واقع في مشكلة وأرجو الرد بسرعة

[أحمد زين 0]

أولا أحب أحييكم في المنتدى الممتاز ده وبجد الحمد لله ان فيه ناس متعاونين زيكم

انا قدمت اداب قسم ترجمة انجليزي واتحدد لي امتحان القبول
ورحت النهاردة عشان اعمل المقابلة وامتحن
وللاسف حصللي مشكلة في الطريق واتأخرت عن الامتحان!!!
فطبعا رحت لقيت الدنيا هناك زحمة جدا وناس بتقدم وحاجات زي كده
مسبتش شباك إلا وسألت فيه من أول الاستعلامات لحد الامن اللي على البوابة!!! إلا حد يفيدني ..... ولا حد أفادني بحاجة
وكله بيتكلم من طرف مناخيره وكأننا بنشحت منهم

سؤالي بقى الضرووري
ازاي اقدر امتحن تاني (ده لو فيه امتحان تاني أصلا مش عارف) وهل كده فاتني التقديم وللا اعمل ايه بالظبط
افيدوووني ارجووكم

[Hamdy Tawfik-manar9 0]

انت تروح للموظف المسئول في المركز اللي حدد لك معاد الاختبار

 وتحكيله اللي حصل وهو المفروض لو فيه اختبارتاني بيحجز لك فيه 

مفيش حاجه اسمها مش عاوز يرد

شوف الموظف المسئول مين وخليك معاه ولو متجاوبش شوف رئيسه

[أحمد زين 0]

أشكرك أستاذ حمدي
جزا الله خير وربنا يكرمك
هروح إن شاء الله الأربع الصبح وأشوف
ولو ربنا كرم وحددولي مقابلة جديدة هكتب هنا ان شاء الله

[dody_dody 0]

هو مفيش حد معانا فى قسم أرشيف إلكترونى 

[أحمد زين 0]

أتمنى حد من الأعضاء يرد عليكي

[abo nooh 0]

صباح الخير  والتوفيق للكل  وربنا يوفق الجميع  يا رب 

 
بحسب تصفحي الدائم منذ سنتين  لمنتدانا الرائع   نعم يوجد  أرشيف في المنتدى  وكل حاجه  بشوفها حتى في التيرمات المتقدمه  معانا    وبنلاقي كل شيء 

بس احنا لازم ندور  ونطول النفس شوي بالبحث  في بعض البحث يحتاج إلى صبر  إصبر  حتى تجد ما تبحث عنه فإن لم تجد  إبحث في الإنترنت  تجده 

بخصوص الأخ  اللي ما أدرك وقت المقابله _  كل تأخيره  يا أخي وفيها خيره  ,,   وهل دار في نفسك أنك ممكن كنت تحضر  ولا تعدي من المقابله لا سمح الله  

ربما  أن القدر كان في صالحك    وأصبر  وعاود المراجعه لهم روح للمركز ثاني عسى أن تجد  وقت ليس فيه أزدحام  ويتشوف واحد يساعد في تحديد الموعد القادم     وتبقى  تجي بدري شوي   في المرة القادمه 

ربنا معاك   و يسهل أمورك