مالذي حدث الجمعة الماضية

[a.h.issmail 0]

ياريت الي راح الجامعة يوم الجمعة 2/10/2009 وحضر المهذلة الي حصلت يقول علي الي حصل وايه اخر القرارات الي حصلت

[Hamdy Tawfik-manar9 0]

مهزلة ايه يااحمد

ماتفهمنا في ايه

[a.h.issmail 0]

انت سيبتها ياحج وباظت وربنا "مبقاش ليها حاكم "

خد عندك الجدول نزل يوم الخميس الساعة 10

الناس راحت قالك الدراسة اتلغت لاجل غير مسمي

كنت عايز اعرف من حد راح الجامعة ايه الي حصل وان كانوا قالوا علي اي حاجة

انا عندي كام ظرف صغننين كدة مش مخليني عارف انزل الجامعة

[dalia 0]

ربنا يستر، دي حاجة مش مطمئنة خالص...المشكلة إني مش في مصر علشان حتى أروح وأفهم في إيه

لو حد راح وفهم يبقى يقوللنا يا ريت

[dalia 0]

الخبر ده من جريدة الدستور:

تأجيل محاضرات التعليم المفتوح لأجل غير مسمي بعد إعلان جامعة القاهرة رسمياً عن بدئها أمس

مدير المركز : رفضنا المخاطرة بصحة الطلاب بعد توافدهم بأعداد كبيرة علي الجامعة أمس

كتب ـ عبدالرحمن عبادي:

قرر مركز التعليم المفتوح بجامعة القاهرة وفروعه بالمحافظات تأجيل بدء الدراسة المباشرة بقاعات الجامعات في أيام الجمع دون تحديد موعد محدد لبدئها فيما بعد.

وقال الدكتور عوض عباس ـ مدير المركز ـ في تصريحات لـ«الدستور» أمس الجمعة إن قرار إلغاء المحاضرات لن يشمل المحاضرات التليفزيونية والمحاضرات التي يتم بثها عبر شبكة الإنترنت، مشيراً إلي أن إلغاء المحاضرات المباشرة جاء حرصاً علي الطلاب بعد أن فوجئ المركز بتوافد الطلاب بأعداد كبيرة علي الجامعة أمس في مشهد غير مسبوق منذ إنشاء التعليم المفتوح، وهو ما جعلنا نرفض المخاطرة بصحة «الطلاب».

وحول الموعد الجديد لبدء المحاضرات المباشرة، قال عباس إنه لن يستطيع تحديد موعد محدد لعودة المحاضرات المباشرة قبل الانتهاء من إعداد جميع قاعات الدراسة بالكليات لاستقبال الطلاب بنظام جديد يقضي باستقبال طلاب التعليم بقاعات كل كلية تابع لها البرنامج الدراسي.

وكان طلاب التعليم المفتوح قد فوجئوا أمس بإلغاء المحاضرات رغم الإعلان رسمياً عن بدء الدراسة والمحاضرات من أمس الجمعة 2 أكتوبر بعد أن أكد بيان صادر عن جامعة القاهرة ـ المركز الرئيسي لمعظم برامج التعليم المفتوح بمصر ـ انتهاء المركز من ترتيبات بدء الدراسة واتخاذ إجراءات مشددة لمواجهة تكدس الطلاب في وقت حضور المحاضرات المباشرة التي تتم في أيام الجمع، والإشارة إلي تقسيم الدارسين في مجموعات صغيرة داخل المدرجات.




أ

[Rehab SISAQ 0]

ربنا يستر

[a.h.issmail 0]

انا ان شاء المولي هانزل الجمعة الجاية اشوف الدنيا فيها ايه

وابلغكوا علي طوول

[dalia 0]

ربنا يخليك لينا يا أحمد، دايماً تعبينك معانا

بس أنا في رأيي إن المشكلة كلها إنهم ما كانوش عاملين حسابهم على الهجوم اللي حيبقى من طلبة الثانوية العامة اللي اتقبلوا السنة دي، ومع إنفلونزا الخنازير والأعداد الضخمة وطبعاً المدرجات اللي مش ممكن تساعي الطلاب الجداد والقدامى

ربنا يسهل، هما بس لو يحملوا المحاضرات التليفزيونية على صفحات الدارسين والدكاترة يلتزموا بالمقرر اللي موجود فيها، أعتقد إن الدنيا ممكن تمشي تمام.

[a.h.issmail 0]

خلاص يبقي يلغوا الدفعات الجديدة او يئجلوها

انما الناس القديمة الي جدولها مظبوط ومعندهمش ضغط يسيبوهم زي ماهما

[sweet_love 0]

طيب يعنى الناس القديمة تتعلم و الجديدة لا حرام عليك هو على رأى داليا ينزلوا المحاضرات على النت و التلفزيون ويلتزموا بيها وسنة وتعدى صحيح هتكون سنة دراسية غريبة على الكل بس تعدى أحسن ما تتأجل و الناس كلها تتأخر

[a.h.issmail 0]

انا مقلتش والله ان الناس القديمة بس هيا الي تتعلم

انا كل قصدي انهم يعملوا زي التعليم العادي في التعليم العادي بيخلوا الدراسة الجديدة بتبتدي متاخر
والدراسة القديمة بتبتدي في الميعاد عادي

ده والله كل الي قصدته

[a.h.issmail 0]

اخر القرارت بموقع الجامعة

[b][/b]

[hinar 0]

الف مبروك

[اماني1 0]

لشو مكبرين الموضوع؟؟؟؟

عادي نحنا هيتنا مو بمصر ولا بنحضر اي محاضرات بالجامعه
كل الاعتماد على المحاضرات التلفزيونية اللي بنزلها من صفحتنا الدراسي من الموقع الرئيسي للجامعه
والحمد لله من المتفوقين ..
مابدها كل هلقصة تتأجل ؟؟

لو كنتوا مكانا شو حتسوو؟؟؟

خدو الامور ببساطة
ادرسوا بلبيت المحاضرات والتطبيقات والمحاضرات التلفزيونية