3 ساعات حد أدنى للحضورعلى كل مقرر فى كل ترم

[bold_look 0]

انا سمعت ان الحد الادنى للحضور فى المحاضرات 3 ساعات عن كل مقرر فى كل ترم هل المعلومة دى صح؟ وعاوز أعرف هل المحاضرات والامتحانات أيام الجمعة بس ولا اية؟ ياربت حد قديم يفيدنا

[shahnda 0]

المحاضرات يوم الجمعه بس ده صحيح لحد دلوقتي لان كان في قبل كد مطالب بتزويد ايامنا بس مش عارفين الجدول لما ينزل ايه هيحصل

وبالنسبه للامتحانات هي في ايام مختلفه مش جمعه بس

ويعني ايه الحد الادني للحضور في المحاضرات ؟

انا مبحضرش خالص انت تقصد يعني ان في درجات علي حضورنا؟ ولينا وقت معين لازم نحضره في الترم عن كل ماده؟

لو زي مافهمت فمعتقدش في حاجه كد خالص

[bold_look 0]

انا قريت الكلام دة على الموقع الرسمى للجامعة انه 3 ساعات حد ادنى لكل مقرر عن كل ترم ومش عارف ازاى هيعرفوا هل بنمضى ولا اية وهل عليها درجات ولا لأ وهل لو مجبتش الحد الأدنى فى مشاكل أسألة كتير عشان كدة قولت أطرح الموضوع علشان الناس القديمة ترد...لان طبيعى ومنطقى يكون فى حد أدنى ودة شغال فى جامعة عين شمس بس قولت افهم قواعده هنا بس كدة

[Asmaa Nur 0]

الكلام ده مكتوب فين على الموقع يا عمرو؟؟؟  

[bold_look 0]

دورى كويس ....

[reda mostafa 0]

بما انى من الناس اللى دخلوا اكثر من ترم فى الجامعه المفتوحه

يعنى اعتبر من ثوابت الجامعه المفتوحه واعمدتها ههههه

عن نفسى اول ترم  روحت اكتر من جمعه

وبعد كده فضلت عدم الذهاب نهائى

ولايوجد فى الواقع موضوع نسبه الحضور فى الجامعه المفتوحه جامعه القاهره

اتمنى اكون جاوبت على تساؤل حضرتك

[shahnda 0]

تمام انا كمان مبحضرش نهائي والحمدلله ماشيه كويس
صحيح مبقاليش كتير في الكليه بس انا حضرت في اول الترم الاول كزا محاضره ومحدش كان بيسجل حضور حد

[ATOMIX 0]

مفيش حاجه يا جماعه اسمها حضور وغياب فى الجامعه المفتوحه ،،، الجامعه بتحاول بشتى الطرق 

تسهل على الطالب المناهج وعدم الحضور من خلال صفحته الشخصيه ،، وبالتوفيق والنجاح

[raafat sadek 0]

شكرا جزيلا للاستاذ reda والاستاذ atomix للايضاح

[حواس 0]

أنا سايبكم تخبطوا في بعض من أول الموضوع ما إتفتح ، ومنتظر أشوفكم بتفكروا إزاي ؟.......... 

الموضوع ياشباب بإختصار طبعا وردت ال3 ساعات دي ومكتوبة فعلا على موقع المركز ..لكنها تعادل نسبة حضور .


ال3 ساعات بمثابة إعتماد أكاديمي للمقرر الواحد ، بنهاية دراستك بالكلية تكون حصلت على 120 ساعة ( 3 X عدد مقرراتك ) وهذا الحد الأدنى للإعتماد الأكاديمي الدولي المطلوب لهذا النظام (( نظام الساعات المعتمدة )) ، وطبعا هناك كليات تزيد عن ذلك بكثير .

يارب أكون وضحت هذه النقطة .

[مجدى جلال 0]

الله الموفق وشكرا للايضاح بس انا عندي استفسا ر من فضللكو افيدوني بالذات الللي خلص يقولي اللحين انا اخر سنه في اداب وبسبب اقامتي خارج مصردايما  كنت باجلل يناير مع يوليو والحين انا بقى لي تررجمه فوريه 1 وترجمة فوررية 2 يا ترى لازم انجح في 1 عشان اخد 2 ولا عادي يكونوا مع بعض في يوليو وكمان مكتوب تدريب عملي يعني ايه لازم له حضور فالجامعه رجاء افيدوني لان لما اخي بيروح يسجل ويستفسر من الفر ع مش بيفيدوه كمان الموضوع محتاج استعداد لاني كدة راح امتحن 1 بالخارج اذا لازم وشكرا لكم كتييير على حسن التعاون

[galal elmadny 0]