حلقة دراسية ترم رابع دور سبتمبر 2013

[bataelmghraby 0]

ازيك يا مريم مبروك النجاح وكل سنة وأنتى بخير وطيبة
أنا معاكم ان شاء الله  أنا كنت تعبانا شوية وهبدأ اذكر


                                

[سحر عبد الحق 0]

جزاكى الله كل خير  يا مريومه

[*maryam 0]

الشكر لله يا سما  

الحمد الله [b]bataelmghraby [/b]الله يبارك فيكي ومبروك ليكي والف سلامة عليكي  

جزاكي الله بمثله يا سحر تسلمي يارب 

[*maryam 0]

محاضرات بتاريخ 29/ 11
 
الترجمة
 
خدنا جزء من مقال من جريدة الاهرام ويكلي (The final hours  ) وده لينكه
 
http://weekly.ahram.org.eg/News/4804/17/The-final-hours.aspx
 
 
وجزء من مقال تاني بعنوان ( charting the future ) وده لينكه
 
http://weekly.ahram.org.eg/News/4803/17/Charting-the-future.aspx
 
 
والدكتور قال مش لازم نترجم المقال كله لا احنا ممكن نترجم بدايته او جزء عجبنا من نصفه نقراه ونترجمه مش بالضروري كله المهم نفهم المقال بيتكلم عن ايه بالظبط والنقاط الهامة فيه
 
وخدنا جزء من قطعتين موجودين في الكتاب ( ص25 – ص 40 )
 
ملحوظة: لما نيجي نترجم عنوان من عربي لانجليزي نلغي تماما حروف الجر والأفعال المساعدة
 
وقال نترجم برضه من الكتاب مش من الجريدة بس .
 
---------------------------------------------------------
 
القراءة والتعبير
 
كملنا درس لماذا هويت القراءة وفي طلبة قامت قرأت عشان يعدل يعني على طريقة القراءة والتشكيل وكدا ووقف عند نقاط معينة وشرحها مثل الجزء الخاص عن ما هو سر الحياة وكل واحد فسرها بطريقته


واتكلم عن الكتب المفضلة لدى العقاد ( كتب فلسفة الدين – التاريخ الطبيعي- تراجم العظماء – كتب الشعر)



وقال اذا جاءت في سؤال صح وغلط ممكن يكتب كتابين او 3 فا كدا المفروض نقول ان العبارة خطأ – بمعنى انه لازم يتكتب الاربع مجالات من الكتب عشان تكون العبارة صحيحة فقال ناخد بالنا من الحاجات دي لان في حاجات دقيقة ممكن نغلط فيها وقال انه فضل يجيب سؤال صح وغلط من غير تعليل لان ممكن العلامة تكون صح والتعليل يبقى غلط .




لا تنسوني من صالح دعائكم

[سما سيف 0]

جزاكى الله خيرا بجد يا حبيبتى وكفاية انك بتروحى فى الاجواء اللى البلد فيها دى ربنا يحفظك من كل شر وييسرلك كل خير

[bataelmghraby 0]

[ahmedraaftmohamed 0]

انا يشكرك جدآ على المجهود الى حضرتك بتقدمية

[*maryam 0]

سما سيف كتب:

جزاكى الله خيرا بجد يا حبيبتى وكفاية انك بتروحى فى الاجواء اللى البلد فيها دى ربنا يحفظك من كل شر وييسرلك كل خير

جزاكي الله بمثله يا جميل اه والله يا سما البلد حالها ما يعلم بيه الا ربنا وبيجيلي احساس اني مش هرجع البيت تاني  بس حتى لو مكتوبلي ان يحصلي حاجة في اليوم ده ومنزلتش هيحصل برضه وانا في البيت لان اللي مكتوب هشوفه وربنا يسترها علينا كلنا وتسلمي ياحبيبتي على دعائك - اللهم امين

وبالنسبة لسؤالك في 4 محاضرات فيديو للدكتورة سلوى اللي بتدرسلنا المادة عالسايت المحاضرات رقم 8 و 9 و 10 و 11 هما 4 فعلا وموجودين في اللين ده

/t11929-topic
هما دول اللي هتسمعيهم والمذاكرة من ورق المحاضرات وفي ملف تعريفات حلو جدا موجود في اللينك ده ومعاه ملفات خاصة بالفوناتكس واخر امتحانات رفعتهولك على اللينك ده

http://arabsh.com/files/0c35444c61f4/new-folder-rar.html

 - يعني اللي المفروض نعمله فهم وحفظ التعريفات و حفظ الجدولين وحفظ الرموز 

وربنا معانا ويوفقنا 

[*maryam 0]

Sarah SY كتب:

جزاكي الله كل خير يا مريم أنا جديدة هون بمصر و بالجامعة وبالمنتدى وكنت ضايعة كتير لأنو أساسا صرلي سنتين تئريبا تاركي الدراسة وهلأ الحمدلله تيسرت و رح كمل هون ان شالله عندي مادة من الترم التاني قراءة وفهم 2 ومادتين من التالت ترجمة 3 و علم الترجمة و مادتين من الترم الرابع قراءة والتعبير2 و مقال وقراءة وفهم  يلي هيي أكتر مادة خايفي منا لأنو بصراحة ماعم افهم شي ع الدكتورة عبير الله يستر يارب
كتير استفدت من كلامك وشرحك حبيت اتشكرك كتير الله يعطيكي ألف عافيه يارب 

اهلا بيكي ياقمر نورتي مصر والجامعة والمنتدى وفعلا مادة المقال والقراءة والفهم رخمة شوية وشفت امتحانها تقيل  بس اسمعي الفيديوهات اللي موجودة عالسايت هتفيدك واي مساعدة اقدر اقدمهالك انا معاكي يا حبيبتي وربنا يوفقك ويوفق الجميع  والشكر لله ياقمر 

[*maryam 0]

ahmedraaftmohamed كتب:

انا يشكرك جدآ على المجهود الى حضرتك بتقدمية

الشكرلله يا استاذ احمد وكله بفضل ربنا 

وجزاكى الله بمثله [b]bataelmghraby[/b]

[سما سيف 0]

ايوة كدة يا مريم ريحتينى دانا كنت عمالة انزل فى المحاضرات الفيديو من الاول واشوف واحدة واحدة وكنت متلخبطة جدا وموش مبسوطة من الشرح انتى كدة سهلتيلى الموضوع موش قولتلك ان دورك كبير معانا ربنا يخليكى   

[سما سيف 0]

حلو اوى الملف الى انتى نزلتيه شرحه ميسر جدا شكرررررررررررررررررررررررررررررررررررا ليكى كتيييييييييييييييييييييير

[*maryam 0]

طيب الحمد الله يا حبيبتي انه عجبك وسهل عليكي فرحتيني بجد - الله المستعان وربنا معانا 

[ahmedraaftmohamed 0]

والله يأخت مريم انا ماعرف اشكرك ازاى بس ياريت بقى لو تسيبو المحاضرات فى مكتبة معينة علشان اصورها أواخدها من حد فيكم لأن ظروف شغلى صعبه حبتين ثلاثة

[*maryam 0]

لا شكر على واجب يا استاذ احمد دعواتك بس احسن من الشكر - في 3 حلول عشان تجيب ورق المحاضرات حضرتك ممكن تشتريه من المركز يوم الجمعة لو مش فاضي يوم الجمعة ممكن تجيبو في اي يوم وفي اي وقت من المكتبات اللي موجودة جنب المركز موجود فيها المحاضرات كلها حضرتك هتقوله عايز محاضرات وتطبيقات ترم رابع  والحل التالت تطبعها من اي مكان من على صفحتك الشخصية وربنا يعينك واي سؤال انا مع حضرتك

[abo nooh 0]

نفع الله بك  مريم  

وبارك الله فيك

[azzaelshenawy 0]

[size=[size=18]24]الله يجزيكي عنا كل خير    ويجعل تعبك في ميزان حسناتك[

[mor 0]

اللهم امين 

[محبة نور الإيمان 0]

السلام عليكم ورحمة الله وبركاته 
اتمنى إن الكل كويس انا واخده من ترم رابع معاجم وترجمة 4 انا لغاية دلوقتي مذكرتش اي حاجة الجامعة منزلتليش اي حاجة على صفحتي مع إني دفعت جزء من الرسوم لو حد عنده المحاضرات التلفيزيونية والمكتوبة يا ريت يرفعها عشان اقدر اذاكر شوية من المادتين دي .... 

[*maryam 0]

السلام عليكم جميعا

وجزاكم الله بمثله يارب تسلموا على ردودكم الجميلة

[*maryam 0]

محبة نور الإيمان كتب:

السلام عليكم ورحمة الله وبركاته 
اتمنى إن الكل كويس انا واخده من ترم رابع معاجم وترجمة 4 انا لغاية دلوقتي مذكرتش اي حاجة الجامعة منزلتليش اي حاجة على صفحتي مع إني دفعت جزء من الرسوم لو حد عنده المحاضرات التلفيزيونية والمكتوبة يا ريت يرفعها عشان اقدر اذاكر شوية من المادتين دي .... 

وعليكم السلام ورحمة الله وبركاته

الفيديوهات بتبقى مساحتها كبيرة قوي يا محبة وصعب رفعها بس بالنسبة للمحاضرات والتطبيقات المكتوبة انا منزلاها كلها في اللينك ده 

/t11929-topic

بس انتي لازم تشتكي في الموضوع ده ان لحد دلوقتي منزلوش حاجة على صفحتك بس ده يمكن عشان مدفعتيش الرسوم كاملة وللا عادي كانوا بينزلوهالك ؟

[*maryam 0]

السلام عليكم ورحمة الله وبركاته


محاضرات بتاريخ 6/ 12/ 2013


بسم الله الرحمن الرحيم

 بصوا بعنيكم اليمين ياجماعة الله يخليكم انا هفتح نفسكم الاول بالفوناتكس عشان عارفاكم بتحبوها اد ايه  



خدنا خير اللهم اجعله خير يارب بعيد عن السامعين الرموز ( سسسسسس )/ ده واحد بينادي على صحبه ملناش دعوة بيه ---- ( ذذذذذذذ ) / هنرش بيرسول دلوقتي متقلقوش ------ ( ششششش / ده واحد بيتفرج على فيلم اجنبي ومش عايز دوشة لو عملتوا دوشة بقى انتوا حرين كدا معانا سسسسس وشششش وذذذذذذ تمام



انا متخيلاكم عاملين كدا  

بصوا بقى ملكوش دعوة باللي حصل فوق ده ملناش دعوة بيه خليكوا انتو احسن هههههههههه

نبدأ بقى في اللي احنا خدناه

---

الفوناتكس


* خدنا الاربع اجزاء من اللسان ( tip- blad- front- back )ده موجود في ص9 في ورق المحاضرات
* وعرفنا ان الحروف الساكنة بتيجي ( voiced و voiceless )
* الحروف المتحركة بتيجي دائما voiced اه وربنا حتى اسئلوا

Voiceless sound --- الصوت المهموس اللهم احفظنا

صوت لاتهتز في نطقه الاحبال الصوتيه وتكون متباعده عن بينهما بحريه ودون أي عائق ويمر الهواء بسهوله الحروف مثل p-t-k

Voiced sound --- الصوت المجهر
صوت اثناء نطقه تهتز الاحبال الصوتيه وتكون متقاربه

Vocal Cords الاحبال الصوتيه

* خدنا جدول الحروف الساكنة المحاضرة الثانية ص 11

( Place of Articulation ) كله

Bi labial------ الشفتين مع بعض مثل p
Labio dental---- الشفاه السفلى مع الاسنان العليا مثل v
Dental------- طرف اللسان مع الاسنان
...... الخ وكله مشروح في ص12 في المحاضرات

و( manner of Articulation) خدنا 2 بس / plosive صوت الانفجار مثل p و Fricative الاحتكاك مثل f ,v

---

المقال والقراءة والفهم



الدكتور عبير الحمد الله رضيت علينا ومشغلتش اغاني ولا كارتون بس انا توقعت هتشغل توم وجيري المرة دي بس للأسف - هي فتحت امتحان بتاريخ 9/ 7/ 2012 وقريته بس مش للأخروقالت انها هتكمله المحاضرة الجاية يعني وقالت المفروض القطعة هتيجي من غير عنوان عشان لو كتبت العنوان هنفهم الموضوع بيتكلم على ايه بكل سهولة فالبتالي مش هنركز في قراءة القطعة قوي وقالت المقدمة مهمة اننا نقراها عشان يعتبر ملخص اللي هيتقال في القطعة وهو مكتوب بخط مايل عشان يشد انتباه القارئ انه مهم ومندخلش عالقطعة على طول من غير ما نقرأه وبيكون في جمل معمولة بولد عشان يشد انتباه القارئ انها مهمة
وقالت اللي هيعمل الاجابة كوبي وبست هياخد نص الدرجة 2ونص لانها عايزة الاجابة بأسلوبنا

أول خطوة نقرأ القطعة قراءة سريعة ولا نقف على الكلمات الصعبة لعدم تضييع الوقت
تاني خطوة نقرأ فقرة فقرة ونطلع الفكرة الرئيسية في كل فقرة وبيكون في فقرات مش بيكون فيها افكار
واتكلمت عن السؤال الخاص بتلخيص القطعة اننا المفروض نكتب الافكار الرئيسية اللي طلعناها من القطعة وفي الاخر نكتب الخاتمة ونحاول منزودش عن 7 سطور

واتكلمت عن السؤال الخاص بالكلمات التي توجد تحتها خط بالقطعة المفروض اننا نقرأ الكلمة المحددة ونعرف معناها ونكتب شرح للكلمة بالانجلش يعني اللي فهمناه من الكلمة أو إذا زنقت معانا نكتب التضاد بتاع الكلمة اهم حاجة لا نكتب معنى الكلمة بالعربي ولا مجرد كلمة تاني بنفس المعنى هذا مرفووووض تماما

ودي كلمات خدناها من القطعة:

:Get through يعبر
Gotmother:: الأم الروحية
Withholding: يتشبث
Vanish : يتلاشى
Long for : يشتاق إلى
Oak : خشب البلوط
Diamonds : الماس

---

المعاجم

خدنا المحاضرة رقم4 كلها - فيها جمل وكوريكت
وبتقول ان في تطبيقات مش موجود حلها في الورق وهي موجودة عالسايت تحت عنوان

 ( تدريبات وتطبيقات مكتوبة للطباعة )

والى لقاء آخر ا ن شاء الله

[mor 0]

 

 

[Hamdy Tawfik-manar9 0]

*maryam كتب:

السلام عليكم ورحمة الله وبركاته


محاضرات بتاريخ 6/ 12/ 2013


بسم الله الرحمن الرحيم

 بصوا بعنيكم اليمين ياجماعة الله يخليكم انا هفتح نفسكم الاول بالفوناتكس عشان عارفاكم بتحبوها اد ايه study



خدنا خير اللهم اجعله خير يارب بعيد عن السامعين الرموز ( سسسسسس )/ ده واحد بينادي على صحبه ملناش دعوة بيه ---- ( ذذذذذذذ ) / هنرش بيرسول دلوقتي متقلقوش ------ ( ششششش / ده واحد بيتفرج على فيلم اجنبي ومش عايز دوشة لو عملتوا دوشة بقى انتوا حرين كدا معانا سسسسس وشششش وذذذذذذ تمام



انا متخيلاكم عاملين كدا scared

بصوا بقى ملكوش دعوة باللي حصل فوق ده ملناش دعوة بيه خليكوا انتو احسن هههههههههه

نبدأ بقى في اللي احنا خدناه

---

الفوناتكس


* خدنا الاربع اجزاء من اللسان ( tip- blad- front- back )ده موجود في ص9 في ورق المحاضرات
* وعرفنا ان الحروف الساكنة بتيجي ( voiced و voiceless )
* الحروف المتحركة بتيجي دائما voiced اه وربنا حتى اسئلوا

Voiceless sound --- الصوت المهموس اللهم احفظنا

صوت لاتهتز في نطقه الاحبال الصوتيه وتكون متباعده عن بينهما بحريه ودون أي عائق ويمر الهواء بسهوله الحروف مثل p-t-k

Voiced sound --- الصوت المجهر
صوت اثناء نطقه تهتز الاحبال الصوتيه وتكون متقاربه

Vocal Cords الاحبال الصوتيه

* خدنا جدول الحروف الساكنة المحاضرة الثانية ص 11

( Place of Articulation ) كله

Bi labial------ الشفتين مع بعض مثل p
Labio dental---- الشفاه السفلى مع الاسنان العليا مثل v
Dental------- طرف اللسان مع الاسنان
...... الخ وكله مشروح في ص12 في المحاضرات

و( manner of Articulation) خدنا 2 بس / plosive صوت الانفجار مثل p و Fricative الاحتكاك مثل f ,v

---

المقال والقراءة والفهم



الدكتور عبير الحمد الله رضيت علينا ومشغلتش اغاني ولا كارتون بس انا توقعت هتشغل توم وجيري المرة دي بس للأسف - هي فتحت امتحان بتاريخ 9/ 7/ 2012 وقريته بس مش للأخروقالت انها هتكمله المحاضرة الجاية يعني وقالت المفروض القطعة هتيجي من غير عنوان عشان لو كتبت العنوان هنفهم الموضوع بيتكلم على ايه بكل سهولة فالبتالي مش هنركز في قراءة القطعة قوي وقالت المقدمة مهمة اننا نقراها عشان يعتبر ملخص اللي هيتقال في القطعة وهو مكتوب بخط مايل عشان يشد انتباه القارئ انه مهم ومندخلش عالقطعة على طول من غير ما نقرأه وبيكون في جمل معمولة بولد عشان يشد انتباه القارئ انها مهمة
وقالت اللي هيعمل الاجابة كوبي وبست هياخد نص الدرجة 2ونص لانها عايزة الاجابة بأسلوبنا

أول خطوة نقرأ القطعة قراءة سريعة ولا نقف على الكلمات الصعبة لعدم تضييع الوقت
تاني خطوة نقرأ فقرة فقرة ونطلع الفكرة الرئيسية في كل فقرة وبيكون في فقرات مش بيكون فيها افكار
واتكلمت عن السؤال الخاص بتلخيص القطعة اننا المفروض نكتب الافكار الرئيسية اللي طلعناها من القطعة وفي الاخر نكتب الخاتمة ونحاول منزودش عن 7 سطور

واتكلمت عن السؤال الخاص بالكلمات التي توجد تحتها خط بالقطعة المفروض اننا نقرأ الكلمة المحددة ونعرف معناها ونكتب شرح للكلمة بالانجلش يعني اللي فهمناه من الكلمة أو إذا زنقت معانا نكتب التضاد بتاع الكلمة اهم حاجة لا نكتب معنى الكلمة بالعربي ولا مجرد كلمة تاني بنفس المعنى هذا مرفووووض تماما

ودي كلمات خدناها من القطعة:

:Get through يعبر
Gotmother:: الأم الروحية
Withholding: يتشبث
Vanish : يتلاشى
Long for : يشتاق إلى
Oak : خشب البلوط
Diamonds : الماس

---

المعاجم

خدنا المحاضرة رقم4 كلها - فيها جمل وكوريكت
وبتقول ان في تطبيقات مش موجود حلها في الورق وهي موجودة عالسايت تحت عنوان

 ( تدريبات وتطبيقات مكتوبة للطباعة )

والى لقاء آخر ا ن شاء الله

 

[سما سيف 0]

هههههههه لا بجد فتحتى نفسنا على الاخر دا انجليزى دا يا مرسى شكل اللى احنا خدنا قبل كدة حماده واللى جى خير الله ما اجعله خير حماده تانى خالص ربنا يستر بس احسن حاجة حصلت ان الحاجات دى رجعت روح الدعابة ليك يا جميل بعد ما غابت بقالها كتير احب اشوفك كدة على طول ربنا يبارك فيكى

[سحر عبد الحق 0]

ههههههههههههههههههه تسلمى يا مريومه

[*maryam 0]

mor كتب:

 

 

جزاك الله بمثله اخي عمرو 

[*maryam 0]

سما سيف كتب:

هههههههه لا بجد فتحتى نفسنا على الاخر دا انجليزى دا يا مرسى شكل اللى احنا خدنا قبل كدة حماده واللى جى خير الله ما اجعله خير حماده تانى خالص ربنا يستر بس احسن حاجة حصلت ان الحاجات دى رجعت روح الدعابة ليك يا جميل بعد ما غابت بقالها كتير احب اشوفك كدة على طول ربنا يبارك فيكى

هههههههههههههه اعتقد انه انجليزي 
ياحبيبتي ربنا يخليكي يارب وتسلمي على ردك العسل ده ولا يحرمني من ردودك 

[*maryam 0]

سحر عبد الحق كتب:

ههههههههههههههههههه تسلمى يا مريومه

ربنا يخليكي ياجميل 

[Ahmed Elwardany 0]

السلام عليكم
ازيكم يا جماعة عاملين ايه

والله اولا انا مش عارف اقولكم ايه بس كالعادة انا مكنتش عارف ابقى معاكو من الاول و اتابع المنهج بسبب ظروفي المكررة و بكرر اسفي والله انا لغاية دلوقتي مفتحتش ولا كلمة وحاسس ان انا بلعب في الوقت الضايع 
ياريت يا جماعة تفيدوني بكل اللي فاتني و الاهم تقوليلي ابدأ مذاكرة ازاي و اعمل ايه لاني معرفش اي حاجة و مش عارف ابدأ منين
انا اول امبارح طبعت كل المحاضرات و كل التطبيقات و مش عارف ابدأ ازاي ياريت يا جماعة تخليكو معايا و تفيدوني ابدأ ازاي في مادة مادة و اهم من كدة انا عارف اني اتأخرت بس هل تأخيري ده هيخليني اندم ؟ بمعنى هل المنهج صعب جدا و كان المفروض يتتابع من البداية؟.
عموما انا خلاص بقيت معاكو و الحمد لله مع العلم اني الترم ده معاكو في 3 مواد بس الباقي من الترم اللي جاي
يعني انا عايزكم بس تفيدوني ابدأي ازاي و اعمل اية في المواد الاتية

مقال قراءة و فهم

قراءة و تعبير 2

علم الصوتيات

[Ahmed Elwardany 0]

ش

[*maryam 0]

وعليكم السلام اخي احمد

لا مفيش اي مشكلة ابدأ من دلوقتي وانت مش متأخر ولا حاجة بس لو بدأت من دلوقتي هيبقى كله تمام وهتخلص قبل الامتحان بفترة كمان بإذن الله

بالنسبة للعربي مادة سهلة هو عبارة عن 3 مواضيع قراءة هنذاكرهم من الكتاب وهييجي منهم موضوع نكتب عنه والسؤال التاني هيكون صح وغلط ومن غير تعليل يعني مفيش اسهل من كدا  واللي احنا خدناه درس لماذا هويت القراءة ولسة معرفناش باقي المنهج ايه

اما بالنسبة للمقال والقراءة والفهم ملوش منهج اسمع الفيديوهات وحاول تدرب من ورق الامتحانات او من الكتاب على القطع وعلى كتابة البراجرافات

بالنسبة للفوناتكس ده بقى اللي عايز مذاكرة وتركيز يعني لازم تبدأ فيها من دلوقتي هي تعريفات هتتحفظ وموجودة في ورق المحاضرات تقريبا 50 تعريف بس لو فهمتهم هيبقى سهل حفظهم  واسمع الاربع فيديوهات للدكتورى سلوى عشان تساعدك في الفهم وفي جدولين في ورق المحاضرات جدول الحروف الساكنة وجدول الحروف المتحركة موجودين في ورق المحاضرات  لان الاتنين هييجو في الامتحان وطبعا اعرف شكل رموز الحروف ونطقها - المادة دي عايزة شغل شوية ويدوبك تبدأ فيها من دلوقتي وربنا معانا

[medhate 0]

السلام عليكم مليون سلام وتحية للاستاذة الفاضلة مريم لمجهودك وتعبك نسأل الله لك ان يوفقنا واياك لما يحب ويرضى

[مجدى جلال 0]

أنا كمان معكم في مادتين وبتقدم لاستاذة مريم بالشكر الجزيل للعلم المادتين هما 222و224واتمنى النجاح والتوفيق للجميع وترم سعيد وسهل ياريت يكون دايما هناك تفاعل لان احنا بالخارج ويدوبك بنز ل عالامتحان مبلحقش اعرف ايه تنبيهات الدكاترة جزاكم الله خير

[medhate 0]

السلام عليكم ؟؟ باشكر كل من ساهم لمصلحة الغير والله الموفق

[*maryam 0]

اللهم امين وربنا يوفقنا يارب جميعااااااااا

[*maryam 0]

السلام عليكم ورحمة الله وبركاته




محاضرات بتاريخ 13/ 12/ 2013
 
القراءة والتعبير :
 
خدنا درس الأدب العربي ومكانته بين الآداب الكبرى العالمية من الكتاب
 
تحدث عن عميد الأدب العربي طه حسين ولد بنفس العام الذي ولد فيه العقاد 1889ولقب بهذا الاسم لانه عين أكثر من مرة عميدا لكلية الآداب لانه كان يطلب منه الاستقالة وكان بالفعل يستقيل وواجهته مشاكل كثيرة لان حياته الوظيفية كانت جزء من الحياة السياسية ثم لزم بيته حتى لا يختلط بأحد فدعته الجامعة الامريمية لالقاء محاضرة وهذا كان السبب في إخراجه من الحبس الذي كان فيه لذالك تقدم بالشكر كثيرا للجامعة في بداية الدرس   - ووصل ل ص 39 من الكتاب الى هذه الجملة  ( معروفة عند الاخصائيين الذين يبذلون جهودهم في مكاتبهم)
 
----------------------------------------


محاضرة الترجمة:
 
خدنا في الكتاب جزء من القطعة يونت 9 وموجود في ورق المحاضرات في المحاضرة الرابعة
 
ومن الاهرام ويكلي خدنا بداية الخبر ده calling the vote  الدعوة للتصويت
 
http://weekly.ahram.org.eg/News/4915/17/Calling-the-vote-.aspx
 
واستعرض معنا الخبر الذي يتحدث عن سد النهضة
http://weekly.ahram.org.eg/News/4913/17/Cordiality-not-enough.aspx
 
و with it or not
http://weekly.ahram.org.eg/News/4908/17/With-it-or-not.aspx
 
 
ملاحظات هامة
 
* قال لنا لما نيجي نترجم نقوم بقراءة فقرة كاملة وليست جملة جملة  ونترك هذه الفقرة تماما وننسى اللي احنا قريناه ونبدأ نكتب اللي احنا فهمناه من الفقرة بكذا صيغة لحد ما نأتي بأفضل صيغة  دون الرجوع الي الفقرة مرة اخرى ونحاول نكتبها بطريقة مبسطة ولا نقف عند كلمة ثم بعد ذلك نقرأ الفقرة الثانية و اهم شئ ان اللي يقرأ الترجمة لا يشعر انها مترجمة  وهذه الطريقة السابقة تساعدنا على ذلك
 
 
* كلمة against  عندما نراها في قطعة لا نقوم بترجمتها الى ضد لان لها معاني كثيرة وتترجم على حسب السياق
* هذه الكلمات always – often – never – frequency ....... الخ تأتي بعد ال subject  مباشرة ولا نضعها بأخر الجملة ولا بعد الفعل
 
* الجار والمجرور يأتي في اخر الجملة حتى اذا وجدناه بالنص العربي في المنتصف
 
* الاضافات مثل however – addition that ....... الخ تأتي في باداية الجملة وبعدها كومة لتوضح للقارئ ان الكومة سيأتي بعدها subject وستكون بداية الجملة.
 
------------------
 
هنبدأ ناخد المحاضرة الجاية من عربي لانجلش
 
تحضير قطعتين عربي  (المخدرات) في الكتاب يونت9 و موجودة في ورق المحاضرات في المحاضرة 4
 
قطعة الكمين موجودة في ص 137 وفي ورق المحاضرات المحاضرة 5
 

تم بحمد الله

[سما سيف 0]

دا انتى بطلة موش ممكن معقولة تنزلى فى الجو دا انا ما توقعتش انك هاتنزلى محاضرات الاسبوع دا اقولك ايه ربنا يجعله فى ميزان حسناتك دا انا مقضياها تحت البطنية ههههه

[*maryam 0]

ههههههههههههههههههههههههههههه انا مش بطلة ده انا مجنونة وحياتك ياسما- انا خدت المطرة كلها فوق راسي وغرقت  وعايزة اقولك اتجمدت بمعنى اتجمدت  لا والاكتر كنت بلعب باليه طول الطريق  مش عارفة امشي وغرست والفيبريشن شغال طبعا   مش قادرة اوصفلك   ده انا حمدت ربنا ان الدكاترة راحو  بس برضه
 مفيش احلى من الشتاااااااااااااا

[سحر عبد الحق 0]

ربنا يجعله فى ميزان حسناتك  ويجازيكى عنا كل الخير انتى وكل اللى الزملاء    

[سحر عبد الحق 0]

ممكن يا مريم اعرف مادة الصوتيات اخدنا كام محاضرة

[*maryam 0]

اللهم امين ويجازيكي بمثله ياحبيبتى - احنا خدنا 4 محاضرات فوناتكس وناقص 3 محاضرات بس

[bataelmghraby 0]

يا حببتي يا مريم معلش علي المطر و البرد وشكرا لكى



                                                

[KIMO24672 0]

السلام عليكم و رحمه الله و بركاته
اسمحولي في البدايه اعرف نفسي كعضو جديد معاكم,ثم ابدي اعجابي بطريقه العرض الجميله دي بجد حسستني ان الكليه بتاعتنا لاول مره حلوييييييييييييييييييييييي
اشكركم وجزاكم الله خيرا واعانكم علي العطاء و البذل لإفاده الاخرين 



                                                                           وشكرا
                                                                    
                                                                         أخوكم / محمد كمال

[mor 0]

وعليكم السلام ورحمة الله وبركاته 

اهلا وسهلا بك استاذ / محمد كمال نورتنا

ومرحبا بك عضو جديد في اسرة منتديات المنار التعليمية 

تمنياتي لك قضاء وقت مفيد معانا 

*** مع اطيب التمنيات ***

[*maryam 0]

bataelmghraby كتب:

يا حببتي يا مريم معلش علي المطر و البرد وشكرا لكى



                                               



 عادي ياجميل انا بحب المطر جدااااااااااااااااااااااااااااااااا  

[*maryam 0]

وعليكم السلام ورحمة الله وبركاته

اهلا بحضرتك استاذ كيمو عضو جديد بالمنتدى واتمنى لك التوفيق

[Ahmed Elwardany 0]

ازيكم يا جماعة عاملين ايه كلكو؟ معلش النت كان فاصل عندي الايام اللي فاتت دي
ايه اخبار المذاكرة معاكو؟

[*maryam 0]

معلش يا جماعة عالتاأخير كنت تعبانة شوية هكتبلكم المحاضرات حالا

[*maryam 0]

 

مادة المقال : دكتورة عبير عمر

كملنا القطعة اللي بدأناها المحاضرة اللي فاتت في امتحان بتاريخ 9/ 7/ 2013 

واتكلمت في موضوع عن الغضب وازي نتحكم في غضبنا 

?How to control your angry

* before you took listen

* before you react think 

*before you pray forgive

* before you criticize wait

*before you quit try 

---

المعاجم د/ خلود

الدكتورة شرحت المحاضرة الخامسة وفي الاخر عرفنا ان مش هييجي منها حاجة كلنا عملنا كدا   لان المحاضرة ضاعت على حاجة ملغية 

وخدنا الكلمات دي

* ulcer قرحة

 

* ulcer peptic قرحة المعدة

*eyesore  منظر قبيح

*sore throat احتقان 

*relief  إغاثة

Avian flu انفلونزا الطيور

* comb  يمشط 

Air cover  غطاء جوي 

* Air pocket مطب هواء

* casino صالة قمار

* Ablution  وضوء

---

الفوناتكس د/ سلوى

كملنا جدول الحروف الساكنة 

Affricate له حرفان فقط (تش وتج) مش عارفة اكتبهم هههههههه تش voiceless و التانية voiced يبدأ بplosive و ينتهي ب fricative 

* Nasal 3 حروف m و n و انكخ ههههههههههه الn التالتة يعني  اللي موجودة في velar وطبعا الثلاث احرف الهواءبيخرج من الانف لان ممر الفم بيتقفل مع نطق الحرف

* Lateral بمعنى الهواء بيخرج من جانبي اللسان وهو حرف واحد L

* semi vowel 3 حروف w , r , j وحرف ال j بيتنطق ( يا ) مثلا كلمة year الy بيتكتب j كدا -- jia

وكدا جدول الحروف الساكنة خلص 

---

النهاردة كان في محاضرة ترجمة والعربي الدكتور للأسف مش جيه 

الدكتور قال اننا مينفعش اي كلمة نستخدم فيها القاموس  لان في كلمات بتتفهم من السياق وممكن تيجي بمعاني تانية مش موجودة في القاموس ( i want ) ممكن تيجي بمعنى لا اريد من غير ما يكتب اداة النفي بس معنى الجملة كدا يعني لازم نقراها لأخرها منترجمش كلمة كلمة  - وقال لنا لازم تقروا في الاقتصاد كمان لان مش عندنا حصيلة مفردات في المجال ده وده اللي لحظوا لما قال كلمة صندوق في الاقتصاد تترجم ايه كلنا قلنا box ولكل مجال له كلمات خاصة به والصح نقول fund - صندوق اقتراض او صندوق تبرع 

كلمة يقترض ----- borrow

كلمة يقرض -------- lend

* لن يقول He will not say

* لا يقول He does not say

* لم يقول  He did not say

لما تكون حاجة مؤكدا مثلا في العقود والكتب المقدسة تكتب 

He shall not say

وقال نخلي بالنا من ترجمة الجمل المبنية للمجهول منترجمش كلمة by بواسطة ولا من قبل ولا عن طريق المفروض نقلب المجهول لمعلوم 

---

تم بحمد الله

 لا تنسوني من صالح دعائكم