الملابس الصحيحة للجو البارد

[Hamdy Tawfik-manar9 0]

الملابس الصحيحة للجو البارد

النوت دي علشان أصحابي المتجمدين في موجة البرد اللي في مصر دلوقتي، بس المعلومات دي مفيدة كمان للي هايسافر بلد باردة لأول مرة أو هايعدي عليه أول شتاء في بلد فيها برد ومطر وتلج. المصطلحات بالانجليزي فوق صور الملابس علشان اللي عايز يدور عليها ويشتريها

أولا فيه بعض المعلومات العامة المهمة نقولها سريعا

جسمك بيجيب الحرارة من حرق الدهون، لو مش فاطر مثلا هاتحس بالبرد أكتر لإن اللي أكلته في العشاء اتحرق من زمان وجسمك ناقصه طاقة، لازم تفطر كويس قبل ما تنزل الصبح في الجو البارد، وأفضل أكل في الحالة دي اللي بيدي سعرات حرارية وبيتهضم على فترة طويلة زي الحبوب والبقول والدهون والألياف، الفول والبيض مثلا و معاهم رغيف عيش بلدي وشوية عسل وشاي بلبن ده إفطار مثالي في البرد

في نفس الوقت ده معناه إن الشتاء وقت مثالي لفقد الوزن لو نظمت أكلك ورفعت مستوى الحركة والنشاط

خد بالك إن درجة الحرارة غير إحساسك بالبرد. في مواقع الطقس هتلاقي معامل تاني مهم علشان تعرف تحدد هاتلبس إيه. سرعة الرياح. كل ما زادت سرعة الرياح كل ما إحساسك بالبرد هايزيد رغم إن درجة الحرارة نفسها قد تكون ثابتة. يعني في درجة حرارة 5 لو فيه رياح ممكن تحس بيها على إنها 2 أو صفر 

الإحساس بالدفء مش من الهدوم اللي انت لابسها، الدفء بييجي من كمية الهواء اللي الهدوم دي بتقدر تحافظ عليها والطاقة اللي طالعة من جسمك تدفيها، لذلك الصوف من المواد الجيدة في التدفئة لإنه بيحتفظ بالهواء بين خيوطه، وعلشان كده لازم تلبس عدد من الطبقات فوق بعض لإن طبقات الهواء اللي بينها هي دي الل بتعزل جلدك عن الجو البارد. لو لبست طبقة واحدة سميكة هاتحس بالبرد برضه. الطبقات دي مش لازم تبقى ثقيلة وسميكة وتبقى عامل زي رجل الثلج، ممكن تبقى رفيعة جدا، المهم المادة اللي مصنوعة منها، زي صوف المارينو أو الكاشمير أو الفليس

لو اتحركت كتير أو لعبت رياضة وعرقت داخل هدومك في البرد ده هايسبب لك إحساس شديد بالبرودة، لذلك المادة اللي مصنوعة منها ملابسك الملاصقة لجسمك مهمة جدا، القطن في الملابس الملاصقة للجسم اختيار سئ جدا في البرد لإنه بيشرب العرق وبالتالي هايحسسك بالبرودة جدا، الألياف الصناعية اختيار أفضل في الجو البارد

جسمك يفقد حرارة أكثر وأسرع من رأسك ومن أطرافك، وبالتالي دي أهم أماكن تدفيها لإنها لو معرضة للبرد هاتشعرك بالبرد جدا

نييجي بقى لنوع الملابس وطبقاتها

الأساسي إننا نلبس 4 طبقات، كالتالي

الطبقة الأولى هي الملاصقة للجسم تعتبر أهم طبقة في الجو البارد والمتجمد، لازم تبقى من مادة تمتص الرطوبة في الاتجاه المعاكس لجسمك بحيث تخرجها بعيد عن جلدك، لذلك الألياف الصناعية أفضل من القطن بكثير جدا، ويا ريت تكون من مادة حرارية مخصوصة للبرد. ومهم كمان أنها تبقى ماسكة على الجسم تماما و طويلة حتى رسغ اليد وحتى كاحل القدم، ده بالنسبة للرجال والنساء والأطفال، وشكلها كده
Thermal Underwear



غالبا الطبقة دي هي السبب إن الناس هنا حاسين بالبرد جدا لإنهم مش عارفين عنها حاجة
اللي ممكن يجيب من الخارج، فيه أنواع كتير أفضلها صوف المارينو وده غالي شوية، لكن الأنواع العادية نفس تمن البادي الكارينا عندنا، واللي معندوش مصدر من الخارج يقدر يجيب من هنا فيه في محلات الرياضة ومحلات الملابس الحريمي، في أسوأ الظروف ممكن استبدالها ببادي وليجينج ليكرا أو ألياف صناعية

الطبقة الثانية اللي فوقها هي اللبس العادي، بادي أو بلوفر برقبة من صوف خفيف مثلا وجينز، لو هاتبقى في جو مطر، فيه جينز مقاوم للمياه أو مبطن فليس، وفيه محلات في البلاد الباردة بتضيف شمع على الجينز والبالطو من الخارج علشان ما تتبلش من المطر
Waterproof Jeans



الطبقة الثالثة اللي فوقها الأفضل تبقى ممكن خلعها أو إبقاءها حسب الجو داخل الأماكن المغلقة علشان غالبا بيبقى فيها تدفئة ودرجة حرارتها 23 درجة، فمثلا تبقى سويتر بزراير أو بسوستة، أو فيست (صديري) مصنوع من الصوف أو الفليس (ألياف صناعية، زي البطانية كده) علشان يتشال بسهولة لو الدنيا دفا زيادة عن اللزوم في الأماكن المغلقة
Fleece Sweater



الطبقة الرابعة هي الطبقة الخارجية، اللي هي البالطو أو الجاكت المانع للرياح ومضاد للماء، بيبقى حشوه ريش طيور، وزنه خفيف جدا ولكن عامل زي الفرن في التدفئة. أنصح إنه يكون طويل شوية للنساء علشان يحتفظ بأكبر قدر من الحرارة لأن الستات بتحس بالبرد أسرع. نعمل حسابنا إننا هانشيله لما ندخل أماكن مغلقة ونرجع نلبسه تاني واحنا خارجين الشارع
شكله كده
Down Coat



ده كده الأساسيات، نيجي للباقي: الكوفية والشراب والجوانتي والحذاء وغطاء الرأس
كلها المفروض تكون بتدفي ومن مادة ما بتسببش عرق، فيه من نفس مادة الملابس الداخلية شرابات وجوانتيات على فكرة
الشراب مهم جدا إنه يكون سميك وبيدفي كويس علشان لو فيه مطر أو تلج هاتحس بالرطوبة جدا، ممكن تلبس الشراب طبقات برضه في الجو البارد جدا، وكذلك الجوانتي، طبقة داخلية رقيقة وطبقة خارجية سميكة

بالنسبة للحذاء المناسب: يكون مضاد للماء، والخياطات محكمة علشان ما يدخلش منه مياه، النعل سميك (ليمنع البرد والرطوبة) وفيه تعرجات علشان يمنع الانزلاق لو فيه مياه أو طين أو ثلج
ده شكل بوت المطر الجيد المصنوع من المطاط
Rain Boots



بالنسبة لغطاء الرأس: المحجبات يا ريت نبعد عن الطرحة الرقيقة واللي ممكن تبوظ من المطر، لو مضطرة يبقى تعملي حسابك تغطيها إما بالهود بتاع البالطو أو بشمسية أو بكوفية سميكة
بالنسبة للرجال الأمر متروك لكم، آيس كاب أو كاب أو أي غطاء رأس مقبول بالنسبة لك
لاحظ إن في الجو الممطر العاصف تصبح الشمسية لا قيمة لها لذلك يكون اعتمادك على البالطو والبوت فقط



المهم في الموضوع إنك تحاول تقلل حجم الجلد المعرض للهواء، وتتأكد إن مفيش أي بلل واصل لجلدك، وتمنع الهواء تماما إنه يدخلك أو إن الهواء الدافئ من جسمك يتسرب للخارج، لذلك الكوفية مهمة وكذلك أساور الجاكت إنها تكون محكمة حول المعصم علشان ما تسربش هواء أو بلل. 

نتمنى لكم شتاءا سعيدا


نقلا عن صفحة احد الاصدقاء علي الفيس بوك

[galal elmadny 0]

 

[nora1 0]

 
 


  


في أمان الله..

[عادل عبدالعزيز3 0]

أدفأ الله قلبك

[ام منتظر 0]

واود اضافة هذه المعلومات

بما اننا في العراق نمر بموجة برد

يقول خبراء تغذية أنه بالإمكان " الضحك على أجسامنا" في فصل الشتاء والشعور بالدفء والقوة عن طريق تناول أطعمة تخدع الجسم وتجعله يعتقد أن الفصل الآن هو الصيف،

وبحسب أؤلئك الخبراء فإن التغلب على البشرة الجافة والمزاج السيئ في الموسم البارد يكمن في تناول 5 أنواع من الأطمعة هي:

-1تناول السمك الكثير الدهون واللوزللمحافظة على صحة البشرة: الجو البارد بالخارج مقابل دفء المنزل يتسبب في جفاف الجلد وتقشيره، وإذا كانت الكريمات تعالج تلك المشاكل فإن تغيير نظامك الغذائي قد يجنبك تلك المشاكل من الأساس.

وللحفاظ على بشرة ناعمة للمرأة ينصحها الخبراء بزيادة تناول الدهون المفيدة التي تحمي جميع الخلايا بما في ذلك خلايا الجلد، وتقول كريستين كلارك مديرة التغذية الرياضية بجامعة ولاية بنسلفانيا: "إنه إذا ما تناول الشخص كمية قليلة من الدهون تصبح البشرة هشة، لهذا يجب إضافة الأحماض الدهنية أوميجا 3 لطعامك بتناول أسماك السالمون عدة مرات بالأسبوع للحفاظ علي بشرتك، ولزيادة نسبة فيتامين H في طعامك يمكنك تناول أنواع أخرى من الأطعمة التي تساعد على حماية البشرة مثل اللوز واليقطين وحبوب عباد الشمس، لأن نقص ذلك الفيتامين قد يؤثر في نوعية ونسيج الجلد".

-2 تناول الحليب المنزوع الدسم لتفادي المخاط: حيث يعتبر شرب الحليب القليل الدسم الأسهل في الحصول علي حاجة الجسم من فيتامين د. حين يصعب على المرء ممارسة الرياضة في صالة الألعاب أو التجول في الهواء الطلق والاستمتاع بأشعة الشمس الدافئة، ويقول خبراء التغذية أن المرء يحتاج 200 وحدة من فيتامين D كل يوم ويمكن للحليب المعقم تقديم تلك الكمية بسهولة، وهي التي تحميك من سعال زملاء العمل

3 -تخلص من كآبة الشتاء بطبق مليء بالشوفان: فإذا ما تناولت أطعمة غنية بالمواد الكربوهيدراتية مثل دقيق الشوفان يمكنك استعادة هرمون السعادة الذي يزيد في فصل الصيف، وفي هذا الصدد تقول العالمة جوديث ورتمان كاتبة كتاب "قوة طعام السيروتونين" إنه عندما يصبح النهار أقصر تقل مادة السيروتونين الكيميائية التي تحافظ علي الشعور بالسعادة، كما أن ذلك الشعور بالإحباط الذي يصيبنا في فصل الشتاء ما هو إلا ناتج عن نقص مادة السيروتونين في المخ بسبب الحرمان من أشعة الشمس."

حيث أن مادة السيروتونين يمكن الحصول عليها من بعض الأطعمة فقد تظن أن الأمر يسهل التغلب عليه بتناول بعض تلك الأطعمة.

إلا أن الأمر ليس كذلك فمخك في حاجة إلي تصنيع تلك المادة بنفسه كي تحصل على ذلك الشعور بالمرح. ويمكن أن يحدث ذلك بتناول الطعام المناسب بالمقدار المناسب كي تحدث التفاعلات الكيمائية المطلوبة في الجسم. "مع قدوم الشتاء يسوء مزاجك فإذا ما تناولت أطعمة غنية بالكربوهيدرات مع المحافظة علي السعرات الحرارية المطلوبة يمكن لمخك استعادة مادة السيروتونين كما كان الحال في فصل الصيف." تقول ورتمان معلقة.

وتنصح ورتمان بتناول طعام غني بالكربوهيدرات ذات سعرات حرارية تتراوح بين 150-200 سعر حراري مع شرائح قليلة الدسم بعد الظهر (وهي الفترة التي يسوء فيها المزاج). حاول أن تحتوي تلك الوجبة على دقيق الشوفان. وهناك مصادر أخري للمواد الكربوهيدراتية نجدها في قطعة صغيرة من البطاطا أو التوست الأسمر أو الفطائر الإنجليزية (English Muffin) مع قليل من المربي أو بعض من البسكويت المملح الصلب. وتنصح ورتمان بتجنب الوجبات الغنية بالبروتين لساعتين قبل تناول تلك الوجبة الخفيفة

-4احتفظ بخزانة من طعام قليل السعرات : إن الرغبة الجامحة لتناول الكعك المغطي بالشيكولاته في أيام البرد الشديدة ليست مجرد أمر نفسي ولكنه شعور طبيعي بالجوع ينتج عن ذلك الطقس البارد كما تقول نانسي دونكان مؤلفة " كتيب نانسي دونكان للتغذية الرياضية".

وتوضح دونكان:"يدرك عقلك أن الطعام يزيد من درجة حرارة الجسم ويدفئك, لهذا يرسل إشارات تشجعك على تناول الطعام.

وبدلاً من اللجوء للأطعمة الضارة السريعة أحتفظ بخزانة الطعام مليئة بالأطعمة قليلة السعرات الحرارية التي تشعرك بالشبع والامتلاء بسرعة".

وتقول باربرا رولس أستاذ علوم التغذية بجامعة ولاية بنسلفانيا: "الماء من أكثر الأشياء تأثيراً في تركيز السعرات الحرارية لهذا فعندما تتناول الفاكهة والخضروات والحساء (الأطعمة الغنية بالماء) سوف تشعر بالامتلاء," .

وتضيف: " أن الأطعمة الغنية بالماء مثل البطيخ و ودقيق الشوفان تظل فترة أطول بالمعدة. كما أن هناك عامل نفسي في هذا الأمر إذ يخبرك عقلك أن طبق كبير من الحساء تبدو مشبعة أكثر بكثير من كعكة الدونت المحلاة حتى لو أن كلاهما يحتوي نفس السعرات الحرارية".

-5 تناول المياه عند ممارسة التمارين أو أي عمل شاق : فعند ممارسة الرياضة في البرد يتصبب الإنسان عرقاً إلا أن هذا العرق يجف قبل أن تلاحظه، لذلك فإن تناول كميات جيدة من المياة يحفظ الجسم من الجفاف حتى لو لم يكن الإنسان يشعر بالعطش، وتقول آن جراندجين المديرة التنفيذية لمركز تغذية الإنسان أنه ينبغي تعويض السوائل التي تفقدأثناء ممارسة التمارين البدنية، ووزن نفسك قبل وبعد التمارين.

ومع نقص كل رطل من جسمك يجب تناول فنجانين من السوائل (فأي فقدان للوزن يحدث خلال ساعات يكون بسبب نقص المياه من الجسم). ويمكنك أن تتناول أي مشروبات تحبها سواء كانت غنية بالكافيين أم لا.

[عادل عبدالعزيز3 0]

Hamdy Tawfik
 وأفضل أكل في الحالة دي اللي بيدي سعرات حرارية وبيتهضم على فترة طويلة زي الحبوب والبقول والدهون والألياف، الفول والبيض مثلا و معاهم رغيف عيش بلدي وشوية عسل وشاي بلبن ده إفطار مثالي في البرد


ام منتظر
احتفظ بخزانة من طعام قليل السعرات 
أحتفظ بخزانة الطعام مليئة بالأطعمة قليلة السعرات الحرارية التي تشعرك بالشبع والامتلاء بسرعة".
أنا كدة بقيت محتار نديها سعرات حرارية ولا مندهاش علشان نقاوم البرد ده   

[ام منتظر 0]

 لو دققت النظر سوف تجد تشابه بالفكره