حلقة دراسية ترم رابع دور سبتمبر 2013

[*maryam 0]

اهلا بيكم في الحلقة الدراسية لطلبة ترم رابع أداب انجلش وان شاء الله سوف نتناقش في هذا الموضوع عن كل ما يخص دراستنا في هذا الترم الجديد واتمنى منكم التفاعل والمشاركة كما تعودنا منكم وسيتم غلق الموضوع لحين بداية اول محاضرة بالجامعة غدا 25/ 10 بإذن الله

اتمنى لكم التوفيق  

   

[*maryam 0]

السلام عليكم ورحمة الله وبركاته اهلا بيكم يا ترم رابع كان يوم النهاردة صعب قوي عليا بجد مرهق جدااا وغير التثبيتة اللي اتثبتها من الجيش النهاردة والشارع المرعب اللي مشيت فيه الصبح اللي مليان دبابات وجيش وكنت حاسة وانا ماشية ان قنبلة هتنفجر ولما وصلت للحدود طلعتلهم الكارنيه عشان اعرف اعدي والرجوع كان عذاب اكتر وفي الاخر الدكاترة جايين يتكلموا كلام ملوش اي فايدة  ولا ليه علاقة بالمواد اصلا  ولا استفدنا اي حاجة منهم للأسف يمكن عشان اول يوم بس 


مقال وكمبريهنشن : دكتورة عبير عمر قعدت نص الوقت تتكلم عن نتيجة الكالتشر بتاع ترم تاني على اساس اننا كنا وخدينوا الترم اللي فات كانت فكرة يعني كدا وفين وفين لما عرفت انه كان ترم تاني واحنا دلوقتي في رابع يعني كانت تايهة وتوهتنا معاها وقالت بقى ان المقال والكمبرهينشن مختلفة تماما عن مقال ترم تالت يعني هنكتب موضوع متواصل مش مجرد جمل زي الترم اللي فات ونتكلم في صلب الموضوع منخرجش برة والوقت خلص !!!!!!!!


الفوناتكس : دكتورة سلوى الحمد الله مطلعناش بكلمة مفيدة الكلام كله برضه برة المادة ولا جابت سيرة الفوناتكس اصلا 


المعاجم: دكتورة خلود اتكلمت عن القواميس واننا لما نيجي نبحث عن كلمة لازم نشوف كل معانيها واي كلمة جديدة نعرفها لازم نحفظها ونعرف معانيها كلها (بأسلوبها سفنجة تمتص اي كلمة تعدي علينا)  وقالت منترجمش على جوجل خالص نترجم من اي مصدر تاني لانه ترجمة حرفية واحنا المفروض نترجم المعنى وليست الكلمة  والوقت انتهى على كدا


والدكاترة كلهم قالوا الكتاب ملوش لزمة مش هناخد منه اي حاجة مذاكرتنا من الفيديهوهات والمحاضرات والتطبيقات


اللهم اجعله ترم سهل علينا يارب بالتوفيق

   

[Ahmed Elwardany 0]

خير ان شاء الله ربنا يجعله ترم كويس و نعدي فيه على خير زي الترم التالت

[سما سيف 0]

كويس يا مريم دا انتى كدة طمنتينى على الاخر دا انا كنت ناوية اروح اقدم لا بالشكل دا بقى انا هاستنى شوية لغاية ما نهدا الاوضاع ما تعرفيش اخر ميعاد للتسجيل امتى ولغاية ما اسجل اذاكر عادى من المحاضرات اللى كنتى منزلاها والا فى حاجة اتغيرت فى المناهج يعنى الدكاترة قالوا ايه ومعلش يا حبيبتى على البهدلة دى ربنا يجعلو فى ميزان حسناتك

[*maryam 0]

ان شاء الله خير يا [b]Ahmed Elwardany[/b]


سما التسجيل عادة بيستمر شهر وساعات بيمدوه على حسب واحنا لسة بداية تسجيلنا بكرة -الاحد وايامنا هي الاحد - الثلاثاء - الخميس
بالنسبة للمنهج ميلحقش يتغير والله اعلم لأنه ده منهج الترم اللي فات والدكاترة اصلا مجبوش سيرة المنهج ياسما احنا لسة في الاول وربنا معانا

[*maryam 0]

السلام عليكم انا نسيت اقولكم حاجة بخصوص محاضرة المقال والقراءة والفهم للدكتور عبير قالتلنا على قطعة نقراها موجودة هنا


http://world.time.com/2013/08/18/egypt-no-longer-matters/

[سما سيف 0]

خير يا مريم موش باينة يا حبيبتى بقالك كتيييييييييييييييير عل المانع خير نتمنى نشوف اسمك منور المنتدى تانى

[*maryam 0]

السلام عليكم

سما حبيبتي كان عندي ظروف وبقالي اسبوع برة البيت تسلمي يارب على سؤالك  

بكرة ان شاء الله هنزلكم محاضرات النهاردة بإذن الله لاني مرهقة دلوقتي وبالنسبة لمحاضرات الجمعة اللي فاتت محضرتهاش للأسف بس ده اللي خدوه

معلش اني مقصرة معاكم الترم ده لظروفي وكمان مش بلاقي تفاعل زي الاول للأسف


محاضرات 1/ 11
الكلام دة منقول عن زميلنا@Ahmed Arafat

محاضرات الجمعة (1/11/2013)
كان عندنا محاضرتين الاولى (قراءه وتعبير2) ........(والتانيه ترجمه4) . 
نبدأ بالترجمة لأن فيها حاجات مهمة

((محاضرة الترجمه ))

الدكتور قال اننا هنلتزم بالكتاب وجريدة El-Ahram Weekly , وقال اننا بنترجم الافكار والمواقف ,مش معني الكلمة او قواعد اللغة, يعني احنا بناخد الCore meaning ونعيد صياغتها بالعربي وبقواعد اللغة العربية .
- وقال ان كل واحد في دماغه حاجة زي الCash Memory , بتقدر تسترجع 7 وحدات , يعني مثلا لما اجي اقرأ نص معين لترجمته , اقرأ 7 افكار او خمس او اربعة , واترجمهم شفهي مع بعض لفهم الموضوع , واتجنب قراءة وترجمة كلمة كلمة . لان اللغة هي مواقف , لما اجي اعلم طفل صغير بعلمه جمل مش كلمات , وهي ديه الطريقة الانسب للتعلم.
- وقال اني لما نجيب الجريدة نهتم بالمواضيع عن مصر عشان احنا هنكون بالتأكيد عرفنها بالعربي فتسهل عملية الترجمة واستنتاج الكلمات اللي مش عارفنها بنسبة كبيرة , ومنلجأش للقاموس كتير .
- وركز علي ان اهم حاجة القراءة ,قراءة انجليزي كتير وعربي كتير , لان لما نقرأ انجليزي كتير نقدر نفهم ثقافتهم مع الوقت , فنقدر ننقل الافكار اللي النص الانجليزي عايز يوصلها للقاريء العربي بشكل صحيح او العكس .
- وقال المرة الجاية نكون محضرين مقدمة الكتاب + أول قطعتين + أي مقال أو احداث عن مصر في الجريدة .

((القراءه والتعبير))
دكتور العربي مدخلش لسه في المواضيع المقررة , لكن هو اتكلم عن البناء اللغوي واهميته . وبطمنكم ان مافيش نحو الترم ده , والامتحان عبارة عن 3 أسئلة نختار 2 منهم , السؤال الاول صح وغلط ومن غير تعليل , والسؤال التاني والتالت مقالات .و يجب مراعاة الكتابة السليمة لغويا في كتابة المقالات , وقال المرة الجاية نكون محضرين درس "لماذا هويت القراءة للعقاد".

[mor 0]

 

 

[*maryam 0]

السلام عليكم ورحمة الله وبركاته

ياجماعة انا حاسة ان مفيش حد متابع معايا زي كل ترم ومفيش تفاعل خالص فا ياريت لو كدا قولولي عشان اوقف كتابة المحاضرات لو متابعين حسسوني انكم متابعين اللي بكتبوا حتى لو شخص واحد معايا هكتبله بس احس ان في حد معايا مش اكتر

[سحر عبد الحق 0]

معاكى يا مريم 
اكتبى 
وربنا يوفقك

[mor 0]

استمري في العطاء يا مريم بلا توقف وربنا يجعله في ميزان حسناتك باذن الله .

[galal elmadny 0]

 

[سما سيف 0]

كدة يا مريومة امال انا رحت فين دا  انا اضيع من غيرك اوعى بتاتا تبطلى كتابة والا موش هاكمل دراسة انتى حرة بقى اتحملى زنبى

[*maryam 0]

ايوة كدا حسسوني اني بعمل حاجة مفيدة ربنا يخليكم تسلموا على تشجيعكم

[سما سيف 0]

وبعدين فى ناس كتيير بتستفيد من اللى بيتكتب حتى لو موش بتشارك لان عندها اسبابها انا مثلا متابعة جدا كل يوم سؤال جرامر وباستفيد منو جدا وخصوصا استاذ حمدى ربنا يجازيه كل خير على مجهوده لكنى موش بشارك لانى حاسة نفسى موش كويسة فى الجرامر فبخاف ان اجابتى تكون غلط وانا بزعل جدا من نفسى لما حد يشوفنى غلطانة لكن دا ما يمنعش انى بتابع وبسيتنى اشوف الاجابة الصح وماحدش فى اللى بيشارك يعرف كدة واكيد بيحصل دا معاكى فاوعى تكتمى علم لان الثواب عند الله سبحانه وتعالى وحده ولا تعلمى من يستفيد من هذا العلم فجزاكى الله كل خير وجعله فى ميزان حسناتك انتى  وكل من ينفع غيره دون انتظار مقابل

[سما سيف 0]

بس كدة تسلمو على تشجيعكوا فين محاضرات الجمعة دى بس عمالين نشجع فيكى كل دا ببلاش انزلى بالمحاضرات والا هارجع فى كلامى ههههههههههههههههه

[*maryam 0]

ربنا يخليكي ياسما يا حبيبتي انا بس اتضايقت عشان مش حاسة ان في حد متابع معايا خالص زي الترمات السابقة  لما بلاقي متابعة وردود وكدا بفرح جدااا لان والله وربنا يعلم انا بحب اساعد جدااااا ومش بستنى اي مقابل صدقيني بس التشجيع حلو وربنا يوفقنا يارب

[mor 0]

سما سيف كتب:

وبعدين فى ناس كتيير بتستفيد من اللى بيتكتب حتى لو موش بتشارك لان عندها اسبابها انا مثلا متابعة جدا كل يوم سؤال جرامر وباستفيد منو جدا وخصوصا استاذ حمدى ربنا يجازيه كل خير على مجهوده لكنى موش بشارك لانى حاسة نفسى موش كويسة فى الجرامر فبخاف ان اجابتى تكون غلط وانا بزعل جدا من نفسى لما حد يشوفنى غلطانة لكن دا ما يمنعش انى بتابع وبسيتنى اشوف الاجابة الصح وماحدش فى اللى بيشارك يعرف كدة واكيد بيحصل دا معاكى فاوعى تكتمى علم لان الثواب عند الله سبحانه وتعالى وحده ولا تعلمى من يستفيد من هذا العلم فجزاكى الله كل خير وجعله فى ميزان حسناتك انتى  وكل من ينفع غيره دون انتظار مقابل

[mor 0]

*maryam كتب:

ربنا يخليكي ياسما يا حبيبتي انا بس اتضايقت عشان مش حاسة ان في حد متابع معايا خالص زي الترمات السابقة  لما بلاقي متابعة وردود وكدا بفرح جدااا لان والله وربنا يعلم انا بحب اساعد جدااااا ومش بستنى اي مقابل صدقيني بس التشجيع حلو وربنا يوفقنا يارب

   

[*maryam 0]

محاضرات 8/ 11

محاضرة الفوناتكس 


خدنا كام تعريف كدا 

Descriptive linguistics وصف علم اللغة


morphology علم الصرف


 phonology علم الأصوات الكلامية


 syllable مقطع صوتي


phoneme وحدة الصوت 

وكل ده موجود طبعا في ورق المحاضرات
---------------------------------------------------------

محاضرة المقال والكمبرهنشن 

الدكتورة  سمعتنا اغنية together we can change the world مع التيكست بتاعها وقالتلنا المفروض يعني نطلع الافكار الرئيسية ونعرف النص بتتكلم عن ايه بالظبط وهتشتغل معانا على طول بالاغاني كنص عادي نقراه ونترجم المعنى  

وده لينك الاغنية

---------------------------------------------------------------

محاضرة المعاجم 

قالتلنا على مجموعة قواميس كدا

1- (Hans wehr ( Arabic-Eng   

2- (Cambridge ( Eng- Eng   قاموس كويس جداا

3- (Atlas (Eng- Eng   قاموس كبير جدا ومش سهل البحث فيه

4- المعجم الوجيز ( عربي )

ونصحتنا بأول قاموس ( Hans wehr ( Arabic-Eng ونشتريه من مكتبة معروفة مش من أي مكان وخلاص والمحاضرة كلها بقى كانت عن القواميس 



وهتشرح من ورق المحاضرات 

[سما سيف 0]

ايوة كدة خلينا نبتدى نذاكر بس اناحسة كدة ان احنا الترم دا بدانا ندخل فى الجد انتى معايا والا ايه حاسة الحاجات بتصعب

[سحر عبد الحق 0]

الله ينور عليكى ايوه كده نبتدى فى الجد 

[*maryam 0]

اه يا سما فعلا المواد بتتصعب كل ترم ربنا يسترها ويسهلها علينا يارب 

وعليكي ياسحر تسلمي

[rania ammar 0]

[Hamdy Tawfik-manar9 0]

جزاك الله خيرا أ / مريم علي مجهودك 

ونرجو من جميع الزملاء دوام المشاركة والتفاعل مع مايكتب في الحلقات الدراسية حتي يشعر الاخوة والاخوات القائمين علي تلك المواضيع

 ان هناك مردود إيجابي لما يكتبون ويقومون به .. هذا امر مهم لان النفس بطبيعتها تكل وتمل اذا لم تجد التفاعل والتشجيع 

ورب دعوة بظهر الغيب من إنسان استفاد من نلك الحلقات أنفع الف مرة من كل كلمات الثناء والتقدير

فلا تنسوا إخوانكم وأخواتكم من صالح دعائكم بظهر الغيب

دمتم بخير 

[*maryam 0]

Hamdy Tawfik كتب:

جزاك الله خيرا أ / مريم علي مجهودك 

ونرجو من جميع الزملاء دوام المشاركة والتفاعل مع مايكتب في الحلقات الدراسية حتي يشعر الاخوة والاخوات القائمين علي تلك المواضيع

 ان هناك مردود إيجابي لما يكتبون ويقومون به .. هذا امر مهم لان النفس بطبيعتها تكل وتمل اذا لم تجد التفاعل والتشجيع 

ورب دعوة بظهر الغيب من إنسان استفاد من نلك الحلقات أنفع الف مرة من كل كلمات الثناء والتقدير

فلا تنسوا إخوانكم وأخواتكم من صالح دعائكم بظهر الغيب

دمتم بخير 

جزاك الله خيرا استاذ حمدي وانا لا اريد غير الدعاء بظهر الغيب كما قلت

[Hala.seery 0]

سامحوني 

لو تعرفوا حد قدم بيان درجات علشان يشيل مادة اللغة عربية 

ياريت توصلوني بيه علشان اساله هل بيشيلو المادة من ال8 ترم ولا ايه 

وتمنياتي بالتوفيق والنجاح  

[mor 0]

Hala.seery كتب:

سامحوني 

لو تعرفوا حد قدم بيان درجات علشان يشيل مادة اللغة عربية 

ياريت توصلوني بيه علشان اساله هل بيشيلو المادة من ال8 ترم ولا ايه 

وتمنياتي بالتوفيق والنجاح  

اليكي هذا الرابط اقرئيه للنهاية 

/t2413-topic

[Ahmed Elwardany 0]

ازيكم يا جماعة عاملين ايه معلش معرفتش اتفاعل معاكو الايام اللي فاتت لاني مكنتش لسة سجلت و ربنا يستر الترم ده انا لسة مسجل من كام يوم و لسة ابيض و هبدا اشوف بقى الدراسة فيها اية الترم ده
طمنوني يا جماعة اية اخبار الترم ده و اية المواد السهلة و الكويسة و اية المواد الصعبة ما عدا الترجمة لاني مش معاكو فيها و مع ذلك واخد بدالها مادة من ترم خامس اسمها نصوص ادبية شكلها مادة طين و ربنا يستر

المهم باقي المواد اية اخبارها "؟

[*maryam 0]

Ahmed Elwardany كتب:

ازيكم يا جماعة عاملين ايه معلش معرفتش اتفاعل معاكو الايام اللي فاتت لاني مكنتش لسة سجلت و ربنا يستر الترم ده انا لسة مسجل من كام يوم و لسة ابيض و هبدا اشوف بقى الدراسة فيها اية الترم ده
طمنوني يا جماعة اية اخبار الترم ده و اية المواد السهلة و الكويسة و اية المواد الصعبة ما عدا الترجمة لاني مش معاكو فيها و مع ذلك واخد بدالها مادة من ترم خامس اسمها نصوص ادبية شكلها مادة طين و ربنا يستر

المهم باقي المواد اية اخبارها "؟

السلام عليكم

الترم ده يعنى اصعب من الترم اللي فات وعايز مذاكرة بالنسبة لأسهل مادتين المعاجم والعربي والمادة اللي  عايزة مذاكرة وتركيز الفوناتكس بالنسبة للمقال ملهاش منهج محدد

[*maryam 0]

السلام عليكم ورحمة الله وبركاته



15/ 11
 
محاضرة العربي
---------------------
 
درسنا موضوع لماذا هويت القراءة للكاتب عباس محمود العقاد وتكلم عن الكاتب انه ولد عام 1889 وتوفى عام 1964 وكان يقرأ في مجالات كثيرة منها السياسة والأدب والدين والشعر الخ.. وانه كان كاتباً بالتبعية بمعنى  اذا لم يكن هناك كتاب قبله لما كان كاتبا وقال الدكتور أن الكاتب عباس محمود العقاد ضحك علينا عندما سمى عنوان موضوعه "لماذا هويت القراءة؟"  لأن القراءة  لم تكن مجرد موهبة فقط عنده ولكن كانت بالنسبة له عمل والمفروض ان يكون عنوان الموضوع "لماذا احترفت القراءة؟" والدكتور قرأ الدرس من الكتاب وناقشه معنا والجزء الخاص بأنه كان يقرأ كتب عن غرائز الحشرات وان هذه الأنواع من الكتب ليس لها علاقة بالأدب ولا السياسة وقال فيما معناه انه قرأ في هذه الكتب ليفهم الإنسان لان الحشرات أنواعها كثيرة ومتقلبة مثل الإنسان وتناقش معنا في موضوع القراءة عامة ان قليل جدا الذي  يقرأ الجرائد هذه الأيام كنا نشتريها كل يوم ونقرأها والآن أصبح الانترنت بديل لها وقال لنا ان القراءة مفيدة لنزيد من تجارب الحياة  ونزيد من ثقافتنا  ولكن يجب ان نختار الكتب التي يوجد بها الإفادة لأننا كثيرا ما نشتري كتابا ويشدنا من عنوانه ونرى أنه سوف يفيدنا كثيرا ولكن عندما نقرأه لا نجد المعلومات التي كنا نريدها 
 
 
محاضرة الترجمة
----------------------

[ltr]دكتور الترجمة ممتاز جدااااااا والمحاضرة كانت مفيدة كان معه نسخ من جرائد الأهرام ويكلي وكان معه ورق المحاضرات والكتاب وقال ان الكتاب مهم لان بعد كل قطعة في نقاط مهمة المفروض نقراها وان ورق المحاضرات نعرف منه اذا كنا ترجمنا صح أم لا لان في الورق القطعة وتحتها الترجمة قمن الخطأ أن نقرا القطعة ونقرا الترجمة لآن كدا عمرنا ما هنتعلم الصح أننا نقرأ القطعة ونحاول نترجمة بانفسنا وبعد ذلك نقرأ الترجمة لنعرف أخطائنا ونتعلم  وقال عندما نترجم قطعة نقراها كلها لكي نقدر نفهم المعنى ونقراها كذا مرة ليصل المعنى مضبوط ونحاول نترجم بكذا أسلوب وقرأ اجزاء من القطعتين في الكتاب [/ltr]

[ltr]القطعتين[/ltr]

[ltr]   " Kuwait Women Win Passport Right"ا[/ltr]

 " Government Housing"
 
وكتب جملتين  من مواضيع في الجريدة
 
* الجملة الأولى
Threatened by MB demonstration, the university can do little but beef up security.
 
الجزء الذي سوف نبدأ به الترجمة الذي يوجد به الفاعل والفعل
 
الترجمة ( الجامعة تعزز الأمن لأنها مهددة من المظاهرات التي يقوم بها الإخوان المسلمين)
 
اسلوب آخر  (  الجامعة لا يمكنها فعل شيئا إلا أن تعزز الأمن لأنها مهددة من الإخوان المسلمين )  
 
 
* الجملة الثانية
 
Although they acquires efficiency, heir performance.
 
  على الرغم من أنهم اكتسبوا كفاءات لكنهم لم يصلوا إلى الكفاءة المطلوبة.
The state department – وزارة الخارجية
 
*الفرق بين Catastrophe   و disaster الكلمتين بمعنى كارثة ولكن Catastrophe كارثة كبرى أو طامة كبرى التي تسبب معاناة او اضرار  عظيمة كالحرب أما disaster فهي بمعنى  مصيبة او حادث سئ مثل الزلزال الذي يتسبب بموت الكثير من الناس.
 
الجزائر Allgeria الدولة  أما Algiers  العاصمة
 
تونس Tunisia الدولة أما Tunis  العاصمة
 
Washinston, DC  العاصمة
 

وقال نحاول نقرأ في الأدب الإنجليزي

[mor 0]

 

[Hamdy Tawfik-manar9 0]

*maryam كتب:

ا
تونس Tunisia الدولة أما Tunis  العاصمة
 
 

 كان زميل ليا في انترفيو في دولة عربية .. ووجه ليه السؤال البسيط التالي

?What is the capital  of Tunisia

وكانت إجابته Tunisia 

لان في اللغة العربية طبعا الاتنين نطقهم واحد

ودي كانت نهاية فرقة محمد علي المسرحية  

وقعد يتسائل .. هي تونس غيرت عاصمتها  وانا معرفش ؟!

 

[Hamdy Tawfik-manar9 0]

*maryam كتب:

السلام عليكم ورحمة الله وبركاته

15/ 11
 
محاضرة العربي
---------------------
 
درسنا موضوع لماذا هويت القراءة للكاتب عباس محمود العقاد وتكلم عن الكاتب انه ولد عام 1889 وتوفى عام 1964 وكان يقرأ في مجالات كثيرة منها السياسة والأدب والدين والشعر الخ.. وانه كان كاتباً بالتبعية بمعنى  اذا لم يكن هناك كتاب قبله لما كان كاتبا وقال الدكتور أن الكاتب عباس محمود العقاد ضحك علينا عندما سمى عنوان موضوعه "لماذا هويت القراءة؟"  لأن القراءة  لم تكن مجرد موهبة فقط عنده ولكن كانت بالنسبة له عمل والمفروض ان يكون عنوان الموضوع "لماذا احترفت القراءة؟" والدكتور قرأ الدرس من الكتاب وناقشه معنا والجزء الخاص بأنه كان يقرأ كتب عن غرائز الحشرات وان هذه الأنواع من الكتب ليس لها علاقة بالأدب ولا السياسة وقال فيما معناه انه قرأ في هذه الكتب ليفهم الإنسان لان الحشرات أنواعها كثيرة ومتقلبة مثل الإنسان وتناقش معنا في موضوع القراءة عامة ان قليل جدا الذي  يقرأ الجرائد هذه الأيام كنا نشتريها كل يوم ونقرأها والآن أصبح الانترنت بديل لها وقال لنا ان القراءة مفيدة لنزيد من تجارب الحياة  ونزيد من ثقافتنا  ولكن يجب ان نختار الكتب التي يوجد بها الإفادة لأننا كثيرا ما نشتري كتابا ويشدنا من عنوانه ونرى أنه سوف يفيدنا كثيرا ولكن عندما نقرأه لا نجد المعلومات التي كنا نريدها 
 
 
محاضرة الترجمة
----------------------

[ltr]دكتور الترجمة ممتاز جدااااااا والمحاضرة كانت مفيدة كان معه نسخ من جرائد الأهرام ويكلي وكان معه ورق المحاضرات والكتاب وقال ان الكتاب مهم لان بعد كل قطعة في نقاط مهمة المفروض نقراها وان ورق المحاضرات نعرف منه اذا كنا ترجمنا صح أم لا لان في الورق القطعة وتحتها الترجمة قمن الخطأ أن نقرا القطعة ونقرا الترجمة لآن كدا عمرنا ما هنتعلم الصح أننا نقرأ القطعة ونحاول نترجمة بانفسنا وبعد ذلك نقرأ الترجمة لنعرف أخطائنا ونتعلم  وقال عندما نترجم قطعة نقراها كلها لكي نقدر نفهم المعنى ونقراها كذا مرة ليصل المعنى مضبوط ونحاول نترجم بكذا أسلوب وقرأ اجزاء من القطعتين في الكتاب [/ltr]

[ltr]القطعتين[/ltr]

[ltr]   " Kuwait Women Win Passport Right"ا[/ltr]

 " Government Housing"
 
وكتب جملتين  من مواضيع في الجريدة
 
* الجملة الأولى
Threatened by MB demonstration, the university can do little but beef up security.
 
الجزء الذي سوف نبدأ به الترجمة الذي يوجد به الفاعل والفعل
 
الترجمة ( الجامعة تعزز الأمن لأنها مهددة من المظاهرات التي يقوم بها الإخوان المسلمين)
 
اسلوب آخر  (  الجامعة لا يمكنها فعل شيئا إلا أن تعزز الأمن لأنها مهددة من الإخوان المسلمين )  
 
 
* الجملة الثانية
 
Although they acquires efficiency, heir performance.
 
  على الرغم من أنهم اكتسبوا كفاءات لكنهم لم يصلوا إلى الكفاءة المطلوبة.
The state department – وزارة الخارجية
 
*الفرق بين Catastrophe   و disaster الكلمتين بمعنى كارثة ولكن Catastrophe كارثة كبرى أو طامة كبرى التي تسبب معاناة او اضرار  عظيمة كالحرب أما disaster فهي بمعنى  مصيبة او حادث سئ مثل الزلزال الذي يتسبب بموت الكثير من الناس.
 
الجزائر Allgeria الدولة  أما Algiers  العاصمة
 
تونس Tunisia الدولة أما Tunis  العاصمة
 
Washinston, DC  العاصمة
 

وقال نحاول نقرأ في الأدب الإنجليزي

[سما سيف 0]

 شرحك وافى كعادتك دائما ربنا يخليكى يا مريومة يا جميلة ما تعرفيش انا بستفاد اد ايه من انطباعاتك عن الدكاترة لانه يعرفنى مع من اتعامل وكيف سيكون شكل اسئلة امتحاناته واركز على ايه فى المذاكرة ودا بيوفر جهد كبير ليه فى لم المادة جزاكى الله كل خير

[*maryam 0]

Hamdy Tawfik كتب:

 كان زميل ليا في انترفيو في دولة عربية .. ووجه ليه السؤال البسيط التالي

?What is the capital  of Tunisia

وكانت إجابته Tunisia 

لان في اللغة العربية طبعا الاتنين نطقهم واحد

ودي كانت نهاية فرقة محمد علي المسرحية  

وقعد يتسائل .. هي تونس غيرت عاصمتها  وانا معرفش ؟!

 

ههههههههههههههههههه

[*maryam 0]

سما سيف كتب:

 شرحك وافى كعادتك دائما ربنا يخليكى يا مريومة يا جميلة ما تعرفيش انا بستفاد اد ايه من انطباعاتك عن الدكاترة لانه يعرفنى مع من اتعامل وكيف سيكون شكل اسئلة امتحاناته واركز على ايه فى المذاكرة ودا بيوفر جهد كبير ليه فى لم المادة جزاكى الله كل خير

ربنا يخليكي ياحبيبتي تسلمي يارب وجزاكي الله بمثله وربنا يوفقنا جميعا دعواتك 

[*maryam 0]

mor كتب:

 

[rania ammar 0]

[اميرة امرالله نافذ 0]

السلام عليكم عملين ايه جميعا حد بدا مزكره ولا لسه انا بدات بالفونتكس بس حساهه ثقيله اوي الماده دي في حد عندو اي معلومات عنها

[*maryam 0]

وعليكم السلام يا اميرة هي فعلا تقيلة انا بدأت بالرموز وحفظت جدول الحروف الساكنة ولسة هنشوف موضوع التعريفات ده وربنا يعديها على خير -اسمعي الفيديوهات للدكتور سلوى شرحها كويس في الفيديو رقم 8 و 9 و 10 و 11 عالسايت

[ahmedraaftmohamed 0]

الف شكر ليكى أ/ مريم وربنا يجعله فى ميزان حسناتك بس ممكن تقوليلنا ازاى نذاكرمادة علم الصوتيات وازاى احصل على المحاضرات وياربت الى معاه محاضرات يقولى ازاى احصل عليها

[*maryam 0]

الشكر لله ياأستاذ أحمد واللهم أمين يارب

حضرتك هتسمع الحروف الساكنة والمتحركة وتحفظ رمز كل صوت واللينك ده هيساعد حضرتك

/t11977-topic

وفي الجدولين المفروض يتفهمو ويتحفظو ( جدول الحروف الساكنة و المتحركة ) موجودين في ورق المحاضرات 

وفي ملف تعريفات المفروض يتذاكر ويتحفظ لان هييجي بهيئة أكمل 

حمل الملف من هنا
[url=http://d01.megashares.com/dl/VaXk67m/complete phonetics.doc]http://d01.megashares.com/dl/VaXk67m/complete phonetics.doc[/url]

بالنسبة للمحاضرات الورق والفيديو موجودين في اللينك ده 

/t11929-topic


بالتوفيق

[Hamdy Tawfik-manar9 0]

---

ahmedraaftmohamed كتب:

الف شكر ليكى أ/ مريم وربنا يجعله فى ميزان حسناتك بس ممكن تقوليلنا ازاى نذاكرمادة علم الصوتيات وازاى احصل على المحاضرات وياربت الى معاه محاضرات يقولى ازاى احصل عليها

---

مجموعة مواضيع مفيدة في الصوتيات 

/t887-topic

/t11977-topic

/t3707-topic

/t1464-topic

/t3454-topic

/t11978-topic

[summer93 0]

  

[*maryam 0]

شكرا استاذ حمدي 

ميرسي يا سمورة 

[*maryam 0]

السلام عليكم ورحمة الله وبركاته

محاضرات يوم 22/ 11

مادة الفوناتكس :
 
خدنا الكلمات المتشابهة في النطق والمختلفة في المعنى مثل ( fall  سقط / tall  طويل)
 
(boy ولد / buoy يطفو – يعوم )  ( by بواسطة / buy يشتري ) ..... الخ
 
* syllable المقطع الصوتي
 
 
مثال:
- (content ----------- con (syllable) / (tent (syllable
 
وخدنا الشكل الموضح مخارج الاصوات في المحاضرة الاولى ص 8
 
Nose  -----  الأنف اذا نطقنا مثلا حرف m  بيحصل فايبريشن في اعلى الانف
 
Upper lip   -- الشفاه العليا
 
Lower lip ---- الشفاه السفلى
 
Upper teeth --- الفك العلوي
 
Lower teeth--- الفك السفلي
 
Alveolar ridge --- المنطقة التي توجد خلف الأسنان
 
Hard palate – الجزء الصلب يوجد وراء Alveolar ridge
 
Soft palare ----- الجزء المرة الذي يوجد وراء Hard palate
 
Uvula ------- لهاة الحلق
 
Larynx -------- الحنجرة
 
Tongue --------- اللسان
 
والجدول الموضح في المحاضرة الثانية به الحروف التي تنطق عن طريق الشفاه والأسنان .... الخ
 
الاسم وصفته:
 
Nasal  صفة لــ Nose
 
Labio صفة لــ lip
 
Bilabial صفة لــ Two lips
 
Dental صفة لــ Teeth
 
Alveolar  صفة لـــ Alveolar ridge
 
Palatal صفة لـــ Hard palate


Velar صفة لـــ Soft palate
 
 
 -------------------------------------
 
المقال والقراءة والفهم
 
الدكتور عبير شغلت فيديو (What Disney Princesses teach girls)
 
وده لينك الفيديو

 
هو بيتكلم عن صعوبات الحياة التي تواجهها الزوجة في الحياة الأسرية وان مهما كانت الصعوبات ومسئولية الزوج والاطفال والبيت لابد ان تبقى جميلة وتهتم بنفسها حتى لو الرجل سئ المعاملة لازم تبقى فتاة جميلة لا يتأثر بها أي شئ والفيديو يتكلم عن الرجل ايضا انه لايهمه شئ الا ان يكون غني ومشهور وفاتن لا يعمل شيئا سوى ذلك غير انه يعمل ويجيب فلوس لا يهتم بزوجته ولا بأولاده
 
----------------------------------------
 
المعاجم
 
الدكتور اتكلمت عن بعض المصطلحات الموجودة عندنا في ورق المحاضرات وان هييجي منها في الامتحان على هيئة سؤال ترانسليشن جملتين عربي وجملتين انجليزي وعليهم 8 درجات
 
والامتحان 5 اسئلة من ضمنهم سؤالين مش من المنهج وهما ( correct the error in the sentence ) 4 جمل وعليهم 4 درجات والسؤال التاني ( complete the following sentence ) جملتين عليهم درجتين
 
وسؤالين تشوز وسؤال ترجمة ( من المنهج )
 
 
وقالتلنا ان في رغي كتير في ورق المحاضرات اهم حاجة نركز على المصطلحات والجمل والامثلة اللي موجودة ونركز كمان على اسئلة التطبيقات

 

   

[rania ammar 0]

[سما سيف 0]