كارثة التعليم المفتوح والحقيقة الزائفة للدراسات العليا

[Hala.seery 0]

ياريت لو سمحتم لو حد عنده لينك جروب ع الفيس خاص بقسم الترجمة تعليم مفتوح يرسل لي اللينك ع الخاص 


وتمنياتي للجميع بالتوفيق .

[Honey Bunny 0]

السلام عليكم
الأخوة الأفاضل لا جدوي من الهتاف والمباحثات والمشاورات مع المسؤلين في ظل قانون استقلال الجامعات اللي هيحصل انك هتقابل مسؤلين كتير كل واحد فيهم له رأي ولما تبتدي توصل لنتيجة هيتغير المسؤل ونبتدي تاني من تحت الصفر الحل هو مقاضاة جامعة القاهرة ممثلة في مركز التعليم المفتوح لانهم غرروا بالطلاب والخريجين ووعدوا بما لن يفعلوا.... لما تكون جايب جيد جدا في ترجمة ويكون من حقك تكمل ماستر وفق القانون ويطلع قرار من وزير التعليم بذلك وتمتنع رئيسة قسم من تنفيذه بحجة عدم كفاية المقررات تبئا مهزلة لانه المجلس الاعلي للجامعات بيقول انها شهادة معتمدة ومعادلة في حد ذاتها! بالنسبالي وبعد اللي شوفته بنفسي من طريقة التدريس للنظامي في جامعة المنصورة لطلبة ماستر مش لازمني اكمل مع الاشكال دي مفيش شرح ومفيش اختيار مواد زي ما اللايحة بتقول حتي مادة البحث ما بتتشرحش.... الخلاصة بدل مقابلات المسؤلين اللي هيخدروكم بكلام خلوها قضائية افضل.

[Honey Bunny 0]

نقطة مهمة:
الخريجين من حملة المؤهلات المتوسطة مش هيكملوا دراسات عليا وفقا لكلام المسؤلين ودي حاجة تتنافي مع الكلام اللي بيتقال في بداية التقديم!

[heba hamed 0]

انا خريجة اداب ترجمة لغة انجليزية دفعة 2012 وللاسف عندما سألت عن الدراسات العليا في جامعة القاهرة اخبروني بعدم قبول خريجي التعليم المفتوح بالرغم اني خريجة تربية وممكن اعمل دراسات عليا بالبكالوريويس ولكن اتمنى عمل دراسات عليا في الترجمة،انا مع الاخوة الافاضل بخصوص رفع اصواتنا للحصول على حقوقنا والله الموفق

[محمود حسن 0]

والله ياجماعه الحل سهل جدا بالنسبة لي بس كل الا محتاجينه هو عدد ونظرا لان المنتدي بيحذف الاميلات الخاصة فياريت كل واحد متضامن في الموضوع يبعت لي رسالة علي الرسائل الخاصة في المنتدي يكتب فيها اسمه واميله وتليفونه او طريقة التواصل معاه هتبقي ازاي ولو وجدت عدد معقول هقوم باول خطوة حقيقية / انما اي كلام غير كدا يبقي اسمه مضيعه وقت
وشكرا لكم

[abo nooh 0]

أين وصل الأصدقاء  في المنتدى لهذا الموضوع

[Nasser 0]

الأخوة الأعزاء لقد اتصل بى بعض الزملاء المهتمون بالموضوع (تسجيل الماجستير لخريجي التعليم المفتوح) ومستعدون لتوصيل الموضوع للإعلام ولكن كما فال الأستاذ محمود نريد معرفة العدد الموافق على هذا الموضوع وإيجاد وسيلة للتواصل وقد أنشأة مجموعة بامس انجلش جراديوايت englishgraduate للتجمع عليها أو البح

[Nasser 0]

نداء لإلى الأستاذ محمود حسن والأخوة الأعزاء لقد اتصل بى بعض الزملاء المهتمون بالموضوع (تسجيل الماجستير لخريجي التعليم المفتوح) ومستعدون لتوصيل الموضوع للإعلام ولكن كما فال الأستاذ محمود نريد معرفة العدد الموافق على هذا الموضوع وإيجاد وسيلة للتواصل وقد أنشأة مجموعة بامس انجلش جراديوايت englishgraduate للتجمع عليها.

[mona s ag 0]

انا عندي تعليق بسيط بس انا لما كنت بسال عن التقديم لتعليم مفتوح وهل هو زي الخريج العادي ولا
سالت دكتور يجامعة القاهرة وهو حتي بيدرس لتعليم مفتوح قالي انهم ليهم نفس حقوق الخريج النظامي وحتي دلوقتي ليهم حق التقديم للدراسات العليا وكدا
الكلام دا كان من اقل من شهر
فهل الامور اتغيرت ولا مستمرة زي ما تفضل الاستاذ محمود حسن -كاتب الموضوع - وشرح ببداية الموضوع ؟؟؟؟

[abo nooh 0]

أنا موافق أني أكون ضمن المجموعه اللي تطالب بالإستكمال للدراسات العليا  سواء في الكويت أو في مصر   الشقيق

أبونوح من الكويت     وقد إتصل بي بعض الأصحاب أيضا  من مصر  وقلت لهم ليس عندي مانع  

والأخ محمود حسن   لا نعرف أين هو ممكن يكمل أي واحد الموضوع  يمكن هو مسافر  وإلا في إجازه  و ربما أن البعض ينتظر البدء في بدايه الدراسه حيث تنشط المشاركات  

ولا يضيع حق ورائه مطالب  فإلى الأمام

[abo nooh 0]

زيرو مية  ثلاثه وأربعين سته وثمانين مية

[hanan semeda 0]

مش حضرتك بس اللى نفسه يكمل دراسات عليا في ناس تانية كتير ـ حضرتك أشارت في رسائل ليك قبل كدة انك محتاج عدد و ممكن تعمل حاجات كتير ـ إحنا أصلا مش عارفين نوصلك ـ المنتدى لا يسمح بكتابة الاميل ـ ممكن تبعت اسمك على الفيس ايه أو رقم تليفونك علشان يسهل التواصل معاك و بالنسبة لى دة اسمى على الفيس
hanan semeda

[محمود حسن 0]

الاخوة الزملاء / بعد التحية
ده رقمي للتواصل (زيرو ميه ثلاثه وعشرين تسعه وتسعون مائتين سبعه واربعين ) وممكن تبعت رسالة فيها اسمك وايميلك ومحافظتك والا عنده ( واتساب  ) علي تليفونه هيبقي التواصل اسهل علي الاقل لحين ما نعمل لنا قاعده بيانات تخصنا ونوزع الادوار علي كل فرد عشان نعرف ناخد حقنا وبكررها للمرة المليون انا محتاج عدددددددد / احنا كنا اتنين بس الا وقفنا في وش الناس دي وواجهناهم والنتيجة اننا كنا ضعاف اما لو عايزين نتيجة سريعة وفعالة فانا عارف ايه الا هيتم بس مش هقول الا هيحصل قبل ما اعرف عددنا كم وبالاسم والتليفون لانه ماينفعش فريق يتعب والباقي نايم في الخط وعايز كل شيء علي الجاهز

[sara199 0]

السلام عليكم ورحمة الله وبركاته

مش عارفة لو حتشوفو كلامي لان الموضوع انكتب من كم شهر بس عايزة اقول حاجة


انا طالبة اعلام بس مش فمصر وبختبر من السعودية واول ماسجلت في المركز سألتهم عن موضوع الماجسير والدكتوراه وكان ردهم اننا نقدر نكمل وحتى لما جا دكتور ايام الامتحانات سألتو عن الماجستير وقال تقدري تكملي ماجستير اعلام في جامعة القاهره


وسمعت ان في بنات هنا تواصلو مع جامعات في بريطانيا وقالولهم تقدرو تكملو ماجستير بشهادة اعلام تعليم مفتوح عادي!


عشان كدة انا مستغربة ليه نص بيقول نقدر نكمل ونص بيقول لا!!

[محمود حسن 0]

ردا علي الزميلة سارة
قانونا لينا كل حقوق التعليم مثل النظامي تماما والدراسات العليا وكل شيء // ولكن علي ارض الواقع الامر بمزاج عصابات الجامعات لانها ملعبهم الشخصي وكلامهم هو الا بيتفرض حتي وان كان مخالف لسبب انه مفيش رقابه عليهم ويقولك بكل بجاحه اعمل الا انت عايزة وانا هستخدم حقي كعضو هيئة تدريس ههههههههههههههههههههههههههههههه والامر المحزن فعلالالالالالالالالا اني ناديت كتير بالتكاتف لكل طلبة وخريجي التعليم المفتوح عشان ناخد حقنا ومن سخرية الواقع اننا في منتدي كله تعليم مفتوح بجميع تخصصات التعليم ومفيش استجابة ماشاء الله الا عدد بسيط ومفيش اكتر من تنابلة السلطان وماينطبقش عليهم غير ايه ( اذهب انت ربك فقاتلا ) .
فقمنا بانشاء صفحة علي الفيس بوك مخصصة لهذا الامر فقط وسيتم عرض الرابط الخاص بها خلال ساعات ان شاء الله

[sara199 0]

انا معاكم في اي موضوع لصالح تطوير دراستنا ومستقبلنا 

انا مقيمة في السعودية يعني مش عارفة قد ايه هقدر اساعدكم بس مستعدة اعمل اللي اقدر عليه المهم اننا ناخد حقوقنا ويكون مستقبلنا افضل

[sara199 0]

بس عاوزة افهم ازاي جامعات اوروبية بريطانية كبيرة بتقبل وبتعترف بشهادتنا والجامعة نفسها اللي عملت المركز مش بتقبل بينا؟؟؟؟

[محمود حسن 0]

الاخوة الزملاء
هذا رابط صفحة الفيس بوك لمن يريد الانضمام لحملة المطالبة بحقوقنا في الدراسات العليا ؛ والله من وراء القصد
https://www.( ممنوع وضع روابط الفيس بوك ).com/Shabab.Mokafe7

[محمود حسن 0]

وهذا توضيح اكثر باللغة العربية لاسم الصفحة
ثلاثه دبليو دوت فيس بوك دوت كوم / شباب مكافح7
وفي انتظار تضامنكم وارائكم وافكاركم

[محمود حسن 0]

ممكن الاخت سارة تقولنا اسماء الجامعات الا بتتكلم عنها ؟

[hanona 0]

محمود حسن كتب:

ممكن الاخت سارة تقولنا اسماء الجامعات الا بتتكلم عنها ؟

فعلا انا عرفت قبل كدا ان الدراسات العليا غير مصرح بها لخريجى التعليم المفتوح وان التعليم المفتوح مش معترف بيه اصلا وبالرغم من كل دا انا هاكمل وهاستمر فى الكليه لحد الاخر وان شاء الله ربنا هايوفقنا ونحصل على معادله شهادتنا بالشهادات النظاميه ابعتلى بقا على الخاص الجروب بتاع الفيس عشان انضم معاكم

[abo nooh 0]

اتوقع  الجروب موجود بالفيس بوك تحت إسم  تيرم سادس  وسابع 


وبعدين حنان  كلنا معاكم في مطالب الطلبه   وأنا حتواصل معاكم   إن شاء الله

[محمود حسن 0]

الاخوة الزملاء
ده رابط الجروب الخاص بالدراسات العليا علي الفيس
https://www.( ممنوع وضع روابط الفيس بوك ).com/Shabab.Mokafe7
وانا كتبته بالعربي قبل كدا في التعليقات السابقة عشان لو المنتدي مش بيسمح بظهوره كامل

[محمود حسن 0]

الاخوة الزملاء
ده رابط الجروب الخاص بالدراسات العليا علي الفيس
https://www.( ممنوع وضع روابط الفيس بوك ).com/Shabab.Mokafe7
وانا كتبته بالعربي قبل كدا في التعليقات السابقة عشان لو المنتدي مش بيسمح بظهوره كامل

[ماريان1 0]

محمود حسن كتب:

الساده الزملاء من خريجي التعليم المفتوح وزملائي بالمنتدي

تحية طيبة

اليكم اخر المصائب الحقيقية التي عشتها بنفسي علي مدار ثلاث اعوام متتالية بخصوص الدراسات العليا والوهم الذي عشناه نتيجة لعصابة تعمل لصالحها الشخصي وفساد منظومة التعليم العالي بكاملها وانا متحمل مسؤلية كلامي هذا

الموضوع

بمجرد نهاية دراسة الليسانس ذهبت لكلية الاداب جامعه القاهرة وسالتهم عن التمهيدي ماجيستير لشعبة الانجليزي قالوا ايوه بنقبل خريج النظامي بتقدير مقبول لدبلومة مؤهلة للماجيستير بشرط انه يجيب تقدير جيد فما فوق عشان يكمل معانا وبالنسبة لخريجي التعليم المفتوح مالوش مكان معانا يروح يركن صف تالت وياخد دبلومة مهنية وخلاص وبالفعل سيبتهم ومشيت وذهبت للمجلس الاعلي للجامعات وقابلت وكيلة وزراة التعليم العالي وحكيت لها قالت ان كل جامعه ليها استقلاليتها وكل كلية ليها لايحة داخلية خاصة بيها قلتلها ده تمييز مش استقلال ولا انتم عاملين تعليم تكسبوا منه ومش معترفين بيه ؟ ردها كان هو انت  جاي تعلمني شغلي ؟ ماعلينا المهم اشتكيت لرئاسة الوزراء ووزير التعليم العالي والمجلس الاعلي للنصابين ولا مجيب لان مفيش تكتل بشري يضغط عليهم  المهم  سكت ومشيت وفي بداية 2013 اعلن المجلس الاعلي للنصابين عن فتح باب الدراسات العليا للتعليم المفتوح وقبولهم بجميع جامعات الدولة   قلت فرجت وعملت بحث صغير ولقيت جامعه المنصورة فتحت الباب لتمهيدي ماجيستير انجليزي وبتقبل تقدير مقبول وكنا اربع افراد من التعليم المفتوح فينا تقدير مقبول وجيد وجيد جدا وروحنا دفعنا الرسوم واتقبلنا واشترينا الكتب وانتظمنا وحضرنا مدة ثلاث شهور وبعد كدا اتفاجئنا بان رئيسة القسم بكلية الاداب بجامعه المنصورة بترفض وجودنا برغم انهم بيقبلوا الوافدين بتقدير مقبول وشهادتهم اصلا مش معترف بيها بس طالما بيدفعوا بالدولار وبالاسترليني مفيش مشكلة   فضلنا نتكلم معاهم طيب اعطونا ثلاث مواد اضافية عشان تقديرنا مثلا زي خريجي النظامي بتاعكم الا جايب مقبول وكدا مش مشكلة ؟ يقولوا لاء وفضلوا يطفشونا برغم ان ده قرار صادر من الاعلي للجامعات ومفروض علي الكل الا ان كل كلية فيها العصابة بتاعتها الخاصة بيها وبتشتغل بمزاج اهاليهم نروج نشتكي لرئيس الجامعه يقول ليكم الحق تكملوا ويرجعنا تاني للقسم وبرده رافض نروح لعميد الكلية يقول لاء تكملوا ماينفعش تمشوا بعد الفترة دي برده الكلاب الا في القسم رافضين استمرارنا قلنا طيب اعطونا مصاريف الدراسة الا دفعناها وربنا يعوض علينا في مصاريف الكتب الا اشتريناها وفضلوا يدوخونا شهرين وده الشهر الثالث ومفيش تكملة ومفيش فلوس وللعلم انه مفيش اي لوائح داخلية تمنع اننا نكمل دراسات عليا ولا اي قوانين تمنع وفيه موافقة من الاعلي للجامعات كمان وانه ساوي التعليم المفتوح بالنظامي ودخلوه في التنسيق الا ان التعنت واقف ضد خريجي التعليم المفتوح والانكت من كدا قالوا هنقبلكم بس بشرط تاخدوا 26 مادة اضافية فوق مواد التمهيدي يبقي الاجمالي 32 مادة والمواد الاضافية كلها مواد ادبية واحنا شعبة لغة ؟شوفتوا بيعجزونا ازاي ؟ لدرجة اننا وافقنا كرها لما نشوف اخرتها وفي النهاية قالوا يتعذر اننا ندرس لكم المواد دي بحجة انها مواد مااخدنهاش في التعليم المفتوح وده طبعا مش حقيقي بس اهو كلام يطفشك والسلام ولحد الوقتي لا اخدنا الرسوم والاوراق ؟ ولا كملنا دراسة .   علي فكرة انا مش بحكي قصة قبل النوم  انا بحكي عن كارثة لتعليم الدولة انشاته ومش معترفة بيه وسكوتنا خلاهم يعملوا معانا كدا  وعشان كدا هرفع قضية بمجلس الدولة ضدهم وضد التعليم العالي والاعلي للجامعات وجامعه القاهرة الا بترفض قبولنا برغم موافقة الاعلي للجامعات حتي للحاصلين علي تقدير مقبول .
لذا المطلوب كالاتي :
مطلوب نتكاتف كلنا ( كل خريجي التعليم المفتوح الا تخرج والا مازال بالدراسة ) عشان ناخد حقوقنا لانه من الواضح انها بقت بكثرة العدد تاخد حقك
ثانيا
انا هرفع القضية وعايزكم معايا متضامنين ولو بالتوقيعات
هقدم شكوي لوزير التعليم العالي والاعلي للجامعات ومحتاج توقيعاتكم جميعا عشان ناخد حقنا ونبعت منها نسخة لرئيس الجمهورية
الهدف من ده كله هو الضغط عليهم عشان ناخد حقوقنا وحتي لو حقوقنا ضاعت الفترة الا فات ماتضيعش علي الا جاي
ارجوكم بلاش سلبية ولازم تشاركوني الامر ومحتاج دعمكم والا يبقي فعلا احنا نستاهل انهم يتجاهلونا لاننا متفرقين
انا بعتبر المنتدي ده بمثابة رابطة خريجي التعليم المفتوح فياريت نتناقش في الامر ونتفق اننا نتقابل يوم معين ونوقع فيه علي المطالبة بحقوقنا
والله من وراء القصد   واسف علي الاطالة    وفي انتظار الرد
 
زميلكم / محمود علي حسن


عشان توصل لحل حااول باي شكل توصل الموضوع للاعلااااااااااااااااااااااااااام اي حد من الاعلاميين او التلفزيون بجد هتلاقي الموضوع بقي ليه اهتماااااام وربنا يقدم اللي فيه الخيرررر