إمتحان مادة 321 بتاع النهاردة

[dalia 0]

السلام عليكم،

امتحنت النهاردة مادة 321 نصوص الأدب العربي المعاصر، واهه الامتحان

اكتب فميا يأتي:

أولاً: حدد عناصر الصراع التي عاشتها كل من:

أ- بريسكا في مسرحية أهل الكهف،
ب- الغانية في مسرحية السلطان الحائر
ج- وضح الفرق بين هاتين الشخصيتين من حيث طبيعة الصراع التي واجهتاه

ثانياً:

أ- لعب أهل القرية دوراً مهماً في تطور الحدث في كل من رواية الحرام وقصة الهجانة. وضح الفرق بين طبيعة الحدث في كل منهما

[alaa eldin fikry 0]

الحمد لله انا كمان امتحنت نفس الماده اليوم ونتمنى من الله التوفيق

[dalia 0]

ربنا معانا جميعاً

علاء، أنت إيه رأيك في الامتحان؟

[a.h.issmail 0]

لا كدة مينفعش قووولوا عملتوا ايه علشان بس نبقي واخدين فكرة ان الامتحانات بتجي سهلة ومتعقدش ولا انتوا خايفين تتحسدوا

[dalia 0]

لا والله يا أحمد، الامتحان بالنسبة لي غامض جداً. مش فاهمة الدكتور عاوز إيه...

يعني إيه نحدد عناصر الصراع أصلاً؟؟؟

وبعدين أهل القرية، عايزنا نحكي الحدث ولا نقول كان هم دورهم إيه؟؟

علشان كده كنت بسأل علاء أو أي حد امتحن معايا


الظاهر مافيش غير أنا وعلاء اللي بنمتحن المادة دي

[a.h.issmail 0]

يلا بالتووفيق ان شااء الله

[sara111 0]

ربنا يوفقك وان شاء الله هتنجحى بتقديرات كويسة

[sweet_love 0]

ربنا يوفقك يا داليا تفاءلى خير و إن شاء الله التصحيح يكون كويس

المهم ركزى فى الباقى و إعملى اللى عليكى ربنا لا يضيع أجر من أحسن عملا

[dalia 0]

ربنا يخليكوا كلكم يا رب، والله انتم رفعتم معنوياتي

ربنا معاكم انتم كمان ومعانا جميعاً يا رب العالمين، ونعم بالله