حوووواديت

[a.h.issmail 0]

فعلا الامهات حاجة عظيمة جدا

كام يوم كل واحد فينا قعدت مامته جنبه تحكيله حدوتة
وكام مرة احنا براخمتنا سمعناها مع اننا حفظناهم بس برضوا لازم نسمعهم تاني

بسبب موضوع دريم الاميرة الحافية

جاتلي فكرة
كل واحد فينا عنده علي الاقل عشر حواديت
يكتبلنا منهم الي هو فاكره

واهه نفيد الناس الي مش بتحكي لاودلادهم حواديت


طبعا دريم ابتدت الموضوع وحصلتها داليا

وانا ان شاء الله هاحصلهم قريب

[a.h.issmail 0]

dalia كتب:

نص فرخة

كان يا ما كان، في مملكة بعيدة زمان، ست
وراجل
كبار في السن، عايشين في كوخ قريب من قصر الملك، وما كانش عندهم
ولاد،
وكانت الست بتدعي كل يوم "يارب، يارب، نفسي في طفل نربيه ونفرح
بيه
ويساعدنا، يارب إن شاء الله حتى تكون نص فرخة". وفضلت الست تدعي
الدعا ده
كل يوم لحد ما في يوم لقيت على باب البيت نص فرخة في سبت صغير
ومعاها ورقة
بتقول "دي النص فرخة بتاعتكم، حبوها وخللوا بالكوا منها،
بس اوعوا حد
يشوفها غيركوا"

الست والراجل فرحوا بيها قوي قوي
وربوها وكانت نص
فرخة شاطرة وذكية ولهلوبة وأروبة، كانت بتساعد في
البيت وتشيل عن باباها
الحاجة لما ييجي من شغله.

وكانت دايماً
بتسألهم "ليه ما قدرش أخرج
من البيت وألعب مع الأطفال التانيين" وكانوا
يردو عليها "علشان ماحدش حيفهم
إن أنتي نص فرخة جميلة وممكن يضايقوكي"


وفي يوم، سمعت الولاد
بيقولوا إنهم حيروحوا يلعبوا في جنينة
قصر الملك، وكان نفسها قوي تروح.
خرجت نص فرخة من البيت بسرعة وجريت
ورا الولاد من غير ما حد يشوفها ولا يحس
بيها. وراحت جنينة الملك
واستخبت ورا شجرة. شافت الولاد بيلبعوا وشافت
الجناين والورد والبحيرة
الجميلة. قعدت نص فرخة ورا الشجرة تغني وترقص
لوحدها، وفجأة جه الأمير
على حصانه الأبيض وشاف النص فرخة اللي بترقص وسمع
صوتها الجميل.

"انتي
مين؟"! اتخضت نص فرخة وجريت بسرعة ترجع على
البيت، ووراها الأمير لحد
ما وصل الكوخ وراها. بابا ومامتها اتخضوا وخافوا
على نص فرخة. خبوها
بسرعة، بس الأمير فضل يخبط على الباب. لما فتحوله قالهم
"أنا سمعت غنا
نص فرخة الجميل وعايزها تيجي تغني في الحفلة الكبيرة
الليلة" فقالوله
"هي مش المفروض حد يشوفها ولا يكلمها"

لما نص فرخة
سمعت الكلام
ده طلعت وقالت "مش مهم الناس يقولوا عليا إيه، أنا عندي مامتي
وبابايا
بيحبوني وده كفاية عندي. أنا بحب الغنا والرقص وأحب أغني في حفلة

القصر"

رد الأمير وقال "نص فرخة عندها حق، اللي عنده أهل بيحبوه
ويخافوا
عليه ويربوه إنه يبقى عنده ثقى في نفسه كده، ما يهموش أي حد تاني
في
الدنيا"

راحت نص فرخة وغنت في الحفلة وكل الناس حبتها جداً، ومع
الأيام
الأمير حب نص فرخة ونص فرخة حبت الأمير. بس الأمير كان محتار إزاي
يقدر
يتجوز نص فرخة. وقرر في الأخر إنه حيتجوزها حتى لو كانت نص فرخة.

لما
راح يطلبها من باباها وماماتها، استغربوا طبعاً ومعرفوش يقولوا إيه
للأمير،
فقال "نسأل نص فرخة ونشوف رأيها إيه" ولما دخلت مامتها تسألها لقت
في
الأوضة بنت جميلة، بيضا شعرها أسود طويل وعينيها عسلي جميلة، اتخضت
وقالت
لها "إنتي مين؟ فين نص فرخة؟ فين بنتي؟" رد عليها وقالت "أنا نص فرخة

يا ماما، مش عارفة صوتي؟ أنا كنت خارجة أقول لكم إني موافقة أتجوز الأمير
وفجأة
لقيت نفسي بنت جميلة"

فردت مامتها "ده علشان الأمير شاب طيب
وشافك
على حقيقتك من جوة وماهموش شكلك نص فرخة ولا لأ"

توتا توتا
فرغت
الحدوتة، حلوة ولا ملتوتة؟

[a.h.issmail 0]

اما انا بقي فكنت رخم العائلة فاكر مرة كويس اووي ماما حكتلي علي بابا والاربعين حرامي

وكل الي كان هاممني اعرف اسامي الاربعين حرامي دول

مش بقولكم رخم

وعلاء الدين والمصباح السحري

بس دايما علاء كان بيطلب من الجني انه يجيب درجات كويسة في الامتحانات ويطلع من الاوائل


ياتري فين المصباح ده دلوقتي

[dalia 0]

تصدق يا أحمد، أنا بقى زيك كنت عايزة أعرف أسامي الأربعين حرامي، وكنت عايزة أدخل جوة واحدة من البلاليص دول هههههههههههههههههههه...شفت الهبل

[a.h.issmail 0]

هههههههههههههههههههههه



اسامي الاربعين حرامي ماما اختصرت كانت بتسمي كل 10 اسم واحد


ايام لايمكن تتنسي ربنا يكرمها بقي الي فكرتنا بالايام دي

[هادى 0]

بصراحه ..انا كمان كنت فى منتهى الرخامه..فكلما انتهت امى الحبيبه رحمة الله عليها من حدوته كنت اطلب المزيد..ولا يفك اسرها الا استغراقى فى النوم...اما عن حواديت امى الحبيبه فكانت ..ذات الرداء الاحمر.. سندريلا ..الذئب والخراف..ست الحسن والجمال.......الى مالا نهايه ...حتى انها فى بعض الاحيان كنت تخترع حواديت وليدة اللحظه لتنصحنى بطريق غير مباشر

[Hamdy Tawfik-manar9 0]

انتظروا حدوتة امنا الغولة .. المفضله لدي

[hinar 0]

فكرة جميلة

وساستجمع ذاكرتى انا الاخرى لاحكى لكم
وانتقى افضلها

[hend nga 3]

هتساعدونى كتير


يمكن ربنا يسهل ويشفيني من .................. الزهايمر

[hend nga 3]

بس يا ريت مع حكاية .........امنا الغولة

بالمرة يعنى تحكي لنا ............. ابو رجل مسلوخة

[Doaa.M.M 0]

فكرة حلوووة يا أحمد
أنا يا جماعة مش فاكرة غير حدوتة الكتكوت الشقى
اللى تاه لانه مبيسمعش كلام مامته

[a.h.issmail 0]

ياجماعة انا قلت للناس تحكي

مش يفكرونا بيهم بس

يلا اتشجعوا كدة وحد يحكلنا حدوتة

[dream 0]

السلام عليكم

Star. H كتب:

بس يا ريت مع حكاية .........امنا الغولة

بالمرة يعنى تحكي لنا ............. ابو رجل مسلوخة

ستار
ايه ده
لا اعملى معروف وحياة ربنا بلاش تحكى حواديت لاولادك
بصى سبيهم فى حالهم

[dream 0]

السلام عليكم

احكى لكم حدوته

كان فيه ولد اسمه مودى
وكان دايما مش راضى عن اى حاجة فى حياته ولا حتى عن نفسه
وفى من الايام وهو بيضرب الارض بفاسه علشان يزرع
كانت الشمس حامية جدا
فغضب جدا وقال ياربى ليه مش خلقتنى شمس
كنت دلوقتى انا اللى بتفرج على الناس وهى حرانه وبقرب منهم اكتر وبحرقهم بنارى اكتر
فجأة طلعت له جنية الاحلام وقالت له عاوز تكون شمس
قال لها يا ريت
الولد بص لقى نفسه شايف الناس من بعيد وعرف انه بقى شمس
وفضل يقرب ويقرب من اصحابه وهم بيزرعوا الارض
ويضحك على العرق اللى عمال ينزل منهم ويروى الارض
وكان فرحان جدا
وفجأة جت سحابة وخبت عنه الرؤية
اتغاظ مودى وقال لالالالالالالالالالالا
انا عاوز ابقى سحابة
ولقى مودى نفسه سحابة
وبدأ يتلذذ من جديد بقطرات المطر اللى بتنزل على الناس
لكن قامت الريح ومودى لقى نفسه نزل فى المحيط مجرد موجة
وفرح مودى وهو بيتمرجح وبيقرب على الشط
لكن آآآآآآآه بدأ يخبط فى الارض ياه دماغه لا رجله
ايه ده انا عاوز ابقى الارض
وفرح جدا لما لقى نفسه الارض وقال انا كده هتفرج على الناس فى كل مكان
وفجأة ايه ده ايه اللى بيضرب فيا ده
دا فاس احمد صاحبى
يالهوووووووووووووى
انا عاوز ارجع مودى تانى

[a.h.issmail 0]

ههههههههههههههه


قصة معبرة وكلها حكم
تقريبا كانت بتتحكيلي حاجة شبهها

بس سياق مختلف
لا تحرمينا من حواديتك

[dream 0]

السلام عليكم

لا اطمن
وهل املك الا الكلمات