حلقة دراسية ترم رابع دور سبتمبر 2013

[noha awad 0]

يا جماعة هما الجدولين المهمين اللي هييجوا في الامتحان بتاع الفوناتيكس consonant chart , short and long vowel grid 

طيب في جدولين تانيين بتوع ال diphthongs ممكن ييجوا في الامتحان

وهل الدكتورة قالت حاجة في المحاضرات عن شكل الامتحان زي السنة اللي فاتت ولا في تغيير ؟

[*maryam 0]

اه يانهى هييجي في الامتحان اللي فيه الاسهم بتاع التيفثونج بس هو واحد مش 2
والكونسننت  --و2 الجريد الشورت واللونج


وشكل الامتحان هو نفس اخر امتحان

[سما سيف 0]

اخيرا ظهرتى يا مريم بعد اكتئاب ما بعد امتحان الكمرهنشن حسبى الله ونعم الوكيل الوقت ما كفاش خالص والامتحان كان صعب ورخم المهم حمد الله على السلامة وربنا يستر على الفوناتكس

[noha awad 0]

فعلا يا سما امتحان الكمبرهنشن كان رخم فعلا وعايز وقت اكتر من ساعتين ودلوقتي ربنا يستر في التهمة بتاعت بكرة ربنا يستر لحد دلوقتي مش عارفه اخلص
مذاكرة بس انا مش عارفة اعمل ايه   الدنيا داخلة في بعضها

وشكرا يا مريم على ردك والله الموفق والمستعان

[*maryam 0]

اه والله ياسما الامتحان كان رخم جداا وطويل جداا وكلنا كنا طالعين مش ضايقين نفسنا ولحد دلوقتي دماغي عمالة بتفكر فيه وكنت بذاكر الفوناتكس بالعافية النهاردة يللا قدر الله وماشاء فعل - الله يسلمك ياحبيبتي وشدي حيلك في الفوناتكس

[*maryam 0]

عايزين اي حاجة في الفوناتكس قبل ما اقوم ؟؟؟؟؟؟؟؟؟؟؟

[محبة نور الإيمان 0]

إن شاء الله كلكم تنجحوا في مادة مقال هي ديما الدكتورة بتحط الامتحان صعب حتى السنة اللي فاتت كان زي كدا لدرجة إني بكيت في القاعة بس الحمد لله نجحت فيها  

[سما سيف 0]

الحمد لله مااااااااااااااااااااااااااااااااااااااااااااااااجا ااااااااااااش تعريفات فى الفوناتكس ربنا استجاب لدعايا عملتو ايه يا جماعة فى الامتحان انهاردة

[*maryam 0]

ربنا يضمنك يا محبة يارب زي ما ضمنتينا كفاية ان الدكتورة ضيعت عليا الحلاوة بتاعة سما هههههههههههههه 


سما ياحبيبتي الحمد الله الفوفو كانت كويسة الحمد الله ومكنتش متوقعة بصراحة انها مش هتيجيب تعريفات انا هريت نفسي مذاكرة فيهم وكنت داخلة قلقانة من السؤال ده  بس   الحمد الله كان امتحان حلو ويارب يكون كان سهل عليكم كلكم

[محبة نور الإيمان 0]

حلو خالص إن الدكتورة مجبتش تعريفات في الامتحان قولولي عاملين ايه في مذاكرة الترجمة يا رب يجي الامتحان سهل

[abo nooh 0]

ربنا يوفق الجميع بالإمتحانات ويرزقهم النتائج الطيبه . بالتوفيق يا مريم وكل الأخوة  ..  يا رب

[*maryam 0]

اللهم امين ابو نوح ربنا يوفقنا جميعا

اانا عرفت ان امتحان الترجمة جيه صعب جدا وشفت منظره بصراحة اتخضيت والغريب انه مجبش حاجة عن مصر زي ما قال ولا اي حاجة من الاحداث اللي حصلت الايام اللي فاتت - انا اصلا مأجلاه مدخلتوش بفكر اخده بيني او مع ترم خامس اذا مفيش مواد معارضة معاه ربنا يسترها

[سما سيف 0]

الامتحان صعب اوى ورخم هما ليه بيعملو فينا كدة يعنى موش كفاية موش جايبين ترجمة لاى كلمة فيه دى اصلا صياغة المواضيع غاية فى الصعوبة فما بالكم بالكلمات اللى موش عارفين ترجمتها يالا نجيتى انتى يا مريم من الامتحان دا ربنا بيحبك والله ان شاء الله امتحانك يبقى اسهل

[*maryam 0]

ان شاء الله خير ياسما والله كلهم كدا كل اللي اسألو يقوللي الامتحان كان فظيع يللا معلش ان شاء الله خير ياحبيتي وفعلا والله ربنا بيحبني انتي بتقولي فيها

[*maryam 0]

المعااااااااجم افكركم بيها

كل التطبيقات مقررة 

محاضرة 5 و 6 ملغيين 

الامتحان 5 اسئلة السؤال الاول 4 جمل كوريكت ( 4 درجات )

السؤال التاني تشوز ايديم 4 جمل ( 4 درجات)

السؤال التالت تشوز برضه الترجمة الصحيحة جملتين (درجتين)

السؤال الرابع ترجمة جمل ومصطلحات 4 جمل ( 8 درجات)

السؤال الخامس كومبليت جملتين (درجتين )


ربنا يوفقنا يارب جميعا وختامه مسك ان شاء الله  

[Gaber 0]

اللللف اللللف شكر يا استاذه مريم

[*maryam 0]

الشكر لله يا أستاذ جابر وربنا معانا جميعا ويوفقنا يارب

[*maryam 0]

الحمد الله رب العالمين الامتحان كان جميل جدا ويارب يكون كان سهل عليكم كلكم 

يارب اكون قدرت افيدكم الترم ده وان شاء الله النتيجة تكون حلوة على الجميع و نتقابل في ترم جديد بإذن الله - انا بحبكم في الله  دعواتكم من القلب

[noha awad 0]

الحمد لله يا مريم الامتحان كان جميل ختامها مسك زي ما بيقولوا

ومهما قولنا بردة مش عارفين نشكرك ازاي يا قمر على مجهودك وتعبك معانا ربنا يجعلة في ميزان حسناتك 

نتقابل على خير في ترم خامس يارب بعد النجاح للجميع

[*maryam 0]

حبيبتي الشكر لله انا محتاجة دعواتكم  

[سما سيف 0]

الحمد لله فعلا الامتحان كان حلو وربنا ينجحنا كلنا ان شاء الله ونروح ترم خامس مبسوطين بنتايجنا والفضل بعد ربنا سبحانه وتعالى ليكى يا مريومة يا جميلة عدينا نص المشوار وفاضل النص الاصعب ربنا يعيننا ويعينك معانا كل ترم وانتم طيبين       

[*maryam 0]

اللهم أمين تسلمي ياسما ياعسولة انتي  ولكي منى احلى وردة لأحلى سما 

[bataelmghraby 0]

الحمدلله يا جماعة وربنا ينجحنا كلنا ان شاء الله
شكر خاص لمريم شكرا على المجهود ربنا يفتحلك ابواب رحمته .

[*maryam 0]

الشكر لله ياحبيبتي - اللهم امين ادعولي كمان بالله عليكم  ومن قلبكم انا محتاجة دعواتكم قوي

[سما سيف 0]

ازيكوا يا ترم رابع سابقا وترم خامس حاليا ما طمنتوناش على نتايجكو ليه وخصوصا انتى يا مريم عملتى ايه وليه موش باينة عساه خير يا حبيبتى  طمنينى

[*maryam 0]

سما سيف كتب:

ازيكوا يا ترم رابع سابقا وترم خامس حاليا ما طمنتوناش على نتايجكو ليه وخصوصا انتى يا مريم عملتى ايه وليه موش باينة عساه خير يا حبيبتى  طمنينى

انا جيت يا جميل انا اقدر ابعد عنكم انا بخير يا حبيبتي والحمد الله النتيجة تمام تسلمي يا قمر على سؤالك انتي عملتي ايه في النتيجة ؟؟؟

 -- والف مبرووووووووك للجميع ويارب يبقى ترم سهل علينا  كلنا يارب   وحشتوني جدااااااا

[khalaas 0]

 
هو مفيش دراسه الترم ده ولا ايه فينكم

[Obad 0]

الرجاء ممن يحضرون ترم رابع كتابة المناهج على الأقل.
أنا لا أستطيع الحضور يوم الجمعة لانشغالي في العمل.
بارك الله فيكم
وبالتوفيق للجميع

[khalaas 0]

فينكم يا ترم رابع

فين الدروس والمحاضرات والمقرر  

[khalaas 0]

ايه يا جماعه هو فيه ايه الترم ده

مفيش مشرفين ولا حاجه

عايزين نذاكر فين المقرر  

[محمود الفيشاوى 0]

يبدو انه لا يوجد احد متابع على هذا المنتدى .............. مفيش محاضرات ولا اى شىء

[ابو نوران 0]

السلام عليكم ترم رابع
القرر والمطلوب فى الامتحان
شكل الإمتحان وأسلوب وضع الأسئله ومتطلبات كل ماده عند المذاكره .
أولآ شكل الأمتحان :
1- العربى: مقرر 3 مواضيع (الجاحظ - الكتابة والكاتب - مناظرة بين الهمذانى والخوارزمى) المذاكرة من الكتاب والامتحان اسئلة مقالية بمعنى اكتب عن ويكون على الاقل فى صفحة ونصف
2- المقال والقراءة والفهم: قطعة وعليها اسئلة تتعلق بالقطعة وسؤال استنتاج يتضمن وضع عنوان مناسب للقطعة او نعملها تلخيص او تختار جزء من القطعة وتطلب مننا التعليق عليه وسؤال كلمات فى القطعة نجيب معناها بدون وضعها فى جملة يعنى نجيب لها تعريف وممكن نجيب شرح ليها وسؤال نكتب براجراف هنختار من اتنين
3- الفوناتكس: السؤال الاول بعض الكلمات تحت حرف منها خط ومطلوب نضع مكان الحرف على حسب مخرجه اللى فى جدول consonant chart موجود ف المحاضرة التانية صفحة 11 / السؤال التانى جدول vowel girl الخاص بالحروف المتحركة مع كتابة كلمة بها حرف متحرك موجود فى المحاضرة التانية صفحة 20 / السؤال التالت كلمات نحولها لرموز والعكس رموز تحول لكلمات
4- الترجمة: سؤالين الاول مقسم الى اتنين قطعتين انجليزى نترجمهم لعربى السؤال التانى قطعة عربة نترجمها لانجليزى
5- المعاجم: السؤال الاول تصحيح الخطأ سواء أخطاء لغوية او جرامر /السؤال التانى نختار ما بين الاقواس / السؤال التالت نختار برضو خاص ببعض التعبيرات هيكون تحتها خط / السؤال الرابع ترجمة جمل صغيرة سواء من عربى لانجليزى او العكس / السؤال الخامس تكملة
ثانيآ :متطلبات كل مادة عند المذاكرة :
1- العربى: هنذاكر من الكتاب ال 3 مواضيع المقررة فقط
2- المقال والكومبيرهنشن: السبع محاضرات والسبع تطبيقات مع المحاضرات التليفزيونية
3- الفوناتكس: الاربع محاضرات فقط الخاصة بالدكتورة سلوى ودول موجودين ف محاضرات للطباعة رقم 10 بجانب المحاضرات التليفزيونية ابتداءا من المحاضرة رقم 8
4- الترجمة: من الكتاب والمحاضرات وجريدة الاهرام ويكلى واى كتاب ترجمة لترم سابق لان الترجمة ملهاش منهج معين
5- المعاجم: من المحاضرات المكتوبة وخاصة المراجعة

[مجدى جلال 0]

[khalaas 0]

بارك الله فيك
لو فيه حاجات مهمه وممكن تيجي في الامتحان ياريت ما تبخلوش علينا بها

وربنا يكرمنا جميعا