لا بجد زودوها!!! تاخر ظهور النتيجة

[sun_shine 0]

معايا يا جماعة ان بتوع المركز زودوها شوية ؟؟ يعني النهاردة التاريخ 29 من الشهر ولا خبر عن النتيجة علي الموقع ؟؟؟ لا وياريت كدة وبس لا كل شوية بيسعفونا بخبرية علي الصفحة الرئيسية كلمات تخض( مبروك اعلان نتيجة ...نتائج ....).يا جماعة حرررررام بيلعبوا باعصابنا والله :x :x

[dalia 0]

عندك حق، أنا بعتلهم رسالة النهاردة أسأل على النتيجة وكتر خيرهم ردوا وقالوا نهاية الأسبوع

بس برضه المفروض يعبرونا على الصفحة الرئيسية. ربنا يسهل وبالتوفيق لينا جميعاً يا رب

[a.h.issmail 0]

اخيرا حد غيري قلق

والله انا كنت فاكر ان النتيجة بتاعتي انا بس الي مظهرتش

احمدك يارب

هما من ناحية زودوها زودوها اوووووووي
ولازم ناخد وقفة
بس انا مش هابقي معاكوا

لاني هابقي قاعد قدام الموقع منتظر النتيجة

[sun_shine 0]

dalia كتب:

عندك حق، أنا بعتلهم رسالة النهاردة أسأل على النتيجة وكتر خيرهم ردوا وقالوا نهاية الأسبوع

بس برضه المفروض يعبرونا على الصفحة الرئيسية. ربنا يسهل وبالتوفيق لينا جميعاً يا رب

اميييين يا داليا

طيب طمنتينا يا داليا بجد ببارقة امل ان اساسا لسة فاكرين انهم ماطلعوش النتيجة ...بس غريبة بيردوا علي المسجات !!!



هههههه لا كلنا قلقانين يا احمد لان الحكاية زادت عن حدها ومبقتش تطمن
من رايك ممكن نعمل عليهم انقلاب ولا ايه اللي ينفع في الحالات دي :D :D

[رحاب 0]

ازيكوا ياجماعةة على فكرة أنا سألتكم كتير على النتيجة بس محدش جاوبني لأن الأستاذ حمدي بما أنه مضطهدني فمسح رسايلي عموما متقلقوش وكل تأخيرة وفيها خيره، هههه أنا أساسا من يوم الخميس تقريبا مش بنام مستنية الفرج بس إلظاهر الطريق زحمة والله المستعان

[sun_shine 0]

خير يا رحاب هناخد بالمثل اللي بيقول كل تاخيرة وفيها خيرة ..الظاهر ان البشائر فعلا هلت وبعض الكليات استلمت نتائجها (الزراعة ودار العلوم)بس مااعلنوهاش علي الصفحة الرئيسية عشان منعملش انقلاب عليهم :D :D

[Honey Bunny 0]

أدينا منتظرين يارب ولد...يا رب بنت....

[Honey Bunny 0]

رحاب كتب:

ازيكوا ياجماعة على فكرة أنا سألتكم كتير على النتيجة بس محدش جاوبني لأن الأستاذ حمدي بما أنه مضطهدني فمسح رسايلي

أختي رحاب اولا ميرسي علي سؤالك واطمئنانك علينا ويا رب انتي كمان تكوني بالف الف خير

عوزة اقولك انه أستاذ حمدي بريء من التهمة دي اذا كان فيه حد بيحذف مشاركات في المنتدي تعرفي انه انا ....حمدي لا يلجا للحذف الا في اضيق الامور ع الرغم انه صاحب المنتدي و مديره
الا انه هو شخصيا مبيعديش من مقص الرقيب
وده انا قلته قبل كده
وده مش تسلط مني
ولكن في بعض الاحيان يكون فيه موضوع ما ونلاقي الناس التزمت بسياق الموضوع وبعدين تيجي عشوائية التفكير زي مثلا " سلامات وطيبون"
في اقسام من المنتدي زي المكتبة مثلا لا يعقل اننا نكون بنعاني الامرين من الموقع الرسمي
ونيجي هنا عشان نوصل لمادة معينة نقعد نقلب عشر صفحات من ميرسي وشكرا عشان نوصل للينك لذلك انا بقفل الموضوعات اللي زي كده تيسيرا علي الناس وخصوصا اصحاب الانترنت البطئ او الديال اب
وبرغم ذلكداؤكدلك اني محذفتش ايا من مشاركتك
ويا ستي لا تحرمينا من جديدك

[Hamdy Tawfik-manar9 0]

انا بريء من هذه التهمة براءة الذئب من دم يوسف

انا لا اميل الي الحذف الا في اضيق الحدود ..انا راجل ديمقراطي

والدمقرطه واخده حقها معايا علي الاخر

رانيا كما جاء في اعترافها هي التي تهوي حذف التعليقات ولا تتورع عن حذف تعليقاتي

حاكموها ! ..

ومبروك لكم النجاح مقدما

[Honey Bunny 0]

HAMDY كتب:

ا

رانيا كما جاء في اعترافها هي التي تهوي حذف التعليقات ولا تتورع عن حذف تعليقاتي

حاكموها !

مش عارفة ليه الجزء ده من تعليقك محتاج حذف حمدي

[Hamdy Tawfik-manar9 0]

Honey Bunny كتب:

مش عارفة ليه الجزء ده من تعليقك محتاج حذف حمدي

[رحاب 0]

يابنتات والله أنا كنت بهزر وبنكش بلدياتي بس عموما أنا بحبكم جدا وبعتز بأني عضوه معاكم في منتدانا وإحذفي براحتك هنكتب تاني ياجميل

[Honey Bunny 0]

رحاب كتب:

يابنتات والله أنا كنت بهزر وبنكش بلدياتي بس عموما أنا بحبكم جدا وبعتز بأني عضوه معاكم في منتدانا وإحذفي براحتك هنكتب تاني ياجميل

وانا كمان بحبك وبعتز بيكي جدا والله ويا رب دايما بخير و مبسوطة.

[رحاب 0]

أنا قولت يمكن يعبرونا انهارده لكن الظاهر إنهم نسوا ان في بشر محروق أعصابهم نفسهم بس يشوفوا خبر يطمنهم .الله المستعان

[sun_shine 0]

السلام عليكم
كبف حالك يا يارحاب؟
بصي اقولك علي حاجة .. خلي اعصابك في ثلاجة ..لانهم باعتلي علي صفحتي رسالة بتقول علي بداية الاسبوع القادم .

[رحاب 0]

ربي إني لا أسألك رد القضاء ولكني أسألك اللطف فيه ملهاش لازمه شكلها كده هوه احنا لازم نعرف النتيجه أكيد همه شايفين إن مالهاش لازمه....... الله المستعان

[Rehab SISAQ 0]

ان شاء الله خير هادخل النهاردة واشوف كده

[رحاب 0]

مفيش أي خبر يطمنا ؟؟؟؟؟؟؟؟ ؟؟؟؟؟؟عن النتيجة

[رحاب 0]

ليه قريب في تجارة نجح مبروووك للي ظهرت نتايجهم في تجارة وعقبالي وعقبالكم أنا تعبت بجد من الإنتظار ربنا يصبرنا

[sun_shine 0]

كلية التجارة كانت بتستلم النتيجة بعدينا باااايام يعني حتي هي استلمت النتيجة :x :x

[a.h.issmail 0]

انا يئست خلاث

اعلنت استسلامي

مش هاسئل عن النتيجة تاني

ولا هاعبر الجامعة

لما يبقوا يحنوا علينا وينزلوها بمزاجهم

[dalia 0]

بعتلهم رسالة تانية امبارح بس ما حدش رد عليا

تفتكروا إيه اللي بيحصل بالظبط؟ ما آداب أسباني وعبري طلعت نتيجتهم؟ والله حرام عليهم اللعب بأعصابنا كده...ربنا كريم وحيكرمنا جميعاً إن شاء الله

[sun_shine 0]

dalia كتب:

بعتلهم رسالة تانية امبارح بس ما حدش رد عليا

تفتكروا إيه اللي بيحصل بالظبط؟ ما آداب أسباني وعبري طلعت نتيجتهم؟ والله حرام عليهم اللعب بأعصابنا كده...ربنا كريم وحيكرمنا جميعاً إن شاء الله

ان شاء الله يا داليا خير وان الله مع الصابرين ..انا ردوا علي رسالتي التانية دلوقتي (يمكنك المتابعة من خلال النت )
والظاهر يا اما اوراقنا ضاعت او عندهم ضغط في التصحيح ..في كل الاحوال خير خير ان شاء الله ماتقلقيش

[sara111 0]

خير ياجماعة ماتقلقوش هوة اكيد بس شوية ضغط عندهم وهما خلصوا طبعا التصحيح وجاري الاعداد للأعلان عن النتيجة زي ماقالولي كلها ساعات معدودة وربنا يوفق الجميع

[رحاب 0]

يعني ردوا قالوا ايه ياsun-shine طمنينا الله يكرمك

[dalia 0]

صن شاين، ربنا يخليكي على محاولتك إنك تهديني

سارة، يسمع من بقك ربنا وتبقى ساعات في حدود الأربعة وعشرين ساعة، مش تسعمية وتسعين مثلاً

ربنا معانا كلنا وزي ما صن شاين قالت "إن الله مع الصابرين، إذا صبروا" يا مسهل يا رب، الصبر من عندك

[رحاب 0]

لو ماظهرتش اليوم يبقى يوم الثلاثاء نجدد الأمل إن شاء الله لان بكره شم النسيم كل سنة وإنتم طيبيين

[dalia 0]

رحاب كتب:

لو ماظهرتش اليوم يبقى يوم الثلاثاء نجدد الأمل إن شاء الله لان بكره شم النسيم كل سنة وإنتم طيبيين

وانتي بألف صحة وسلامة يا رحاب...يالا، خلينا نتبسط بكرة والدنيا ربيع والجو بديع ومش حنخلي حد ينكد علينا

[رحاب 0]

بس يا داليا تفتكري هنهون عليهم يحتفلوا بشم النسيم وأحنا قاعدين غلابه مستنييين النتيجه أظن إن قلوبهم رحيمه ومش هنهون عليهم لالالا أنا متأكده

[dalia 0]

رحاب كتب:

بس يا داليا تفتكري هنهون عليهم يحتفلوا بشم النسيم وأحنا قاعدين غلابه مستنييين النتيجه أظن إن قلوبهم رحيمه ومش هنهون عليهم لالالا أنا متأكده

مش عارفة يا رحاب، ولكن أملنا في ربنا كبير...ولو ما طلعتش النهاردة، برضه مش حنخلي حد يعكنن علينا

[sun_shine 0]

كل مرة يا رحاب بيقولوا كلمتين بس(يمكنك المتابعة من خلال النت )

ويخليكي يا داليا ..مافيش فايدة من القلق هما متاخرين علينا اه واحنا اهو منتظريين

[adam karim 0]

Hi,everybody. I think we shouldn't wait for the result, since all the books of our future study are indeed exist on the site. So,be ready and consider ourselves passed in order to begin studying well as it's too short period for a serious semester for learning Translation.Three months of study and comes the final exam- that's unfair.Aren't you with me.So,work hard,hard,hard till you die.
yours,
Adam Karim

[a.h.issmail 0]

انا وصلتني رسالة علي الموبايل واظن كدة والله اعلم اني نجحت تقريبا

بس ده يتوقف علي ل = مقبول و م= ممتاز

[رحاب 0]

مبروووك في ناس وصلتلهم رسائل بالنجااااح للجميع وعقبالي

[sara111 0]

مش قولتلكم ياجماعة كلها ساعات معدودة ألف مبروووووووووووك ليكم كلكم

[nour_cota 0]

انا عضوة جديدة فى منتداكم اللى عاجبنى اوى من يوم ما قدمت فى التعليم المفتوح بس ليا استفسار؟ انا نجحت فى المقابلة الشخصية (inter view) وعاوزة اعرف ازاى اسجل وازاى اومواعيد الدراسة فى المركز قسم انجليزى ارجو الاهتمام وشكرا

[Doaa.M.M 0]

أهلا بيكى يا نور نورتى المنتدى

أنا دعاء زميلتك فى الجامعة وطالبة فى الترم التانى

بخصوص ميعاد التقديم تابعى موقع الجامعة والتقديم هيبدأ بعد ظهور النتيجة تقريبا

اما الدراسة فهى يوم الجمعة بس .....اى استفسار انا معاكى