مين عنده حل للمشكلة الطبية دي ؟

[princess sarah 0]

السلام عليكم 
اخباركم ايه .. يارب تكونوا في احسن حال وتكون اجازة سعيده عليكم جميعا

مشكلتي يا جماعة اني من سنتين خدت سلم الطيارة على وشي وركبي بمعنى اني نزلت نصو وكملتو على وشي   

عند وشي من تحت مكان الجرح بقى لونو افتح من لون بشرتي والي يقرب مني يشوفها شكلها وحش جدا
وركبتي بردو نفس الحوار لونهم افتح وشكلهم بشع جدا لدرجة اني بقيت لازم البس حاجه متغطية على طول وفي جميع المناسبات والحاجتين دول مدايقيني اوي     

بعد الرغي ده كلو مين يعرف خلطه او كريم او اي حاجه ممكن تخفف اللون ده علما اني راجعت دكتورين قبل كده وفضلوا يتفلسفو وقالو نشيل جلده من حتة تانيه ونزرعها ف مكان الجرح وحاجات غريبة كده 

ياريت حد يفيدني 
وميرسي مقدما  

[galal elmadny 0]

الف سلامه ياساره وان شاء الله تجدى طلبك وتزول هذه المشكله 

[احمد حسن ابراهيم 0]

الف سلامة على حضرتك.. وشفاكي الله وعفاكي  .. وان شاء الله لو عرفت شئ ننزلة على المنتدي

[princess sarah 0]

galal elmadny كتب:

الف سلامه ياساره وان شاء الله تجدى طلبك وتزول هذه المشكله 

الله يسلمك يا جلال اميين ياارب تسلم كلك ذوق   

[princess sarah 0]

احمد حسن ابراهيم كتب:

الف سلامة على حضرتك.. وشفاكي الله وعفاكي  .. وان شاء الله لو عرفت شئ ننزلة على المنتدي

الله يسلمك اللهم اميين اجمعين ان شاء الله .. ان شاء الله انا فالانتظار وميرسي مقدما

[retaj 0]

ممكن تروحى لمتخصص امراض جلديه كويس ممكن ارشحلك واحده فى المنيل مشهوره اوى اسمها ناديه صالح خدى من الدليل تيلفونها وبعدين اتصلى اسئليهم على العنوان بالظبط

[princess sarah 0]

retaj كتب:

ممكن تروحى لمتخصص امراض جلديه كويس ممكن ارشحلك واحده فى المنيل مشهوره اوى اسمها ناديه صالح خدى من الدليل تيلفونها وبعدين اتصلى اسئليهم على العنوان بالظبط

ميرسي ياحبيبتي اوي بس انا عايزة احل المشكلة دي خصوصا الي في ركبتي فالكام شهر الجايين دول قبل ما انزل مصر لان عندي مناسبه مهمة جدا جدا ف مش هينفع استنى لحد ما انزلها للاسف  

[retaj 0]

انا مقدرش انصحك بوصفه معينه لان ممكن متجيبش معاكى نتيجه او يكون عندك حساسيه من اى مكون من مكوناتها بصراحه علاج العلامات الجلديه بياخد وقت شويه عالجيها عند متخصص واصبرى عليها لحد لما الجلد الجديد بنمو وان شاء ربنا يشفيكى عاجل غير اجل.

[princess sarah 0]

retaj كتب:

انا مقدرش انصحك بوصفه معينه لان ممكن متجيبش معاكى نتيجه او يكون عندك حساسيه من اى مكون من مكوناتها بصراحه علاج العلامات الجلديه بياخد وقت شويه عالجيها عند متخصص واصبرى عليها لحد لما الجلد الجديد بنمو وان شاء ربنا يشفيكى عاجل غير اجل.

لو عندك وصفة قوليها وهشوف لو عندي حساسيه ولا لا 
ياروح قلبي انا ذكرت اني راجعت دكتورين وقالو انها محتاجه جراحه تجميلية ويشيلو قطعة جلد من اي منطقه اخرى ويزرعوها مكان الجرح
بس حسيت ان الموضوع مش مستاهل
وميرسي لاهتمامك ياقمر

[Hamdy Tawfik-manar9 0]

هو بغض النظر عن الوصفات السريعة 

 علي حد علمي فيه علاج عن طريق الليزر للحالات دي بس بيحتاج وقت ومتابعة 

والدكتورة نادية صالح اللي ذكرتها الاخت ريتاج مشهورة في المجال ده

وهيا تعمل في المركز القومي لعلوم الليزر الموجود داخل جامعة القاهرة

وليها عيادة خاصة بس مش فاكر عنوانها ( اعتقد في المنيل )

فعل المدي اطويل لازم تروحي ليها

اما لو عاوزة حاجه تداري المشكلة مؤقتاً

فيه كريم في الصيدليات خاص بمرضي البهاق ( كريم تجميل مش علاج خلي بالك لان فيه فرق )

الكريم ده بتدهني منه علي الجزء الفاتح بدرجة خفيفة لحد مايبقي لونه قريب من الجلد الطبيعي حواليه

ودرجة الدهان او طبقة الكريم بتتوقف علي درجة التباين في اللون

الكريم بيحتاج حوالي 15 دقيقة علشان ينشف ومحدش هيلاحظ الفرق بس متجبيش ميه عليه لان ممكن يطلع

فيه منه انواع كتير بس انت اختاري نوع يكون غالي لان الانواع الرخيصة بتبان مش طبيعية شوية

طبعا دا علاج تجميلي مؤقت مش بيحل المشكلة الاصلية

وربنا يشفيكي ويمتعك برداء الصحة والعافية 

[Hamdy Tawfik-manar9 0]

واذا كنتي مازلتي في الامارات فيبقا الافضل تجيبه من هناك

اعتقد هناك هتلاقي انواع افضل من الموجودة في مصر 

[abo nooh 0]

عليكم السلام  ورحمه  الله    _  ربنا  يشافي اختنا  ويكتب لها السلامه   يا رب وكل مريض

أنا فهمت من كلامها  أنها ممكن أتكون تعورت   بس   لا أعرف معنى  عباره  خدت سلم الطيارة   يعنى  ايه  خدت سلم الطيارة

وباي حال ربنا يشافيها ويعافيها  يا رب  ويتمم الصحه والعافيه لكل مريض ومتالم وصابر

[Hamdy Tawfik-manar9 0]

abo nooh كتب:

عليكم السلام  ورحمه  الله    _  ربنا  يشافي اختنا  ويكتب لها السلامه   يا رب وكل مريض

أنا فهمت من كلامها  أنها ممكن أتكون تعورت   بس   لا أعرف معنى  عباره  خدت سلم الطيارة   يعنى  ايه  خدت سلم الطيارة

وباي حال ربنا يشافيها ويعافيها  يا رب  ويتمم الصحه والعافيه لكل مريض ومتالم وصابر

المقصود ان رجلها تعثرت علي سلم الطائرة واستمرت في الوقوع لعدة درجات بهذا الشكل مما ادي الي اصابتها في وجهها

نسأل الله لها الشفاء العاجل

[princess sarah 0]

Hamdy Tawfik كتب:

هو بغض النظر عن الوصفات السريعة 

 علي حد علمي فيه علاج عن طريق الليزر للحالات دي بس بيحتاج وقت ومتابعة 

والدكتورة نادية صالح اللي ذكرتها الاخت ريتاج مشهورة في المجال ده

وهيا تعمل في المركز القومي لعلوم الليزر الموجود داخل جامعة القاهرة

وليها عيادة خاصة بس مش فاكر عنوانها ( اعتقد في المنيل )

فعل المدي اطويل لازم تروحي ليها

اما لو عاوزة حاجه تداري المشكلة مؤقتاً

فيه كريم في الصيدليات خاص بمرضي البهاق ( كريم تجميل مش علاج خلي بالك لان فيه فرق )

الكريم ده بتدهني منه علي الجزء الفاتح بدرجة خفيفة لحد مايبقي لونه قريب من الجلد الطبيعي حواليه

ودرجة الدهان او طبقة الكريم بتتوقف علي درجة التباين في اللون

الكريم بيحتاج حوالي 15 دقيقة علشان ينشف ومحدش هيلاحظ الفرق بس متجبيش ميه عليه لان ممكن يطلع

فيه منه انواع كتير بس انت اختاري نوع يكون غالي لان الانواع الرخيصة بتبان مش طبيعية شوية

طبعا دا علاج تجميلي مؤقت مش بيحل المشكلة الاصلية

وربنا يشفيكي ويمتعك برداء الصحة والعافية 

شكلي فعلا هختار العلاج المؤقت ميرسي اوي يا استاذ حمدي على الشرح الوافي والاهتمام بشكرك من كل قلبي  

[princess sarah 0]

abo nooh كتب:

عليكم السلام  ورحمه  الله    _  ربنا  يشافي اختنا  ويكتب لها السلامه   يا رب وكل مريض

أنا فهمت من كلامها  أنها ممكن أتكون تعورت   بس   لا أعرف معنى  عباره  خدت سلم الطيارة   يعنى  ايه  خدت سلم الطيارة

وباي حال ربنا يشافيها ويعافيها  يا رب  ويتمم الصحه والعافيه لكل مريض ومتالم وصابر

هههههههههههههه هو زي ماشرحلك استاذ حمدي بالضبط 
اللهم امين ميرسي لحضرتك

[princess sarah 0]

Hamdy Tawfik كتب:

واذا كنتي مازلتي في الامارات فيبقا الافضل تجيبه من هناك

اعتقد هناك هتلاقي انواع افضل من الموجودة في مصر 

انا هجيبه من برا فعلا تسلملي يا استاذ حمدي

[princess sarah 0]

Hamdy Tawfik كتب:

المقصود ان رجلها تعثرت علي سلم الطائرة واستمرت في الوقوع لعدة درجات بهذا الشكل مما ادي الي اصابتها في وجهها

نسأل الله لها الشفاء العاجل

اللهم امييين

[froh 0]

سلامتك حبيبتى .... اولا وقبل كل شىء خدى الموضوع ببساطه ... مين فينا حبيبتى معندهوش جرح واتنين او ندبه او اكثر ؟ شوفى يا حبيبتى لو محبذتيش الحل الجراحى او التجميلى او استخدام الليزر فاسهل الطرق هى اخفائه بشكل مؤقت وقت الاحتياج .... وطبعا الفكره بسيطه اوى وتقريبا تشبه اقتراح استاذ حمدى .... ابسط شىء حبيبتى هو كريم اساس.... وانت عارفه يا حبيبتى طبعا انه متاح بعدة درجات .... استعينى باقرب درجه للون بشرتك حبيبتى وبعد ان توزعيه جيدا على منطقة الركبه تماما انثرى قليلا من بودرة التفتيح المماثله لبشرتك ومتنسيش يا حبيبتى تعملى نفس الكلام على الركبه السليمه ايضا لتاخذ نفس اللون ... ملحوظه بقى هامه ان كنت فى مناسبه ليليه ممكن تنثرى البودره اللامعه على الساقين باكملهم فهى تاخذ النظر وتعكس الوان خفيفه من شانها ان تحجب عن العين فرق درجة اللون الخفيفه ان تبقتز.....اخيرا اقول لك حبيبتى لدى ابنتى مشكله فى ساقيها واجدهم دوما اجمل ما اقبله قبل ان تنام... اردت ان اقول لكى ان من يحبك كثيرا سيحب قصورك قبل كمالك ويحب ضعفك قبل قوتك ... انت جميله دوما بما فى داخلك حبيبتى .

[princess sarah 0]

froh كتب:

سلامتك حبيبتى .... اولا وقبل كل شىء خدى الموضوع ببساطه ... مين فينا حبيبتى معندهوش جرح واتنين او ندبه او اكثر ؟ شوفى يا حبيبتى لو محبذتيش الحل الجراحى او التجميلى او استخدام الليزر فاسهل الطرق هى اخفائه بشكل مؤقت وقت الاحتياج .... وطبعا الفكره بسيطه اوى وتقريبا تشبه اقتراح استاذ حمدى .... ابسط شىء حبيبتى هو كريم اساس.... وانت عارفه يا حبيبتى طبعا انه متاح بعدة درجات .... استعينى باقرب درجه للون بشرتك حبيبتى وبعد ان توزعيه جيدا على منطقة الركبه تماما انثرى قليلا من بودرة التفتيح المماثله لبشرتك ومتنسيش يا حبيبتى تعملى نفس الكلام على الركبه السليمه ايضا لتاخذ نفس اللون ... ملحوظه بقى هامه ان كنت فى مناسبه ليليه ممكن تنثرى البودره اللامعه على الساقين باكملهم فهى تاخذ النظر وتعكس الوان خفيفه من شانها ان تحجب عن العين فرق درجة اللون الخفيفه ان تبقتز.....اخيرا اقول لك حبيبتى لدى ابنتى مشكله فى ساقيها واجدهم دوما اجمل ما اقبله قبل ان تنام... اردت ان اقول لكى ان من يحبك كثيرا سيحب قصورك قبل كمالك ويحب ضعفك قبل قوتك ... انت جميله دوما بما فى داخلك حبيبتى .

تصدقي وتؤمني بالله .. انتي عسسسسسسسسل 
اولا الله يسلمك وربنا يحفظك ويحفظلك بنتك يا رب 
تانيا انا كنت الفترة الي فاتت بستعين بكريم الاساس بس الكارثة بقى لو طرف الفستان طال الكريم بتبقى حوسة تااانية ولو خبطت ف حد ولا نسيت وحطيت رجل على رجل هههههههههههههههه مش هقوولك بقى الي بيحصل


بس هشوف كريم اساس اضيف عليه لوس باودر سمعت انها بتثبت الكريم اما اشوف بقى لاني فعلا مش حابة الجراحات والليزر سايباه اخر حل


واخيرا .. انا بصراحة مفيش حد انتقدني او يمكن بينتقدو ف سرهم هههههه كل واحد وضميرو بقى بس انا نفسيا متدايقة منهم   


تسلميلي على ذوقك ونصيحتك واهتمامك اللطيف      

[princess sarah 0]

نسيت اقولك يافوفا ان مامتي مبسوطة بيهم جدا وضد اني اعالجهم او اخفيهم لانها مقتنعه تماما انو كان هيحصلي اكتر من كده والحمدلله انها جت على قد كده وانها حاجه تكسر عين الحسد والحاجات دي .. طبعا هتقولو ليه تتحسدي ملكة جمال .. عارفة الردود دي هههههههه
بس لا مش حوار حسد جمال بس لاني اخر مرة كنت فمصر كنت طفلة عندي يمكن 5 او 6 سنين ونزلت بقى من سنتين ف كان بالنسبة ليهم شكلي اختلف تماما وكبرتي وبقيتي عروسة والحوارات دي  

[froh 0]

صباح الفل يا ساره .. ماما عندها حق حبيبتى وربنا يسعدك يا حبيبتى ومتغيبش عنك ابتسامتك ابدا   

[princess sarah 0]

froh كتب:

صباح الفل يا ساره .. ماما عندها حق حبيبتى وربنا يسعدك يا حبيبتى ومتغيبش عنك ابتسامتك ابدا   

صباح العسل يا عسل .. ربنا يحفظ ويحمي الجميع 
اللهم اميين اجمعيين ياروح قلبي ميرسي على ذوقك ياقمر

[galal elmadny 0]

[princess sarah 0]

اللهم اميييييييين يارب
جزاك الله كل خيير يا استاذ جلال