الحمد لله علي الفول والطعمية المصرية

[عادل عبدالعزيز3 0]

بسم الله الرحمن الرحيم " وأحل لكم الطيبات " صدق الله العظيم
بعد هذة الوجبات نحمد ربنا علي الفول الطعمية المصرية المية مية(0/0100)

في البداية ولكن علشان نحمد ربنا علي أكلنا إللي مش عاجبنا وعايزين نقلد غيرنا في العالم وعارف كل إللي هيتقال عليا الله يق--- جتك الأ---- 

نبدأ مع (الجبنه الفاسده) وهى تؤكل فى ايطاليا

عناكب مشوية

سمكة من النوع السام

شوربة ديدان

شوربة أعشاش الطيور

طبق مشكل

بالمكسرات

أخطبوت طازج

معندهمش وقت للطهي

مكرونة الصراصير

كفاية كدا ويلي نهضم ونحلي

   

[man_reda 0]

أنت ليه باصص لنص الكوبايه الفاضى !!  

بدل ما تبص للأكل وكل واحد ونفسه بص للتقدم اللى بقو فيه وأحنا بناكل الفول والطعميه .. كل الشعوب وليها الطقوس والنظام بتاعها

يعنى مثلا هما مبيكلوش الفول والطعميه والمش وأحنا مبناكلش القرف ده وقيس على كده حاجات كتير .. بس شوف هما بقو فين وأحنا فين

هما بيتقدمو بسرعه الصاروخ وأحنا بنتقدم بسرعه السلحفاه .. لو تقدمنا أصلا

و الحمد لله على نعمه الإسلام

[عادل عبدالعزيز3 0]

الأخ الزميل Reda::قف::  إنني لم أقصد أبداً الإساءة لهذة الشعوب فقد خلقنا الله تعالي شعوباً وقبائل لنتعارف بل إنني مع المقولة التي تري أن في مثل هذة الدول إسلام بلا مسلمين ونحن في بلادنا مسلمين بلا إسلام ولم يكن عرضي وتعليقي علي هذة الصور إلا من باب الطرفة والفكاهة علي هذة الغرائب ولم يكن في ذهني نصف الكوب الفارغ أو المليئ ولم أري أية أكواب من الأساس باستثناء كوب من الشاي الليبتون الفاتلة كان بجواري. وأخيراً أرجو قبول كوب الشاي هذا.

[عادل عبدالعزيز3 0]

عذراً نسيت أقدم لك حاجة مع الشاي اتفضل بالهنا والشفي والكوب الثاني لي محدش يقرب ليه

[حواس 0]

إيه الجمال ده ؟ إيه الحلاوة دي ؟ ياسلاااااااااااااااااام على الأكل والشرب  ، والحلويات ..كمان!؟؟  شهر كامل مش واكل بسببك يا رضا باشا .. 


ونسيب ده لميييييييييييييييييييييييييييييين ؟؟








































وفي الأخير تبقى عامل كده ...ههههههههههههههه

[Hamdy Tawfik-manar9 0]

انت مفيش في قلبك رحمة ياحواس

لازم تقدر ان فيه ناس معاك في المنتدي عايشه علي اكل المطاعم والسندوتشات

حرام عليك ياشيخ

هتروح من ربنا فين ؟

[Hamdy Tawfik-manar9 0]

أما الجزء الاول من الموضوع فانا مشفتوش ومش هاشوفه

لانه بجد فظيع .. انا عديت جري بالماوس يدوبك لمحته 

   

[man_reda 0]

Petunia كتب:

إيه الجمال ده ؟ إيه الحلاوة دي ؟ ياسلاااااااااااااااااام على الأكل والشرب  ، والحلويات ..كمان!؟؟  شهر كامل مش واكل بسببك يا رضا باشا .. 

ونسيب ده لميييييييييييييييييييييييييييييين ؟؟

هوه ده الأكل ولا بلاش عندنا أكلات كتييييييييير حلوه مش لازم تكون فول وطعميه
أنت هتخلى الواحد كل لما يجوع يفتح تلاجه المنتدى يا حواس  

[man_reda 0]

عادل عبدالعزيز3 كتب:

عذراً نسيت أقدم لك حاجة مع الشاي اتفضل بالهنا والشفي والكوب الثاني لي محدش يقرب ليه

يعنى أنت واخد الشاى ابو نعناع ومديلى الساده

[man_reda 0]

Hamdy Tawfik كتب:

أما الجزء الاول من الموضوع فانا مشفتوش ومش هاشوفه

لانه بجد فظيع .. انا عديت جري بالماوس يدوبك لمحته 

   

مش لازم تشوفه أنا هقولك على اللى فيه   فيه حاجات لطيفه خااالص

عندك مثلا عناكب مشويه , فيران فى مصفه يظهر لسه غسلنهم وده لو دل على شىء يدل على نظافتهم ما شاء الله   فى مثلا شوربه ديدان   فى عندك صراصير معلبه وده لضمان النظافه بدلا من السايبه   كفايه كده

[حواس 0]

man_reda كتب:

هوه ده الأكل ولا بلاش عندنا أكلات كتييييييييير حلوه مش لازم تكون فول وطعميه
أنت هتخلى الواحد كل لما يجوع يفتح تلاجه المنتدى يا حواس  

إفتح التلاجة وإغرف وسخن لنفسك وكل ، بس بلاش تيجي بالجحش اللي إنت راكبوه ده ...خيلتنا ياعم .

[حواس 0]

Hamdy Tawfik كتب:

انت مفيش في قلبك رحمة ياحواس

لازم تقدر ان فيه ناس معاك في المنتدي عايشه علي اكل المطاعم والسندوتشات

حرام عليك ياشيخ

هتروح من ربنا فين ؟

إنت اللي عاجباك عيشتك دي ، نعملك إيه ؟

راجع نفسك وفكر ....على الأقل تعرف تاكل في البيت .

مش بيض ..بيض ..بيض ..إنت حنش !؟ 

[man_reda 0]

Petunia كتب:

إفتح التلاجة وإغرف وسخن لنفسك وكل ، بس بلاش تيجي بالجحش اللي إنت راكبوه ده ...خيلتنا ياعم .

جحش

 

[حواس 0]

man_reda كتب:

جحش

 

آه جحش ...مش عارف إنت راكب إيه كمان ؟

إوعى تكون فاكره حصان !؟   

[man_reda 0]

Petunia كتب:

آه جحش ...مش عارف إنت راكب إيه كمان ؟

إوعى تكون فاكره حصان !؟   

ده العلام اللى بيعلمهولكم فى كليه الزراعه .. يا خسارتاه على التعليم  

[حواس 0]

man_reda كتب:

ده العلام اللى بيعلمهولكم فى كليه الزراعه .. يا خسارتاه على التعليم  

مش محتاجه لعلام خالص ... 

الجحش واضح ، والحصان له علامات تميزه عن الجحش . 


واللي حضرتك خايلنا بيه ده جحش . 

[man_reda 0]

Petunia كتب:

مش محتاجه لعلام خالص ... 

الجحش واضح ، والحصان له علامات تميزه عن الجحش . 


واللي حضرتك خايلنا بيه ده جحش . 

بما إن اللى فات جحش .. فأيه رأيك فى الحصان العربى ده !  

[حواس 0]

بالظبط كده ...........هوه ده الحصان العربي الأصيل .

وأخيراً تقابلنا .........وإليكم هذه القصة :-  بمبة كشر والحمار والحصان


لكل راقصة شرقية ألف حكاية وحكاية تلهمنا للكتابة، وتشكّل حياتها الشقيَّة مصدراً لتدوين كثير من الأفكار بمتعة. في كل مرة نقرأ عن راقصة جديدة، نكتشف عوالم في حياة الراقصات وفي الرقص نفسه، كأن الراقصات أميرات الزمن غير المتوَّجات، بل كأنهن في وجه آخر ضحايا الزمن لأنهن صنعن الحياة من خلال هز البطن.
بمبة كشر راقصة من سلسلة الراقصات ذائعات الصيت. يوحي اسمها أنه اسم طبخة شعبية، خصوصاً أن «كشر» قريب من «كشري». ولكن بمبة كانت شأناً آخر، شغلت الكثيرين وباتت في دائرة الأساطير. مثلت عنها ناديا الجندي فيلماً وكُتبت عنها مسرحيات، فيما بقيت المعلومات عنها في الكتب والمدونات قليلة، مثلها كمثل كثير من المشاهير العرب الذين شغلوا العامة والخاصة لسنوات طويلة، لكن حياتهم بقيت في دائرة الأساطير الشفهية.
في هذا الإطار، يُحكى أن المصرية بمبة كشر تربعت على عرش الرقص الشرقي أكثر من نصف قرن، تحديداً في العشرين عاماً الأخيرة من القرن التاسع عشر والعشرين عاماً الأولى في القرن العشرين. وهي ولدت عام 1860 وسط أسرة من أشهر العائلات في مصر، فجدها لأبيها هو السلطان مصطفي كشر أحد أعيان مصر في القرن الثامن عشر، ووالدها الشيخ أحمد مصطفى، أحد قارئي القرآن في مصر، ولذا تعدّ الراقصة المصرية الوحيدة التي خرجت من كنف أسرة غنية. ومن المفارقات أن فتحية أحمد (مطربة القطرين) هي ابنة شقيقتها نبوية.
نشأت بمبة على حب الفن منذ صغرها وكانت قريبة جداً من والدها، حتى رحيله عام 1874. تزوجت والدتها بعد ذلك من الشيخ إسماعيل شاه، القارئ الخاص للخديوي توفيق. لم ترض بمبة على الزواج فقاطعت وأشقاؤها الأم واستقروا بعيداً عن منزلها وقريباً من حي الحسين، حيث سكنت في المنزل المجاور أشهر عالمة تركية عرفتها مصر في القرن التاسع عشر «سلم»، وكانت معروفة في قصور مصر. اقتربت بمبة من سلم وعملت معها في تقديم الموشحات المصرية، وانطلقت شهرتها في مصر. لاحقاً انفصلت عنها وهي دون العشرين من عمرها وأنشأت فرقة خاصة بها سرعان ما أصبحت منافسة شرسة لشفيقة القبطية وتجاوزتها وأصبحت أشهر «عوالم» مصر.
بدأت بمبة حياتها الفنية في سن مبكرة وهي ابنة 13 عاماً بطموح لم يتوقف منذ طفولتها وحتى وفاتها. في بداية حياتها الفنية، كانت تذهب لإحياء حفلاتها في الأفراح راكبةً على ظهر حمار يقوده شخص تستأجره بنصف ريعها من الحفلة البالغ خمسة قروش فقط، فكان يصطحبها على حماره مرافقاً لها. وكي توفر هذا الأجر الزهيد ثمن أول قرط ذهبي تشتريه، كان لا بد من صفقة زواج مع هذا الرجل الذي تزوجته وكان زواجها الأول ضمن زيجاتها السبع التي تعددت في ما بعد.
تنوعت زيجات هذه الفنانة وتدرجت من صاحب الحمار إلى فنان معروف إلى عازف في الفرقة التي تعمل معها، ثم طبيب أحبته ومن بعده وجهاء القاهرة وأعيانها الذين تنافسوا على قلبها بتقديم العطايا والهبات كزوجها الذي قدم لها مهراً كبيراً وأراضي بلغت مساحتها ستين فداناً.  
كانت بمبة تعتز بنفسها إلى درجة أنها كانت تسير وسط حراسة خاصة وكانت ثاني فنانة بعد شفيقة القبطية تركب الحنطور وأمامها مجموعة من الرجال يفسحون الطريق، وقد ابتاع لها الحنطور خامس أزواجها من أوروبا وكتب عليه الحروف الأولى من اسمها باللغة الإنكليزية بالذهب الخالص.
ترى لو بقيت بمبة حتى الآن، ماذا كانت ستشتري طائرة خاصة أم يختاً أم فيراري أو لمبرجيني...؟؟؟


هههههههههههه.........صباح الخير ياباشا .

[man_reda 0]

Petunia كتب:

هههههههههههه.........صباح الخير ياباشا .

يا عم كل ده علشان تقولى صباح الخير يا باشا .. طيب مسا مسا يا حواس