كارثة التعليم المفتوح والحقيقة الزائفة للدراسات العليا

[محمود حسن 0]

الساده الزملاء من خريجي التعليم المفتوح وزملائي بالمنتدي

تحية طيبة

اليكم اخر المصائب الحقيقية التي عشتها بنفسي علي مدار ثلاث اعوام متتالية بخصوص الدراسات العليا والوهم الذي عشناه نتيجة لعصابة تعمل لصالحها الشخصي وفساد منظومة التعليم العالي بكاملها وانا متحمل مسؤلية كلامي هذا

الموضوع

بمجرد نهاية دراسة الليسانس ذهبت لكلية الاداب جامعه القاهرة وسالتهم عن التمهيدي ماجيستير لشعبة الانجليزي قالوا ايوه بنقبل خريج النظامي بتقدير مقبول لدبلومة مؤهلة للماجيستير بشرط انه يجيب تقدير جيد فما فوق عشان يكمل معانا وبالنسبة لخريجي التعليم المفتوح مالوش مكان معانا يروح يركن صف تالت وياخد دبلومة مهنية وخلاص وبالفعل سيبتهم ومشيت وذهبت للمجلس الاعلي للجامعات وقابلت وكيلة وزراة التعليم العالي وحكيت لها قالت ان كل جامعه ليها استقلاليتها وكل كلية ليها لايحة داخلية خاصة بيها قلتلها ده تمييز مش استقلال ولا انتم عاملين تعليم تكسبوا منه ومش معترفين بيه ؟ ردها كان هو انت  جاي تعلمني شغلي ؟ ماعلينا المهم اشتكيت لرئاسة الوزراء ووزير التعليم العالي والمجلس الاعلي للنصابين ولا مجيب لان مفيش تكتل بشري يضغط عليهم  المهم  سكت ومشيت وفي بداية 2013 اعلن المجلس الاعلي للنصابين عن فتح باب الدراسات العليا للتعليم المفتوح وقبولهم بجميع جامعات الدولة   قلت فرجت وعملت بحث صغير ولقيت جامعه المنصورة فتحت الباب لتمهيدي ماجيستير انجليزي وبتقبل تقدير مقبول وكنا اربع افراد من التعليم المفتوح فينا تقدير مقبول وجيد وجيد جدا وروحنا دفعنا الرسوم واتقبلنا واشترينا الكتب وانتظمنا وحضرنا مدة ثلاث شهور وبعد كدا اتفاجئنا بان رئيسة القسم بكلية الاداب بجامعه المنصورة بترفض وجودنا برغم انهم بيقبلوا الوافدين بتقدير مقبول وشهادتهم اصلا مش معترف بيها بس طالما بيدفعوا بالدولار وبالاسترليني مفيش مشكلة   فضلنا نتكلم معاهم طيب اعطونا ثلاث مواد اضافية عشان تقديرنا مثلا زي خريجي النظامي بتاعكم الا جايب مقبول وكدا مش مشكلة ؟ يقولوا لاء وفضلوا يطفشونا برغم ان ده قرار صادر من الاعلي للجامعات ومفروض علي الكل الا ان كل كلية فيها العصابة بتاعتها الخاصة بيها وبتشتغل بمزاج اهاليهم نروج نشتكي لرئيس الجامعه يقول ليكم الحق تكملوا ويرجعنا تاني للقسم وبرده رافض نروح لعميد الكلية يقول لاء تكملوا ماينفعش تمشوا بعد الفترة دي برده الكلاب الا في القسم رافضين استمرارنا قلنا طيب اعطونا مصاريف الدراسة الا دفعناها وربنا يعوض علينا في مصاريف الكتب الا اشتريناها وفضلوا يدوخونا شهرين وده الشهر الثالث ومفيش تكملة ومفيش فلوس وللعلم انه مفيش اي لوائح داخلية تمنع اننا نكمل دراسات عليا ولا اي قوانين تمنع وفيه موافقة من الاعلي للجامعات كمان وانه ساوي التعليم المفتوح بالنظامي ودخلوه في التنسيق الا ان التعنت واقف ضد خريجي التعليم المفتوح والانكت من كدا قالوا هنقبلكم بس بشرط تاخدوا 26 مادة اضافية فوق مواد التمهيدي يبقي الاجمالي 32 مادة والمواد الاضافية كلها مواد ادبية واحنا شعبة لغة ؟شوفتوا بيعجزونا ازاي ؟ لدرجة اننا وافقنا كرها لما نشوف اخرتها وفي النهاية قالوا يتعذر اننا ندرس لكم المواد دي بحجة انها مواد مااخدنهاش في التعليم المفتوح وده طبعا مش حقيقي بس اهو كلام يطفشك والسلام ولحد الوقتي لا اخدنا الرسوم والاوراق ؟ ولا كملنا دراسة .   علي فكرة انا مش بحكي قصة قبل النوم  انا بحكي عن كارثة لتعليم الدولة انشاته ومش معترفة بيه وسكوتنا خلاهم يعملوا معانا كدا  وعشان كدا هرفع قضية بمجلس الدولة ضدهم وضد التعليم العالي والاعلي للجامعات وجامعه القاهرة الا بترفض قبولنا برغم موافقة الاعلي للجامعات حتي للحاصلين علي تقدير مقبول .
لذا المطلوب كالاتي :
مطلوب نتكاتف كلنا ( كل خريجي التعليم المفتوح الا تخرج والا مازال بالدراسة ) عشان ناخد حقوقنا لانه من الواضح انها بقت بكثرة العدد تاخد حقك
ثانيا
انا هرفع القضية وعايزكم معايا متضامنين ولو بالتوقيعات
هقدم شكوي لوزير التعليم العالي والاعلي للجامعات ومحتاج توقيعاتكم جميعا عشان ناخد حقنا ونبعت منها نسخة لرئيس الجمهورية
الهدف من ده كله هو الضغط عليهم عشان ناخد حقوقنا وحتي لو حقوقنا ضاعت الفترة الا فات ماتضيعش علي الا جاي
ارجوكم بلاش سلبية ولازم تشاركوني الامر ومحتاج دعمكم والا يبقي فعلا احنا نستاهل انهم يتجاهلونا لاننا متفرقين
انا بعتبر المنتدي ده بمثابة رابطة خريجي التعليم المفتوح فياريت نتناقش في الامر ونتفق اننا نتقابل يوم معين ونوقع فيه علي المطالبة بحقوقنا
والله من وراء القصد   واسف علي الاطالة    وفي انتظار الرد
 
زميلكم / محمود علي حسن

[محمود حسن 0]

يااااااااااااااااااااااااااااااااااااااااااااااه برغم كم المشاهدات دي الا انه مفيش رد ولا متضامن واحد ؟ الحــــــمـد للـــــه طمنتوني ان مصر لسه بخير والشعب لسه سلبي زي ماهو وعايز حقوقه علي الجاهز . ايوه كدا ياعم حمدي انا بطالب بتغيير اسم المنتدي الي الاسم الجديد ( حزب الكنبة ) او الاغلبية الصامته هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
بارك الله فيكم جميعا

[abo nooh 0]

أخي الحبيب محمود حسن

أولا يجب أن تعرف أنك صاحب حق وصاحب الحق لا يمكن أن يضيع حقه أبدا  طالما  أنه في وراه مطالب   سوف تصل إلى هدفك في النهايه  طالما إنك تطالب به  واللي فهمته بأنك مقبول بالدراسات  العليا  فلا تنسحب من الدراسات العليا  ولا تاخذ الفلوس بس استمر بمطالبه حقك بالتكمله وليس  الانسحاب  لأنه اخذك للفلوس وقوله ربنا يعوض علينا معناها بانك  انهيت الجوله مالتك وخسرت الشوط والمباراة فلا تأخذ منهم فلسا واحد يا أخي  بل إستمر بالمطالبه  بأن تستمر بالدراسه وليس الأنسحاب ثم أخذ المال 

ثانيا  قوله إنك انقبلت ثم اترفضم هذا فعلا خطأ كبير  إذ من يقبل لايمكن أن يرفض بعد قبوله فإياك إياك التراجع   نعم أرفع قضاياك  أولا لله سبحانه بأن يفرج عليك وعلى جميع الطلبه وثانيا  إرفعها يا اخي   حسب النظم   ولا تتراجع  بل إستمر  


ثالثا أن لو كنت  مصري وإلا حاليا بمصر  كنت وفقت معاك  ولكن أنا كويتي   ومنسب إلى هذه اللحظه  إلى  الجامعه بس عن طريق المنتدى وليس التسجيل الرسمي  ولو كنت بمصر   لكنت ذهبت معاك  ووقفت جنبك مع كل أخواتنا هنالك ممن ظلم   وسوف ينال كل مظلوم حقه في النهايه أخي


رابعا أخوانك بالمنتدى كلهم من المنشغول في حياتهم   وليس بكل وقت  جاهزين للتحدث في المنتدى فكل المنتسبين للتعليم المفتوح  هو يكون في الغالب ممكن فاته التعليم النظامي وقليلا ما يكون من الشباب الصغار بالسن  والمتفرغون بشكل كامل  فاعط اخوانك بالمنتدى الوقت الكافي يا اخي للرد عليك   وانا بمجرد قراءتي لموضوعك  تفاعلتك  لاني اشعر بمقدار المراره ان يقبل إنسان ثم يرفض    ولكن سوف تكون انت المستفيد  بالنهايه بس اوعي تتراجع ان تطالب بفلوسك لانها ستكون ضدك هذه الخطوه   ,, طالما قبلوك فهم ملزمون بتعليم بموجب القبول وانت أسهل حالا بكثير ممكن قدم ولم يقبل


خامسا   اين قبلت بالماجستير  وأين درست باي جامعه      وكيف تقبل ثم بعد الدراسه ترفض   هذا مستحيل  والامور مش على مزاج رئيسه القسم المساله باللوائح النظاميه   طالما القوانين تسمح  فلا حرج إذا 


اعلمنا بكل اخبارك يا اخي    أول باول  والله معاك  وكلنا محمود حسن


أبونوح من الكويت

[abo nooh 0]

محمود  قلت  في كلامك   :

وللعلم انه مفيش اي لوائح داخلية تمنع اننا نكمل دراسات عليا ولا اي قوانين تمنع وفيه موافقة من الاعلي للجامعات

 الحمد لله

يعني أن اللوائح معاك  وليست ضدك  وكما هي أيضا في صالح الشباب الأربع اللي هما معاك  فليه الإنسحاب  ,, لا تنسحب  و راجع المسؤولين في الجامعه  وأستخرج اللائحه  وحطها قدام المسؤوله  الرافضه لكم  وقول هذه اللائحه أنا ما جبتش حاجه من عندي 

وواصل مسيرتك يا أخي  ولا تنتكص خلفا أو تفل عزومك

[shahnda 0]

ههههه الوزير نفسه مش عاجبو حال التعليم المفتوح وقال في حوار صحفي انه نظام فاشل وكتر خيرهم انهم بيقولو معترفين بيه في مصر
والله اعلم جايز الواقع غير الكلام بس من واضح من تجربتك ومحاولاتك انه مش معترف بيه نهائي حتي من جانب الجهات المصريه المختلفه
والله برايي التعليم كله ضارب في مصر وكل حاجه ماشيه بالعكس كل احوال في مصر مزعجه بصراحه منتظره اي لمسه اختلاف الفتره الجايه لما الاواضاع تستقر وان شاء الله يمكن محاولتكم تاخد شكل تاني ..
محاولتكم المتكرره شئ جميل ان شاء الله تحققوا طموحاتكم مش تيأسوا لان التغيير ده هيعود عليكم وعلى الجميع بالفائده
ملحوظه،
استاذ حمدي لو موجود اكيد هيشاركك برأيه ومش حزب كنبه ولا حاجه بس عادي اغلبنا في اجازات بعد الامتحانات ما انتهت ،، ومحدش بيدخل كتير المنتدي
سلامي

[محمود حسن 0]

اخي العزيز ابو نوح
بارك الله فيك واشكرك علي تواصلك معي برايك في ما تم ذكره
ولكني احب اضيف معلومة لم يتم ذكرها في سياق الموضوع وهي كالاتي :
قدمنا تظلم لرئيس الجامعه وقال ازاي حقكم تكملوا وتسمع احلي كلام وانت واقف وناقص انك تبكي واخرج من المكتب ولامواخذة ابقي قابلني لو اخدت حقك وتفضل رايح جاي مابين الكلية وادارة الجامعه وتسمع احلي كلام من الموظفين اوعي تسيب حقك واحنا معاك ومفيش اي ذرة تقدم يعني كله كلام في كلام
ثانيا
تظلم تاني لنائب رئيس الجامعه للدراسات العليا ومنذ شهرين واكتر لسه لم يبت في الامر وابقي قابلني وان شاء الله احفادكم يبقيوا يتابعوا الموضوع ههههههههههههه
واسمع احلي كلام قالته رئيسة القسم بعد ما فوضنا دكاترة في الجامعه يتكلموا معاها وكان ردها كالاتي ( لو رجعوا هيبقي شكلي وحش ولو كملوا غصب عننا مش هينجحوا هنا ابدا ) وهيا صح في اننا مش هننجح لان مفيش رقابة عليهم غير الضمير وطبعا الضميرررررر في غيبوبة والله اعلم هيصحي امته ؟
عشان كدا كنت بطالب الزملاء بوقفة تضامنية معايا بالتوقيع مش اكتر وانا هقوم بالباقي لان انا كدا مش بدافع عن نفسي فقط ؟ بل عن كل خرج التعليم المفتوح الا اتخرج منهم والا في مرحلة التعليم لسه
حقيقي انا بعت للوزير فاكس ولا اي رد منهم  وبقول ( يارب ولي من يصلح ويصلح )

[محمود حسن 0]

بشكرك يااستاذة شاهندا علي رايك بس احب اوضح شيء صغير
ااحنا كلنا عارفين ان الدولة محتاجة هيكلة من جديد كلها مش التعليم بس والا نقدر عليه حاليا اننا نحسن وضعنا الاساسي في التعليم لان الوزير بيخرج علي الهوا بيقول كلام والحقيقة غيرررررررررر وكلنا عارفين الكلام ده /// انا كنت من اوائل المشتركين في المنتدي من سنين طويلة لما بدات الفكرة عن الاستاذ حمدي وكنا عددنا مش زي الوقتي . عايزك تتابعي اعداد المتضامين والناس الموافقة علي مطالبتنا لحقوقنا ومابين الناس الا مكبرة دماغها وانتي هتعرفي النتيجة مسبقا
اتمني تكوني فهمتي كلامي وتشجعيهم اننا نقف مع بعض لان مفيش حد هيتعب لنا ويطالب بشيء مايخصوش
ومعلومة بسيطة لحضرتك  ان الدولة بتخرج شعبة ترجمة كتير ومن اماكن مختلفة ومش موافقة تعمل لنا نقابة ؟؟؟؟؟؟؟؟؟؟؟؟؟؟؟؟؟؟؟ والا عايز يعرف ليه يدور وهو هيفهم
الفترة الا فاتت انا فهمت حاجات كتير من كتر الصدامات بيني وبين المسؤلين بسبب المطالبة بحقنا القانوني مش اكتر /// واسف للاطالة

[محمود حسن 0]

 معلومة للاخوة الاعضاء // ويبقي خلصت ضميري منكم امام الله


نظام الساعات المعتمدة من حقه قانونا يكمل دراسات عليا بداية من تقدير مقبول /// والنظامي من تقدير جيد     فما بالكم انهم اصبحوا بيقبلوا النظامي من تقدير مقبول ويحملوه 3 مواد اضافية لتحسين التقدير وبيرفضوا يطبقوا الكلام ده علي خريجي المفتوح برغم ان المجلس الاعلي للجامعات ساوي بين التعليم المفتوح والنظامي
   كلامي ده مش من فراغ ( انا اتطلعت علي القوانين واللوائح للجامعات بدل المرة الف )

وشكررررررررررررررررررررررررررررررررررررا

[shahnda 0]

الشكر ليك بصراحه اللي بيفاجأني منهم الحماس الشديد اوي لما بيحبوا يوضحوا خطط حل المشاكل واي امور معلقه
او اي تحديث لبرامج التعليم كافه ووقت الفعل ولا اي تغيير وللاسف لسه لحد دلوقتي بنصدق ان في امل منهم بس مش قدمنا حل تاني
وانت معك حق بصراحه ناس كتيره تكاتفو في وقفات ضدد حاجات كتيره الفتره الي فاتت وانا لاحظت تنفيذ لطلباتهم لان صوتهم بقي عالي
وطبعا لان المسئولين خافوا علي منظرهم اضطرو اسفين طبعا هههه انهم يلبوا طلبات بعض الفئات عشان يثبتوا انهم بيعملوا للصالح العام ويحسنوا صورهم
قدامنا ناسين ان دا شغلهم اصلا انهم ينفذو رغباتنا والمفروض اصلا ينفذوها من غير منطلبها دا في حده ذاته اثبات كافي لتقصيرهم في مناصبهم
وعدم صلاحيتهم غير للجلوس علي الكراسي ،،
وانت معك حق لان اي حد فينا لما بيروح عشان يحاول يكمل اي دراسه وله هدف معين ولما يلاقي مليون عقبه امامه بيتراجع لانه من قبل ميخطو خطوة واحده بيتفاجئ بكميه المشاكل اللي هتواجهه
بشكرك ومتابعه ان شاء الله اي تطورات
سلامي

[abo nooh 0]

لا يضيع حق  وراءه مطالب

أخي الغالي  محمود حسن  ,,  أختي شاهنده  


من هذا المنتدى ممكن نعمل أكبر طلب لتحقيق مطالب كل طلبه التعليم المفتوح    ولا أحد يقلل من قيمة شأن نفسه   وكل المطالب تحقق  وينالها أصحابها وكل ما أرجوه هو عدم  الكسل والفتور  في تحقيق المطالب  وممكن تدخل معانا نقابات أخرى  لتحقيق مطالب التعليم المفتوح   لأن معموم به في كل دول العالم


والله يرعانا ويسهل أمورنا يا رب

[محمود حسن 0]

[والله ياابو نوح انت مثل يحتذي به وفخر لكل الشباب
شايف ؟ كم واحد تفاعل من المنتدي ؟ مع ان الغالبية خريجي تعليم مفتوح ؟ ولا متضامن
عموما الحمد لله انا تضامن معايا ناس بجد عايزة تعمل وكلهم من خارج المنتدي الكسلان ده 
وردا علي التباطئي واللامبالاة من لالاعضاء هنا
قررت عدم التحدث عن اي مستجدات في الموضوع والا عايز حاجه يجري مع نفسه ويدوخ شوية
ماهي بقت بلد تنابلة السلطان
وشكرا لمن اهتم بالامر

[abo nooh 0]

نحن معاك يا أخي  إن شاء الله

وأعط أخوانك  فرصه  لكي يتعرفون عليك   لأنهم ربما يكونو مشغولين في فتره ما بعد التخرج


ونحن  يا أخي كلنا معاك  وكلنا محمود حسن  إن شاء الله

فلتصبر  ولتحاول  

 إن شاء الله  ربنا معاناجميعا

[Hala.seery 0]

الحقيقة انا مش عارفة اقول لك ايه 

كان الله في عونك . المؤسف ان حال البلد ما يشجعش انك تطالب بحقك وزي ما انت قلت ان الحق دلوقتي ما بيجيش غير بالكترة والتجمهر 

وحقيقي انا لو في مصر كنت تضامنت معاك ووقفت معاك في مشكلتك لانها مش خاصة بيك وحدك وانما خاصة بكل خريجي تعليم مفتوح 

وبجد ربنا معاك ويوفقك وينصرك واتمني انك ما تيأسش وحاول مرة واتنين وعشرة . 


تمنياتي بالتوفيق .

[ababisho 0]

أخي محمود أنا معاك 

[عادل عبدالعزيز3 0]

محمود حسن كتب:

شايف ؟ كم واحد تفاعل من المنتدي ؟ مع ان الغالبية خريجي تعليم مفتوح ؟ ولا متضامن
عموما الحمد لله انا تضامن معايا ناس بجد عايزة تعمل وكلهم من خارج المنتدي الكسلان ده 
وردا علي التباطئي واللامبالاة من لالاعضاء هنا

الأخ/ محمود 

وما أدراك بما قام به قبلك من خريجي التعليم المفتوح بشأن هذا الأمر ؟؟؟؟

منذ عام 2005 وحتي 2010 تقريباً  قام مجموعة من خريجي آداب التعليم المفتوح من محافظات عدة كالشرقية والقاهرة والفيوم وبورسعيد وغيرها حصلوا علي تقدير جيد جداً وأنا واحد منهم رغم أنني قبلها خريج تربية 1996 ولست في حاجة إلي عمل الدراسات العليا من جهة التعليم المفتوح بتقديم شكاوي إلي رئيس الجامعة ووزير التعليم العالي ومحاولات عديدة لمقابلة جميع المسؤولين ليس فقط في جامعة القاهرة بل في أكثر من تسع جامعات ذات صلة بالأمر صحيح ألأنها لم تؤدي إلي شيئ إلا أن هذا كان قدر استطاعتنا ولم يبقي إلا الإعتصامات أو الشغب ولكن لا يكاف الله نفسا إلا وسعها

[Hana09 0]

الاخ محمود ، دائما المنتديات التواجد فيها بطئ واسرع طريقة للتفاعل هي الفيس بوك ، انت طرقت الطريق الصحيح ونحن نصبوا إلي ان نسلكة بدون عقبات ولا متاعب ، وارجو ان تحكي قصتك هذه في جروبات التعليم المفتوح وما اكثرها واعتبرني معك وقلنا ممكن نعمل ايه ونتواصل معك ازاي 
فيه جروب اسمه ............................في ناس متميزة خالص وواعية جداً ، 

ياريت تكتب فيه ، غير طريقة عرض المشكلة من المنتديات الي الفيس بوك والله المستعان وإن شاء نلاقي حل في ام البلد اللي ماسكينها شوية حرامية عايزين الحرق بجاز وسخ في ميدان عام 


في انتظار ان نري طرحك في جميع جروبات الفيس بوك الخاص بالتعليم المفتوح

[محمود حسن 0]

زملائي الاعزاء
تحية طيبة وبعد
انا بالفعل واجهت المسؤلين لوحدي وكان صوتي عالي عليهم لاني صاحب حق ومحدش انكر حقي تماما بس عشان انا لوحدي ومفيش تكتل يدعمني او عدد يخوفهم ويحسسهم ان فيه مشكلة بجد ؟
الحل سهل بسيط جدا وانا قطعت شوط كبير جدا واصبح في ايدي كل الخيوط وعارف ايه الا مفروض يتعمل والنتيجة تبقي سريعة وفعالة
المطلوب كالاتي :
عايز اكبر عدد ممكن عشان نحقق نتيجة ونوصل لحقوقنا والا لسه في التعليم محتاج انضمامهم ليا عشان لما يتخرجوا يلاقوا حقهم موجود انما العمل الفردي ضعيف جدا
ولو حد عنده رابط تجمع كبير للتعليم المفتوح او غيرهم من المتضامنين يبعتهولي وانا انسق معاكم
واجو التوفيق من الله لنا جميعا

[bataelmghraby 0]

أستاذ / محمود انا معاك و معك حق يجب علينا ان نكون يد واحدة

معاك ان شاء الله بالتوفيق

[abo nooh 0]

نريد إن شاء الله أن نأخذ حقوقنا  بالسعي  وبذل الأسباب   وإن شاء الله من صيحه محمود حسن  وتكاتف الأخوة مع بعض  تنطلق بقيه المطالبات  ويتحقق الحق لكل طالب حق   وله أسباب    والله سبحانه جعل لكل شيء  سبب  يعنى طريق  مؤدي إليه   وعلينا  أن نتعرف على الطريق الذي ننال منه حقوقنا يا أصحاب  وبنفس الوقت دون أن نسبب أذى  لأحد   ولا نحرق أحد  ولا نسب  ونشتم  أحد   بل بطريق الإصلاح والصلاح  

والله سبحانه علمنا أن نسأله كل يوم أن نقول إهدنا  الصراط المستقيم   فالهدايه هو توفيق الله لك لأختياراتك السليمه في حياتك كلها  حتى في دراستك وكل شأنك 


والله يرعى الجميع برعايته ويحقق لنا أمنياتنا يارب  يا رب  وقائلا آمين

[عادل عبدالعزيز3 0]

أتضامن معكم إن شاء الله 

[Hana09 0]

محمود حسن كتب:

زملائي الاعزاء
تحية طيبة وبعد
انا بالفعل واجهت المسؤلين لوحدي وكان صوتي عالي عليهم لاني صاحب حق ومحدش انكر حقي تماما بس عشان انا لوحدي ومفيش تكتل يدعمني او عدد يخوفهم ويحسسهم ان فيه مشكلة بجد ؟
الحل سهل بسيط جدا وانا قطعت شوط كبير جدا واصبح في ايدي كل الخيوط وعارف ايه الا مفروض يتعمل والنتيجة تبقي سريعة وفعالة
المطلوب كالاتي :
عايز اكبر عدد ممكن عشان نحقق نتيجة ونوصل لحقوقنا والا لسه في التعليم محتاج انضمامهم ليا عشان لما يتخرجوا يلاقوا حقهم موجود انما العمل الفردي ضعيف جدا
ولو حد عنده رابط تجمع كبير للتعليم المفتوح او غيرهم من المتضامنين يبعتهولي وانا انسق معاكم
واجو التوفيق من الله لنا جميعا

أستاذ محمود قمت بإرسال رساله ع الخاص بجروب الفيس بوك حتي تتمكن من الدخول فيه وعرض المشكلة وإن شاء الله الفايدة تعم علي الكل ونجد حل في نظام التعليم هذا ومدي التمييز الذي نعاني منه خلاف زملائنا من النظامي 

انا كتبت اسم الجروب فوق لكن المنتدي لايسمح بالروابط هنا ارجو ان اي زميل يكتب اسم الجروب ويدخل وكلنا نبقي ايد واحدة و إن شاء الله ربنا يحلها ويوفقنا جميعاً

[Nasser 0]

أستاذ محمود 
بعد التحية 
كل اللى حضرتك قولته صحيح مائة بالمائة وأنا اليوم بالفعل 2/3/2014 اتصلت بجامعة حلوان وسألتهم عن مواعيد التسجيل بالماجستير فقالت من تردى على هل انت تعليم مفتوح ؟ فأجبت بنعم . فقالت لا ما ينفعش هما قبلوا السنة اللى فاتت ولكن السنة دى غيرو النظام . ما تفقدش الأمل وحاول تتابعنا في 15/7 يمكن النظام يتغير . علشان كل سنة فيه نظام . سألتها ايه سبب الرفض؟ قالت لى إن الدكاترة بتوع آداب غضبوا وقالوا كده هنزعل بتوع الجامعات منا وخاصة بتوع القاهرة.
أخى محمود أنا معاك شوف بنقدر نتقابل ازاى ده الميل بتاعى ghoniemyg@( ممنوع وضع الإيميلات الشخصيه ).com ومستعد لتحمل المسئولية والتضامن معك وكذلك التكاليف.

[Nasser 0]

ستاذ محمود 
بعد التحية 
كل اللى حضرتك قولته صحيح مائة بالمائة وأنا اليوم بالفعل 2/3/2014 اتصلت بجامعة حلوان وسألتهم عن مواعيد التسجيل بالماجستير فقالت من تردى على هل انت تعليم مفتوح ؟ فأجبت بنعم . فقالت لا ما ينفعش هما قبلوا السنة اللى فاتت ولكن السنة دى غيرو النظام . ما تفقدش الأمل وحاول تتابعنا في 15/7 يمكن النظام يتغير . علشان كل سنة فيه نظام . سألتها ايه سبب الرفض؟ قالت لى إن الدكاترة بتوع آداب غضبوا وقالوا كده هنزعل بتوع الجامعات منا وخاصة بتوع القاهرة.
أخى محمود أنا معاك شوف بنقدر نتقابل ازاى ده تليفونى 01002001431 أو ابحث عنى على الفيس بوك باسم nasser ghoniemy ومستعد لتحمل المسئولية والتضامن معك وكذلك التكاليف.

[محمود حسن 0]

السلام عليكم
خبر هااااااااااااااااااااااااااااااااااااااام للزملاء قريبا سيتم تغيير اللوائح الداخلية لكليات الادااب وخصوصا الدراسات العليا بجامعات الدولة كلها لحرمان خريجي التعليم المفتوح من استمراره بالدراسات العليا

وقريبا باذن الله هقولكم علي الخبر اليقين وايه مفروض يتم تنفيذه علي وجه السرعه قبل فوات الاوان

ولكن ارجو ان ان تتواصلوا سويا وتنشروا الخبر لاكبر قدر ممكن من طلبة التعليم المفتوح ومن ضمنهم من لم يتخرج بعد

خلاصة الكلام لو مفيش عدد ضخم عشان نقدر ننفذ هدفنا الا هقولكم عليه ؟ يبقي مش هنوصل لحقوقنا ابدا

والسلام ختام   وانتظروني قريبا بخبر يقين

[احمد حسن ابراهيم 0]

استاذ / محمود 

اشكرك اولا وجزاكم الله خيرا علي اصرارك وتمسكك علي الطلب بالحقوق الضائعة

ثانيا وبصراحة ضاعت حقوق كتير اوي بتقبلنا في مراحل الدارسة وخاصة اني مش موجود في مصر. مش على حد الدراسات العليا بس

كل ال اقدر اقوله ربنا يوفقكم وانا معاكم  بالمطالبة بحقوقنا وان شاء الله انا متفائل خير .  

كان فيا اقتراح مش عارف رايكم ايه ................  نقوم بارسال رسالة موحدة المطالب نقوم بارسلها عن طريق الصفحة الشخصية وهذة الرسالة تثبت في المنتدي فترة معينة بحيث يقرأها كل ال يدخل المنتدي ويقوم بنسخها وارسالها من خلال الصفحة الشخصية - البريد التعليمي -   ممكن يكون ليها تاثير لومعظم الاعضاء بالمنتدي ارسلوها ده بجانب ال ناوين تعملوه ...................... والله الموفق ،،،

[abo nooh 0]

الأحباب الكرام

1-  حسن أحمد إبراهيم  ,,  أنا موافق على  إقتراحك   وأول واحد سجل إسمي  معاك  ,,   الإسم الكامل

   خالد سالم الدقباسي من الكويت   هاتف  رقم  00201004386100

2- ناصر غنيم   بارك الله فيك على ما نقلت وأفدت  على النقل لما حصل لك من محادثه  بينك وبين الأخت من جامعه  حلوان    ولازم تنتبه إلى نقطه أيجابيه في محاورتك معاها    لأنها قالت لك  لا تفقد الأمل  ممكن يتغير النظام بأي وقت     وهذا  بارقه من الأمل لا تمنع  من حدوث شيء يتغير بالمستقبل تجاه قضيتنا كطلبه للتعليم المفتوح

3- محمود حسن  أكتب موبايلك اخي الخط المصري  ولو أمكن اتصل بي أو أبعث رساله من هاتفك النقال إلى النقال مالي   بأي وقت تبي 01004386100
   
   محمود إياك أن تتوقف عن مطالبك  يوم واحد  إياك إياك   وتأكد أن ا لله  معاك  ونحن من بعد الله معاك    وليكن سلاحك هو الصبر  في  صبر ظفر  ومن أشتد  وجد. وجد   ومن زرع  حصد   ومن أستعجل فقد

   توجيهات الأصحاب لك هنا بالمنتدى  لست سوى أشارات لك ف طريق حصولك  على ما تحب  وكلها مثلك  فلماذا لا تأخذ  بهذه الإشارات   :

   نكتب في الفيس بوك في جروبات تتعلق في التعليم المفتوح   ونكتب التويتر   ونحط جروب إاسمه  جروب  تويتر  تعليم مفتوح   twitter

4-  هناء  كلامك صح    في توجيه الأخ إلى التحدث  وأيضا  هنا  نريد منه الإستمراريه معانا فهي نقطه البدايه والشهاده العليا هي النهايه   وكلنا بخط واحد



  الآن   من مقترح   حسن  أنا طبعا  أول الموافقين  وبعدها  يتزايد  العدد  ونطالب  ونتحدث ونصر  ونصابر حتى يتحقق المطالب 


  ربي يرعاكم   جميعا   يا رب   أبونوح من الكويت

[موسى الطمنى 0]

ممكن حسابك على الفيس بوك للتواصل

[موسى الطمنى 0]

اقتراح ممتاز يا استاذ احمد حسن 
وممكن نعمل هاشتاج على الفيس ونراسل بيه كل المؤسسات اللى هى طرف فى الموضوع او مؤثرة عليه
زى رئاسة الوزراء
وننشر على الهاشتاج ده روابط المراسلة للجامعات ورؤساء الجامعات والمجلس الاعلى للجامعات 
و ممكن بردو ناخد رأى دكاترة امعة من اللى ممكن يساندونا فى مطالبنا
والصحف والمجلات و القنوات التلفزيونيه
ويكون ده وسيلة ضغط مجتمعى مش بس الدارسين
بمعنى اخر تشكيل او محاولة تشكيل رأى عام
وعلى الفيس بوك كل واحد مننا له اصدقاءه اللى هيتعاطفوه معاه ويساعدونا فى الانتشار 
وده هيكون شق بالاضافة 
الى الشق القانونى 
يعنى ممكن نجمع الناس المتضررة من التعنت ده وانا واحد منهم
ونرفع قضية

[abo nooh 0]

أهلا  موسى الطمنى    موافق على أقتراحك

khalid oil olive

بالفيس

[abo nooh 0]

أهلا  موسى الطمنى    موافق على أقتراحك

khalid oil olive

بالفيس

[موسى الطمنى 0]

[size=14.666666984558105]‫scu @ eun.eg[/size]
[size=14.666666984558105]ده ايميل المجلس الاعلى للجامعات ولو فيه ايميلات تانيه لأى جهات ممكن تهتم بكلامنا نحطها هنا وكلنا نراسلها[/size]

[موسى الطمنى 0]

[size=13.333333015441895][size=14.666666984558105]‫s c u @ e u n . e g[/size][/size]
[size=13.333333015441895][size=14.666666984558105]ده ايميل المجلس الاعلى للجامعات ولو فيه ايميلات تانيه لأى جهات ممكن تهتم بكلامنا نحطها هنا وكلنا نراسلها[/size][/size]
[size=13.333333015441895][size=14.666666984558105]مفيش فراغات فى اسم الايميل كله قطعة واحدة[/size][/size]

[موسى الطمنى 0]

ايه اللى بيظهر جنب الايميل ده 
حد يفهمنى

[عمرو الدبيكي 0]

معلش يا جماعة يعني احنا  كخرجين تجارة ملناش اي حق في دخول دراسات عليا باي جامعة اخر غير مركز التعليم المفتوح ؟؟؟

[abo nooh 0]

موسى 

هذا  لأن تصميم صفحه المنتدى يبدو أنها لا تقبل وضع ايميلات  ممكن تراسل الأخ حمدي  صاحب المنتدى أو أي واحد من الاخوة  اللي مسؤولين بالمنتدى   إذا كان تود تحط   شيء يفيد الجميع  أو تكتب الموضوع من غير ايميلات  .  هذا اللي أعرفه


عمرو  الإستكمال عندما يحق فهو سيحق لجميع التخصصات  وإذا منع فعلى الجميع يمنع   والمفروض الكل يطالب به  لتحقيقه هذه الأمنيه وكل شيء بامر الله على الله يسير

المهم لا أحد ييأس

[عمرو الدبيكي 0]

ان الي اسمعة ان فية ناس من تجارة كملت دراسات عليا فعلا عشان كده عاوز اتامد علي الكلام ده للجميع ولا لاء

[abo nooh 0]

لا توقف طموحك  وأمض في تحقيقة أخي

[Ana Rema 0]

فعلاً موضوع جامعة حلوان ده صحيح للأسف لأن السنة دي كان فيه طالب مقبول في تمهيدي الماجستير وهو خريج تعليم مفتوح أصلاً وكانوا فعلاً عايزين يرجعوله الملف بتاعه لأنهم مش هيقبلوا طلاب تعليم مفتوح بعد كده.. لولا إن دكاترة القسم رفضوا الوضع ده لأن التيرم الأول تقريبًا كان خلص ولولا إن الطالب ده رفض وهددهم برفع قضية عليهم كانوا رجعوا له الملف بتاعه والسنة راحت عليه!!
وإللي أنا مستغربة له إن كان في اتجاه مؤخرًا لإزالة لوجو التعليم المفتوح من الشهادة عشان ميبقاش فيه تمييز ضد الطلاب بعد كده يعني المفروض إن فيه خطوات للإصلاح.. بس في نفس الوقت فيه مسؤولين بياخدوا قرارات غير مسئولة وبشكل مفاجئ زي ما حصل في جامعة حلوان كده ومفيش عندهم أي اعتبار لمصلحة الطالب!

[عصام شهاب 0]

السلام عليكم ورحمة الله  انا معكم باذن الله ولكن كيف التواصل

[عمرو الدبيكي 0]

انا مستعد للمرحلة التالية عاوز اقدم ورقي في الدراسات العليا هبدء الخطوة الجاية من فين ؟؟؟؟ انا كنت ناوي انزل جامعة القاهرة بس الاحداث الحالية غير مشجعة

[abo nooh 0]

التكميل  للدراسات العليا   ليس بالأمر المستحيل  على  طالب تعليم مفتوح  ولكن  المتعلم نظامي مقدم عليه    ولكن ممكن يكمل أيضا  ماجستير بالتعليم المفتوح  أيضا   ولكن لازم يعرف الدول  اللي تتيح له ذلك  


ولكل شيء طرقه وأسبابه  بإذن الله

[مؤمنه 0]

كارثه بكل المقايس ومش شايفه اى سبب للحرمان غير تعجرف وتكبر الجامعات وكأن العلم حكر عليهم حسبى الله ونعم الوكيل

[Ana Rema 0]

abo nooh كتب:

التكميل  للدراسات العليا   ليس بالأمر المستحيل  على  طالب تعليم مفتوح  ولكن  المتعلم نظامي مقدم عليه    ولكن ممكن يكمل أيضا  ماجستير بالتعليم المفتوح  أيضا   ولكن لازم يعرف الدول  اللي تتيح له ذلك  


ولكل شيء طرقه وأسبابه  بإذن الله

بس مفيش لوايح تمنع طلاب التعليم المفتوح من التسجيل في برامج الدراسات العليا في الجامعات.. ولو اتصلت سألت في مركز التعليم المفتوح هيقولولك من حقك تكمل ماجستير ودكتوراه بعد التخرج.. يعني الموضوع لا يخرج عن كونه تعنت من بعض أقسام الكليات.. خصوصًا إن إللي أنا أعرفه إن كل الكليات التانية الطالب بيسجل فيها ماجستير ودكتوراه عادي يعني المشكلة تحديدًا مش موجودة غير في أقسام اللغات في آداب ودار علوم. وحجتهم في آداب إن مفيهاش ماجستير تخصص ترجمة رغم إنهم وعدوا كتير بأنهم هيخلوا دبلومة الترجمة معادلة لتمهيدي ماجستير عشان الطالب يقدر يكمل بعدها لكن للأسف مفيش وعود بتتنفذ. أما كلية ألسن وكلية لغات وترجمة جامعة الأزهر إللي فيهم ماجستير ترجمة، فمش بيقبلوا طلاب التعليم المفتوح وبيقولوها عادي كده لأي طالب بيروح يقدم!
المفروض زي ما الكلية بتاخد من الطلبة رسوم تضمن لهم حقوقهم وإن مفيش أي تمييز يُمارس عليهم.. وبعدين لو هم مش عاجبهم مستوى طلاب التعليم المفتوح يبقى العيب الأساسي من عندهم.. أنا عارفة إن فيه بعض الطلاب إللي مستواهم ضعيف.. لكن قبلوهم ليه من الأول وسمحوا لهم يعدوا امتحان القبول ويجتازوا 4 سنوات دراسية وياخدوا الشهادة ليه.. عشان الفلوس إللي بيدفعوها؟
للأسف الجامعات معتمدة بسكل أساسي على الفلوس إللي بتجيلها من التعليم المفتوح بس ده وضع مش منصف بالمرة والمفروض الفيصل في القبول مش إن الطالب خريج نظامي ولا تعليم مفتوح ولكن الفيصل هو اجتيازه لاختبار القبول في برنامج الماجستير الخاص بالكلية إللي متقدم ليها!

[Ana Rema 0]

عمرو الدبيكي كتب:

ان الي اسمعة ان فية ناس من تجارة كملت دراسات عليا فعلا عشان كده عاوز اتامد علي الكلام ده للجميع ولا لاء

فعلاً إللي أعرفه إن المشكلة موجودة في آداب أقسام اللغات ودار علوم بس باقي الكليات عادي.

[مؤمنه 0]

انا عايزه افهم حاجه دلؤقتى مثلا دبلومة الترجمه بالجامعه الامريكية من شروط الالتحاق بيها حصول المتقدم على البكالوريوس طيب شهادة القسم بالجامعه المفتوحه معترف بيها ولا برضه الجامعه الامريكية هترفضها زى م الجامعات المصريه رفضاها  ودى مجرد دبلومه بقا 

[Ana Rema 0]

مؤمنه كتب:

انا عايزه افهم حاجه دلؤقتى مثلا دبلومة الترجمه بالجامعه الامريكية من شروط الالتحاق بيها حصول المتقدم على البكالوريوس طيب شهادة القسم بالجامعه المفتوحه معترف بيها ولا برضه الجامعه الامريكية هترفضها زى م الجامعات المصريه رفضاها  ودى مجرد دبلومه بقا 

لأ أعتقد الجامعات الأجنبية والخاصة مفيهاش المشكلة دي.. هي بس المشكلة إنها مش مناسبة لكل الناس من ناحية تكاليف الدراسة. بصي هي جامعة القاهرة بتقبل طلبة التعليم المفتوح عادي في الدبلومة وفي سنة قبلتهم في التمهيدي وزمايلي قدموا وقتها وواحدة بس إللي اتقبلت وده تقريبًا كان سنة 2011/2012.. لكن تقريبًا رجعت تاني متقبلهمش في التمهيدي وده بسبب استياء بعض الدكاترة جوة أقسام اللغة وإللي في نفس الوقت شاغلين مناصب إدارية فبيبقى ليهم سلطة طبعًا على شئون الطلبة وإللي بيقولوه بيتنفذ حتى لو كان يتعارض مع اللوايح!
جامعة حلوان بقى على مدار السنين إللي فاتت كانت بتقبل طلبة التعليم المفتوح عادي بس طبعًا كده كده عدد المقبولين هناك لازم يكون 20 بالكتير واختبارات القبول هناك صعبة فعشان كده كان طالب أو اتنين هم إللي بيتقبلوا من كل طلاب التعليم المفتوح إللي بيكونوا مقدمين. بس السنة دي الطالب الوحيد إللي اتقبل وهو مستواه ممتاز أصلاً كانوا عايزين يرجعوله ورقه بس لما هددهم برفع قضية والدكاترة وقفوا في صفه سابوه يكمل.. لكن فعلاً من السنة الجاية مش هيقبلوا حد تاني من طلبة التعليم المفتوح!! خدوا القرار مع نفسهم كده!!
وجامعة عين شمس برضه كلية آداب مفيهاش ماجستير ترجمة وألسن مش بتقبل طبعًا تعليم مفتوح ولا هي ولا الأزهر لأني أعرف ناس قدموا هناك ومرضيوش يقبلوهم.
وكل إللي أعرفه إن فيه جامعات في الأقاليم حاليًا بتقبل طلبة التعليم المفتوح في ماجستير الترجمة.
بس الموضوع ملوش علاقة بكلمة "تعليم مفتوح" بس.. الموضوع ليه علاقة بتخصص ترجمة إللي مش موجود كتخصص ماجستير في معظم كليات آداب وكلية آداب الوحيدة في نطاق القاهرة إللي فيها ماجستير لغة وترجمة هي حلوان إللي خدت القرار السنة دي بعدم قبول المزيد من طلاب التعليم المفتوح!!

[مؤمنه 0]

Ana Rema
شكرا جزيلا لردك واهتمامك     وبما ان الدراسات العليا اصبح بابها مغلق الا الدبلومات المتاحه من المركز واللى اعتقد انها لا تشبع طموح من اراد فعلا استكمال دراساته العليا طيب ايه اللى متاح لينا هل فعلا كل الطرق مغلقة وعلينا الاكتفاء فقط بالليسانس وانتهى ؟؟؟؟؟  

[Ana Rema 0]

مؤمنه كتب:

Ana Rema
شكرا جزيلا لردك واهتمامك     وبما ان الدراسات العليا اصبح بابها مغلق الا الدبلومات المتاحه من المركز واللى اعتقد انها لا تشبع طموح من اراد فعلا استكمال دراساته العليا طيب ايه اللى متاح لينا هل فعلا كل الطرق مغلقة وعلينا الاكتفاء فقط بالليسانس وانتهى ؟؟؟؟؟  

العفو يا حبيبتي. للأسف حاليًا المتاح دبلومات الترجمة فقط وفيه جامعات في الأقاليم بتقبل طلاب التعليم المفتوح زيهم زي طلاب النظامي في برنامج ماجستير الترجمة لكن المشكلة إن مش كل الناس هتقدر تسافر تدرس في الأقاليم! الموضوع محتاج وقفة جامدة لأن كده مركز التعليم المفتوح غرر بالطلبة وفهمهم إنهم هيتقبلوا في أي كلية وإنهم من حقهم يدرسوا في برامج الدراسات العليا وطبعًا كل ده محصلش وفيه تمييز جامد محتاج مننا وقفة عشان ينتهي!

[محمود حسن 0]

تحية طيبة لجميع الزملاء بالمنتدي  _ ( انا من كتب هذا الموضوع ) وبعد صراع طويل مع الناس دي هو :
خلاصة القول بعد البحث والمشاورات والمشادات احب اطمنكم ان التعليم المفتوح اتعمل انه يبقي مصدر دخل للجامعات وبس ومن قمة فساد دكاترة الجامعات اننا لنا حق استكمال دراسات عليا حتي ولو جايب مقبول بنظام الساعات المعتمدة الا ان الموضوع متوقف علي مزاج سيادتهم ومش هتعرف تاخد منهم حق ولا باطل الا اذا دفعت لهم فلوس او حد من اهلك دكتور في الجامعه بكدا تقدر تدخل
انا قعدت مع رؤساء نيابة ادارية وقالوا الدكارة متحصنين من المسائلة امام النيابة الادارية والا كنت استدعيتهم واستجوبتهم انما مش محصنين من النيابة العامة
المهم
عشان ناخد حقوقنا من الفاسدين دول ومن الدولة الا عملت التعليم ده ومش معترفين بيه فالحل انه لازم نجتمع باكبر عدد ممكن ونعمل لهم وقفة ولازم الطلبة الا لسه في مرحلة الدراسة ينضموا لينا عشان نستفاد بالعدد وعشان لما يتخرجوا يلاقوا الطريق مفتوح قدامهم وده اخر حل غير كدا ؟ يبقي رغي وكتر كلام بدون داعي وعايزكم تشاورا نفسكم وكل واحد يقول للعدد الا يقدر عليه وعرفوني هيبقي عددنا كم وانا اولكم وعلي راسكم في المطالبة بحقوقنا لان مفيش حد من حقه يحجم حد او يحدد له يتعمل لحد فين ويكمل لحد فين ويتركوا باب العلم متاح للجميع وكفائة الشخص نفسه هيا الا هتحدد هيتوقف عند اي درجة علمية
وفيه ظروف مادية وغيرها منعت ناس كتير من التعليم الا انهم لو اتحصلوا علي الفرصة دي اعتقد انهم هيبقوا شيء عظيم اتمني تكون الرسالة وصلت وفي انتظار الرد للفعل الحقيقي مش للكلام وبس

[Hana09 0]

مفيش غير انك تعمل جروب علي الفيس عشان يتجمع اكبر عدد ممكن ياريت تبدأ بالمبادرة واحنا معاك ان شاء الله