التحويل من كلية إلى كلية

[hany ell boss 0]

إخوانى الكرام .. السلام عليكم ورحمة الله وبركاته

أود الإجابة على الأسئلة الآتية من فضلكم :-

-----------------------------------

1 - أنا فى كلية تجارة تيرم تانى .. هل يحق لى التحويل إلى كلية دار العلوم ؟

2 - هل خطوات التسجيل فى الكلية الجديدة تختلف بالنسبة لى عن التسجيل أول مرة ؟

3 - هل يسمح لى بتقديم طلب التحويل من خلال صفحتى الشخصية من بيتى ؟

4 - هل أنتظر فتح باب التسجيل أم يمكن أن أحول من الآن كما قلت من خلال صفحتى الشخصية ؟

5 - هل هناك أى إختلافات ستحدث عند التحويل أم ستجرى الأمور عادية ؟

6 - هل نتيجة المقابلة تظهر سريعاً أم تحتاج وقت كبير مثل إمتحانات التيرم ؟


بارك الله فيكم .. أرجو الرد بسرعة حتى ألحق المذاكرة للأستعداد للمقابلة إن كان هناك تحويل كما سألت .

  

[hany ell boss 0]

السؤال من يوم ......... 1/3/2014

 24.......................... مشاهدة

الردود ............................. 0

[galal elmadny 0]

1 - أنا فى كلية تجارة تيرم تانى .. هل يحق لى التحويل إلى كلية دار العلوم ؟

يحق لك التحويل ولكن المشكلة انك بتخسر المواد الا درستها ودفعت فيها فلوس يعنى انتى خلصت ترمين فى كلية تجارة ب10 مواد ب1500 جنية على الاقل فما المانع من استكمال كلية التجارة .
2 - هل خطوات التسجيل فى الكلية الجديدة تختلف بالنسبة لى عن التسجيل أول مرة ؟
خطوات التسجيل واحدة لكل الكليات كل ماعليك هو انك تروح مكان ماقدمت فى اول مرة وتقول لهم انا عايز احول من كلية تجارة الى كلية دار علوم .
3 - هل يسمح لى بتقديم طلب التحويل من خلال صفحتى الشخصية من بيتى ؟
لايسمح يالتحويل من صفحتك لابد ان تذهب الفرع الا انته قدمت فية اول مرة وبه ملفك علشان ينفذ لك طلب التحويل .
4 - هل أنتظر فتح باب التسجيل أم يمكن أن أحول من الآن كما قلت من خلال صفحتى الشخصية ؟
باب التسجيل للطلبة الجدد سوف يبدأ الاسبوع القادم ممكن تذهب الى الفرع الا انته تابع له وسوف تعرف كل التفاصيل 
5 - هل هناك أى إختلافات ستحدث عند التحويل أم ستجرى الأمور عادية ؟
كل الاختلاف انك بتفقد ما دفعته وتبدأ من الاول طالما فى كليه جديدة .
6 - هل نتيجة المقابلة تظهر سريعاً أم تحتاج وقت كبير مثل إمتحانات التيرم ؟
انا لا اعرف اى تفاصيل عن كليه دار العلوم ممكن اى احد من الزملاء فى الكلية يفيدك فى هذا الموضوع لكن اى استفسارات عن كلية التجارة انا تحت امرك ويسعدنا أن تستمر وتكمل دراستك بكلية التجارة وستجد كل العون من الاصدقاء .

[galal elmadny 0]

معلومات تهمك عن كلية دار العلوم

كلية دار العلوم
درجة الليسانس فى اللغة العربية وآدابها والدراسات الإسلامية. (بنظام التعليم المفتوح).


5 مقررات فى التيرم        40 مقرراً

يشترط (اجتياز مقابلة شخصية) للقبول بكل من الكليات الآتية:

· كلية الآداب (شعبة الترجمة باللغة: الإنجليزية – الفرنسية – العبرية – الإسبانية – شعبة علم النفس ).· كلية دار العلوم

· كلية رياض الأطفال (إعداد معلمة مرحلة الطفولة المبكرة – إعداد معلمة مرحلة التربية الخاصة للطفولة المبكرة).

الرسوم الدراسية:

         رسوم مظروف الالتحاق 50 جنية.

         رسوم المقرر الواحد 130 جنية.

       رسوم استمارة المقابلة الشخصية 50 جنية بالنسبة للكليات التي يشترط القبول بها (اجتياز مقابلة شخصية).

[hany ell boss 0]

galal elmadny كتب:

1 - أنا فى كلية تجارة تيرم تانى .. هل يحق لى التحويل إلى كلية دار العلوم ؟

يحق لك التحويل ولكن المشكلة انك بتخسر المواد الا درستها ودفعت فيها فلوس يعنى انتى خلصت ترمين فى كلية تجارة ب10 مواد ب1500 جنية على الاقل فما المانع من استكمال كلية التجارة .


* أولا ربنا يبارك فى حضرتك .. كلك ذوق .. وإجاباتك جميلة ماشاء الله

ربنا يجعله فى ميزان حسناتك .. آمييين


* ثانياً : المانع من إستكمال كلية التجارة هو الفشل الذريع فيها ..

يعنى أنا بقالى حوالى سنتين و نصف فى الكلية ( يعنى 5 تيرمات )  و نجحت فى 8 مواد فقط

أذاكر مش فاهم حاجة ... أعمل برشام مش فالح .. أغش مفيش فايدة فشل السنين

جاتلى عقدة رهييييييييبة لدرجة إنى لم أتقدم فى التيرم إللى فات خالص

محاسبة و محاسبة إنجليزى ورياضة ... كل شوية أسقط فيهم

أنا إستغبيت من الأول .. فكرت نفسى فلوطة وهسلك فى تجارة .. بقيت بكره الجامعة كلها

بسبب كلية تجارة دى    .. أنا بحب اللغة العربية وعلومها وما يتصل بالدراسات الإسلامية

أنا ممكن أقعد فى تجارة 10 سنين كمان .. لو إستمريت

علشان كدة معنديش حل غير التحويل ..وربنا يقدر لى الخير .. آمين


وشكراً مرة أخرى على إهتمامك الجميل

[princess sarah 0]

طيب لو انا حولت من الجامعة لجامعة تانية بنفس التخصص ينفع ؟؟

[princess sarah 0]

بمعنى اني اكمل في الجامعة التانية مش ابدء من اول خالص

[galal elmadny 0]

hany ell boss كتب:

galal elmadny كتب:

1 - أنا فى كلية تجارة تيرم تانى .. هل يحق لى التحويل إلى كلية دار العلوم ؟

يحق لك التحويل ولكن المشكلة انك بتخسر المواد الا درستها ودفعت فيها فلوس يعنى انتى خلصت ترمين فى كلية تجارة ب10 مواد ب1500 جنية على الاقل فما المانع من استكمال كلية التجارة .


* أولا ربنا يبارك فى حضرتك .. كلك ذوق .. وإجاباتك جميلة ماشاء الله

ربنا يجعله فى ميزان حسناتك .. آمييين


* ثانياً : المانع من إستكمال كلية التجارة هو الفشل الذريع فيها ..

يعنى أنا بقالى حوالى سنتين و نصف فى الكلية ( يعنى 5 تيرمات )  و نجحت فى 8 مواد فقط

أذاكر مش فاهم حاجة ... أعمل برشام مش فالح .. أغش مفيش فايدة فشل السنين

جاتلى عقدة رهييييييييبة لدرجة إنى لم أتقدم فى التيرم إللى فات خالص

محاسبة و محاسبة إنجليزى ورياضة ... كل شوية أسقط فيهم

أنا إستغبيت من الأول .. فكرت نفسى فلوطة وهسلك فى تجارة .. بقيت بكره الجامعة كلها

بسبب كلية تجارة دى    .. أنا بحب اللغة العربية وعلومها وما يتصل بالدراسات الإسلامية

أنا ممكن أقعد فى تجارة 10 سنين كمان .. لو إستمريت

علشان كدة معنديش حل غير التحويل ..وربنا يقدر لى الخير .. آمين


وشكراً مرة أخرى على إهتمامك الجميل

الاخ / هانى 
طالما ترغب وتحب دراسه اللغه العربيه .. وكمان لا تحب الدراسة فى كليه التجاره توكل على الله وقم بالتحويل الى كليه دار العلوم المهم تجد نفسك فى المكان الذى تحبه واجتهد لان ايام العمر معدوده وكل يوم بيمر عليك ولا تتقدم خطوه للامام سوف تندم عليه ربنا يوفقك ويسدد على طريق الخير خطاك 

[hany ell boss 0]

متشكر جدا يا كبير ........ ربنا يخليك

و هعمل بنصيحتك إن شاء الله