حلقة دراسية ترم رابع دور سبتمبر 2013

[*maryam 0]

السلام عليكم ورحمة الله وبركاته وكل سنة وانتم طيبين بمناسبة مولد النبي عليه افضل الصلاة والسلام   

جزاكم الله بمثله وربنا يكرمكم على الدعاء  وربنا يتقبل يارب والشكر لله

اللهم امين ياسحر ويااستاذ احمد و [b]bataelmghraby [/b]ربنا يبارك فيكم

[*maryam 0]

noha awad كتب:

السلام عليكم جميعا
في البداية احب اشكرك شكرا جزيلا يا مريم على مجهودك الاكثر من رائع بجد مش عارفه أقولك ايه ربنا يجازيكي خير ويجعله في ميزان حسناتك .  
ثانيا انا  كان عندي ظروف و لسه دلوقتي هبدأ أذاكر وبحاول ألم المواد فهل من وجهة نظرك هلحق في الوقت الضايع دة ؟ وخاصة مادة الفوناتيكس شايفة من كلامكم انها مادة تقيلة وعايزة وقت للفهم .
مش عارفه اعمل ايه ؟ انا قرأت كل اللي انتي كتباه في الحلقة الدراسية ونزلت المحاضرات والتطبيقات من صفحتي لو عايزة اطبع ورق المحاضرات اطبع لحد  المحاضرة الكام في كل مادة ؟ يعني  هل كل المحاضرلت مقررة في كل المواد ؟

وعليكم السلام ورحمة الله وبركاته يانهى تسلمي يارب ويجازيكي بمثله ياجميل ومتقوليش حاجة دعواتكم بس

ان شاء الله ياحبيبتى هتلحقي بس ظبطي نفسك على الاسبوعين دول وتحاولي متفوتيش يوم الا لما تذاكري حاجة حتى لو تقدري مادة الصبح ومادة بالليل لو ظبطتي نفسك على كدا هيبقى كله تمام باذن الله بس المهم تبدأي من دلوقتي 
بالنسبة للفوناتكس اسمعى الاربع فيديوهات للدكتورة سلوى وتمسكي معاها ورق المحاضرات وتركزي معاها قوي هي شرحها حلو في الفيديوهات وكل فيديو تسمعيه تقعدي مع نفسك وتقري محاضرته وتذاكريها هتحفظي الجدولين جدول الكونسننت وجدول الفاول هما مش صعبين والتعريفات تفهميها مش لازم تتحفظ المهم تتفهم لو اتفهمت هتعرفي تحلي سؤال الكومبليت بتاعها وتسمعى نطق الرموز وتحاولي تدربي نفسك على الترانسكربشن 

اهم ورق تطبعيه الفوناتكس هما اربع محاضرات وملوش تطبيقات والمعاجم هما 7 محاضرات وتطبيقاتهم بس المحاضرة 6 و7 ملغيين لكن تطبيقاتهم مقررة والترجمة اقري واتدربي من الاهرام ويكلي والمقال كدا كدا انسيين اسمعي بس الفيديوهات واتدربي على اسئلة الامتحانات والعربي ذاكريه من الكتاب 3 دروس بس  يارب اكون قدرت افيدك ولو بحاجة بسيطة وربنا معاكي ويوفقك ويوفقنا كلنا يارب
 

[noha awad 0]

كل سنة وانتي طيبة يا مريم يا قمر . شكرا على ردك الجميل وخلتيني أتفائل بعد ما كنت يائسة من الترم دة  . ربنا يسهل وهبدأ

أنفذ النصائح بتاعتك ان شاء الله ربنا يوفقك و يوفقنا جميعا يارب

[*maryam 0]

noha awad كتب:

كل سنة وانتي طيبة يا مريم يا قمر . شكرا على ردك الجميل وخلتيني أتفائل بعد ما كنت يائسة من الترم دة  . ربنا يسهل وهبدأ

أنفذ النصائح بتاعتك ان شاء الله ربنا يوفقك و يوفقنا جميعا يارب

وانتى طيبة ياجميل طيب الحمد الله يارب دايما متفائلة وربنا يسهلها ويفتحها علينا يارب واي حاجة انا معاكي باذن الله   

[Ahmed Elwardany 0]

معلش يا مريم هو شكل امتحان الفوناتكس هيبقى عامل ازاي؟

[*maryam 0]

ده شكل امتحان الفوناتكس يا استاذ احمد ورقتين 

[محبة نور الإيمان 0]

معليش يا مريم في مادة المعاجم المحاضرات الملغية 5 و6 ولا 6 و 7

[محبة نور الإيمان 0]

في حاجة كمان يا مريم المواضيع اللي ترجمتوها من الاهرام الدكتور ترجمها كلها ولا اول جزء لإني شفت المواضيع طويله جدا

[Ahmed Elwardany 0]

معلش يا مريم

ممكن شرح سؤالين في شكل الامتحان
؟؟؟؟

بترتيب الاسئلة محتاج اعرف شرح السؤال التاني و التالت

السؤال الثاني اللي هو السؤال اللي بعد الجدول
و التالت اللي هو اول واحد من الورقة اللي فوق III

[noha awad 0]

محبة نور الإيمان كتب:

معليش يا مريم في مادة المعاجم المحاضرات الملغية 5 و6 ولا 6 و 7

وانا كمان كنت لسه هسألك يا مريم نفس السؤال

[*maryam 0]

السلام عليكم

لا يا محبة مترجمهاش كلها ده كان بياخد مقتطفات كدا وفي مواضيع كان بيترجم فيها العنوان بس وبالنسبة لسؤالك انتي ونهى عن المعاجم المحاضرة  5 و 6 ملغيين بس تطبيقاتهم مقررة

[*maryam 0]

Ahmed Elwardany كتب:

معلش يا مريم

ممكن شرح سؤالين في شكل الامتحان
؟؟؟؟

بترتيب الاسئلة محتاج اعرف شرح السؤال التاني و التالت

السؤال الثاني اللي هو السؤال اللي بعد الجدول
و التالت اللي هو اول واحد من الورقة اللي فوق III

لا ولا يهمك

السؤال التالت عن ال minimal pairs  بمعنى هتبحث في الكلمات دي عن 4 كلمات ليهم 4 كلمات متشابهين في النطق يعني ليهم رمز واحد هطلع لحضرتك كلمتين من الامتحان ده مثلا كلمة height - hide الكلمتين دول الرمز بتاعهم (ai) وهكذا 

السؤال التاني اللي تحت الجدول ده  الفاول جريد موجود في ورق المحاضرات حضرتك هتكتب الرموز عند النقط اللي موجودة في الجريد وهتكتب امثلة لكل رمز على الخطوط اللي برة الجريد وبالنسبة للسهم ده ده درس ال diphthong اللي هو 2 فاول مع بعض وكله موجود في المحاضرات 

يارب اكون قدرت افيدك واي سؤال انا مع حضرتك ان شاء الله

[محبة نور الإيمان 0]

شكرا للتوضيح يا مريم

[noha awad 0]

شكرا يا مريم

 

[Ahmed Elwardany 0]

افدتيني جدا و بارك الله فيكي و بجد متشكر جدا يا مريم

[محبة نور الإيمان 0]

يا جماعه الجامعة نزلتلي تطبيقين لمادة المعاجم هما فعلا كدا ولا اكتر

[abdon.fakeer 0]

السلام عليكم تحية شكر وعرفان للاخت مريم جزاك الله عنا خير الجزاء 

[محبة نور الإيمان 0]

أنا كنت سألت عن عدد تطبيقات مادة المعاجم بس خلاص طلعوا التطبيقين إللي نزلتلهم الجامعة فيهم تطبيقات السبع المحاضرات  

[*maryam 0]

السلام عليكم ورحمة الله وبركاته انا اسفة جدا  اتأخرت عليكم لاني محضرتش الجمعة اللي فاتت لاني كنت تعبانة بس خدت المحاضرات من زمايلي وده كلام زميلتي بالنص عن المحاضرات ربنا يكرمها يارب








1- محاضرة المقال




: الدكتورة اتكلمت عنa summary summary ,how to write وقالت لازم الملخص يشتمل على النقاط او الافكار او الجمل الرئيسية فى النص ولا نذكر اي معلومة خارج النص و لا حتى راي شخصي , رأيك الشخصي احتفظ به يابابا مش عاوزين افتكاسات انا بقول اهوا عشان محدش يقول هدى ماقلتش ههههههههههه وبعدين لازم نربط الجمل ببعضها فى سياق منطقى يكوم فى سينس مش نحط الجمل كدا ورا بعدها وخلاص لا لازم نربطها ببعض طبقا لتسلسل الاحداث فى النص مستخدمين عبارات مثل according to that , but, if, although, in order to ,while كدا يعني بحيث يكون منطقي بس هو ده الــ summary .





** وبعدين اتكلمت عن ال paragraph ,how to write paragraph لازم نبدأ العنون فى الوسط ويكون اول الحروف فى كل كلمة capital كبيرة ماعدا ال proposition, articles like the, a, an ,on ,at, in, ofتكون small صغيرة ولو the جت اول العنوان تكتب capital وكذلك طبعا a,an ويكون من 5 الى 7 جمل ميقلش عن 5 جمل ويحتوي على فكرة واحده او فكرتين بالكتيير ويشتمل على :





1- Topic sentence : this contain the main idea or subject of writing 
2- Detailed sentence like supporting sentences ,examples …extra
3- Logical order كما ذكرت فى ال summary وهو انك تربط الجمل بشكل منطقى متناسق مرتبط ببعضه باستخدام الكلمات اللى ذكرتها فوق اوكي 






2- محاضرة الفوناتكس : الدكتورة شرحت ال diphsong وهم نوعين centering diphthong و closing diphthong وهايجوا فى الامتحان وشرحت ال aspiration وال divoicing وهيجوا فى الامتحان فى شكل سؤال اختياري او اكمل ودي بقى تذاكروها من الفيديوهات بتاعتها مافيش حل غير كدا اما بقى ال triphthong مش هيجي فى الامتحان لانها مش شرحته وولا ذكرته اصلا فمش تذاكروا توفيرا للوقت وقالت الكلمات ان شاء الله اللى هتيجي فى سؤال ال transcription مش هتخرج من كلمات المحاضرات بس كدا 





المعاجم




 مش قالت حاجة مفيدة بتاعها يعني وقالت الامتحان زي الامتحانات السابقة بالظبط نفس الفورمات ونفس نوع الاسئلة لكن طبعا المضمون هيختلفان والاسئلة بتتكرر ومش هيخرج من المحاضرات والتطبقات اوك بس كدا





وربنا يجازيها خير اللي كتبت المحاضرات 
-----------------------

ودي كانت اخر جمعة الحمد الله وربنا يوفقنا يارب جميعا ولا تنسوني من صالح دعائكم     

[bataelmghraby 0]

شكرا يا مريم على المجهود يارب النجاح لكل الطلاب 



    
                                                                  

[bataelmghraby 0]

معلشى يا مريم هو الاربع محاضرات فى الفوناتكس كلهم مقرر الا triphthonges

 

[سما سيف 0]

الف سلامة عليكى يا مريومة وجزاكى الله كل خير انتى وصاحبتك اللى قالتلك على المحاضرات يعنى حتى وانتى عيانة بتجيبيهالنا الواحد والله موش عارف يقولك  ايه ربنا يديلك على قد الخيراللى جواكى شكرا حبيبتى     

[*maryam 0]

bataelmghraby كتب:

معلشى يا مريم هو الاربع محاضرات فى الفوناتكس كلهم مقرر الا triphthonges

 

اه ياجميل بالظبط كدا

[*maryam 0]

سما سيف كتب:

الف سلامة عليكى يا مريومة وجزاكى الله كل خير انتى وصاحبتك اللى قالتلك على المحاضرات يعنى حتى وانتى عيانة بتجيبيهالنا الواحد والله موش عارف يقولك  ايه ربنا يديلك على قد الخيراللى جواكى شكرا حبيبتى     

الله يسلمك ياجميل حبيبتي انا مقدرش ابعد عنكم  وكفاية ان ربنا بعتلي ناس حلوة زيكم اساعدها على قد ما اقدر دي في حد ذاتها نعمة من عند ربنا وبشكر ربنا عليها ازاي بقى ارفض النعمة دي اللهم دمها نعمة يارب وانا هفضل معاكم لحد ما نتخرج بإذن الله ان كان ليا عمر واذا غيبت عنكم اكيد هيبقى غصب عني حاجة حصلت اقوي مني بعدتني عنكم وانا بجد مش عايزة حاجة غير انكم تدعولي من قلبكم لو فعلا بفيدكم - وتسلمي ياقمر على الدعوة الجميلة دي اللهم امين وربنا يوفقنا يارب  

[*maryam 0]

المقرر والملغي 

المعاجم:
 المقرر محاضرة 1و 2 و3 و4 و7 وال7 تطبيقات 


 الملغي: محاضرة 5 و 6 



الفوناتكس:


كله مقرر ما عدا درس ال Triphthong



العربي:
المقرر درس لماذا هويت القراءة - الأدب العربي - الجمال

الترجمة : مفيش مقرر ولا ملغي بس نحاول نقرا من الاهرام ويكلي الاحداث اللي حصلت في الفترة من تاريخ ما بدأنا الترم 25- 10 لنهايته او قبل نهايته بأسبوعين 3 عشان يعني معروف ان الامتحان بيتحط قبل معاد الامتحان ب3 اسابيع او شهر والله اعلم


المقال:
المقال بقى لا في مقرر ولا ملغي ولا منهج نذاكرو ولا حاجة خالص بس في رز وبسلة والحلو رز بلبن    يعني هندخل الامتحان كدا الله اكبر علينا ابيض يا ورد بس لو في حد عنده حاجة نعملها يقول يعني ميتكسفش محدش يقوللي هعمل بمية مش بحبها اديني قلت وانتو حرين بقى ههههههه  - بس احنا ممكن نكتب براجرافات على قد ما نقدر كتدريب يعني ونسمع الفيديوهات ده اللي نقدر نعملو  والله المستعان 
اللهم يسر ولا تعسر يا الله وافتحها علينا ياااااااااااااااااارب  وشدو حيلكم   

[noha awad 0]

شكرا يا مريم . وربنا يوفقنا ويسهلنا الصعب يارب

[Hamdy Tawfik-manar9 0]

مقرر مواد الترم الرابع 

-القراءة والتعبير2:

* الموضوعات المقررة لماذا هويت القراءة - عباس محمود العقاد-----، مكانة الأدب العربى - طه حسين،------- الجمال - أحمد حسن الزيات

الفنون ملغي**.مفيش نحو ولا كشف ف المعجم

: شكل الامتحان كالتالى:>>
ثلاثة أسئلة نجيب على اثنين فقط، وإللى هايجاوب أكتر من اتنين، لن يُلتفت لإجابة السؤال الزائد.
السؤال الأول: صح أو خطأ، والتعليل غير مطلوب، فقط ننقل الأسئلة لورقة الإجابة وأمام كل سؤال الإجابة. (10 درجات)

السؤال الثانى: اكتب مقالاً فى أحد الموضوعات الدراسية، وغالباً الدكتور هايجيب موضوعين من تلاتة لأن "الناس بتنشن على موضوع واحد"
حسب كلام الدكتور يعنى.المطلوب فى المقال أن يتضمن أريعة أو خمسة أسطر عن الكاتب ثم نناقش أهم الأفكار التى وردت فى الموضوعات، وفى النهاية تعليقك على آراء الكاتب سواء تتفق معها أم ترفضها، المهم أن تسوق مبررات كافية فى الحالين.>> برده نجاوب عن موضوع واحد لأن اللى يختار أكتر من موضوع الدكتور لن يلتفت إلا لأول واحد فقط.

السؤال الثالث: اكتب مقالاً فى أحد الموضوعات الآتية:غالبا موضوعات خاصة بالأحداث السياسية الحالية، وموضوع بعيد عن السياسة، عشان إللى مالوش فى السياسة يعنى.--يراعى فى الكتابة عموماً علامات الترقيم، وتجنب الأخطاء اللغوية، لأنها تدخل ضمن تقييم مستوى الكتابة

......................................

الترجمة:
الدكتور شرح موضوعات الكتاب الموجودة فى المحاضرات بس. يعنى الوحدات من 1 ل 5 وبعدين 8 و 9 وبعد كده دخل على العربى لإنجليزى بنفس الترتيب إللى فى المحاضراتوشرح موضوعات من الاهرام ويكلي

الامتحان
unseen >>الامتحان 3 أسئلة:
قطعتين من لإنجليزى، وقطعة من عربى لإنجليزى. وكله من الأحداث الجارية، وتحديداً مصر وسوريا وفلسطين ركز عليهم أوى فى كلامه. والأحداث إما سياسية، أو اقتصادية (بس برده متعلقة بالسياسة)، أو اجتماعية.بس طبعاً مصر دى كلمة واسعة أوى، لأن الأحداث عندنا عديدة، يعنى على سبيل المثال وليس الحصر: حركة تمرد - سد النهضة - انقطاعات الكهرباء..............إلخ 

الدكتور تحدث بشكل عام وغير محدد عن أحداث معينة أو فترة زمنية بعينها

.................................................

>>المقال والقراءة والفهم

نذاكر من محاضرات الفيديو

الامتحان كله unseen

:شكل الامتحان

سؤال قطعه وعليها اسئله

نوعيه الاسئله الجديده 

summarize the text in a paragraph from your own words
:والمطلوب إننا نعيد الأفكار الرئيسية إللى هى الجملة الأولى من كل فقرة ولو فى معلومة مهمة ونجمعهم فى شكل باراجراف مفهوم ونغير تغيير محدود فى الكلمات. ومابيزيدش عن 7 جمل عادة.

Think of possible meaning for the following vocabulary
الكلمات بتكون من القطعة عشان يبقى التخمين أسهل، والمطلوب إما شرح للكلمة أو مرادف ليها أو أى معنى يخطر على بالك ليها مثلاً:
An expert: a specialist in a certain fieldوفى أسوأ الحالات الدكتورة قال

ت ممكن نحط المقابل بتاع الكلمة، بس ده فى حالة إن مفيش قدامنا بديل تانى.

Inference Questionsيعنى أسئلة استنتاج ودى مش بتكون إجاباتها موجودة بشكل صريح فى القطعة، لكن بنفهمها إحنا مثلاً:What does the sentence "................." indicate?يعنى الجملة دى بتدل على إيه؟ وهكذا اسئلة من هذا القبيل. غير كده باقى الأسئلة على حسب موضوع القطعة،.ملحوظة: غالباً أسلوب الامتحانات بيتغير من تيرم للتانى، حسب الموضوع إللى بيعجب الدكتورة.

-سؤال مارأيك في؟ أو هل تتفق مع الكاتب فى كذا؟ لا يهم أن تتفق أو تختلف معه المهم أن تسوق مبررات منطقية لرأيك.-سؤال الملخص: أسهل حاجة لإجابته إنك تاخد الفكرة الرئيسية من كل فقرة وفى النهاية الجملة الخاتمة للمقال (Concluding Sentence)، بس الجمل ماتتحطش زى ماهى لكن نغير فيها بأسلوبنا مع الحفاظ على الأفكار الرئيسية. وليس مطلوباً أن نضيف آراءنا الشخصية فى الملخص، لأنه مجرد سرد للأفكار الرئيسية.ملحوظة: د. عبير قالت مفيش تهاون أوى فى التصحيح لأننا اتدربنا بما فيه الكفاية فى الفيديوهات سواء على كتابة باراجراف أو على الملخص أو على التعامل مع أى قطعة فهم (الكلام للدكتورة).

السؤال التاني ف الامتحان كتابة باراجراف من اتنين
نسبه للمعاجم

نذاكر المحاضرات مع التركيز على اسئله التطبيقات مهمه جدا 

التطبيق رقم 1 موجود ف اخر المحاضره 1 والحل بتاعو ف اخر المحاضره 7التطبيق رقم 2 موجود ف اخر المحاضره 2 والحل بتاعو ف اخرالمحاضره 7التطبيق رقم 3 موجود ف اخر المحاضره 3 والحل بتاعو موجود فتطبيقات مكتوبه للطباعه هو ملف واحد مفيش غيرهبقيت التطبيقات موجوده ف اخر كل محاضره بالحل بتاعها

المحاضره 4 مهمهوالمحاضره ... 8 مراجعه نهائيه مهمه

الجزء العربى فى المحاضرة الخامسة الى هو بتاع اذن والبحث عنها والكلمات العربى كلها ملغي

*شكل الامتحان بعد التعديلات:-
السؤال الأول: (نفس السؤال القديم بس أقل فى عدد الجمل) صحح الخطأ فى الجمل التالية (3 درجات)

.-السؤال الثانى: (نفس السؤال القديم بس أقل فى عدد الجمل) اختار (Collocations & Idioms) 3 درجات.-

السؤال الثالث: 4 جمل ترجمة - 2 عربى منهم واحدة على التراكيب الاصطلاحية (Idioms) وواحدة عادية و2 إنجليزى نفس الشىء. الجمل كلها من المحاضرات بس ممكن تكون فى المحاضرة بالعربى وتجيبها بالإنجليزى أو بالعكس. (8 درجات)-

السؤال الرابع (سؤال جديد) جملتين كل واحدة فيها Idiom جديد ماشفناهوش قبل كده، وهايكون فى وسط جملة عشان نقدر نخمن معناه من خلال السياق، والاختيارات واحد فيهم المعنى الحرفى والتانى المعنى الاصطلاحى (الصحيح) ونختار الإجابة الصحيحة (درجتين).

-السؤال الخامس: اكمل، عبارة عن جملتين كل جملة غير مكتملة وإحنا نكمل الجزء الناقص (والهدف منه إننا نعرف نركب جملة سليمة).مثلاً:If it rained,.............. (درجتين)

---

منقول

[Hamdy Tawfik-manar9 0]

الفوناتكس 

مشاهده محاضرات الفيديو موجودين ف السي دي 4 محاضرات او من على السايت محاضره رقم 8—9—10—11حفظ الرسومات والجداول والتعرفيات والكلمات بالترانسكريبشن بتاعتها

Triphthongs .ملغيه 

الملخص
mediafire.com ?37t7h7dlakcbsai

الأوراق التي تحوي الكلمات والجداول التي لا يخرج عنها الإمتحان, والذي تم توزيعها بالجامعة, علمًا بأن الحلول توجد بملخص المادة ...
mediafire.com ?bpxk6roybmccmx9

رابط لموقع البي بي سي للتدريب على النطق ...
http://www.bbc.co.uk/.../learningeng.../grammar/pron/sounds
 ===============================================
منقول

[noha awad 0]

 
شكرا جزيلا ليك يا أستاذ حمدي

[*maryam 0]

ايه الاخبار ياترم رابع عملتوا ايه في العربي ضمنوني عليكم ؟؟؟؟؟؟؟؟؟؟؟

[noha awad 0]

الحمد لله يامريم الامتحان كان كويس جدا ويارب انتي كمان تكوني حليتي كويس يارب عقبال باقي المواد ما تيجي سهلة كدة

[سما سيف 0]

الحمد لله يا حبيبتى بس المادة دى زى ما انتى عارفةخاضعة لتقدير الدكتور يعنى اللى نقدر نضمنو بس صح وخطأ بس فى اتنين محيرنى سؤال دوواوين  طه حسين وسؤال مشاعر الحب الانسانى هما صح والا خطأ

[*maryam 0]

تمام يا حبايبي ربنا يسهلها علينا يارب باقي الامتحانات وانا الحمد الله حليت تمام 

ليه يا سما ان شاء الله مش هيبقى تقديرنا فيها اقل من جيد جدا  لو حصل غير كدا يبقى حرام  
بصي يا سما 2 ، 4 ، 8  غلط  والباقي صح يارب تكوني حلاهم كدا ياجميل   


عايزة اقولكم بقى المادة الجاية  دي مش عارفين نذاكرها ازاي ربنا يعديها على خير

[*maryam 0]

تعالوا نفتكر مع بعض اللي احنا هنعملو في امتحان مقال وكمبرهينشن 

خطوات قراءة النص:

1- نقوم بقراءة القطعة كاملة قراءة سريعة

2- لا بد من قراءة المقدمة لانها هامة 

3- نركز على الجمل المكتوبة بخط بولد او بخط مائل لانها مهمة 

4- لا نقف عند الكلمات الصعبة ونحاول نفهمها من السياق


سؤال ال summary

نبحث عن الافكار الرئيسية في كل براجراف بالقطعة ونربطهم ببعض ثم نكتب خاتمة ولا يزيد المقال عن 6- 7  سطور 

سؤال الكلمات التي توجد بالقطعة

نكتب شرح للكلمة من خلال فهمنا ليها واذا معرفناش نكتب التضاد الخاص بها



سؤال المقال 

هييجي مقالين نختار منهم واحد 


والله الموفق والمستعان  اللهم افتحها علينا يارب ويسر لنا امرنا

[محبة نور الإيمان 0]

الله يسهلكم في مادة مقال وكمبرهنشن

[سما سيف 0]

انا فعلا حليت صح وخطأ كدة يا مريم ربنا يستر بقى فى موضوع القراءة وخصوصا علامات الترقيم يحسن انا ضايعة فيها وانا عرفت ان الدكتور بيهتم بيها المهم خلينا بقى فى الكمبرهنشن شكرا ليكى حبيبتى على المراجعة السريعة دى وربنا يستر وتيجى مواضيع كلماتها سهلة

[سما سيف 0]

ارجومساعدتى ضرورى عشان ما فيش وقت انا كنت منزلة محاضرات الكمبرهنشن الفيديو عشان اشوفها قبل الامتحان بس ستبت الوندوز ولاقيتهم موش شغالين وطبعا موش هالحق انزلهم تانى فى حد عندو حل وخصوصا انى نزلت البرنامج اللى بيطلبوه عشان تشغيلهم اللى هو شوك واف بلاير وبردو موش عاوزين يشتغلو اللى عندو حل للمشكلة ارجوه يجاوبنى بسرعة

[Hamdy Tawfik-manar9 0]

سما سيف كتب:

ارجومساعدتى ضرورى عشان ما فيش وقت انا كنت منزلة محاضرات الكمبرهنشن الفيديو عشان اشوفها قبل الامتحان بس ستبت الوندوز ولاقيتهم موش شغالين وطبعا موش هالحق انزلهم تانى فى حد عندو حل وخصوصا انى نزلت البرنامج اللى بيطلبوه عشان تشغيلهم اللى هو شوك واف بلاير وبردو موش عاوزين يشتغلو اللى عندو حل للمشكلة ارجوه يجاوبنى بسرعة

 طيب ايه الرسالة اللي بتظهر لك .. لانها هيا الللي بتحدد سبب عدم العمل

جربي تنزلي النسخة القديمة من البرنامج لان بعض المحاضرات لا تعمل الا بها 

حمليها من هنا

adobe shockwave player 8.5

طريقة التحميل مشروحة هنا 

التحمـيـل من   المنـتـدي

[سما سيف 0]

شكرا استاذ حمدى على الاهتمام انا نزلت النسخة اللى حضرتك كتبتهالى بس برضو موش شغالين الغريبة بقى انى نزلت محاضرة من المحاضرات تانى واشتغلت

[سما سيف 0]

بس برضو المحاضرات القديمة موش شغالة

[Hamdy Tawfik-manar9 0]

سما سيف كتب:

بس برضو المحاضرات القديمة موش شغالة

لما بتضعطي علي المحاضرة علشان تشغليها بيظهر رسالة خطأ ولالا ؟

لو ظهرت لك رسالة حاولي تكتبيها هنا علشان هيا الللي بتبين سبب المشكلة

[سما سيف 0]

بيكتبو this file does not have availd digital signature that verifies its publisher you should only  run software from publisher you trust

[Hamdy Tawfik-manar9 0]

ايوه تمام .. هو فيه حل مش عارف هيشتغل معاكي ام لا ؟

يارب تعرفي تطبيقه .. حبيتهولك صورة علشان احاول اسهله 

اختاري امر  Run في قائمة start 

اكتبي في مربع الامر  gpedit.msc    ( الافضل تنسخيه من هنا بدل ماتكتبيه ) ثم انتر او اوك من الامر

هيفتح لك نافذة بالشكل ده

من القائمة اللي علي اليسار دي هتختاري بنفس الترتيب اللي هاكتبه تحت 

Computer Configuration > Administrative Templates > Windows Components > Internet Explorer

وبعدين تختاري Turn off the Security Settings 

وتختاري enabled زي ماهو في الصورة اللي فوق

وتضعي جنبها علامة صح 

ثم تضغطي اوك 

وبعدها جربي تشغلي المحاضرات تاني 

[سما سيف 0]

يعنى الكمبيوتر نفسه هوا اللى قافل الفيديو طب تمام دا يفسر انى لما جيت انقل فيديو على الفلاشة عشان اشغله على لاب تانى جربت وفتحت الفيديو وهوا لسه على الفلاشة لاقيته فتح معايا وكنت ناوية انقل كل الفيديوهات على الفلاشة واشوفهم من عليها لكن هاجرب طريقة حضرتك واشوف وجزاك الله كل خير

[Hamdy Tawfik-manar9 0]

سما سيف كتب:

يعنى الكمبيوتر نفسه هوا اللى قافل الفيديو طب تمام دا يفسر انى لما جيت انقل فيديو على الفلاشة عشان اشغله على لاب تانى جربت وفتحت الفيديو وهوا لسه على الفلاشة لاقيته فتح معايا وكنت ناوية انقل كل الفيديوهات على الفلاشة واشوفهم من عليها لكن هاجرب طريقة حضرتك واشوف وجزاك الله كل خير

هو فيه سبب تاني وهو الفيروسات

لكن انا استبعدته لانك بتقولي منزله نسخة جديدة واكيد برنامج انتفيروس جديد وشغال

[سما سيف 0]

استاذ حمدى جزاك الله خيرا اشتغل خلاص ربنا يجعله فى ميزان حسنات حضرتك

[Ahmed Elwardany 0]

ازيكم يا جماعة 

ممكن اعرف امتحان المقال بكرة هيبقى المفروض شكله عامل ازاي ؟

يعني عايز بس اعرف شكل الامتحان و كيفية حل الاسئلة

[*maryam 0]

Ahmed Elwardany كتب:

ازيكم يا جماعة 

ممكن اعرف امتحان المقال بكرة هيبقى المفروض شكله عامل ازاي ؟

يعني عايز بس اعرف شكل الامتحان و كيفية حل الاسئلة

السلام عليكم

امتحان المقال هييجي 3 اسئلة

السؤال الاول قطعة وعليها اسئلة ومن ضمن الاسئلة في سؤال هتحدد كلمات من القطعة واحنا نجيب كلمة تانية بنفس المعنى واذا معرفناش ممكن نجيب العكس بتاع الكلمة


السؤال التاني هييجي summary تلخيص القطعة اللي في السؤال الاول

في كل براجراف هنطلع منه فكرة اساسية ونجمعهم ونربطهم ببعض ونعمل مقال مكون من 6 او 7 سطور 


السؤال التالت هييجي مقالين هنختار واحد منهم ونكتب فيهم





هااااااااااااااااااام للجميع


انا سألت طالبة في ترم خامس عن المقال قالتلي ان جالهم الترم اللي فات مقال من الكلام اللي كانت بتقولو الدكتورة في المحاضرة يعني ممكن يجيلنا نكتب مقال عن How we can change the world او ممكن ييجي how you can control your angry او ممكن ييجي عن الاهداف اللي احنا عايزين نحقهها السنة دي او عن صعوبات الحياة بعد الزواج ده اللي اتكلمت عليه في المحاضرات  ويارب ييجي حاجة منهم 


ربنا معانا ويوفق الجميع

[سما سيف 0]

اما لو جيه موضوع منهم يا مريومة يبقى ليكى الحلاوة ههههههههه انا حسيت بقيمة المنتدى فعلا من زميلة كانت بتمتحن معايا واحنا خارجين من الامتحان سالتنى هوا الدكتور ما جابش نحو ليه انا ما ذاكرتش غيره وقلت ممكن اكتب اى حاجة فى مواضيع القراءة فانا ما كنتش مصدقة ودانى فى ناس فعلا معتمدة على المحاضرات اللى على السايت وما تعرفش اى جديد وطبعا انا ما اتوصيتش وقلتهلها طبعا على موقع المنار عشان تتابعه وفضلت تشكرنى جدا قلت امال انتو بقى اللى بتتعبوا وتحضروا وتقولولنا كل جديد ربنا يخليكو لينا وللمنتدى

[Ahmed Elwardany 0]

شكرا كتير يا مريم ربنا يكرمك يارب