ترجمه فوريه ( تدريب عملى) 425

[alaa eldin fikry 0]

السلام عليكم ورحمه الله زملائى الاعزاء برجاء وضع اى تعليق يخص هذه الماده فى هذا الباب سواء كان تعليق من زملاءسبق ان درسو هذه المده فى التيرمات السابقه ووفقهم الله وأرادو المساعده بالنصح والارشاد او زملاء نشترك معهم فى نفس الماده ولديهم معلومه تفيد الزملاء مثل المقرر والمحزوف والملغى او اضافه تلخيص او خبره شخصيه او طلب اى شىء من الزملاء وهذا لمزيد من التعاون والتنظيم وسرعه البحث والحصول على المعلومه والله من وراء القصد

[Michael 0]

عندي فضول عن كيفية امتحان هذه المادة خصوصا بعد ما سمعته من الزملاء الذين يقولون أنا الكثير لا ينجح في هذه المادة. هل هذا الكلام صحيح؟

[dream 0]

السلام عليكم
رغم انى عديت فى المادة دى فقد حضرت محاضرة الجمعة الماضية يعنى المحاضرة الثانية

وبصراحة مش عارفة اقول ايه لانى بحب ابشر مش انفر
لكن اعتبروه تحذير مش تنفير
د/ هانى رغم كل المآسى فى الدفعات السابقة الا انه ناوى يزودها شوية كمان والخلاصة انه كان بيجيب الامتحان من E الى ع لكن السنة دى هيجيب قطعتين عربى وقطعتين انجليزى
المهم انه اثناء المحاضرة قرأ قطعة عربى وقرأته العربى أقل ما يقال عنها انها سيئة بمعنى انى كنت اعرف الكلمات التى ينطق بها كدة بالشبه وبعد ذلك طلب متطوع يقرأ ما كتبه علشان يصححه امام الدفعة فقام احدهم وكانت ترجمته جميلة جدا ( بمقياسى انا طبعا ) وتصورت انه ممكن يقول ان سوف يعطية جيد جدا ولكن المفاجأة انه قال انه ممكن يعديه علشان احنا لسة فى بداية التدريب
وبصراحة لا اعرف ماذا يريد هذا الدكتور فهو لا يفيد احد وبخيل جدا فى معلوماته لدرجة تشكك اذا كان عنده فعلا ما يقال
لذا
ارجو من كل المتقدمين لهذه المادة الاهتمام
وعلى فكرة بدأت افرح بالمقبول اللى جبتها فى المادة دى

[Hamdy Tawfik-manar9 0]

والله عندك حق

قراءته الانجليزية سيئه جدا

وكمان العربي

مش عارف هو من النوعيه التي تسمتع بتعقيد الطلاب ولاايه بالضبط

واضح ان الشكوي جماعية

ربنا يهديه ويحنن قلبه علينا

[dream 0]

السلام عليكم
ربنا يقويكم و يزيح عنكم
وبالمناسبة التيرم الماضى كانت المحاضرات المطبوعة من المركز غير المحاضرات على النت فقد كانت اكبر واشمل بكثير مش عارفة بقى الموقف ايه التيرم ده

[dream 0]

السلام عليكم

هذه المواضيع من الكتاب وهى مهمة كما ذكر الدكتور
p .20.c
p. 30 e
p. 50 g
p. 55 a
p. 56 c
p. 59 i
p. 147, 148
.224,238,239,242,252 p

[Hamdy Tawfik-manar9 0]

شكرا توتا

وجزاك الله كل الخير

[Hamdy Tawfik-manar9 0]

دخلت النهارده علي صفحتي الدراسيه علشان احمل امتحانات تلك الماده

وجدت اربع امتحانات فقط

قلت مش مشكله ...اهووو برده احسن من مفيش

وبعد ماحملت الامتحانات فتحتهم

وكانت المفاجاه ...ان الامتحانات فاضيه اي نعم وللله ... ورقه فاضيه

اصل انتم مش واخدين بالكم ... ده امتحان شفوي

فطبيعي ان ورقة الامتحان تكون فاضيه

فالراجل الموظف المسئول عمل اللي عليه ...صور الوقه الفاضيه ورفعها علي الموقع

وبكده يبقي عمل شغله ووسدد خانة شغله ...وطبعا مفيش حد بيتابع

انا اتخنقت من البلد دي ... وقلة الضمير والاستهبال اللي فيها

وكل امتحانات وانتم طيبيبن

انا قلت بس افضفض معاكم اصلي مليش نفس اذاكر

[Michael 0]

انا نفسي اذاكر بس مش قادر نفسيا
عايز اخلص و خلاص ، انا برده خت بالي من حكاية الصفحة الفاضية دي ، كانوا ممكن يطلبوا من الدكاترة الاسئلة علشان تترفع. بس خلي بالك يا حمدي ان مركز التعليم المفتوح يعتبر متطور عن التعليم النظامي ب 200 سنة علي الأقل معلش اديهم فرصة وتلاقيهم في خلال 5 سنين حاجة تانية خالص
انا متأكد ان المركز ده هيبقي اشهر مركز في الشرق الاوسط

[dream 0]

السلام عليكم
ايه يا حضرات مالكوش نفس تذاكروا ده

اتكلوا على الله و روقوا وخلاص هانت

حمد الله على السلامة يا مايكل

[Hamdy Tawfik-manar9 0]

وانا بقول المنتدي منور لييه

دا ايه المفاجات الحلوه دي

عامله ايه ؟ طمينينا.

اخبار الامتحانات معاك ايه يا توتا

[Michael 0]

الله يسلمك (dream) الصراحة اه الواحد ملوش نفس للمذاكرة انا بتفرج علي فيلم كوميدي دلوقتي

[dream 0]

السلام عليكم

الله يسلمكوا
اهلا سيادة المدير
انت اللى تقولى عملت فيكوا ايه الامتحانات وعذابها

على فكرة يا مايكل اسمى توتا
انت لا تعرفنى لانى دخلت المنتدى بعد الاختفاء الرهيب لسعادتك
بس اقولك حاجة انت من احد اسباب انضمامى للمنتدى قلت اخيرا حد بيفهم وهيصحح لنا العك بتاعنا وعلى فكرة انا سالت عليك لكن ما حدش كان عارف انت فين
حمد لله على سلامتك مرة اخرى وعود حميد

[Michael 0]

Thanks Tota, I saw Hamdy calling you by the name Tota but I couldn't call you Tota it would be inappropriate because I thought it's like your nickname

Anyway, I was really VERY busy and I had to go to Paris then I came back. Before that I was faced with one of the most difficult decision a man can make in his life, I couldn't just browse the web and perform my daily tasks

Nice to meet you Tota, and believe me nobody will help you more than you

[Michael 0]

I hope you don't mind me writing in English
I think it's good for all of us to write and express our feelings in English
at least here on the boards
I myself speak English with my egyptian friends

[dalia 0]

Michael, I agree with you that whoever feels comfortable to write in English in this forum, should do so. It would be a great practice for all of us.

[Hamdy Tawfik-manar9 0]

ياتري فيه حد عنده اي محاضرات تلفزيونيه لتلك المادة

[Michael 0]

منين؟ مفيش علي الموقع حاجة خالص

[Hamdy Tawfik-manar9 0]

انا كنت بتكلم مع زميلي احمد عبد الحليم معانا في التيرم الثامن فرع المنصورة

والحقيقه فكرني بحاجه مهمه

وهو ان ثلات قطع من الاربعه التي جاءت في امتحان النيرم السابع كانت

من الاسطوانه المرفقه مع الكتب

واحتمال الامر يتكرر التيرم ده

لكن للاسف انا ماستلمتش الاسطوانه دي وانا بستلم الكتب لانها مكنتش موجوده

وقالولي هتيجي بعد فترة ومرحتش استلمتها

فتحديدا انا كنت بسال علي الاسطوانه دي

هانتظر توتا يمكن يكون عندها الاسطوانه

[Michael 0]

ياريت حد يكون عنده الاسطوانة يرفعها

[dream 0]

السلام عليكم

لا للاسف لا توجد اسطوانة لتلك المادة
لان الدكتور لم يسجل اسطوانة لها من الاصل
بس هو كل اللى اهتم به الموضوعات التى ذكرتها قبل ذلك
هو اكد عليها جداواعتبرها كادو لطلاب هذا التيرم
ذاكروها كويس جايز يصدق وبالذات من ع ال ا

بس اقول لكم حاجة دمكم عسل قبل الامتحان بيوم بتسالوا !!!!

[Michael 0]

معلش بقي مشاغل

[dream 0]

السلام عليكم
طيب انت مشاغل
وحمدى كمان مشاغل
طيب يا مشغولين بالتوفيق ان شاء الله

[Hamdy Tawfik-manar9 0]

انا امتحنت هذه المادة اليوم

الامتحان كان 3 قطع

واحدة نرجمة من العربية لانجليزيه

واتنين من الانجليزية للعربية

الامتحان كان متوسط او فوق المتوسط قليلا

الحقيقة القطع اللي جات في الامتحان انا مش عارف اذا كانت من الكتاب او المحاضرات

او من خارج المنهج لاني تقريبا لم افتح هذه الماده

اللي السماعي بتاعه كويس ياجماعه ميخفش حتي لو مش مذاكر قوي

ونقطة تانية مهمه جدا رغم انها تبدو شكلية

المراقب وهو كان مرافب واحد ...قال لنا اننا هنسمع مرة واحدة بس وبعدين خمس دقائق للتنقيح

ثم القطعه التي تليها وخمس دقائق وهكذا

اياكم والاستسلام لهذا الامر

لان احيانا السماعات بتبقي مش جيده واحيانا الصوت بيقي فيه ايكو ومش رايق

ده غير صوت الدكتور ..الله اكبر عليه .. حاجه عظمه :x

لازم تلح علي المراقب في الاعادة لان الظروف مش مثاليه علشان تسمع مرة واحده

وده اللي حصل النهارده ان كان فيه الحاح من جانبنا علي الاعادة ( بس بالذوق من غير شد )

والحمد لله الزميلات قاموا بالواجب .. انا كنت الراجل الوحيد فقعدت ساكت

وحاجه تانيه كمان انا امتحنت في الاسكندرية والمنصورة

في االاسكندرية متشددين جدا ومكان الامتحان سيء وغير مؤهل علي عكس المنصوره

مش تحيز للمنصورة بس دي الحقيقة

دي كانت اخر مادة عندي

اعتقد ان الكل خلص النهارده

بالنجاح والتوفيق للجميع ان شاء الله

[hinar 0]

بالنجاح والتوفيق للجميع ان شاء الله

لاحظت ان المنتدى متاثر جدا ايام امتحاناتكم

اظن سيعود الى نشاطه الان

[alaa eldin fikry 0]

السلام عليكم ورحمه الله اخوانى الاعزاء كيف الاحوال ان شاء الله مسجل فى ماده ترجمه فوريه تدريب عملى فى التيرم البينى لو فيه حد مسجل فيها نتواصل ان شاء الله