الحلقة الدراسية ترم خامس 2014

[*maryam 0]

السلام عليكم ورحمة الله وبركاته 


  


اهلا بيكم في الحلقة الدراسية لطلبة ترم خامس آداب انجلش وان شاء الله سوف نتناقش في هذا الموضوع عن كل ما يخص دراستنا في هذا الترم الجديد والف مبروووك عالنجاح واتمنى منكم التفاعل والمشاركة كما تعودنا منكم وستم غلق الموضوع لحين بداية أول محاضرة في الترم يوم الجمعة القادم 18/ 5 بإذن الله

اتمنى لكم التوفيق

[*maryam 0]

 

السلام عليكم ورحمة الله وبركاته

وحشتوني يا ترم خااااااااااااامس نبدأ بسم الله في اول محاضرة بالجامعة 

محاضرات 18/ 4
المناقشة بالانجلش محضرتهاش لاني عارفة الدكتورة عبير هتفضل ترغي وفعلا سألت وقالولي قعدت ترغي كالعادة في اول محاضرة ومجبتش سيرة المنهج
----------------------


[center]الترجمة التتبعية خدنا الكلمات والمصطلحات اللي موجودة في المحاضرة الاولى وقطعة صغيرة وقال ان الترجمة هتكون في السياسة

والصحافة والمفروض اننا نحفظ المصطلحات السياسية على قد ما نقدر واسماء الوزراء وقال على كتابين حلوين ( فن الترجمة لمحمد عناني ) و ( الاساس في الترجمة لسامي خليل الشاهد) والامتحان هيكون قطعة سيين (مش عارفة سمعت صح ولا لا ) وقطعة انسيين وقطعة 

استماع بمعنى الدكتور هيدخل اللجنة وهيملينا قطعة واحنا هنترجم وراه ولازم نسمع الاخبار كتير ال سي ان ان او البي بي سي 

ايا كان ونصحنا اننا ندخل على موقع المصري اليوم بالانجلش والعربي ونحللها يعني نبص على الترجمة العربي والانجلش عشان نعرف طريقة

ترجمتهم بتكون ازاي واتكلم عن المبني للمجهول والمعلوم اذا جاءت جملة مبنية للمجهول بس جيه في اخر الجملة وقال من المقصود

يبقى لازم نحولها للمعلوم اما اذا كان مش واضح من المقصود بهذه الجملة نترجمها مجهول مفيش مشكلة

الصفات التي تأتي مع كلمة relation 

* strained- tens relation ------- علاقات متوترة

* chilly relation ------ علاقات فاترة او ضعيفة

* friendly / amicable relations ----- علاقات ودية

الافعال التي تأتي مع كلمة relation 

* to establish/ cultivate relation with Nile Basin

countries

يقيم علاقة مع دول حوض النيل

* to break off/ cut off / suspend diplomatic

relation

يقطع العلاقات الدبلوماسية

* resume relation ----- يستأنف العلاقات 

* to boast / strengthen / enhance/ promote/ cement

يقوي أو يعزز العلاقة

واخيرا قالنا حضروا يونت 1 في الكتاب

-------------------------

نصوص ادبية الدكتورة خلود بصراحة شرحها مش قوي ومعندهاش حتة انها تشد المستمع بكلامها المهم انها اتكلمت عن القصائد

والروايات وقالت ان القصائد لازم تكون لها ايقاع عشان تبقى شعر مفيش حاجة اسمها شعر من غير ايقاع يعنى تكون الابيات

متوازنة مع بعض زي ما خدنا في علم الترجمة كدا مع الدكتور زكريا وده بيميز الشعر عن اي نوع كتابة وده بييجي في الانجلش 

عن طريق عدد السيلابل في الكلمات وهناخد ترجمة النصوص الادبية والقصيدة اللي هتيجي هتكون انسيين بس لسة معرفناش المطلوب مننا ايه 

يتكون الايقاع من جزئين ( foot / meter ) انا مفهمتهاش منها قوي عايزين نقرا المحاضرة ونفهمها مع نفسنا ونبقى نتناقش فيها

وقالت ان الامتحان هيكون في تغيير مش زي الترم اللي فات 

الجمعة الجاية مفيش محاضرات على فكرة والسلام ختااااااااااااام 

[/center]

[nesreeen 0]

شكرااااااااااااااااا جزاكي الله خيراااااااااااااااااااااا

[سما سيف 0]

وحشتينى اوى يا مريومة الجميلة ايوة كدة اتكى اوى على ترم خامس دا يحسن احنا ما وصلنالوش بالساهل ربنا يهون علينا الباقى وكل واحد فينا يحقق احلامه وطموحه بداية جديدة لترم جديد سهل ويسير ان شاء الله

[mor 0]

جزاكي الله خير يا مريم علي المجهود الكبير هذا ، وترم موفق ان شاء الله بالنجاح .

[rania ammar 0]

  جزاك الله خير      بجد مش عرفه اشكرك ازاى يا مريم 
رغم انى بحضر باستمرار بس بستفيد جدا جدا من كلامك وكتيييييييييييير كان كلامك بيشجعنى اذاكر ويسهل عليا مواد كنت مستصعباها
مبروك النجاح ويارب ديما بالتوفيق

[*maryam 0]

سما سيف كتب:

وحشتينى اوى يا مريومة الجميلة ايوة كدة اتكى اوى على ترم خامس دا يحسن احنا ما وصلنالوش بالساهل ربنا يهون علينا الباقى وكل واحد فينا يحقق احلامه وطموحه بداية جديدة لترم جديد سهل ويسير ان شاء الله

ههههههههههههه انا بتتك اهو يا سما عقبال يارب ما نتتك كلنا على ترم تااااااامن
وانتي وحشاني اكتر  يا قمرة - ياااااااااااااااارب اللهم اميييييييين

[*maryam 0]

جزاكي الله بمثله يا نسرين

وجزاك الله بمثله يا اخي عمرو

[*maryam 0]

rania ammar كتب:

  جزاك الله خير      بجد مش عرفه اشكرك ازاى يا مريم 
رغم انى بحضر باستمرار بس بستفيد جدا جدا من كلامك وكتيييييييييييير كان كلامك بيشجعنى اذاكر ويسهل عليا مواد كنت مستصعباها
مبروك النجاح ويارب ديما بالتوفيق

ياحبيبتي تسلمي يارب على الكلام الجميل ده انا سعيدة جداااااااا اني بقرا الكلام العسل ده - الشكر لله يا حبيبتي دعواتكم مش عايزة اكتر من كدا  اتمنالكم التوفيق دائما ياااااااارب  

[nesreeen 0]

ممكن لو حد حضر يوم الجمعه مادة 314 يكتب ترجمه الدكتور ل "مشيرا الي اتصالاته مع جميع الاطراف هناك سعيا لاستقرا هذه المنطقه ذات الاهميه الاستراتيجيه البالغه للبلاد العربيه و الافريقيه هذا و اعرب الامين العام عن نيته زيارة دول المنطقه لمزيد من التشاور حول ايجاد صيغه مقبوله للسلام و الاستقرار"    

شكرا

[*maryam 0]

مفيش حد لحق يكتب حاجة وراه يانسرين  المرة الجاية نقولو ادينا فرصة نكتب الترجمة وراك طالما مفيش ليه ورق او يخلينا نصور الورق اللي بيدينا منه  انتي اللي معانا في الجروب صح؟؟

[nesreeen 0]

الخط كان صغير اوي كمان انا مكنتش شايفه حاجة  اه انا اللي معاكوا في الجروب يا ريت المرة الجايه ان شاء الله نقولوا انه يدينا المحاضرات كلها علي فلاشه

[*maryam 0]

اه اكيد هنقوله حتى لو جبلنا ورق نصوره او نخدو على فلاشة زي ما بتقولي اي حاجة عشان نبقى معاه عالخط

[koko dodo 0]

طيب ممكن تكتبوا إللى بيقولوا الدكتور الترجمه فى المحاضرة لان أنا مسافرة ومش بحضر معاكم علشان الكل يستفيد .....ومينفعش يتقدم إقتراح للإدارة الجمعة بعمل منتدى لاداب إنجليزى يشرف علية دكاترة أو معيدين علشان لو حد عايز يسأل  عن حاجة أو يحت ترجمة  والكل يستفيد

[koko dodo 0]

طيب ممكن تكتبوا إللى بيقولوا الدكتور الترجمه فى المحاضرة لان أنا مسافرة ومش بحضر معاكم علشان الكل يستفيد .....ومينفعش يتقدم إقتراح للإدارة الجمعة بعمل منتدى لاداب إنجليزى يشرف علية دكاترة أو معيدين علشان لو حد عايز يسأل  عن حاجة أو يحت ترجمة  والكل يستفيد

[nesreeen 0]

للاسف الدكتور بيتكلم بسرعه و الكلام بيكون مش واضح علي البروجكتور

[*maryam 0]

KOKO احنا بنحاول على قد ما نقدر نكتب وراه واكيد في حاجات مش بنلحق نكتبها ومتقلاقيش الدكتور هيدينا ورق نذاكر منه وباذن الله هنزلو هنا وانا بحاول اساعدكم على قد ما بقدر ويارب مكنش مقصرة معاكم والله المستعان وربنا معانا كلنا - وبالنسبة ان الدكاترة تدخل ويبقى في حوار ما بيننا معتقدش ينفع هما اكيد معندهمش وقت لكدا ولو ياحبيبتي عايزة اي سؤال تسأليه لاي دكتور انا مستعدة اوصلو سؤالك

[mor 0]

جزاكي الله خير علي مجهودك الطيب 

وما قصرتي وربنا يجعله في ميزان حسناتك

ويتوج تعبكم بالنجاح الباهر ان شاء الله

تقبلوا مروري وخالص تحياتي

[عبد المنعم 0]

شكرا لك يا مريم على هذه المساهمة
فضلا رفع  محاضرات و تطبيقات الاستماع (دكتورة عبير عمر) ، محاضرات و تطبيقات اللغة العربية
شكرا لك يا مريم مسبقا

[*maryam 0]

mor كتب:

جزاكي الله خير علي مجهودك الطيب 

وما قصرتي وربنا يجعله في ميزان حسناتك

ويتوج تعبكم بالنجاح الباهر ان شاء الله

تقبلوا مروري وخالص تحياتي

وجزاك الله بمثله - اللهم امين يارب

[*maryam 0]

عبد المنعم كتب:

شكرا لك يا مريم على هذه المساهمة
فضلا رفع  محاضرات و تطبيقات الاستماع (دكتورة عبير عمر) ، محاضرات و تطبيقات اللغة العربية
شكرا لك يا مريم مسبقا

الشكر لله 

اتفضل حضرتك ده لينك تحميل محاضرات وتطبيقات د/عبير

http://www.gulfup.com/?59K1Wb


العربي محاضرات وتطبيقات

http://www.gulfup.com/?UiWpWA

اتمنى انهم يتحملوا مع حضرتك بالتوفيق

[koko dodo 0]

مريم لو سمحتى ممكن تسألى دكتورة عبير مادة 312 هل الكتاب داخل فى الأمتحان ....وهل سيجىء أسئلة على شكل mini dialog مثل الترم الماضى و إذا جاء ففيه بدايات معينة فى بداء الحوار مثل good morning  or  good bye أم نلتزم بالحوار فقط  وشكرا على مجهودك الرائع ...وعايزة أعرف من هو أستاذ مادة ترجمه تتبعيه ؟

[*maryam 0]

koko dodo كتب:

مريم لو سمحتى ممكن تسألى دكتورة عبير مادة 312 هل الكتاب داخل فى الأمتحان ....وهل سيجىء أسئلة على شكل mini dialog مثل الترم الماضى و إذا جاء ففيه بدايات معينة فى بداء الحوار مثل good morning  or  good bye أم نلتزم بالحوار فقط  وشكرا على مجهودك الرائع ...وعايزة أعرف من هو أستاذ مادة ترجمه تتبعيه ؟

مع اني مش ضيقاها بس هعصر على نفسي لمون واسألهالك حاضر  ياكوكو بس الجمعة اللي بعد الجاية -دكتور الترجمة اسمه عمرو نور وهو ممتاز بصراحة

[bataelmghraby 0]

شكرا يا مريم والف مبروك على النجاح لو سمحتى يا مريم لو فى اى فيديوهات لاى مادة

[koko dodo 0]

شكرا ...يا مريم على تعبك معانا وممكن تنزللنا دكتور الترجمه بيقول ايه فى محاضرته

[عبد المنعم 0]

شكرا لك يا مريم مرة ثانية على محاضرات الاستماع و العربي،  جعله الله في ميزان حسناتك

[*maryam 0]

bataelmghraby كتب:

شكرا يا مريم والف مبروك على النجاح لو سمحتى يا مريم لو فى اى فيديوهات لاى مادة

الله يبارك فيكي ياحبيبتي ومبروك ليكي - بصراحة صعب ارفع الفيديوهات لان مساحتها كبيرة لو ينفع تقابليني في الجامعة واجبهملك على فلاشة وانتي تجيبي معاكي فلاشة وانقلهملك وخلي بالك التسجيل نهايته يوم 15

[*maryam 0]

koko dodo كتب:

شكرا ...يا مريم على تعبك معانا وممكن تنزللنا دكتور الترجمه بيقول ايه فى محاضرته

حبيبتي ماانا منزلة اللي قالوا الدكتور المحاضرة الاولى فوق

[*maryam 0]

عبد المنعم كتب:

شكرا لك يا مريم مرة ثانية على محاضرات الاستماع و العربي،  جعله الله في ميزان حسناتك

الشكر لله يا استاذ عبد المنعم - اللهم امين يارب

[*maryam 0]

 

محاضرات 2/ 5

الاستماع والمناقشة لغة عربية د/ عزة شبل
----------------------------------------

في البداية اتكلمت عن طه حسين والأدب بشكل عام وقالت المقرر علينا من النصوص
(طه حسين، نزار قباني، قضية الإسلام والشعر، عمر بن الخطاب)موجودين في الكتاب وفي ورق المحاضرات ومسرحية مكبث لشكسبير موجودة في المحاضرة 5، ونصوص عربية اثرت في التراث لعالمي موجودة في المحاضرة 6 ده كدا المقرر والنحو لسة معرفناش ايه االمقرر والملغي بس هي شرحت البدل امثلة عليه:

* حضر الأمير عمر إلى جامعة القاهرة (الأمير عمر بدل مطابق مرفوع بالضمة)
* قرأت الكتاب نصفه (نصفه بدل نوعه بعض من كل والهاء ضمير مبني في محل جر مضاف اليه)
* أعجبني الولد خلقه (خلقه بدل اشتبال مرفوع بالضمة)

الفعل اللازم والمتعدي:

الفعل اللازم: الجملة لا تحتوي على مفعول به فعل وفاعل فقط
الفعل المتعدي: فعل وفاعل ومفعول به

النعت أو الصفة:
* الطالب المجتهد يسعى إلى التفوق (المجتهد صفة مرفوعة بالضمة)

أسلوب العطف:
حروف العطف هما: ف، ثم، و، أو، أم، بل، لكن 
* جاء محمد وعلي (علي هنا معطوف على محمد بحرف العطف "واو")
ما يأتي قبل حرف العطف يسمى معطوف عليه، وما يأتي بعد حرف العطف يسمى معطوفا

التوكيد: لفظي، معنوي
يأتي التوكيد باحدى الكلمات التالية: (العين، النفس، جميع، عامة، كل، كلا، كلتا) وهذا التوكيد معنوي

مثل: جاء الطالب نفسه، جاء الطالباتن انفسهم

أما عن التوكيد اللفظي:
مثل: السلام السلام مطلب لكل الشعوب/ السلام الثانية توكيد لفظي مرفوع بالضمة مثل الذي يأتي قبله

والامتحان هييجي نفس نظام الترم اللي فات

-----------
محاضرة المصطلحات العلمية:
================

اتكلمت عن الامتحان اللي وخدنها بيني هييجي الامتحان 3 قطع وكلها سيين يابختهم طبعا، اما عن الترم

العادي هييجي 5 قطع 3من EلA و2 من Aلـ E مش عارفة سمعت المعلومة دي صح ولا لا ان كله هيكون سيين ما عدا واحدة هبقى اتأكد منها

ملاحظات هامة:
is ممكن ان تترجم "تكمن في"
and من الممكن ان نترجمها "كما أن"
: تترجم الى ألا وهو

خدنا قطعة "Abortion Of Female Fetuses In India"ص 136
وفي المحاضرة الاولى كلماتها وترجمتها موجودة وشغل فيديو بيحكي الموضوع

وقالت نحضر درس Genetically Modified Food موجود في الكتاب ص 140

وقالت كمان نقرا Albert Einstein ص5

يارب اكون وفقت في الشرح وربنا معانا ويوفقنا يارب

[سما سيف 0]

شكرا يا حبيبتى على مجهودك بس انتى بتقولى ان نهاية التسجيل يوم 15 بس انا سالت بالتليفون وقالوا اخر خمسة انا كدة اتلخبط انتى متاكدة من المعلومة دى يحسن يضيع عليا التسجيل وبعدين انا موش عارفة ليه بيرخموا وموش بيرضوا يدونى ورق المحاضرات والتطبيقات لما بسجل لازم اروح الجمعة وانا مستحيل اروح الجامعة الجمعة ناس رخمة هوا ما فيش مكتبة بتبيعهم جنب الجامعة

[*maryam 0]

سما سيف كتب:

شكرا يا حبيبتى على مجهودك بس انتى بتقولى ان نهاية التسجيل يوم 15 بس انا سالت بالتليفون وقالوا اخر خمسة انا كدة اتلخبط انتى متاكدة من المعلومة دى يحسن يضيع عليا التسجيل وبعدين انا موش عارفة ليه بيرخموا وموش بيرضوا يدونى ورق المحاضرات والتطبيقات لما بسجل لازم اروح الجمعة وانا مستحيل اروح الجامعة الجمعة ناس رخمة هوا ما فيش مكتبة بتبيعهم جنب الجامعة

ازيك يا قمر عاملة ايه ؟؟
لا يا حبيبتي هما منزلين خبر على سايت الجامعة (آخر موعد للتسجيل 15 مايو 2014 ولن يقبل أي تسجيل بعد ذلك الموعد.)  يمكن ناويين يمدوها ولسة منزلوش الخبر على السايت وللا حاجة الله اعلم

بصي لو عايزاني ارفعلك المحاضرات والتطبيقات للمواد اللي انتي عايزاها وتنزليها على فلاشة وتطبعيها  في اليوم اللي هتسجلي فيه أو ممكن فعلا تشتريها من المكتبة اللي جنب المركز بيبعوا المحاضرات اه 

[سما سيف 0]

لا طالما منزلين كدة على السايت يبقى اخد بكلامهم واسجل قبل يوم 15 وخلينى فى الامان اضمن وبالنسبة للمحاضرات ربنا يخليكى انا منزلة المحاضرات عندى على اللاب بس انا بحب اذاكر فى الورق بيبقى ليه طعمه الخاص هههه وبكسل انزله على فلاشة واروح اطبعه بقى وافضل انظم فى الورق والاقيه ناقص حاجات طب وعلى ايه الغلبة دى كلها ما اجيبه جاهز احسن بس انا موش عارفة اسم المكتبة اللى بتبيعه انا سالت مرة فى المكتبات اللى جنب المركز قالو موش عندهم لو فيه مكتبة محددة قوليلى اسمها وهيا فين بالظبط وانا اروح ليها

[*maryam 0]

مش عارفة والله اسمها ياسما بس هي بتبقى مطلعة ترابيزة برة وبيحطوا عليها الملازم

[*maryam 0]

محاضرات 9/ 5

محاضرة استماع ومناقشة انجليزي محضرتهاش بس بيقولوا خدوا دايالوجات عامة

ترجمة تتبعية

خدنا خبر في المصري اليوم بالانجليزي Egypt independent عن الازهرhttp://www.alwafd.org/%D8%AF%D9%86%D9%8A%D8%A7-%D9%88%D8%AF%D9%8A%D9%86/672366-%D8%A7%D9%84%D8%A3%D8%B2%D9%87%D8%B1-%D9%8A%D8%B3%D8%AA%D9%86%D9%83%D8%B1-%D9%85%D8%B0%D8%A7%D8%A8%D8%AD-%D8%A7%D9%84%D9%85%D8%B3%D9%84%D9%85%D9%8A%D9%86-%D9%81%D9%89-%D8%A3%D8%B3%D8%A7%D9%85-%D8%A7%D9%84%D9%87%D9%86%D8%AF%D9%8A%D8%A9



خدنا قطع صغيرة من عربي لانجليزي 
1- استقبل الرئيس المؤقت عدلي منصور، الأحد بقطر رئاسة الجمهورية جون كيري وزير خارجية
الولايات المتحدة في أول زيارة لمصر بعد توليه منصبه.
Interim president Adly Mansour reserved secretary of
state John Kerry is in his first visit to Egypt and
region taking office since he took office.
2-تبادلت المحادثات أيضا سبل استئناف جهود التسوية السلمية في الشرق الأوسط حيث شدد الرئيس
على ضرورة وقف كل أشكال العدوان الاسرائيلي على الشعب الفلسطيني، بما في ذلك الأنشطة الاستيطانية
وكل محاولات التسويف وإضاعة الوقت.كما تطرق اللقاء الى العهود المصرية من اجل تحقيق المصالحة
الوطنية ورأب الصدع الفلسطيني.
The talks deal with means of resume the efforts of
peaceful settlement in the middle East. The president
stressed the necessarily of halting all forms of
Israel aggression against the Palestinian people
waste ،the meeting also deal with the Egypt efforts
to achieve national reconciliation and Palestinian
heal rift.
وطالب الرئيس المصري المجتمع الدولي بتخل مسئولياته تجاه الشعب السوري مشيرا الى المساعي التي
تبذلها مصر من خلال مبادرتها لحشد التأييد الدولي اللازم إلى حل عاجل للأزمة السورية يضمن الوقف
الفوري للعنف وعدم إراقة المزيد من الدماء
Egyptian president call on the international
community to shoulder hear its responsibility towards
the Syrian people noting that Egypt exerted efforts
in its imitative to rally the necessary
international support to reach on immediate solution
to the Syrian artists ensures on immediate halt to
violence and bloodshed 
*جمل 
To give someone ared carpet reception
يستقبل شخص ما استقبال حافل
To give someone a warm chilly welcome
يستقبل شخص ما بحفاوة/ استقبال رسمي
To pay a three day visit to..
يقوم بزيارة تستغرق ثلاثة أيام.
To create artifice between the army and the people
يحدث الوقيع بين الجيش والشعب.
بصراحة ده اللي لحقت اكتبه ورا الدكتور
--------
نصوص ادبية
خدنا المحاضرة التالتة في ورق المحاضرات الصور الشعرية وانواعها
السمعي auditory مثل الطيور ، البصري visualمثل البحر ، tactileاللمسي مثل
البرد والحر، olfactory الرائحة مثل الورد ...الخ
وخدنا قصيدة لوليام بلاك وشرحتها بس بسرعة يعني كروتتنا من الاخر والقصيدة رقم 2 the
Blossom كروتة برضه



الامتحان نفس شكل الترم اللي فات هتجيب ابيات شعر واحدة بس انسيين والباقي سيين هيبقى في سؤال

اننا نطلع الصور الشعرية من الابيات

تم بحمد الله بارب تكونوا استفدوا حاجة  

[سما سيف 0]

 شكرا حبيبتى ربنا يخليكى لينا

[سما سيف 0]

ممكن يا مريم لو معاكى امتحانات الترم اللى فات ترم خامس تنزليهم عشان نعرف بس نركز على ايه فى المذاكرة وجزاكى الله كل خير يحسن شكل الترم دا جامد شوية ومحتاج مذاكرة بدرى بدرى

[*maryam 0]

سما سيف كتب:

ممكن يا مريم لو معاكى امتحانات الترم اللى فات ترم خامس تنزليهم عشان نعرف بس نركز على ايه فى المذاكرة وجزاكى الله كل خير يحسن شكل الترم دا جامد شوية ومحتاج مذاكرة بدرى بدرى

من عنيا يا قمر رفعتلك الامتحانات على الموقع ده لو متحملش معاكي قوليلي

http://www.filebig.net/files/JFzULfbnjD

[سما سيف 0]

شكرا يا حبيبتى موش عارفة من غيرك يا مريومة كنت عملت ايه

[سما سيف 0]

بالنسبة للترجمة التتبعية كنتى يا مريم قلتى ان الدكتور قال انه هايجيب قطعة سين بس موش متاكدة احب انا ااكد المعلومة انه لوهايجيب 
الامتحان زى الترم اللى فات يبقى فعلا هايجيب سؤال كامل عليه 6 درجات من المحاضرات لانه عمل كدة فى امتحان الترم اللى فات جاب سؤال مكون من 3 قطع انجليزى نترجمها لعربى من ورق المحاضرات بالنص فارجو من كل الزملاء حفظ القطع الصغيرة فى  ورق المحاضرات وكدةنضمن ان شاء الله 6 دراجات كفاية السؤال اللى هانترجمه فورى وربنا يستر

[*maryam 0]

حبيبتي انا اقصد على القطعتين العربي احتمال تيجي واحدة منهم سيين بس معتقدش على العموم الجمعة الجاية ان شاء الله هسأل الدكتور بالنسبة للي بتقولي عليه دول 3 جمل مش 3 قطع وصح كدا ضمنين 6 درجات الحمد الله وانا شايفة ان القطع العربي  في اخر امتحان خفيفة مش صعبة هو بس اللي يقلق القطعة اللي هنترجمها فوري  عارفين انا هعمل ايه انا هكتب وراه الكلام بالانجلش عادي وابقى اترجم براحتي المهم ميكونش سريع  هبقى اقولو ماما بتسلم عليك وبتقولك مليني واحدة واحدة هههههههه يارب يهون علينا الصعب 

حبيبتي انا بالرغم من اني بقيت مشغولة مش زي الاول بس مش قادرة اسيبكم اللهم استخدمنا ولا تستبدلنا  والشكر لله يا قمر انا عايزاكم بقى تدعولي من قلبكم لو انا بفيدكم فعلا مش عايزة شكر هههههههه  

[*maryam 0]

  

محاضرة 16/ 5


المصطلحات العلمية الدكتورة وزعت علينا ورقة فيها قطعة انجلش فيها موضوع بعنوان "Baby crowing" 
تصوير احد الزملاء




 وده الفيديو اللي شغلته في المحاضرة

دي ترجمة الدكتورة للقطعة 


أثناء عملية الولادة الطبيعية، وتبدأ عندما يستقر جنينك أسفل الحوض واستجابة نزول الجنين في هذه 


المنطقة يصبح جذر الرحم أقل سمكا ويتسع و. وخلال هذه المدة ربما تشعري بانقباضات منتظمة قوية 


التي تحدث كل 5ل 20 دقيقة وألم في أسفل الظهر وتشنجات لا تتوقف. عندما تشاهدين مخاطي لونه 


مائل للإحمرار أو بني قد تكون هذه الافرازات هي السدادة المخاطية لفتحة عنق الرحم وتسقط خارجه 


وتتدفق لبمياه حول الجنين بالمشيمة في هيئة قطرات قليلة أو اندفاع بقوى . إذا شعرتي بأي من هذه 


الأعراض إتصلي فورا بطبيبك أو الداية حتى تقرر إذا جاء موعد ولادتك أم لا. في بداية المرحلة 


الثانية من المخاض عادتا تستمر من 20 دقيقة الى ساعتين سوف ينصحك طبيبك أن تضغطي أو 


تأخذي نفسا وتدفعيه الى اسفل وذلك بين فترة الانقباضات وأن تستريحي بينهم. في الولادة الطبيعية 


سوف يدور الجنين بحيث يواجه وجهه ظهره وينقسم الرحم الى جزئين جزء نشط ينقبض دفعا الجنين 


الى اسفل وجزء يتمدد حتى يسمح لتوفير مساحة اكبر لكي يتمكن الجنين من المرور الى الخارج.


بعض الكلمات اللي لحقت اكتبها


 delivery  الولادة


child birth ولادة الطفل


vaginal birth الام الولادة


midwife داية


obstetrician دكتور الولادة


belly-tummy- abdomen البطن


womb- uterus الرحم


segment جزء مرن


pelvis الحوض


due date معاد الولادة


cervix عنق الرحم


birth canal- vagina قناة الولادة


umbilical cord الحبل السري


placenta المشيمة


efface يمحي - يطمس


dilate يتمدد


widen يتسع 


stretch يتمدد بالمساحة


pass through يمر


become thinner اقل سمكا


shift back يرجع مرة اخرى


contraction انقباضات


cramping تقلصات


discharge افرازات


a gush of child اندفاع سوائل


هنكمل القطعة المرة الجاية 


-------------
محاضرة العربي  مقدرتش احضرها للأسف اول مرة افوت محاضرات ود بسبب ال3 ساعات ونص اللي بين المحاضرتين الله يسامحهم بس انا سألت صحبتي قالتلي انهم خدو درس الهمزة اللي في المحاضرة الاولى في الورق واتكلمت شوية عن نزار قباني  

[سما سيف 0]

ايه كل المعلومات عن الولادة الطبيعية دى ههههههههههههههههه  حاجات والله اول مرة اعرفها لا وايه اول مرة اعرفها اعرفها بالانجليش يا سلام دا انتى يا مريومة والله منوعلنا وموش مخليانا نفسنا فى حاجة خالص ربنا يستر عالترم دا وجزاكى الله خيرا على تعبك يا حبيبتى وعلى فكرة ادونى المحاضرات والتطبيقات فى الجامعة اخيرا استجابوا لشكوانا عقبال ما ينفذوا باقى الطلبات

[Ahmed Elwardany 0]

السلام عليكم
ازيكم يا جماعة عاملين ايه

والله واحشني كلكو  ايه اخباركم

اخبار الترم و المذاكرة ايه معاكو
انا لسة معرفش اي حاجة في الترم خالص لسة هبدأ اذاكر شهر رمضان كله بحيث اني اذاكر الترم الخامس كله في شهر كامل
يا ترى هقدر ولا الترم صعب؟
و اية اخبار المواد عندنا ممكن ملخص سريع عن الترم من اول ما بدأنا لحد دلوقتي عشان انا لسة هطبع ورق المحاضرات و المذكرات و الامتحانات السابقة النهاردة
انا رجعت تاني معاكو و ان شاء الله هتابع معاكو اول بأول و الى الاخت مريم
جزاكي الله الف خير على اللي عملتيه معايا و معانا كلنا كل الترمات اللي فاتت و انا دايما بعتمد على الله ثم على الناس الكويسة اللي زيك 

مستني ردكم يا جماعة

[*maryam 0]

اه ياسما دي تعبتنا نفسيا ده انا لو كنت بفكر في الجواز خلاص قفلت معايا ههههههههه

[*maryam 0]

لسة يااستاذ احمد بنتعرف على الترم  قريب ان شاء الله هظبط كل حاجة

[*maryam 0]

محاضرة 23/5

محاضرة الترجمة التتبعية خدنا قطعة من جريدة المصري اليوم

http://www.egyptindependent.com/news/foreign-ministry-rejects-carter-commission-doubting-presidential-elections

ودي الترجمة 

http://www.almasryalyoum.com/news/details/450683

ودي الكلمات 
Spokesperson.. المتحدث بإسم
To cast doubt... يشكك في
Outcome= result.... نتيجة
Prejudgment... حكم مسبق
Unacceptable... غير مقبول
Removal... عزل
Stocked... اشعل
To make a settlement... يدلي ببيان
Political unrest... الاضطراب السياسي
Fettered... تعثر 
Keen on ... حريص على 
Integrity... نزاهة
Transparency.. شفافية
Unprecedented... غير مسبوق

دي قطعة تانية من عنده 

حددت اللجنة العليا للانتخابات في اجتماعها اليوم الأحد برئاسة المستشار السيد عبد العزيز عمر رئيس محكمة استئناف القاهرة ورئيس اللجنة العليا للانتخابات مبلغ مائتي ألف جنيه للدعاية الانتخابية لكل مرشح لخوض الانتخابات المرتقبة لمجلس الشعب، فيما حددت اللجنة مبلغ 100,000جنيه كحد أقصى للدعاية في حالة خوض أي من المرشحين لانتخابات الإعادة. وافقت اللجنة خلال اجتماعها على عدد من القواعد التي يجب توافرها فيمن يكلف بأداء المهمة القومية لرئاسة وعضوية مراكز الاقتراع لانتخابات مجلس الشعب تحقيقا لضمانات التي تكفل حسن سير العملية الانتخابية.

In it's meeting on Sunday, under the chairmanship of chief justice of the court of appeals Abdel Aziz Omar the higher elections commission placed a ceiling of L.E 20,000 for campaigning the each candidate willing to contest the upcoming parliamentary election. Meanwhile the commission has put a cap of L.E 100,000 on commissioning , during it's meeting the commission agreed on the rules governing selection of the head's and members of polling stations tasked with this national mission to ensure that  the electoral process runs smoothly   
 
Electoral campaign   حملة انتخابية
 Electoral program برنامج رئاسي
Constituency الدائرة الانتخابية
Invalid vote صوت باطل / invalidate يبطل 
To boycott.. يقاطع
 Vote-rigging.. تزوير الانتخابات

-------------------
محاضرة د/ عبير عمر محضرتهاش وبيقولوا مقلتش اي حاجة مفيدة كالعادة

محاضرة النصوص الادبية معلش هكتبهالكم بكرة اخر النهار ان شاء الله


نصوص ادبية  
خدنا
الميوزك يتكون  من  :

1-      Alliteration:  تكرار اول حرف ساكن في الكلمة بشرط ان يكون في سطر واحد
2- consonance:   تكرار الحرف الاخير في  الكلمة ويكون ساكنا / / / // / / / / //
3- Assonance:   تكرار الحرف المتحرك في وسط الكلمة /////////////////

طبقنا الكلام ده على قصيدة The tiger  وطلعنا الميوزك وانواعه 
Burning bright ----- Alliteration
Heart/ beat------ assonance
What/ art------ consonance
عملنا نفس الموضوع مع قصيدة  the blossom 
وحلينا ابلكيشن 3 وقالت ان rhythm  مش هييجي في الامتحان و rhyme scheme هييجي اكيد اللي هو القافية بمعنى هنبحث فية وده هيكون في اخر كلمة من كل سطر وهنشوف الاصوات المتتشاابهة ونكتب جنب كل كلمة التسلسل A,b,c وهكذا

[*maryam 0]

السلام عليكم انا للأسف محضرتش الجمعة اللي فاتت ودي المحاضرات من زميلتنا نيفين ابراهيم لها جزيل الشكر

محاضرات الجمعة 30/5/2014

محاضرة مادة المصطلحات العلمية 315
الدكتورة اديتنا موضوعين من الملف اللي انا رفعتهولكلو وهما 
1- New Era for Transplants
2- Medics Aim to Cheat Death
ودي شوية كلمات اديتهالنا 
drugsعقاقير
iris قرنية
ordeal محنة
iam close to v+ing اقتربت من انجاز شيء
illness العلة
disease المرض نفسه
sickness أعراض المرض
simply فحسب 
just حفظ
only مجرد أو فقط

في محاضرة العربي الدكتورة شرحت درس موقف الإسلام من الشعر 
وشرحت انواع الخبر وهما خبر مفرد مثل (الطالب مجتهد)
وخبر جمله فعليه مثل (الطالب يذاكر دروسه)
وخبر شبة جملة مثل ( الطالب في الجامعة)
أو (الكتاب فوق المنضدة) فوق تعرب ظرف زمان منصوب 
* كل الحروف لها إعراب ثابت وهو حرف مبني ليس له محل من الإعراب
مايأتي بعد الظرف يكون مضاف إليه مجرور

النواسخ وهي حروف ناسخة وافعال ناسخة
الحروف الناسخة ( إن - كأن - ليت - لعل - لكن)
تدخل على الجملة الأسمية تنصب المبتدأ ويسمى اسمها ويرفع الخبر ويسمى خبرها
واذا كان مثنى يرفع بالالف وينصب ويجر بالياء

الأسماء الخمسة (أب - اخ - حم - فو- ذو)
علامه النصب بهما الالف - والجر والياء ويرفع بالواو

لا النافية للجنس وهي تنفي المبتدا عن جنس الخبر
اذا كانت لا النافية للجنس مفرد مثل ( لاشك - لا مفر - لاريب - لابد) فإنه يبني على ماينصب به
لا طالب علم كسول
طالب تعرب اسم لا النافيه للجنس منصوب بالفتحة
علم تعرب مضاف إليه مجرور بالكسرة 
كسول تعرب خبر لا النافية للجنس مرفوع بالضمة

(حتى)
قرأت الكتاب حتى اخره - حتى هنا بمعنى إلى فحتى تعرب اسم مجرور 
قرات القصص حتى القصيرة منها - ختى هنا بمعنى و وتعرف حرف عطف
ذاكر حتى تنجح في الإمتحان - حتى أداة نصب ما بعدها يعرب فعل مضارع منصوب بالفتحة
أدوات النصب هي (ان - لن - كي - حتى - لام التعليل - فاء السببية - لام الجحود)

[سما سيف 0]

جزاكى الله خيرا  يا مريم وجزاكى الله خيرا  يا نيفين ابراهيم  وربنا يوفقكم بس  انهى فايل اللى بتقولى عليه يا مريم انا ما شفتهوش

[bataelmghraby 0]

ازيك  يا سما الموضوعات موجودة فى الكتاب ص 15 و ص117 و ربنا يستر