استفسار بخصوص الآلتحاق بكلية آداب قسم انجليزى

[ali omr ali 0]

السلام عليكم ورحمة الله وبركاته
انا سعيد بانضمامى لهذا المنتدى واتمنى ان اتعلم منه .. وان اضيف اليه كاما امكن ذلك
بخصوص التقدم للدراسة بمركز التعليم المفتوح

انا احب اللغة الانجليزية جدا واحتاج اليها كثيرا فى حياتى العملية ... واتمنى تنمية مهاراتى فيها
فهل التحاقى بكلية الآداب قسم انجليزى هيضيف ليا فعلا ولا مش هكسب غير اضاعة اربع سنوات من عمرى على الفاضى
يعنى مثلا هل يمكن لى الوصول بعد الاربع سنوات الى مستوى متقدم جدا فى اللغة الانجليزية 
وهل ما سندرسة من مقررات موازى تماما لما يدرسة الطالب العادى فى كلية آداب من حيث الفائدة ... أم سيظل هو متميز ببعض الكورسات او المهارات عنا
ارجو الافادة 
جزاكم الله خيرا

[mor 0]

وعليكم السلام ورحمة الله وبركاته

معلومات عن هذا التخصص اتمنى ان تفيدك في استفسارك

http://www.ou.cu.edu.eg/NewsDetails.aspx?NewNumber=1393

المستويات الدراسيه

http://www.ou.cu.edu.eg/NewsDetails.aspx?NewNumber=1382

اترك الرد الوافي للزملاء دارسي هذا التخصص

سعدنا بانضمامك لنا ، مع اطيب التمنيات

[ali omr ali 0]

السلام عليكم ورحمة الله
شكرا لحضرتك على الرد 
وانا بالفعل اطلعت على هذه الصفحات التى تحتوى على الكورسات التى سيتم تدريسها
لكن انا عايز اعرف خصوصا ممن خاضوا تجربة الدراسة فى كلية الاداب انجليزى 
هل استفادوا من الدراسة بنظام التعليم المفتوح وارتفع فعلا مستواهم فى اللغة الانجليزية 
وهل حسوا بفرق فى فهمهم لهذه اللغة قبل وبعد الانتهاء من الدراسة
وشكرا

[mona s ag 0]

عليكم السلام ورحمة الله وبركاته
مبدئيا هو انا لسه ببدا دراسة بالكلية فمش هقدر اجزم بمعلومات كافية
بس كبداية انا شايفة ان اكيد بعد دراسة 4 سنين لتخصص واحد اكيد مش هتخرج منه بلا استفادة
اكيد المستوي بيزيد والتمكن بيزيد بس حتي لو بقي في قوة وتمكن بالقواعد والكلمات كل دا بيظل مع عدم الممارسة شئ عديم القيمة
فاكبر استفادة ممكن تتحقق بالدراسة مع ممارسة دائمة قدر الامكان سواء كانت الدراسة بالالتحاق بكلية الاداب انجليزي او بالكورسات
اتمني اكون افدت بشئ
وبالتوفيق ان شاء الله

[الاميره سيندريلا 0]

mona s ag
كنت عايزه اعرف لما عملتي الإنترفيو النتيجه بانت بعد اد إيه من الإختبار