نصوص ادب عربى معاصر 421

[alaa eldin fikry 0]

السلام عليكم برجاء وضع اى تعليق يخص هذه الماده فى هذا الباب سواء كان تعليق من زملاء نشترك معهم فى نفس الماده ولديهم معلومه تفيد الزملاء مثل المقرر والمحزوف والملغى او اضافه تلخيص او خبره شخصيه او طلب اى شىء من الزملاء وهذا لمزيد من التعاون والتنظيم وسرعه البحث والحصول على المعلومه والله من وراء القصد

[منار عصام الدين 0]

بصراحة المادة دي صعبة اوي اوي وانا واحدة من الناس امتحاني شهر 7 ولسة حنى مابداتش فيها ولا عارفة حتى اني ابدا فيها حاولت اقراء لكن مافهمتش منها ولا كلمة اعمل ايه؟

[dream 0]

:study:
اهلا منار
المادة دى مش صعبة كما تتخيلى ، هو بس الكتاب اللى صعب لكن المحاضرات لذيذة والتطبيقات فيها الامتحان لانهم اربع او خمس اسئلة فى المادة كلها ، والدكتور سيد على فكرة أديب وله روايات منشورة ومش معقد الدنيا ، وانما بيعتبر ان لكل شخص رأى مختلف عن الاخر وهو بيحترم الرأى الاخر بشرط انه يكون رأى محترم مش أى كلام وخلاص .

[منار عصام الدين 0]

اهلا بيكي يا توتا بس انا مش بقول رايي الشخصي في المادة انما انا بقول انها صعبة من وجهة نظري وكل القصة اني مجرد ما حفهم فكرة المادة دي مشية ازاي هيبقة الوضع اسهل كتير انا في الواقع مش موجودة في مصر بيتهيالي لو حضرت محاضرات الدكتور سيد هكون احسن كتير من اني اذاكر لوحدي

[منار عصام الدين 0]

انتي قصدك راي في المادة ولا رايي بالنسبة للاسئلة الي في الامتحان

[dream 0]

أهلا منار
انا طبعا قصدى بالرأى هوالرأى الذى سوف تتبنيه عند كتابتك للمقال
وهى المادة بسيطة هى عبارةعن نماذج من الادب العربى المعاصر ، نموذج للشعر واخر للقصة القصيرة وثالث للرواية والرابع للمسرحية . والدكتور هو الذى يحدد هذه النماذج
وممكن تقرأى المحاضرات و انت تفهمى ماذا أقصد لان الكتاب لا يعبر عن المادة كم هو الحال فى المحاضرات
ملحوظة انا رفعت المحاضرات فى مواد التيرم الثامن
وربنا يوفقك وانا تحت امرك فى أى استفسار:study:

[منار عصام الدين 0]

ربنا يخليكي بس انا ليا سؤال المحاضرات فيها الشعر بيتكلم عن هزيمة 68 والتاب في شعر لحد اسمه محمد مستجاب اذاكر الي في المحاضرات ولا الي في الكتاب انا قرات اسالة الامتحانات ولاقيت انها علي شعر مستجاب ممكن تساعديني في دة

[dream 0]

السلام عليكم
اهلا منار
على فكرة هى هزيمة 67 و ليس 68 و مستجاب كاتب وليس شاعر و الشعر الموجود فى المحاضرة لامل دنقل
واذا كان المقرر سوف يظل هو القديم فاتركى الكتاب تماما الا من القصة القصيرة مستجاب الخامس
اما الشعر فسيكون قصيدة زرقاء اليمامة لامل دنقل و الرواية ستكون الحب فى المنفى لبهاء الدين طاهر و المسرحية ستكون باب الفتوح وكلهم غير موجودين فى الكتاب
لكن موجودين على النت
لاداعى للارتباك وكما قلت لك اقرأى المحاضرات والنصوص الاصلية لكل حاجة فيهم وسوف تجدى ان الموضوع سهل جدا ان شاء الله و انا معاكى دايما

[منار عصام الدين 0]

طيب ممكن اسال علي حاجة كمان معلش طولت عليكي بس انا فعلا كنت محتاجة اوي لمساعدتك دلوقتي المحاضرات الي عندي هي للشعر وللمسرحية وللرواية لكن القصة القصيرة لا مش موجودة ممكن تقوليلي اجيبها منين لا شرح الكتاب بصراحة صعب اوي

[dream 0]

السلام عليكم
أهلا منار
القصة القصيرة كما سبق ان قلت لك هى الوحيدة الموجودة فى الكتاب وهى قصة مستجاب الخامس للكاتب محمد مستجاب
وياستى لا طولت على ولا حاجة أنا من عشاق اللغة العربية
و أى سؤال انا فى الخدمة
وفى الحقيقة انا اللى عندى سؤال ..هو انت عندك اية ثانى غير العربى؟
انا خلصت عربى وديسكورس وامتحنت فورية بينى، واذا نجحت ان شاء الله يبقى كل اللى معايا ادبية و مقال وتنتهى القصة ولو انى حاكون حزينة لان الاحساس بانك طالبة احساس ممتع

[منار عصام الدين 0]

ربنا يخليكي يا حبيبتي بصي ياستي انا ضمة ترمين علي بعض الترم الاول ومادتين من الترم التاني الي هما نحو علي مستوى النص ودي بردو بالنسبة ليا فيها صعوبة و مادة ثقافية تانية ووخدة من الترم الرابع فوناتكس ومن الترم السادس سيمانتكس وسينتاكس ومن الترم التانمن نصوص من الادب العربي انا نازلة مصر ان شاء الله خلال الشهر الي جاي وان شاء الله نتقابل

[dream 0]

السلام عليكم
أيه يابنتى دة سمك لبن تمر هندى الله يكون فى عونك قلبى معاكى
ليه العملة السوداء دى ؟ وازاى حتمتحنى ؟ كدة حيكون عندك امتحان كل يوم والاايه؟
دة انت محتاجة تنظيم جهنمى لوقتك
وان كنت مش فاهمة اية العلاقة بين المواد اللى اخذتيها وبعضها
انا من اللحظة دى هبدأ ادعي لك

[منار عصام الدين 0]

اه شفتي انا اصلا كان غصب عني يا توته لاني بسافر فلازم كنت اضم ترمين مع بعض لاني ماينفعش اني انزل في نص السنة كمان في مواد متعارضة من الترم الاول مع الترم التاني عشان كدة كنت باخد من الترمات الي بعد كدة اصلا كمان مش عارفة اذا همتحن السنة دي ولا هأجل كمان ترم الظروف السنة دي صعبة اوي لاني انا حامل والمفروض اني اولد شهر 7 يعني وقت الامتحانات فالدنيا عندي اخر لخبطة ربنا يسهل واشوف اذا ممكن امتحن مواد واجل مواد ولا ممكن اعمل ايه لسة مافيش حاجة ظهرة ادامي لحد دلوقتي انا علي العموم نازلة مصر الجمعة الي جاية ان شاء الله وربنا يسهل
بس اكيد لازم نتقابل ان شاء الله لو ماعندكيش مانع

[sweet_love 0]

ربنا معاكى يا منار وتقومى بالسلامة وصدقينى كل اللى محتاجاه شوية تنظيم وقت و أحسن لك تشوفى الوكيل و الله لو حسبتى مصاريف السفر و الكلام ده هتلاقى إنه اللى بتدفعيه عند الوكيل أنا كنت فكرت أعمل زيك أضم ترمين و أنزل أمتحن فى مصر بس مقدرتش أضمن ظروف الوقت وكمان هو شهر واحد هقضيه أذاكر ولا أتفسح ده غير طبعا مصاريف السفر فقلت أمتحن عند الوكيل وبلاش لغبطة مواد لو محتاجة أى حاجة يا قمر فى مواد الترم التانى إبقى قولى أو ممكن تاخدى ميلى من البيانات لو حبه تسألى عن أى حاجة وربنا معاكى

[منار عصام الدين 0]

ربنا يخليكي يا حبيبتي انتي عندك حق انا فعلا فكرت كدة بس انا مش هاينفع اولد هنا لوحد وخصوصا اني معايا بنت تانية صغيرة انما انا اتوقع ان السنة دي بس هي الي هتكون كدة عشان ظروف الولادة وبعد كدة هنشوف قصة الامتحانات هنا ايه اخبارها لان النزول فعلا مكلف جدا ومتعب جدا جدا خاصتا لما يكون معاكي ولاد انا هاخد ايمايلك واكلمك

[dream 0]

السلام عليكم
تعب كلها الحياة يامنار
سيبك من الامتحانات .. ملحوقة .. المهم تقومى بالسلامة
ومش حتفرق تيرم زيادة
انا بقول تحاولى تركزى فى مواد التيرم الاول وتخلصية اولا على الاقل علشان تضمنى تقدير كويس وبعدين ممكن زى ما شيماء بتقولك اذا كان افضل لك طبعا
و ان شاء الله فى انتظارك فى القاهرة

[منار عصام الدين 0]

ربنا يخليكي يا توته انا خلاص حجزت ونازلة الجمعة الي جاية ان شاء الله بس هشوفك ازاي اقصد اعرفك ازاي لو تتقدري تبعتي رساله علي الخاص وتديني ايمالك او موبايلك عشان اقدر اكلمك يكون كويس اوي

[dream 0]

السلام عليكم
أهلا منار
وأنا كمان مش عارفة ازاى
لو ممكن اخوانا الشرفين يقولوا لنا ازاى وهل مسموح بكتابة الايمال

[Hamdy Tawfik-manar9 0]

رجاء الاطلاع علي قوانين المنتدي

/montada-f1/topic-t87.htm


******

[منار عصام الدين 0]

بسم الله الرحمن الرحيم
عندك حق يا ميستر حمدي لكن انا كل مشكلتي اروح فين لما اروح المركز طيب انتوا لما تعزوا تحضروا بتروحوا فين طيب المحضرات نظمها ايه ممكن اسال مين في المركز عشان اقدر اوصل للمعلومات الي انا عايزاها

[dream 0]

السلام عليكم
أهلا منار
مش عارفة المفروض تكونى وصلتى ولا لسة عموما توصلى بالسلامة ان شاء الله
اما عن حضور المحاضرات فهو بيكون طبقا للجدول المعلن على الموقع الرسمى
الحضور بيكون فى مبنى بجوار المركز

[Hamdy Tawfik-manar9 0]

انا بدات اذاكر :D

وبدات بالماده دي ولان مفيش وقت للمذاكرة والحفظ فانا بطلع الاسئله بتاع الامتحنات

اودور علي اجابتها وخلاص علي كده

الحل ده ينفع بس مع الحالات المستعصيه اللي زيي

الاسئله الموجود في امتحانات التيرمات السابقه ضمن المنهج المقرر هي

1-
تحدث عن مفهوم الأدب العربي فيما قرأت من نصوص ؟

2-
تخير عملا أدبيا ( لم تسبق دراسته ) واكتب مقالا نقديا عنه مبينا تشكيل
العمل بدلالته


3-
تحدث عن بعض ملامح الأدب المعاصر في
النصوص التي درستها اكتب بإيجاز عن الحدث الرئيسي في كل نص من النصوص التي درستها

4-
اكتب رأيك في واحد من النصوص التي درستها موضحا ملامح المعاصرة فيها


5-
تختلف أنماط الدراما في الشعر عنها في المسرح والقصة القصيرة.. اكتب
بايجاز من خلال النصوص الني درستها


6-
يختلف بناء الرواية عن بناء قصيدة الشعر.وضح مع التمثيل مما درست.

7-
تقوم قصيدة أمل دنقل ومحمد مستجاب علي المفارقة ... وضح ذلك


8-
تحدث عن عنصر الشخصية في قصة محمد مستجاب : ( مستجاب الخامس )

9-
اكتب تحليلا نقديا مختصرا لقصة محمد مستجاب ( مستجاب الخامس )


10-
تحدث عن الصراع في مسرحية توفيق الحكيم السلطان الحائر ودوره في إنتاج
دلالة العمل


11-
تحدث عن موقف محمود دياب من الحرية كما عرضه في (باب الفتوح )


12-
يقوم بناء مسرحية باب الفتوح على المقارنة بين زمنين. اشرح

13-
اكتب عن ملامح الشخصية المحورية في كل من النصوص التي درستها.

[Hamdy Tawfik-manar9 0]

طبعا منتظرين الاجابات

الحقيقه انا مش لاقيها لسه

ان شاء الله لو وجدتها هبقي احطها هنا

[dream 0]

السلام عليكم

الاجابات كلها موجودةفىمحاضرة المراجعة اللى عملها الدكتور او على سى دى المراجعة

ومسرحية السلطان الحائر لم تكن مقررة التيرم الماضى

[Hamdy Tawfik-manar9 0]

شكرا علي المعلومات

[dream 0]

السلام عليكم

انا عندى المحاضرات المكتوبة والسديهات
لكن كيف ارفعهم اذا لم يكونوا عندكم

[Hamdy Tawfik-manar9 0]

مفيش وقت للمحاضرات النلفزيونيه

والمحاضرات المكتوبه انت رفعتيها قبل كده وانا حملتها

شكرا ياتوتا

[dream 0]

السلام عليكم

على ما افتكر ان المحاضرات المكتوبة على الموقع لم تكن كاملة
التيرم الماضى وكان فيه محاضرات اخرى تباع فى المركز
ولا اعرف ان كان قد تم رفعها هذا التيرم ام لا
عموما لو اقدر اعمل اى حاجة انا هنا

[dream 0]

السلام عليكم

نصيحة لوجه الله

حاولا تكتبوا عناصر كل سؤال قبل الاجابة
وتكون عناصر كاملة وبعدين اكتبوا تحت كل عنصر اى كلام مش كلام فارغ طبعا لكن يمت للموضوع بصلة طبعا ده اذا لم يكن السؤال فى صورة مقال
وياريت لو يتعمل هامش ويتكتب فيه نبذة عن الكاتب او الشاعر الموجود بالسؤال
وبالتوفيق ان شاء الله

[Hamdy Tawfik-manar9 0]

امتحنت اليوم هذه المادة بتاريخ 12-7-2009

واليكم الامتحان وهو عبارة عن 3 اسئلة فقط

اجب عن سؤالين فقط مما يلي علي ان يكون السؤال الاول منهما

1 – اكتب مقالا عن الملامح العامه للادب المعاصر مع التمثيل

2 – اختر احد الرايين التاليين واشرحه

ا – تنتهي رواية الحب في المنفى بموت الروي

ب – تعتبر رواية الحب في المنفى رواية مقاومة

3 – اكتب رايك في واحد من النصوص التي درستها .


======================

[dream 0]

السلام عليكم

الامتحان حلوومتوقع
لكن المهم الاجابة كانت ازاى
ان شاء الله تكون كويسة جدا

[Hamdy Tawfik-manar9 0]

الحمد لله علي كل حال

[alaa eldin fikry 0]

رابط روايه الحب فى المنفى للاخت شيماء نقلتوا هنا لسهوله البحث
http://www.ziddu.com/download/10437759/loveinexile-.pdf.html

[ايمان11 0]

السلام عليكم ورحمة الله وبركاتة
ممكن حد يقولى اسئلة المتحانات دى ببتحل ازاى لانى تايهة فى المادة دى ومش عرفة اتعامل معاها ازى علما بانى لم احضر فى الجامعة ومفيش عندى اى سيديهات لها ومش عرفة اذاكرها ازاى يا ريت حد يقولى

[dalia 0]

[quote="dream"]

السلام عليكم



انا عندى المحاضرات المكتوبة والسديهات

لكن كيف ارفعهم اذا لم يكونوا عندكم

[/quote

السلام عليكم،
دريم، ربنا يكرمك، لو لسه عندك السديهات، ممكن ترفعيها لأخواتك الغلابة؟ إحنا لحد دلوقتي مافيش حاجة خالصصصصصصصصصصص نزلت على الموقع، وكل يوم بيعدي ده بيتحسب علينا...ربنا يبارك لك دايماً

[a.h.issmail 0]

فعلا انا ساالت علي المحاضرات الفيديو قالولي انهم هاينزلوا كمان عشر ايام بس بصراحة ياجماعة انا مش متفائل

التغيير الي حصل في الجامعة ده اكيد هيئثر علي حاجات كتير انا ابتديت انزل الحاجة من علي الصفحة بتاعتي ولازلت متوقع انها هتكون للدكاترة القدام
وربنا يستر