يا شباب الترم الثامن

[dalia 0]

نفسي مرة حد يرد عليا من اللي معايا في نفس الترم

مين في الترم الثامن يا ترى؟ وهل يا ترى المحاضرات والكتب والحاجات دي نزلت على صفحاتكم علشان ما نزلتش على صفحتي رغم إني سددت المصاريف النهاردة.

يارب مش طالبة كتير، طالبة بس حد من شباب الترم الثامن يرد عليا...يا مسهل :queen:

[a.h.issmail 0]

تقريبا وعلي مااظن

علاء معاكي في الترم الثامن

[dalia 0]

a.h.issmail كتب:

تقريبا وعلي مااظن

علاء معاكي في الترم الثامن

ربنا يخليك يا أحمد يا اللي كده على طول معبرني تفتكر مافيش غيري أنا وعلاء في الترم الثامن؟؟ :lol!: دي تبقى كارثة والله

[a.h.issmail 0]

العفو ياداليا ده دين وهافضل ارده اطلبي انتي وهتلاقيني دايما موجود

[dream 0]

السلام عليكم

اهلا داليا
منورة

ياريت كل الزملاء اللى فى كل تيرم يتجمعوا مع بعض
ويكون فى شىء من النشاط
وفقكم الله

[dalia 0]

dream كتب:

السلام عليكم

اهلا داليا
منورة

ياريت كل الزملاء اللى فى كل تيرم يتجمعوا مع بعض
ويكون فى شىء من النشاط
وفقكم الله

أهلاً أهلاً، انتي اللي منورة...عندك حق والله وياريت الناس تاخد بنصيحتك

ربنا يوفق الجميع

[alaa eldin fikry 0]

السلام عليكم ورحمه الله شكرا يا مستر احمد منور المول والله وكيف حالك استاذه داليا وكل عام دراسى وانتم بخير والف مبروك على النتيجه وكنت عاوز اعرف بس ايه وجه الكارثه فى الموضوع ده ان يكون اثنين فقط فى المنتدى فى التيرم اثامن ام لاننا معاكم فى التيرم الثامن
على فكره انا من بدايه المنتدى كنت منزل موضوع باسم كل ماده للتواصل لان مش كل الناس بتبقى واخده مواد التيرم كله فكل ناس مشتركين فى ماده يتواصلوا فيها
وانا مسجل مادتين من التيرم الثامن فى البينى والثلاثه الباقين سجلت فيهم امس والماديتين كنت بدور على حد فى المنتدى فى تيرم ثامن وعلى العموم ربنا ييسر الحال الايام جايه وربنا يجعلنا فى الخير دايما

[واحة السلام 0]

ازيك دودو أنا كمان مغاكى فى الترم 8

لكن لم أسجل بعد و عموما ان شاء الله لما أسجل نتواصل معا
ولا تقلقى المحاضرات بتاخذ فترة لما تنزل تقريبا حتى يتم السداد فى البنك
وده اللى بيحصل عندنا فى المنصورة بنسجل وبعد 7 او 10 ايام تنزل المحاضرات
وبالتوفيق ان شاء الله

[dalia 0]

alaa eldin fikry كتب:

اوكيف حالك استاذه داليا وكل عام دراسى وانتم بخير والف مبروك على النتيجه وكنت عاوز اعرف بس ايه وجه الكارثه فى الموضوع ده ان يكون اثنين فقط فى المنتدى فى التيرم اثامن ام لاننا معاكم فى التيرم الثامن

أهلاً أهلاً أستاذ علاء، منورنا يا فندم دايماً، وكل عام دراسي وأنت بألف صحة. أنا كنت بهزر بمناسبة كارثة دي، وبعدين حد يبقى معاه الأستاذ علاء في الترم الثامن وما يتبسطش؟ بالتوفيق إن شاء الله في المادتين اللي في البيني وفي باقي المواد.

ربنا يسهل ونتواصل جميعاً إن شاء الله ونستفيد كلنا دايماً ونفيد الآخرين

[dalia 0]

واحة السلام كتب:

ازيك دودو أنا كمان مغاكى فى الترم 8

لكن لم أسجل بعد و عموما ان شاء الله لما أسجل نتواصل معا
ولا تقلقى المحاضرات بتاخذ فترة لما تنزل تقريبا حتى يتم السداد فى البنك
وده اللى بيحصل عندنا فى المنصورة بنسجل وبعد 7 او 10 ايام تنزل المحاضرات
وبالتوفيق ان شاء الله

أهلاً، أهلاً، ده أنا سعيدة جداً بالردود دي كلها، ربنا يوفق الجميع في التسجيل وفي المحاضرات وفي الامتحانات يا رب. في انتظار التسجيل والتواصل

[ايمان11 0]

انا كمان معاكى فى الثامن بس فى مادة واحدة بس والحمد لله خلصت كلة لسة المادة دى كنت عاملة اعتذار فيها وهدخلها فى دور يوليو ان شاء الله اما بالنسبة للمحاضرات ففعلا هى لسة مش نزلت لحد خالص ودة بسبب ان الدكاترة اغلبهم اتغيروا ولسة ما نزلوش محاضرات جديدة ويا رب يكونوا دكاترة كويسة

[dalia 0]

ايمان كتب:

انا كمان معاكى فى الثامن بس فى مادة واحدة بس والحمد لله خلصت كلة لسة المادة دى كنت عاملة اعتذار فيها وهدخلها فى دور يوليو ان شاء الله اما بالنسبة للمحاضرا ففعلا هى لسة مش نزلت لحد خالص ودة بسبب ان الدكاترة اغلبهم اتغيروا ولسة ما نزلوش محاضرات جديدة ويا رب يكونوا دكاترة كويسة

أهلاً بيكي يا إيمان وربنا معاكي إن شاء الله وتخلصي ونبارك لك على النجاح. بجد كل الدكاتر اتغيروا؟؟ ربنا يستر. ويسمع منك ربنا يكونوا دكاترة كويسين.

[Hamdy Tawfik-manar9 0]

الله الله

ولا كان حد بيعبرني في التيرم الثامن

ده حسد مش قر

[a.h.issmail 0]

فعلا الدكاترة كلهم اتغييروا انا كنت اسمع ان الي بيدي علم الترجمة حسين محرم

رحت لقيت دكتورة تانية لذيذة جدا وبتشرح يعني وبتعدي علي البنشات وتسال وحاجة حلوة خالث يعني

[ايمان11 0]

حسين محرم من الناس الى تركوا الجامعة والحمد لله انه تركها

[dalia 0]

إيه ده إيه ده إيه ده؟ كل الناس دي مشيت؟؟ أمال مين اللي فاضل؟ ربنا يستر...يا حمدي والنبي بلاش لا قر ولا حسد ولا حاجة من دي، أنا مش ناقصة ويا سيدي كلنا معاك في الماجستير والدكتوراة وفي الشغل كمان لو تحب...أي خدعة هههههههههههههه

[Honey Bunny 0]

لو هي اللي كانت بتديلنا الثقافية في الترم الاول تبقي ممتازة واحضرلها لكن معتقدش انها اللي بتحاضر تالتة و الليسانس.

[ايمان11 0]

اهلا بكى يا داليا والله يبارك فيكى ويا رب كلنا بالنجاح ان شاء الله وانا عرفت فعلا ان الدكاترة اتغيروا لا ما عجبهمش نظام مشرفة القسم الجديدة فسابوا الجامعةواغلب الدكاترة الجد ستات

[a.h.issmail 0]

لا هيا فعلا ممتازة وحتي في شرحها سلسة وبسيطة وبتجبي من الاخر

الوحيدة الي دعيتلها من الدكاترة في الترم الاول وربنا

انما مظنش فعلا انها بتدي ترمات غير الاول والتاني

[Honey Bunny 0]

الدكتورة ممتازة يا احمد والله واضمنلك امتياز في كل المواد اللي هي بتحاضر فيها ... دا انتم محظوظين والله ..ان ادارة الجامعة قررت التغيير ....الله المستعان.

[dalia 0]

ايمان كتب:

اهلا بكى يا داليا والله يبارك فيكى ويا رب كلنا بالنجاح ان شاء الله وانا عرفت فعلا ان الدكاترة اتغيروا لا ما عجبهمش نظام مشرفة القسم الجديدة فسابوا الجامعةواغلب الدكاترة الجد ستات

ربنا يبشرك بالخير يا إيمان وعلى الله التغيير ده يكون في صالح الجميع إن شاء الله.

[Hamdy Tawfik-manar9 0]

ياجماعة خلوا بالكم المنتدي بتاعنا اصبح مشهور وبيطلع في النتايج الاولي

في محركات البحث(امسكوا الخشب )

[sun_shine 0]

فعلا استاذ حمدي عنده حق يا جماعة وذنبكم علي جنبكم


رانيا بجد ارعبتينا :lol!: الله يهدي شيطانك ...شيلي الصورة

[alaa eldin fikry 0]

السلام عليكم ورحمه الله وبركاته فعلا حمدى عنده حق واللى عرفته من دكتور معين شخصيا قالى انه عضو معانا هنا ممكن يكون هوا نفسه بيشارك معانا فى موضوعاتنا هو او غيره وممكن بيدخلوا كمان يتصفحوا المنتدى بس ويرمى بلونه اختبار او يشوف اراء الناس وانا عن نفسى لمست فى قطع الترجمه ان اكتر من مره الاقى قطع ترجمناها هنا فى المنتدى عندى فى الامتحان واقسم بالله على هذا وخلو بالكم ان بردوا الدكاتره بيقولوا لبعض على كل حاجه لانهم فى الاخر زملاء وحتى لو حاجه احنا بنعتبرها بسيطه زى منتدانا بيكونوا عارفنها

[alaa eldin fikry 0]

السلام عليكم ورحمه الله عل فكره يا احمد الدكتوره شاهيناز كامل دى من الدكاتره اللى اخلاقهم وعلمهم ونظام و ومراعات الضمير لا بجد يا مستر احمد دى اسطوره بجد احضرلها هتستفيد

[alaa eldin fikry 0]

السلام عليكم كيف الاحوال كنتت بتسائل بس على ماده لغويات مقارنه من التيرم السابع كنت عاوز اعرف لو فيه اى حد امتحنها فى خارج مصر كنت عاوز الامتحان بتاعها لانى واخدها فى البينى 413ده رقمها والامر ده ضرورى لو اى حاجه هنا الامر سهل بالنسبه ليا لكن بالخارج العدد قليل اللى اعرفهم خارج مصر ونكون شاكرين تعاونكم

[alaa eldin fikry 0]

السلام عليكم كيف الاحوال كنتت بتسائل بس على ماده لغويات مقارنه من التيرم السابع كنت عاوز اعرف لو فيه اى حد امتحنها فى خارج مصر كنت عاوز الامتحان بتاعها لانى واخدها فى البينى 413ده رقمها والامر ده ضرورى لو اى حاجه هنا الامر سهل بالنسبه ليا لكن بالخارج العدد قليل اللى اعرفهم خارج مصر ونكون شاكرين تعاونكم

[Om Habiba 0]

السلام عليكم استاذ علاء


انا الترم اللي فات كنت واخده مادتين فقط 221 و 224 كانوا متاخرين
و الترم اللي جاي واخده ترم خامس كله و مادتين من سادس
ان شاء الله تلاقي مبتغاك

[dalia 0]

alaa eldin fikry كتب:

السلام عليكم كيف الاحوال كنتت بتسائل بس على ماده لغويات مقارنه من التيرم السابع كنت عاوز اعرف لو فيه اى حد امتحنها فى خارج مصر كنت عاوز الامتحان بتاعها لانى واخدها فى البينى 413ده رقمها والامر ده ضرورى لو اى حاجه هنا الامر سهل بالنسبه ليا لكن بالخارج العدد قليل اللى اعرفهم خارج مصر ونكون شاكرين تعاونكم

السلام عليكم يا أخ علاء، إن شاء الله تكون بخير...أنا بمتحن في القاهرة وفعلاً امتحنت الترم اللي فات المادة دي، بس أنا حالياً مش في مصر. أنت عايز حد يكون امتحن برة مصر؟

[a.h.issmail 0]

مظبوط كدة ياداليا هو علاء عايز حد يكون امتحن المادة دي برا مصر
علشان هو بيقول ان عنده طريقة كدة ممتازة للمواد الي بياخدها في البيني
بيقول انه بيشوف كل الامتحانات الي نزلت للمادة دي جوا مصر وبرا مصر ودور تاني وكدة
وبيقول ان البيني مش هايطلع منهم

وبيقول ان الطريقة دي مجربة
وربنا يكرمه يارب ويعدي من البيني بخييير

[dream 0]

السلام عليكم

علاء
الامتحان خارج مصر فى كثير من الاحيان بيكون هو نفس الامتحان

وبعدين المادة دى مادة امتياز

انت قلقان ليه

امضى الى امتحانك على بركة الله

[dalia 0]

a.h.issmail كتب:

مظبوط كدة ياداليا هو علاء عايز حد يكون امتحن المادة دي برا مصر
علشان هو بيقول ان عنده طريقة كدة ممتازة للمواد الي بياخدها في البيني
بيقول انه بيشوف كل الامتحانات الي نزلت للمادة دي جوا مصر وبرا مصر ودور تاني وكدة
وبيقول ان البيني مش هايطلع منهم

وبيقول ان الطريقة دي مجربة
وربنا يكرمه يارب ويعدي من البيني بخييير

ربنا يخليك والله يا أحمد إنت كلك ذوق دايماً وربنا يكتر من أمثالك يا رب...يبقى أنا مش حقدر أفيد علاء لأني بمتحن في مصر...ربنا يوفقه يا رب ويوفقنا جميعاً...اللهم آمين

[a.h.issmail 0]

والله ياداليا الظاهر ان ده رايك انتي بس والناس كلها شايفة ان القلة مني تكون احسن

وانا خلاص قررت اريح ناس كتير مني لاني تقريبا "لا اروق لهم ولا يحبون التعامل معي"

وبعتذر لكل الزملاء الي مش هاقدر اساعدهم تاني

وعموما الي عايزني هايبقي عارف يلاقيني فين


سلااام

[dalia 0]

a.h.issmail كتب:

والله ياداليا الظاهر ان ده رايك انتي بس والناس كلها شايفة ان القلة مني تكون احسن

وانا خلاص قررت اريح ناس كتير مني لاني تقريبا "لا اروق لهم ولا يحبون التعامل معي"

وبعتذر لكل الزملاء الي مش هاقدر اساعدهم تاني

وعموما الي عايزني هايبقي عارف يلاقيني فين


سلااام

إيه ده؟ إيه ده؟ إيه ده؟ مين اللي يقدر يقول كده بس؟؟ ده أنت من ألطف الشخصيات اللي في المنتدى أصلاً وخدوم جداً ومهذب لأقصى الحدود...أنت أكيد بتهزر أو دي كدبة أبريل بس متأخرة شوية...ارجع يا هامان

[alaa eldin fikry 0]

السلام عليكم ورحمه الله اخوانى الاعزاء والله احرجنى جدا اهتمامكم ويا رب نكون عند حسن ظنكم ويديم التعاون وعزرا على انشغالى وابتعادى عن المنتدى لظروف ضيق فى الوقت وكثره الانشغال فى الفتره الماضيه لكن ان شاء الله النيه والعزيمه موجود ين نرجع تانى ونتواصل مع الاخوه الغالين اعضاء المنتدى اللى بنستفيد منهم كتير واللى بابتعادنا عنهم بيقل مستوانا وبيتراجع ونسال الله التوفيق للجميع