره بتاعت culture لحد دلوقتى لسه مانزلتش اى حاجه خالص و فى الدكتور سعد عبد الرحيم بيقولو ان الدكتور ده كويس فى الشرح انما تصروفاته مع الطلابه مش كويسه على فكره الدكتوره بتاعت الترجمه كويسه جدا

[eamy 0]

شكراا عالمعلوماات ..
و ان شااء الله تكوون اختباراتهم زي شرحهم
و تكوون كويسة ..

[peace bird 0]

السلام عليكم
حبيت أسأل لو عندك أي محاضرات تلفزيونية للمادة الثقافية125 لانه لحد دلوقتي منزليش حاجة عالموقع بتاع الجامعة والوقت بالنسبالي قليل للمزاكرة

[Doaa.M.M 0]

السلام عليكم
أنا دعاء معاكم فى الترم التانى ومسجلة مادتين بس
الجرامر والترجمة..انتوا ايه اخبار الترجمة معاكم
انا تايهة فيها شوية

[om_maram 0]

السلام عليكم ورحمة الله وبركاته

بصوا يا جماعة انا ترم تالت بس بعد انقطاع دام لمدة 7 سنين

يعنى من الاخر اللى فى الترم الاول ممكن يكونوا احسن منى

انا فاقدة الذاكرة تماما و الامتحانات 17/7 و لسة مفتحتش حاجة

سورى حكيت قصة حياتى هههههههههههههههههههه

المهم يا جماعة انا طالبة طلب لو ممكن حد يقدر يساعدنى

انا لا افهم اى شيء او النحو ياريت يا جماعة اللى عنده مذاكرات

او اى ورق للنحو الاول او التانى يرفعهم و أكون شاكرة ليكم



على فكرة مادة الثقافية افضل بكتييييييييييير من الترم الاول

[dinaar 0]

يا جماعة أنا عايزة أسأل عن مادة الترجمة
أنا للأسف حضرت محاضرة واحدة بس وعايزة أعرف المحاضرات المصورة دى نذاكرها كلها ولا ايه؟ولا نذاكر من الكتاب بس؟عشان عايزة أبدأ وخايفة انى أذاكر حاجة وتطلع ملغية بعد كده
أرجو الرد بسرعة من فضلكم

[Hamdy Tawfik-manar9 0]

تقصدي ايه بالمحاضرات المصورة ؟؟

محاضرات الفيديو ولا ايه ؟؟

[dinaar 0]

لا المحاضرات اللى بنستلمها مع الكتب

[Hamdy Tawfik-manar9 0]

هو فيه محاضرات بتتسلموها مع الكتب ؟

يمكن حاجه جديدة بقي انا ملحقتهاش ... احنا كنا بنستلم الكتب بس والسيديهات

والمحاضرات والتدريبات بنحملها من علي الصفحة الدراسية

وطوال الـ 8 تيرمات في التعليم المفتوح كنت معتمد اعتماد كلي علي محاضرات وتدريبات وامتحانات الانترنت لاني لم اكن احضر علي الاطلاق

حتي محاضرات الفيديو كنت بحملها من علي النت من الصفحة الدراسيه بس مكنتش بتكون في كل المواد

وساعات كنت بتابع قناة التعليم المفتوح خصوصا الايام اللي قبل الامتحان

عموما ان شاء الله حد من الاخوة او الاخوات الجداد اللي معاكي يشوف الموضوع ويوضحك لك المطلوب


تحياتي واهلا بيك في منتديات المنار التعليمية

[dinaar 0]

Thanks a lot for ur reply
وعلى فكرة المحاضرات اللى بنشتريها مع الكتب دى هى هى المحاضرات الموجودة على الصفحة الدراسية
Thanks again

[hend nga 3]

بالنسبة للسيديهات اللى مع الكتب هى هى اللى فى الصفحة الدراسية وهى اللى على قناة الجامعة

دى يمكن كمان ناقصة

يا ريت اسأل ترم تانى لأنهم اقدم منى وخبرة انا حاليا براجع مع محاضرات المراجعة
( التليفزيونية )

عايزة استفسر عن الأجابة فى الأمتحان يعنى فى المراجعة الدكاترة بيقولو اكتبوا الأجابة فقط

معنى كدة مثلا قطعة الترجمة اكتب الترجمة كاملة ولا اقطعها جملة جملة واترجمها مثل الدكتور فى المحاضرة

وكمان فى الثقافية فى اسئلة صح وخطأ مع تصحيح الخطأ هل اكتب الجملة كاملة واكتب

الأجابة امامها ولا اكتب صح فقط امام رقم الجملة وخلاص

وكمان مادة الجرامر اكتب الكلمة الصحيحة ( فى سؤال الأختيارى ) ولا اكتب الجملة كاملة

اعتذر على الأطالة بس عايزة احل الأمتحانات الموجودة على صفحتى كتدريب ليا وعايزة ابتدى صح

يا ريت تقولوا انهى حل افضل يا رب حد يرد على استفسارى

[Hamdy Tawfik-manar9 0]

الترجمه طبعا لازم تبقي قطعة واحدة متكاملة وفي سياق واحد ..اسلوب ترجمه جمله بجمله ده

اسلوب خاطيء تماما ....اساسا انت لازم تقراي القطعه كلها اكثر من مرة ..

احينا فهم وترجمة جملة بشكل صحيح يعتمد علي الجمله اللي بعدها مش اللي قبلها

وطبعا اجابات الامتحانات بتحطي رقم الاختيار الصحيح فقط

يعني 1-b

2- c >>>> وهكذا .... المصحح بيبقي معاه نموذج اجابات بالارقام

تكونيش فاكره ان الدكاتره هما الللي بيصححوا بجد ؟

[hend nga 3]

ايه ده اومال مين اللى بيصحح يا مدير

معلش يمكن تكون اسئلتى غريبة لكن انا متعودة فى كليتى على الأجابة بالتفصيل الممل والا الدرجات تنقص

لكن كدة يبقى اسهل اهو اختصارة علشان متعبش ايدى بالكتابة

[dinaar 0]

أنا عندى مشكلة ف مادة الترجمة
أذاكر المحاضرات بس ولا المحاضرات والقطع اللى بتشرحها الدكتورة فى الكتاب؟
عشان أنا تايهة بصراحة

[waghelamar77 0]

السلام عليكم ورحمة الله وبركاتة
انا اختكم هبة انا حاليا طالبة فى التيرم الاول
بس انا عندى طلب وممكن اقول علية رجاء من الاخ pepsi
معرفش اذا كنت حضرتك هاتوافق ولا لا
انا اخى مصرية وهانزل مصر باذن الله فى شهر 9 من السعودية وللاسف عندى ظروف قهرية جدا بس هية خير هاتضطرنى اكون مشغولة جدا لمدة شهرين او ثلاثة يعنى بعد بدء الدراسة ب 3 شهور وانا فى نفس الوقت دمجت مواد التيرم ال 3 مع ال 2
ومن هنا اتمنى من حضرتك اذا قبلت مساعدتى انا اخذ منك مواد التيرم التانى اذاكرها فى الصيف بعد الامتحان واكون شاكرة اذا حضرتك قبلت اما اذا لم تقبل ايضا اشكرك لمرورك الكريم بقراءة رسالتى
منتظرة من حضرتك الرد

[hanan adel 0]

plz i need passward and user name as am married and have 2 kids so i study at home thanks if u can help me ?

[hanan adel 0]

اتمنى من حضرتك اذا قبلت مساعدتى انا اخذ منك مواد التيرم التانى اذاكرها
فى الصيف بعد الامتحان واكون شاكرة اذا حضرتك قبلت اما اذا لم تقبل ايضا
اشكرك

[Hamdy Tawfik-manar9 0]

hanan adel كتب:

اتمنى من حضرتك اذا قبلت مساعدتى انا اخذ منك مواد التيرم التانى اذاكرها
فى الصيف بعد الامتحان واكون شاكرة اذا حضرتك قبلت اما اذا لم تقبل ايضا
اشكرك

يمكنك تحميل مواد التيرم الثاني من هذا الموضوع مع رجاء الانتباه الي ان المناهج قد تتغير احيانا من تيرم الي اخر

/montada-f26/topic-t1100.htm