قصيده : ايام ابتدائيه

[احمد ياسين 0]

قصيده : ايام ابتدائيه
كلمات :احمد ياسين
فاكر ايام ابتدائيه
وقت ما كان الحب بيخرج
صافى النيه
وجرس فصحه
بتشعر وياااااااه بالحريه
كات احلامنا بسيطه عاديه
وعمر ماكان للحقد مكانه
ولا كان فيه ف القلب خيانه
ف ابتدائيه كات اسرارنا
صحبى وليد بيعشق ساره
ومحمد جايب ف الفسحه
علم الاهلى وكمان زماره
كنا بنصنع ضحك اليوم
ولا كان فى ف فلوبنا هموم
كات فرحتنا بتتلخلص ف حصه العاب
ومدرس كان مدينا واجب
وتاخر على الحصه او غاب
كانت احلامنا يدوب كام شهر
امتى اجازه الصيف راح تيجى
حتا السيما بالنسبه لنا
شوقى بيضرب بس مليجى
ف ابتدائيه
كات اشكلنا بجد جميله
كان الواد شعره على جمب
والبنت اما حصان اما ضفيره
كان الصف الولى  مكسر من قدام
بس الضحكه كانت حلوه
وبتحلى بردو الايام
كان كل اللى بيحلم يبقى يا ام ظابط او دكتور
حتى الحب ف ابتدائيه
كان خارج من القلب بجد
عمره ما كان بيعرف مال
ولا حتى احزان او سد
كان الخط بتاعنا ملخبط
وحروفنا لسه مكملتش
بس كتبنا بردو رسايل
على المنديل
ورسمنا شفايف بالقلم والتبشير
وياما رسمنا قلوب وسهام
حرف يمين وحرف شمال
كان الحب بجد حلال
كان فعل العمر صغير
بس الحب بجد كبير
فاكر صاحبك ف ابتدائيه
القلبوظه اللى بيوقف ديما ف الجون
ديما صحبك دا كوميديان
اطخن واحد جو الفصل
بس بجد هزاره جنان
طب فاكر اجمل بنت ف فصلك
االلى عشانها ذاكرت الدرس
وبتجاوب ويا الاستاذ
وتغششها من تحت لتحت
وانت بيخرج منك ياااه اجمل احساس
ياااااااااااااااه على ايام ابتدائيه
كانت حاجه زى الاحلام
بس خساره
عاشت هى
وماتت وياها الايام
كنا زمان بنحلم نكبر
وادينا كبرنا اوام
بس الظابط والدكتور
اصبحو لص وبتاع نور
حتى البت اللى انا حبتها
سفرت برا وسابت بتها
بس مازلت ابتدائيه
ركن خاص بيمثل فيا
الحررررررررررررررررريه
كلمات احمد ياسين

[galal elmadny 0]

حمد لله على السلامه وعودا حميدا
      

  

[احمد حسن ابراهيم 0]

  تسلم ايدك جميل جدا ..