اسال اللي بعدك سؤال

[sun_shine 0]

دي لعبه عجبتني

واللعبه باينه من اسمها

كل واحد يدخل يسال اللي بعده سؤال

ولازم الي يدخل يجاوب

السؤال الاول:

انت راضي عن نفسك بنسبه كام %؟

يا ترى من هيجاوب

[Hamdy Tawfik-manar9 0]

انا اجاوب

انا راضي بنسبة 5 %..

دي اجابه حقيقية مش علي سبيل التواضع يعني ولا حاجه

دا انا حتي عليتها شويه علشان تبقي معقوله ..هي المفروض تبقي بالسالب

عندي فجوة كبيرة بين مااؤمن بيه من افكار ووبين سلوكياتي في الواقع

ومش لاقي حل للحكايه دي

ماعلينا ..ندخل بقي علي السؤال الجاي

لو ظروفك اضطرتك تتعامل مع واحد بارد ودمه تقيل ومستفز

يوميا بحكم عمل او قرابه او اي شيء اخر يستلزم وجودكم في نفس المكان

تعمل ايه علشان بروده ده مش يستفزك ... يعني ايه الطريفة المثلي للتعامل معاه ؟

[sun_shine 0]

HAMDY كتب:

انا اجاوب

انا راضي بنسبة 5 %..

دي اجابه حقيقية مش علي سبيل التواضع يعني ولا حاجه

دا انا حتي عليتها شويه علشان تبقي معقوله ..هي المفروض تبقي بالسالب

عندي فجوة كبيرة بين مااؤمن بيه من افكار ووبين سلوكياتي في الواقع

ومش لاقي حل للحكايه دي


اكيد ان لم يكن الكل فالمعظم من الناس ياتيهم اوقات بحاجة الي وقفة ليعيدوا ترتيب حياتهم وتعديل ما فيها بما يناسبهم ...ولكن من وجهة نظري ان الحياة بذاتها وبكل ما فيها من متطلبات وتغيرات رهيبة من يوم للاخر ...يؤثر وبشكل كبير علي طريقة حياتنا ..فنكون في اغلب الاوقات مسيرين لا مخيرين


ماعلينا ..ندخل بقي علي السؤال الجاي

لو ظروفك اضطرتك تتعامل مع واحد بارد ودمه تقيل ومستفز

يوميا بحكم عمل او قرابه او اي شيء اخر يستلزم وجودكم في نفس المكان

تعمل ايه علشان بروده ده مش يستفزك ... يعني ايه الطريفة المثلي للتعامل معاه ؟

واحد من اتنين :اما ان احاول اختصرمعه و اتجاهل مااري منه من بروود
او احاول اتعامل معاه بنفس الاسلووب


سؤالي

ايه اكتر موقف صعب مر بحياتك,, ساعتها مكنتش عارف تعمل ايه ولحد دلوقتي مؤثر فيك

[Hamdy Tawfik-manar9 0]

لا ده سؤال صعب

ندي فرصه لحد تاني يجاوب

[sun_shine 0]

فين حد تاني ؟؟ الظاهر ان اللعبة مش عجباهم !!

[Honey Bunny 0]

سؤالك لوحده صن شاين موقف صعب وطبعا انا مش عارفة اعمل ايه \اجاوب ولا لاء
لانه دي فضايح صراحة.

السؤال:

هل أنت(ي) شخص انعزالي أم اجتماعي و في ظل ما نشهده من طفرة في تغير قيمنا وعاداتنا العربية أيهما تفضل ؟

[mohammad 0]

LostLustre كتب:

السؤال:

هل أنت(ي) شخص انعزالي أم اجتماعي و في ظل ما نشهده من طفرة في تغير قيمنا وعاداتنا العربية أيهما تفضل ؟

السلام عليكم ورحمة الله وبركاته
... دعولي هذا السؤال لاجيب عنه ....

(انا عن نفسي شخص انعزالي ولا افضل ان اكون اجتماعيا)

مع انه ليس من المفروض ان نكون انعزاليين لان العزلة كما لها منافع ففيها اضرار وهي:

اولاً :

عدم الاحتكاك بالناس مما ينتج عنه عدم الالتقاء بالافكار الجديدة او مواكبة العصر سواء في التفكير او في غيره في شتى مجالات الحياة تماما مثل اهل الكهف فحينما خرج احدهم ليشتري لهم طعام وجد ان اوراقه لم تعد صالحة كذلك الافكار فالانعزال يؤدي الى تأخر المستوى الفكري وايضا يبعده عن النقد وذلك يساعد على ابقاء العقل خاملا فيظل ثابتا على ما عرف من الحقائق وما علم من الاكاذيب وهذا ليس من المحبذ لانه ليس هناك للعلم (سواء حقائق او اكاذيب) نهاية وكل الناس يؤخذ منهم ويرد إلا رسولنا عليه الصلاة والسلام .

ثانيا :

ولان الانسان لم يخلق وحيدا وكما قال المولى عز وجل : (يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللهِ أَتْقَاكُمْ إِنَّ اللهَ عَلِيمٌ خَبِيرٌ } الحجرات 13 وهذا اكبر مثال على الحث من الله لان يكون الناس اجتماعيين ولكن هذا يرجع الى قوة الشخصية ومقدرة الفرد على رسوخ وثبات القيم والمباديء التي رسمها لنفسه ما لم يتعارض مع دينه وشريعته وما يتعلق بحرية الآخرين لانه سوف يتأثر بما عند الناس كله ولن يستطيع التمييز بين الصواب والخطأ اذا لم يكن له شخصية مستقلة خصوصاً كما ذكرتي (في ظل ما نشهده من طفرة في تغير قيمنا وعاداتنا العربية )

وملخص الموضوع كون الفرد يكون انعزالي او انطوائي او اجتماعي فهي مسألة نسبية تتفاوت من شخص لاخر وذلك تبعا لشخصيته وكما تقول احدى الحكم (اذا لم تقوم بإعداد اجندتك فسوف تكون جزءاً من اجندة غيرك)

ولكن مني نصيحة لنوع واحد من البشر بأن يظل انعزاليا وهو الشخص الحساس جدا جدا مثلي لانه سوف يعاني كثير من الناس خيرهم وشرارهم الا ان يمن الله عليه ويقوم بتقليل حساسيته ويتقبل كل الامور بصدر رحب.

وسؤالي :

بماذا تشعر(ي) حين ينتقدك احد وذلك ان كان محقا او مخطيء ؟ هل تحاول(ي) ان تبرهن وتثبت رأيك مع العلم بأنه خطأ ؟ ام تعترف بلا خجل وعلى الملأ بأنك مخطئ ؟ والى اي مدى يمكنك تحمل الجدل من اي شخص وان كان جاهلاً؟

[hend nga 3]

اجيبك انا اخى الكريم على هذا السؤال ..........؟

اعترف بخطئ بكل ببساطة وبلا خجل ولا احب الجدل على الأطلاق لأنى اعلم بأن حجتى ضعيفة

بما انى اعرف انى على خطأ ...........ولكنى فى نفس الوقت اكون عكس ذلك تماما عندما يكون رأيي هو الصواب


س: ما هى اقصر الطرق فى اقناع الأخرين بوجهة نظرك فى رأى ما....... ؟

[a.h.issmail 0]

اقصر الطرق للاقناع ان تكون صادقا


ماذا تفعل (ي) اذا كنت تريد شيئا بشدة ولاكن لاتستطيع الحصول عليه ؟ هل تقاتل من اجله ؟ ام تحيا علي امل الحصول عليه ؟ ام ترضي بالواقع واقتناعك بعدم حصولك عليه ؟

[dalia 0]

حرد على سؤال أحمد

علمتني الحياة أن الرضا بالقضاء هو السبيل للسعادة...فلو ما قدرتش أخد اللي أنا عايزاه، بفكر نفسي إن الخيرة فيما اختاره الله

سؤال: إذا كان في شخص كان في بينكم إعجاب زمان والموضوع اتقفل من غير ما تعرف (تعرفي) السبب، وشفت الشخص ده تاني بعد سنين، هل تسأله ليه الموضوع اتقفل علشان تعرف وتستريح ولا ما تسألش؟

[Hamdy Tawfik-manar9 0]

انا شاكر للموضوع اللي خلي داليا تشارك معانا من جديد

اجابتي علي السؤال

هو سؤال محير شويه .. الفضول طبعا قد يدفع اي شخص لان يسال لكي يعرف تلك الاسباب

لكن من رايي مادام كل شخص سلك طريقا اخر في الحياة فلا داعي لفتح جروح قديمة

وخصوصا اننا بشر والضعف الانساني احد سماتنا الاساسية

اما سؤالي

ماذا تفعل لكي تكفر عن اخطاء ارتكتبتها في حق اناس رحلوا عن عالمنا

وتتخلص من الشعور بالذنب الملاحق لك

[eamy 0]

HAMDY كتب:

اما سؤالي

ماذا تفعل لكي تكفر عن اخطاء ارتكتبتها في حق اناس رحلوا عن عالمنا

وتتخلص من الشعور بالذنب الملاحق لك

أنا هجاوب عن السؤال دا ..
أعتقد ان دعائك المستمر للشخص دا .. إللي أخطأنا في حقو بيكون
تكفير عن أخطأنا معاهم ..
و ممكن يخفف إلى حد ما من شعورنا بالذنب تجاههم ..

نيجي لسؤالي أناا ..
تعمل\ي إيه لو حياة و مستقبل شخص كان متوقف على قرار منك ..
و قرارك دا لو اتخدتو\اتخذتيه ممكن يكون فيه تخلي عن حلمك ..
أو ممكن يكون فيه ضرر شخصي عليك مستقبلا ..
وكان الشخص دا غرييب عنك ؟؟ ؟؟...
هتنقذ الشخص مهما كانت النتيجة ؟؟؟...
أم تعمل بمبدأ نفسي نفسي و إللي يحصل يحصل ؟؟؟...

[mohammad 0]

[/quote]

نيجي لسؤالي أناا ..
تعمل\ي إيه لو حياة و مستقبل شخص كان متوقف على قرار منك ..
و قرارك دا لو اتخدتو\اتخذتيه ممكن يكون فيه تخلي عن حلمك ..
أو ممكن يكون فيه ضرر شخصي عليك مستقبلا ..
وكان الشخص دا غرييب عنك ؟؟ ؟؟...
هتنقذ الشخص مهما كانت النتيجة ؟؟؟...
أم تعمل بمبدأ نفسي نفسي و إللي يحصل يحصل ؟؟؟...[/quote]



((من ترك شيئا لله عوضه الله خيرا منه )) ولا يعلم المستقبل الا الله فمن الارجح ان اتخذ القرار وخليها على الله واللي هايحصل اقصى ما يكون هو الموت ؟ مش اشكال ماحدش بيموت مرتين وعلى الاقل هاموت شهيد ان شاء الله الا ان يكون شيئ اساسا لا يجوز او على حساب حد تالت فمن حقه مشاطرتك الرأي وبعدين كما تدين تدان ممكن بكرة زي ما مصير حد اتوقف عليا ممكن مصيري يتوقف على حد تاني وف الاول والاخر مصير الكل بيد الله





والان سؤالي :

ماذا تعني الصداقة بالنسبة لك (لكي) ؟ وما حدودها ؟

وبالنسبة لللاولاد (ولاد ولاد ) وبالنسبة للبنات (بنات بنات ) فانه لا صداقة بين الرجال والنساء (والموضوع مفروغ منه وده مش مكانه عشان اتكلم فيه)





فيا عجبا لمن يعصى المحسن بعد معرفته بإحسانه ويطيع اللعين بعد معرفته بطغيانه‏.
ادَّخر راحتك لقبرك، وقِّلل من لهوك ونومك، فإنَّ من ورائك نومةً صبحها يوم القيامة
إذا لم تستطع أن تكون خادماً لدين الله .. فكن خادماً لخادمى دين الله

[Honey Bunny 0]

السلام عليكم ورحمة الله وبركاته

سؤالي قد يكون غريب الاطوار بعض الشيئ ولكن لا بأس من مناقشته معكم

الي أي مدي تسمح (ين) لشخص أخر الاطلاع علي خصوصياتك؟ وهل يحق لشخص ما ينوي الارتباط بأن يطلب منها بيانات بريدها الشخصي "كلمة السر واسم الدخول"- بيانات صفحتك الدراسية -او وضع برنامج يمكنه (ها)من الدخول الي حاسوبك... الخ أو ان تطلب هي منه ذلك باعتبار ما سيكون؟؟؟

[mohammad 0]

LostLustre كتب:

السلام عليكم ورحمة الله وبركاته

سؤالي قد يكون غريب الاطوار بعض الشيئ ولكن لا بأس من مناقشته معكم

الي أي مدي تسمح (ين) لشخص أخر الاطلاع علي خصوصياتك؟ وهل يحق لشخص ما ينوي الارتباط بأن يطلب منها بيانات بريدها الشخصي "كلمة السر واسم الدخول"- بيانات صفحتك الدراسية -او وضع برنامج يمكنه (ها)من الدخول الي حاسوبك... الخ أو ان تطلب هي منه ذلك باعتبار ما سيكون؟؟؟

وعليكم السلام ورحمة الله وبركاته
اولا فين الرد على سؤالي اصول اللعبة الرد ثم السؤال
وحضرتك نطيتي درجة مش اشكال هعديها عشان الموضوع يمشي بس اي حد يرد ياجماعة انا مش هاعدي السؤال لذلك هارد بدون سؤال .

- الاطلاع على الخصوصية صفة غير محمودة بوجه عااااااااااااااااااااااااااااام ولا يصح لاي شخص الاطلاع على خصوصيتي من تلقاء نفسه الا ان اختاره انا وارى فيه الامانة التي بمقتضاها ائتمنه على بياناتي
حتى وان كان هناك نية للارتباط فان الارتباط لم يحدث بعد ، والسؤال لماذا يريد الاطلاع على بياناتي ؟ والدخول في جهازي ؟ اما انه شك او انه يريد احد الاشخاص المسجلين (اللي موجودين على ميلي وعايزني انا واسطة للوصول) وفي الحالتين لا يجوز ايضا الاطلاع والسبب هو انه طالما قاده عقله الى التفكير في هذا الامر فإن نيته لن تكون خيرا ابدا
( وانا لسة فيها ومش عايز اعمل حاجة اندم عليها بعد كده فالاولى ميلك وميلي كل على حدى واذا حدث الزواج نبقى نفتحهم على بعض )




فيا عجبا لمن يعصى المحسن بعد معرفته بإحسانه ويطيع اللعين بعد معرفته بطغيانه‏.
ادَّخر راحتك لقبرك، وقِّلل من لهوك ونومك، فإنَّ من ورائك نومةً صبحها يوم القيامة
إذا لم تستطع أن تكون خادماً لدين الله .. فكن خادماً لخادمى دين الله

[mohammad 0]

والان سؤالي مرة اخرى :

ماذا تعني(او ما مفهوم) الصداقة بالنسبة لك (لكي) ؟ وما حدودها ؟

وبالنسبة لللاولاد (ولاد ولاد ) وبالنسبة للبنات (بنات بنات ) فانه لا صداقة بين الرجال والنساء (والموضوع مفروغ منه وده مش مكانه عشان اتكلم فيه)





فيا عجبا لمن يعصى المحسن بعد معرفته بإحسانه ويطيع اللعين بعد معرفته بطغيانه‏.
ادَّخر راحتك لقبرك، وقِّلل من لهوك ونومك، فإنَّ من ورائك نومةً صبحها يوم القيامة
إذا لم تستطع أن تكون خادماً لدين الله .. فكن خادماً لخادمى دين الله[/quote]

[Hamdy Tawfik-manar9 0]

LostLustre كتب:

السلام عليكم ورحمة الله وبركاته

سؤالي قد يكون غريب الاطوار بعض الشيئ ولكن لا بأس من مناقشته معكم

الي أي مدي تسمح (ين) لشخص أخر الاطلاع علي خصوصياتك؟ وهل يحق لشخص ما ينوي الارتباط بأن يطلب منها بيانات بريدها الشخصي "كلمة السر واسم الدخول"- بيانات صفحتك الدراسية -او وضع برنامج يمكنه (ها)من الدخول الي حاسوبك... الخ أو ان تطلب هي منه ذلك باعتبار ما سيكون؟؟؟

انا هارد علي اكتر من سؤال وهابدا بسؤال اختنا رانيا .

.بداية ردي هيكون بسؤال .. وماهو المبرر لهذا الطلب ؟

اعتقد ان الاجابه ستكون غالبا ان هناك حالة انعدام للثقة موجودة لدي احد الطرفين

فكيف ذلك ونحن نتحدث عن ارتباط ..وهل يحق لشخص لا تربطه علاقة شرعية حتي الان ان يطلع علي

خصوصيات الطرف الاخر بهذا المستو الذي يصل الي حد برنامج مراقبه علي الجهاز

طيب بعد الارتباط الشرعي هيطلب ايه لما ديه طلباته قبلها ..وحتي لو بعد الزواج اعتقد ان تلك الامور

تاتي بالتراضي والتفاهم وليس بصيغة طلب او امر حتي لابشعر احد الطرفين بالاهانه

لانه محل شك من الطرف الاخر

الثقة والاحترام المتبادليين اهم مقومات اي علاقة سليمة يراد لها النجاح والا ستمرار

[mohammad 0]

السلام عليكم ورحمة الله وبركاته
اظن ياجماعة اني سألت السؤال مرتين وفي كل الاحوال تم التجاهل والواجب الرد على السؤال الاخير ولو بـ ( معرفش ) ثم البدأ بالسؤال وده اللي انا استشفيته من خلال نظام الموضوع اما انه لا يحترم رأيي ويتم تجاهله واعادة الاجابة فهذا استهزاء وانا على استعداد حتى لشطب عضويتي ما دام انه يتم شطب العضويات تبعا للاراء الشخصية وشكراً
اسف على دخولي موضوع لا تحترم قواعده

فيا عجبا لمن يعصى المحسن بعد معرفته بإحسانه ويطيع اللعين بعد معرفته بطغيانه‏.
ادَّخر راحتك لقبرك، وقِّلل من لهوك ونومك، فإنَّ من ورائك نومةً صبحها يوم القيامة
إذا لم تستطع أن تكون خادماً لدين الله .. فكن خادماً لخادمى دين الله

[sun_shine 0]

mohammad كتب:

والان سؤالي مرة اخرى :

ماذا تعني(او ما مفهوم) الصداقة بالنسبة لك (لكي) ؟ وما حدودها ؟

وبالنسبة لللاولاد (ولاد ولاد ) وبالنسبة للبنات (بنات بنات ) فانه لا صداقة بين الرجال والنساء (والموضوع مفروغ منه وده مش مكانه عشان اتكلم فيه)





فيا عجبا لمن يعصى المحسن بعد معرفته بإحسانه ويطيع اللعين بعد معرفته بطغيانه‏.
ادَّخر راحتك لقبرك، وقِّلل من لهوك ونومك، فإنَّ من ورائك نومةً صبحها يوم القيامة
إذا لم تستطع أن تكون خادماً لدين الله .. فكن خادماً لخادمى دين الله

[/quote]



مفهوم الصداقة هي علاقة اجتماعية بين شخصين او اكثر تسودها المودة وروح النعاون والمشاعر الايجابية .ومن اعظمها واصدقها هي التي تكون دون غرض معين خالصة لوجه الله والصديق الحقيقي هو من تجده عند الحاجة والذي يؤثرك علي نفسه ويظن بك الظن الحسن ويلتمس لك العذر ويدعي لك بالغيب و هو من ينصحك بالخير ولا بالشر عند حاجتك للمشورة وهو يفيدك باخلاقه الحميدة وهو الذي سماه رسولنا الكريم بالجليس الصالح .

[sun_shine 0]

mohammad كتب:

السلام عليكم ورحمة الله وبركاته
اظن ياجماعة اني سألت السؤال مرتين وفي كل الاحوال تم التجاهل والواجب الرد على السؤال الاخير ولو بـ ( معرفش ) ثم البدأ بالسؤال وده اللي انا استشفيته من خلال نظام الموضوع اما انه لا يحترم رأيي ويتم تجاهله واعادة الاجابة فهذا استهزاء وانا على استعداد حتى لشطب عضويتي ما دام انه يتم شطب العضويات تبعا للاراء الشخصية وشكراً
اسف على دخولي موضوع لا تحترم قواعده

فيا عجبا لمن يعصى المحسن بعد معرفته بإحسانه ويطيع اللعين بعد معرفته بطغيانه‏.
ادَّخر راحتك لقبرك، وقِّلل من لهوك ونومك، فإنَّ من ورائك نومةً صبحها يوم القيامة
إذا لم تستطع أن تكون خادماً لدين الله .. فكن خادماً لخادمى دين الله

اخي محمد لا تعتبره تجاهل وعدم احترام
او حتي استهزاء كما اسميته ..كلنا هنا نعيش بروح الاسرة الواحدة ولا داعي للزعل ...واذا فعلا حاول احد من تكرار اجابة سؤال قمت باجابته فهذا ليس من الضروري ان يعني عدم اهتمام باجابتك او تقليل من شانها_ولماذا لاتعتبره اضافة _او حتي ان السؤال جذبه هو الاخر ويريد ان يعقب برايه الشخصي ....وهي في النهاية لعبة اليس كذلك يعني مافيناش من زعل ولا انسحاب ..تحياتي

[Honey Bunny 0]

اقتباس :

حضرتك نطيتي درجة مش اشكال هعديها عشان الموضوع
يمشي بس اي حد يرد ياجماعة انا مش هاعدي السؤال لذلك هارد بدون سؤال .

ههههههههه مش مقصر ابدا يا أخ محمد ....وحاضر هلتزم بقواعد اللعبة واغفرلي ذلة "السؤال كان عالق في ذهني يا سيدي".

هرد علي سؤالك مرتين عشان انت كتبته مرتين- يهمنا طبعا رضاك- بس بدون التهديد بالانسحاب و التلويح بشطب العضوية... وكما ذكرت صن شاين السؤال اغري البعض ليس الا و مفيش مجال للتفكير في التجاهل محمد "مستحيل يكون مقصود"

الصداقة من أنبل العلاقات الانسانية لانها اشتقت من الصدق-اهم الصفات الموجبة للايمان, دائما وابدا تدل علي الخير واهدي الي عاقبة خير- اذا اكتملت اركانها تجدها في شعر المتنبي و كثيرين غيره . أسوق لك منها علي سبيل المثال:


أُصَـادِقُ نَفْـسَ المَـرْءِ قَبْلَ جِسْمِـهِ

وأَعْرِفُـهَا فِـي فِعْلِـهِ وَالتَّكَلُّــمِ

وأَحْلُـمُ عَـنْ خِلِّـي وأَعْلَـمُ أَنَّـهُ

مَتَى أَجْزِهِ حِلْمـاً عَلى الجَهْلِ يَنْـدَمِ

(المتنبي)

سَـلامٌ عَلى الدُّنْيـا إِذَا لَمْ يَكُـنْ بِـهَا
صَـدِيقٌ صَدُوقٌ صَادِقُ الوَعْدِ مُنْصِفَـا

(الامام الشافعي)

هذا بالنسبة للصداقة بين اثنين او اثنتين
أما الصداقة بين الرجل والمرأة أنا لا أؤمن بها اطلااااقا فقد تطور الامور الي ما لا يحمد عقباه خصوصا ان فكر المرأة يختلف جذريا عن فكر الرجل و نظرته للأمور " هي أروبة شوية تمحص و تدقق " في حين ان صاحبنا لا يري في الامر شيئ الا اذا كبر الموضوع و قاله انا فعلا شيئ - قد يكون احد الطرفين او كلاهما حساس - وهنا تبقي مصيبة متتحلش الا في القسم - لو انثي\رجل زيي هنعرف نتفاهم اما لو الجنس الاخر الامور بتتعقد وبتاخد اشكال اخري احنا في غني عنها

طبعا دي وجهة نظري أنا الشخصية ...وانا ديموقراطية جدااااازي ما انتم عارفين وأي رأي يخالف رأيي هحذفه بدون سابق انذار

و سؤالي:

الي اي مدي تقدر(ين) الخجل في المرأة\الرجل و هل تري(ن) أن ذلك الخجل عقبة في حياتك؟؟؟

[Doaa.M.M 0]

أنا أقدر الخجل جداااا سواء عند الرجل أو المرأة

ودائما أتمنى الارتباط بشخص خجول وأنا أقصد الخجل
بدرجته الطبيعية التى فطر الله الإنسان عليها وليس الخجل الزائد عن الحد

سؤالى أنا
هل تفضل (ين) الارتباط بإمرأة (رجل) خجولة (خجول) أم جريئة (جرئ )؟

[mohammad 0]

صن شاين ولوست :
والله اخجلتم تواضعنا واعتذر عن العصبية اللي كانت في ردي وفعلا احنا لازم نعدي لبعضينا عشان الامور تمشي والا هاندخل في جدال واختلافات ومشاحنات ربنا يبعدنا عنها ولكن كل وجهة نظر مهما صغرت لابد من احترامها لانه كما اَحترم لابد وان اُحتَرم وده ليا ولغيري
ومتشكر على ردودكم التي صفعت عصبيتي على قفاها
وبخصوص لوست : ما شاء الله على الديمقراطية اقول ايه بس (مصر بتاعة الديمقراطية دي ولا ايه ) وان شاء الله لما تترفدي من الاشراف وامسك انا مش هاخليلك ولا مشاركة ههههههههه
وعلى فكرة ردي لاهو رد على سؤال ولاهو اجابة ده تعقيب بسيط خلي الموضوع ماشي زي ما هو
ودمتم في رعاية الله

فيا عجبا لمن يعصى المحسن بعد معرفته بإحسانه ويطيع اللعين بعد معرفته بطغيانه‏.
ادَّخر راحتك لقبرك، وقِّلل من لهوك ونومك، فإنَّ من ورائك نومةً صبحها يوم القيامة
إذا لم تستطع أن تكون خادماً لدين الله .. فكن خادماً لخادمى دين الله

[Hamdy Tawfik-manar9 0]

ردا علي سؤال دعاء

الخجل والحياء في المراة من شيم جمالها اذا فقدتهم فقدت جزءا من انوثتها

اما في الرجال فالخجل غير مستحب لانه قد يسبب له الكثير من المعوقات في حياته

وعموما هذه صفات شخصية من الصعوبة تغييرها في الكبر الا بمجهود كبير

وسؤالي هو

هل تهتم بنظرة الناس اليك وانطباعهم عنك ومامقدار هذا الاهتمام ؟

[dalia 0]

حمدي، اسمح لي أرد على سؤالك

آه، للأسف بهتم جداً بانطباع الناس عني، وأوقات ببقى قلقانة لما أعرف ناس جديدة لحد ما أتأكد إن انطباعهم عني كويس، وممكن أبقى متوترة جداً كمان. على فكرة، ده عيب مش ميزة، خصوصاً لما يزيد عن حده

سؤالي بقى، ممكن اتنين يحبوا بعض بس الاختلافات اللي في شخصياتهم، ممكن تبقى تافهة على فكرة، بس توصلهم إنهم ما ينفعوش لبعض وتبقى الحياة مستحيلة. في رأيكم إيه هي الاختلافات اللي ما ينفعش إنها تتحل أو الناس تكبر دماغها عليها؟

[Rehab SISAQ 0]

ممكن ارد على سؤالك ياداليا انا شايفة الاختلافات في التكافوء من كل النواحي ممكن تعمل فجوة كبيرة ولايمكن تتحل

[enigma_sinai 0]

المشكلة الآكبر هى عدم التكافوء سواء من الناحية الفكرية أو المادية


سؤالى يتضمن قصة قصيرة

كان
فى فتاة بتحب شاب لدرجة الهيام وفى يوم غاب الشاب لآيام ولما سألت عنه قالو لها انه مريض فى
البيت وقررت انها تروح تزوره وتطمئن عليه بس كان فى نهر بيفصلها عن بيته ولما
راحت لصاحب المركب علشان ينقلها مكنش معاها فلوس، قالتله ارجوك انقلنى للناحية
التانية قالها انا اهم شىء عندى الفلوس، بدون فلوس مش هنقلك، قالتله معيش غير
هدومى اللى لبساها ارجوك، قالها مليش دعوة لازم تدفعى الآجرة، فرجعت الفتاة وهى
ماشة على ضفة النهر لقت رجل فيلسوف طويل الشعر واللحية وحكت له عن اللى حصل مع
صاحب المركب وقالتله اديلو هدومى ولا لآ؟ قالها استفتى قلبك وعقلك فى راسك تعرفى
خلاصك، المهم راحت الفتاة لصاحب المركب وادته هدومها ونقلها للبر التانى ولما طرقت
الباب على عشيقها شافها عريانة قام قفل الباب فى وجهها، بكت الفتاة بكاء شديد وصارت لازم ترجع ولما رجعت
لصاحب المركب مرة تانية قالها نفس الكلام" أجرتى" قالتله انت أخذت هدومى
وما فضلش معايا شىء أدهولك، قالها مليش فيه الآجرة أهم شىء...رجعت الفتاة تمشى على
الضفة فوجدت رجل وقصت له الحكاية قالها أختلى بيكى وأديلك الآجرة وحدث بالفعل
وأعطت الفتاة الآجرة لصاحب المركب وروحت.

هناك 5 شخصيات فى القصة وهم

الفتاة
والشاب وصاحب المركب والفيلسوف والرجل الذى اختلى بها

المطلوب
هو ذكر أسامى المذنبين تدريجيا من الذنب الآكبر للآصغر

[هادى 0]

اولا : الفتاه
ثم الفيلسوف
ثم صاحب المركب والرجل الذى اختلى بها فىنفس المرتبه
ثم الشاب

[هادى 0]

سؤالى هو: مذا تفعل لو كنت فى طريق ورايت رجلا تظهر عليه علامات الشر ينهال ضربا على طفل صغير لا تعرفه

[Honey Bunny 0]

اقتباس :

ماذا تفعل لو كنت فى طريق ورايت رجلا تظهر عليه علامات الشر ينهال ضربا على
طفل صغير لا تعرفه

أنا بحب الاطفال جدا ومش هيكفيني شيئ لتأديب الحيوان التاني ده.
أسفة ده موقف مستفز ولابد للكبير من أن يرحم الصغير حتي يرحمه عندما يكبر. هكذا أمرنا ديننا الحنيف .

[Hamdy Tawfik-manar9 0]

enigma_sinai كتب:

ا

هناك 5 شخصيات فى القصة وهم

الفتاة
والشاب وصاحب المركب والفيلسوف والرجل الذى اختلى بها

المطلوب
هو ذكر أسامى المذنبين تدريجيا من الذنب الآكبر للآصغر

تصدق ياياسر انا حسيت اني انا اللي غلطان اني قريت القصه بتاعتك
لاني مش قادر احدد مين اللي غلطان فيهم

بس خلينا نقول ان المسئولية مشتركة علي الجميع ..وكل شخص يتحمل جزء من الخطأ

واذا كان لابد من ترتيب للمذنبين من الاكبر ذنبا للاصغر فاعتقد انه علي النحو التالي

1= الحبيب الذي تخلي عنها ولم يكلف نفسه عناء السؤال عن مابها
2= الرجل اللي اختلي بيها واستغل ظروفها
3= صاحب المركب الذي لم يقدر ظروفها
4= الفليسوف الذي بخل عليها بحكمته وتركها لعقلها وخبرتها القليله
5= البنت نفسها لانها فرطت في نفسها ..شوف ازاي البنت طلعت مظلومه ياحاج ياسر

بس هو فيه حكمة من ورا القصه دي ولا حاجه ؟؟؟

[hinar 0]

اهلا مستر ياسر

اسئلتك مثل زهرتك التى ترتفع لعنان السماء كالخيال دون رابط بالارض

وهذا رايى

1- الفيلسوف الذى بخل بحكمته وعلمه ومشورته فلو نصحها لربما كانت قد تفادت كل الاخطاء
فالجهل آفة المصائب
2- البنت فمهما كان الجهل وعدم المعرفة فابدا لا يباح التفريط
3- الرجل لانه قتل نفسا وليس القتل باهون مما فعل
4- صاحب المركب لانه قبل ان يكون رزقه مغموسا بالحرام
وهل هناك حرام مثل هتك ستر انسان لمجرد احتياجه لمقابل
5- الحبيب حكم قبل ان يسمع ويعرف الحقيقة وحكمه قتل الفتاه .


وسؤالى هو

هل تستطيع ان تسامح من اساء اليك

[Honey Bunny 0]

بالنسبة لقصة ياسر:

المخطئ الرئيس في نظري هو النهر بضفتيه ........حلل؟

[mohammad 0]

سلامي للجميع
وتعليقا على رد لوست ان ما فهمت من النهر بضفتيه ان الخطأ يوزع على الجميع بنسب متساوية

ولكن انا من رأيي ان الغلطان في الموضوع ده كله الفتاة فقط هي التي لم تعد اجندتها فاصبحت جزءا من اجندة غيرها بسؤالها الفيلسوف

خصوصا ان سؤالها ماكانش محتاج تفكير واستفتاء القلب لا يكون الا في امور معقدة وليس هناك لها قاعدة ولا اصل فليس من المعقول ان تستفتي قلبها وهناك (حاجة؟) بتقول ماينفعش تمشي عارية وغلطانة لانها فاكرة الدنيا كلها لون واحد وغلطانة لانها اتبعت هواها بدون تفكير واظن ده كله كفاية انها تكون غلطانة فوقوع الفريسة بين الذئاب لا ذنب للذئاب فيه وانما ذنب الفريسة التي عرفت بوجود الذئاب في طريق ولم تتقيه.

وبالنسبة لسؤال : hinar
تحمل الارهاق في اي جانب من جوانب الحياة بيكون معتمد على الهدف او الفائدة من الارهاق وذلك سواء ارهاق عضلي او عقلي ولا يلزم السقوط من فوق كرسي العقل لانه هيكون سقوط جاهل ( غضب العاقل في فعله وغضب الجاهل في قوله )

والسؤال :
بماذا ترد على جاهل استفذك ببعض كلماته الحمقاء ؟ علما بأن الخوض معه في معارك سيجعلك مثله وسوف تقلل من شأنك فهل تتنازل عن فكرك وتنزل الى مستواه للرد عليه ام انك تفضل ( دع الكلاب تعوي والقافلة تسير) ؟





فيا عجبا لمن يعصى المحسن بعد معرفته بإحسانه ويطيع اللعين بعد معرفته بطغيانه‏.
ادَّخر راحتك لقبرك، وقِّلل من لهوك ونومك، فإنَّ من ورائك نومةً صبحها يوم القيامة

[hinar 0]

والاجابة على سؤالك مستر محمد

الرجال أربعة

فرجل يدري ويدري انه يدرى ..فذلك عالم فاتبعوه

ورجل يدري ولا يدري انه يدري .. فذلك غافل فايقظوه

ورجل لا يدري ويدري انه لا يدري .. فذلك جاهل فعلموه

ورجل لا يدري ولا يدري انه لا يدري .. فذلك احمق فاجتنبوه


وسؤالى هو
ازى صحتكم ؟؟
بجد هل تهتمون بصحتكم كما يهتم بها الغرب ؟

[enigma_sinai 0]

دى مجرد لعبة تحليل النفس، وطبعا هى بطريقة ما عقيمة علمياً
بس زى ماقلت هى مجرد لعبة بما ان صاحب الموضوع قال انه لعبة

بص ياسيدى كلنا فينا ميول سواء كان ميول فنى"الفيلسوف"، أو عاطفى"الفتاة"، أو مادى"صاحب القارب"، أو جنسى"الرجل الذى اختلى بالفتاة"، فضل واحد هو حبيب الفتاة ودة انا مش فاكر كان بيمثل ايه
وجوابك بيدل على أولوياتك
يعنى وبناء على اللعبة انت جاوبت

اقتباس :

= الحبيب الذي تخلي عنها ولم يكلف نفسه عناء السؤال
عن مابها
2= الرجل اللي اختلي بيها واستغل ظروفها
3= صاحب المركب
الذي لم يقدر ظروفها
4= الفليسوف الذي بخل عليها بحكمته وتركها لعقلها
وخبرتها القليله
5= البنت نفسها لانها فرطت في نفسها

وده معناة انك انسان عاطفى لآنك خليت الفتاة أخر حاجة..ابسط ياعم
وانت مبتفكرش فى الجنس كتير او مش من أولوياتك
بس طلعت مادى شوية لآنك اعتبرت ان صاحب المركب المذنب الثالث
وطبعا ميولك الفنى مقدرش أقوله لآنك مفهمتش المغذى من وجود الفيلسوف
الفيلسوف قال ليها الرد كحكمة "عقلك فى راسك تعرفى خلاصك" وان كانت المقولة ضعيفة غير مؤثرة...يعنى الفيلسوف لم يبخل عليها برأيه
تحياتى

[Hamdy Tawfik-manar9 0]

هههههههههههههههه

كنت متوقع علي فكرة ان وراها حاجه زي كده لذلك سالتك هو فيه حكمه من الحكايه

بس تحليلك غلط ياياسر

معظمه يعني مش كله ..فيه حاجات صح

[sun_shine 0]

اقتباس :

ازى صحتكم ؟؟
بجد هل تهتمون بصحتكم كما يهتم بها الغرب

الحمد لله علي مايرام ..
لكن الظاهر لا مش بنهتم يا هينار زيهم اكيد لا في ممارسة الرياضة ولا في تنظيم الغذاء والحمد لله علي كل حال
سؤالك شدني لاني غدا عندي موعد عند دكتور الاسنان

سؤالي ..انت بتغسل سنانك كام مرة في اليوم ؟؟ وهل بتستخدم السواك؟ وايه شعورك ودكتور الاسنان في ايده المنشار وعلي فمك ؟؟؟ يارب استرها معايا بكرة

[hinar 0]

اغسل اسنانى مرتين فقط
مرة صباحا والاخرى مساءا



وسؤالى هو
هل تفضل الطبيب الرجل ام المرأة ؟

[enigma_sinai 0]

بصراحة انا مش شايف ان غسيل الآسنان بالمعجون والفرشاة صحى للآسنان 100% انا يأستخدم الفرشاة ومعجون تانى خاص بنظافة الآسنان من أثار التدخين والشاى
لكن بستخدم مطهر فم اسمه Listerine وهو ممتاز لحماية الفم والآسنان من الجراثيم
وهو بلا شك أفضل وأأمن من الفرشاة والمعجون بكثير
بس المشكلة أولا فى سعره وهو ب 45 ومبيطولتش لو استخدمته يومى
والمشكلة التانية فى تواجده لآنه بريطانى الصنع
بأنصحكوا بيه

[sun_shine 0]

hinar كتب:

اغسل اسنانى مرتين فقط
مرة صباحا والاخرى مساءا

مستر ياسر ترى ما هو تحليلك لاجابتى

وسؤالى هو
هل تفضل الطبيب الرجل ام المرأة ؟

اكيد تقصدي علي الاسنان صح ؟؟ فلو كدة انا لا افضل كلاهما ...لو المسالة فيها نخر و مشرط ودم وبنج ...انما لو روشتة وخلاص اوكي


سؤالي ...من رايك : متي ستظهر النتيجة ؟؟ هل

1_غدا

2_نهاية الشهر

3_عام 2020 (علي راي لوست )

[hinar 0]

الاجابة يا داليا
ولا يهمنا
تظهر وقت ما تظهر

والسؤال هو
هتعمل ايه لو نجحت ولو لا قدر الله يعنى ... ؟

[Hamdy Tawfik-manar9 0]

بالتوفيق والنجاح يامحمد انت وكل الزملاء والزميلات

[a.h.issmail 0]

سوري ياهينار


انا لو لقيت نفسي ناجح هاعمل الاتي


هاعمل ريفريش للصفحة علشان اتاكد ان الموقع مش مهنج ولا حاجة



وتصبحوا علي خير انا كمان

[a.h.issmail 0]

السؤال السؤال السؤال


سؤالي هو
تررا ترررا

هاتجيبولي ايه لو نجحت الترم ده
؟؟؟؟؟؟

[enigma_sinai 0]

هجبلك كتاب ل كولن ولسون

[Honey Bunny 0]

يا جماعة الرجاء الالتزام بجوهر الموضوع ....انا بحذف كتير من المشاركات اذا اخدت المشاركات منحي تاني وهضطر اسفة اني احذف كل المشاركات الخارجة عن سياق الموضوع بما فيها التنبيه ده
انا بس حبيت الفت انتباهكم وده مش تسلط مني وانما تنسيقا لمواضيعنا.

[dream 0]

السلام عليكم

تعمل ايه لو فجأة بقى عندك فراغ هائل ووقت ممل وطويل

[هادى 0]

اسجل فى اى دراسه جيده... مثلا كورسات ...التحق بمنتدى جديد ..التحق بكليه جديده كنت اتمنى الدراسه بها...اخرج امشى ..فانا من عشاق رياضة المشى فهى تخفف الكثير من الضغوط..اكون صداقات جديده واشغل نفسى فى اكتشاف اعماق الصديق الجديد....

[dream 0]

السلام عليكم

هادى
اشكر لك النصيحة
ولكن اظن ان الموضوع مبنى لى ان تضع اجابتك وبعدها سؤالك فاين السؤال
انا لم اضع اجابة لان الموضوع كان متوقف