اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
nora1

أمن الجامعة زهقني ..

Recommended Posts

يا طلبة التعليم المفتوح من فضلكو ردو عليا


في مواد معينة كل ترم بيجوا الدكاترة بيضيفو محاضرات يعني محاضرات اضافية عن اللي في الجدول
سؤالي ليه الاضافات دي متنزلش على النت الصفحة الشخصية ؟؟
يعني اللي متابع وبيحضر باستمرار هو بس اللي يعرف بالاضافات دي
يعني مثلا لو الواحد مرض في اليوم ده خلاص ميعرفش بالاضافة .!


وفوق كدا انهم مبيبلغوش الأمن يعني نيجي احنا طلبة التعليم المفتوح عشان ندخل الجامعة مبيدخلوش حد
ويقولولنا ده مش يومكو 
طب نعمل ايه في محاضرة جوا والأمن مش راضي يدخلنا


يعني السنة اللي فاتت حصل معايا نفس الموقف والأمن مرضيش يدخلني متجادلتش معاه كتير خدت بعضي ورحت على المركز وبهدلت الدنيا وبعد كده جه معايا واحد من المركز وبلغ الأمن عند الجامعة انهم يدخلونا ....... طب ليه ما كان من الأول لازم الواحد يفكركو بواجبكم.
ما علينا بقيت أأقولها كتير من ساعة ما دخلت التعليم المفتوح
نفس المشكلة بتكرر تااني واروح والأمن معندوش خلفية ويوقفنا على الباب........
بصراحة عايزاكو انتو تردو عليا أعمل ايه تاني أكتر من اللي عملتو ؟؟!!!!


حاجة تانية معلش مشهطول عليكو
الاستعلامات الجميلة اللي في المركز فايدتها ايه بجد حد يرد عليا عشان انا وصلت لاخري
أروح أسألهم مثلا سؤال في الاستعلامات آجي ألاقي حاجة تانية خالص غير اللي قالوها..!!


أنا نفسي أعرف هم ليه مبيهتموش بينا....؟!يارتني اخترت انتظام من الأول بندم ،
ندخل المحاضرة ولسة مفيش اي استعدادات حتى بعد ما الدكتور يدخل فين البرجكتر والأوراق لسة مجتش والقلم مش بيكتب والمايك مش عايز يشتغل
يعني آخر اهمال وبوزان أعصاب وتأخير لما غاية يجيبو الحاجة



والله بالشكل ده مبيحببوش الواحد في التعليم...بيكرهو اكتر ما هو كارها
ليه كدا !! فين الرقي والحضارة والتقدم والتكنولوجيا فيييييييييين ...؟

أنا عايزة حد يجاوب عليا هل الشئ ده طبيعي يعني بيحصل دايما عشان لو طبيعي متكلمش تاني ...
آسفة على الاطالة.
والسلام عليكم.


في أمان الله.

شارك هذه المشاركه


رابط المشاركه
شارك
الشيء ده طبيعي طبعا ، وموضوع انك تسالي عن شيء وتاني يوم تلاقي اجابه مختلفة تماما عن امس

وممكن تسالي موظف في نفس الوقت وتسالي واحد تاني يقولك كلام غير الي قاله الي قبله يعني

شوفي انتي لما يجتمع التوهان والاهمال مع بعض ايه الي هيحصل مثلا وهتكون ايه النتايج !

 ومتلاقيش معلومه اكيده ابدا 

معلش ربنا يعينا ويعينك لحد متخلص الدراسة .

شارك هذه المشاركه


رابط المشاركه
شارك
آآآه
اممممم
طبيعي
أوكــــ
نو كومنت


اهمال وتوهان النتائج ايجابية طبعا يا أ/عمرو ولا ايه أهو بالمرة طبيعي 
كل شئ طبيعي في التعليم المفتوح.


شكرا لاقيت حد رد عليا.
في أمان الله.

شارك هذه المشاركه


رابط المشاركه
شارك
على رايك استاذة نورا بيكرهوا الواحد في التعليم 
حصل معايا شخصيا مواقف كتير مع اني مسافر حاليا في السعودية وبنزل على الامتحانات ومش بحضر زيكو ولا حاجة .  

اول حاجة مفيش اي اهتمام بطالب جامع عشرة مواد مع بعض يعني ممكن امتحن كل يوم عادي بالنسبلهم  لما كنت فصلت وجبت اخري والحمد لله 
تاني شئ الاهمال الاداري عن اي استفسار وعدم الوعي لدي الاداريين بارشاد الدارسين  .

اخويا علشان يسجل ليا العشر مواد لازم يروح القاهرة بدل ما يسجل ليا في كفر الشيخ طيب ايه فائدة فروع الجامعة كده بالاقاليم .  
ولا قصة الامتحانات وتاخير الامتحانات ولما ندخل اللجنة ويضيع اكتر من ربع ساعة في من وقت المادة وبعدين اطلب اي وقت ولا حياة لمن تنادي.

ولا عدم تحديث المادة العلمية ال موجود على الصفحة الشخصية  لاني ده كان سبب في مفاجئة ليا في الامتحان غير ال ذكرته من الصفحة الشخصية .

مش هقول غير ربنا يصلح حال مصر يارب .

شارك هذه المشاركه


رابط المشاركه
شارك
أنا كمان كنت في السعودية وكنت ضامة تيرمين ونزلت على الامتحانات علطول
ونفس الشئ محاضرات كانت قديمة وامتحانات من سنين قديمة أوي 2007 و2006
يعني مكنش فيه جديد وعديت الحمد لله من غير ما أحضر محاضرات
وحتى لو اشتكينا محدش هيسمعنا
وحكاية انه يضيع من وقت الامتحان اكتر من ربع ساعة الصراحة محصلتش معايا قبل كدا بس حصل مواقف تانية
زي مثلا...
ان أروح الامتحان عند المبنى والقاعة (ده اللي محددينو في الجدول عندي في الصفحة الشخصية) بعد ما أروح يقولولي لآ مكانك مش هنا وأروح بقى أدور !! في عز الامتحانات مع توتر الأعصاب ....
ده خلااااص بقى شئ طبيــــــعي وانا خدت هحاول آخد على كدا لحد ما أخلص.


وربـــــــــنا يصلــــــــح الحــــــــال.
وربنا معاك أ/أحمد.


في أمان الله..

شارك هذه المشاركه


رابط المشاركه
شارك

السلام عليكم اختي العزيزه نورا

ان الامور التي ذكرتيها تحصل معنا في العراق في التعليم المركزي اي التعليم العادي ليس المفتوح (لا اعرف ما تسمونه عندكم)فما بالك بالتعليم المفتوح

وانظري لما حصل في يوم من الايام لاختي د.ذكرى  وهي تحمل شهادة الكتورا وتدريسيه قديمه ومعروفه في كلية العلوم قسم علوم الحياة عندما جاء موضف جديد (جديد)الى الاستعلامات وارادت اختي المرور اوقفها مطالبا بهويتها فاخبرته انها تدريسيه وارته الهويه فمررها علما بدون رد لطيف منه ثم في اليوم التالي تكرر نفس الموقف وفي اليوم الثالث والرابع والخامس و.......الى مده طويله وعندها قررت اختي استخدام اسلوب اخر غير لطيف بالمره ولكن بعد هذا الموقف الذي اجبرها عليه بدا يحترمها ولا يقوم بايقافها فانظري الى المساله كيف اننا تعودنا على استخدام اساليب غير لطيفه لفرض الاحترام وهذا ملا يقبله العقل والمنطق عن مفهوم الاحترام (علما اننا جميعا اخبرناها بانها مخطئه )واعتبرناه تكبرا منها ولكن ربما كانت تشعر بالاحراج من طلابها عندما ينكر معرفتها وعلى العموم هذا موقفها وهي من اختارته

شارك هذه المشاركه


رابط المشاركه
شارك
أهلا بحضرتك 
...وعليكم السلام ورحمة الله وبركاته


أنا قصدي التعليم المفتوح اللي انا فيه
مقدرش أنكـــــــــــر ان في كل مكان في حاجات بتحصل زي اللي انا ذكرته واللي حضرتك ذكرتيه
وعلى فكرة أسلوب أختك ده هو ده اللي بيمشي اليومين دول للأسف
ان الواحد يستخدم أساليب هوه مش عايزها بس عشان أموره تمشي لازم
لا زم الواحد يتعصب ويشتكي ويتنرفز ويزعق عشان مطلبه يتحقق بالذات المصالح الحكومية


وكل اللي أأقدر أأقوله يارب اصلح الحال
عندنا وعندكو


نورتيني flower 


في أمان الله.

شارك هذه المشاركه


رابط المشاركه
شارك
بارك الله فيك اختي نورا وندعوا من الله ان يصلح احوال الجميع بحوله وقوته تعالى وشكرا لاهتمامك


شارك هذه المشاركه


رابط المشاركه
شارك
السلام عليكم ورحمة الله وبركاته
والله الحاجات دي بتحصل في مصر وبرا مصر كمان
يعني المركز ولا ليه اييي اهميييية ولو هسأل عن حاجه بخصوص التعليم المفتوح بشكل عام الاقي الموظفه تقولي انتي تسجيلك فين اقولها القاهرة تقولي اااه اسسفه مقدرش ارد عليكي احنا ملناش صله بيكي انتي تابعه للقاهرة
طيب يا ست الكل اديني رقم اتواصل بيه مع الي في القاهرة ما انتو كلكو تابعين لبعض تقولك اسفه مقدرش اخدمك !!

تحسي كأنك حشرة واقل شويتين تلاته

وفالامتحان لو اتأخرنا ربع ساعه ده يبقى فضل من عند ربنا لاننا فالواقع بنتأخر اكتر من كده وورق الاسئله ناقص واستني لما نصورلك من عند حد ويدورو على اسمي ف ساعه عشان انا عاملة تحويل للامتحان ده غير الزعيق فاللجنه والتفتيش الي كل خمس دقايق عالسماعات والفونات والبرشام وتلاقي فجأة خير اللهم اجعله خير حد جاي من ورى ويمسك ورقة الاجابة وينفضها بهمجيه بيدور على برشام
طيب يا عم الحج بالرااحه من الخضه ببقى نسيت انا مين اصلا 
موااقف بصراحه اعجز عن وصفهاا بالكلام وكلو كووم والوسايط كوم تااني
يعني ممكن اتفتش خمس مرات فالربع سااعه وانا مش معايا حاجه بينما الي جنبي معاها كل حاااجه سماعات تلاقي .. برشام تلاااقي .. كتابه عالدسك تلااقي .. ومحدش بيكلمهااا

ربناا يعييينا جميعا فالجامعه دي ونخلص منها قبل ماتخلص علينااا

تحياتي ..

شارك هذه المشاركه


رابط المشاركه
شارك
وعليكم السلام ورحمة الله وبركاته..
أهلاً بحضرتك




بالضبط زي ما حضرتك قولتي
ربنا يعينا في الجامعة دي ونخلص قبل ما تخلص علينا....


حاجاااات كتيييير بتحصل ولا حياة لمن تنادي...فبطلت أشتكي أو أتكلم...لأن محدش هيسمعنا.


ربنا يهدي ويصلح الحااال يارب..


تحياتي.
في أمان الله..

شارك هذه المشاركه


رابط المشاركه
شارك

فعلا مفيش فايده من الكلام للاسف

اميين يارب وربنا يوفق الجميع ان شاء الله 
 flower

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.