سؤال هام جداً.. أرجو الرد

[ِِAhmed11 0]

أنا عندى سؤال يا جماعة أرجو منكم الرد عليه .. أنا دلوقتى مخلص كلية أداب دفعة 2004 وبعدين قدمت فى التعليم المفتوح أعلام مع أنى كان نفسى أدخل أداب أنجليزى ولأنى كنت سقط فى إمتحان القبول مرتين لأنى كنت ضعيف فالأنجليزى شوية.. وبعد ما عديت فالأعلام سنتين نجحت فى أختبار أداب أنجليزى لأنى كنت بدخله كل تيرم فسيبت دراسة الأعلام وقدمت فيها وأنا لسه مقيد فى أعلام ودلوقتى فى أخر سنة أداب أنجليزى .. السؤال هل دا خطأ أنى أعتبر لسه مقيد فى أعلام ؟ أنا أخر سنه فى أداب وبقول يمكن أكمل سنتين الأعلام بعدين ، ولا أسحب ورقى من أعلام وخلاص أنا بس صعبان عليا السنتين ألى درستهم .. ياريت حد يفيدنى أيه الصح لأن أنا محتار جدا !!

[Ahmed Elwardany 0]

الصح انك تخلص اداب براحتك و كدة كدة السنتين بتوع اعلام بتوعك مش هيضيعو منك و بعد ما تخلص اداب ارجع كمل السنتين بتوع اعلام لان حرام تضيع سنتين كدة عالفاضي و ده اية ان الميزة انك تقدر تكمل يعني محدش هيقولك مش هينفع تكمل عشان انت سبتنا و روحت اعلام طب لية متكلمش دي حاجة هتفيدك في مستقبلك كويس جدا كفاية انه اسمك هيبقى معاك 3 شهادات من 3 كليات مختلفين
و اية المانع كمل و متفكرش خلص اداب و كمل اعلام و ربنا يوفقك

[ِِAhmed11 0]

متشكر جداً عالرد .. وأنا بفكر أعمل كدا بأذن الله ، لكن الفكرة أنى مش عارف دى ممكن يبقا فيها مسأله ولا لا أنى مقيد فى كليتين ولا عادى بتعدى ، أنا بقالى 3 سنين والأمور ماشيه عادى بعدين نبهوا على الموضوع دا شويه الفتره الأخيرة فدا قلقنى أنى أخسر الأتنين . زى مانتا قولت الأفضل أن الواحد ميفكرش ويعمل ألى عليه وربنا يسهل..

[عبدالحكيم العقاد 0]

سلام عليكم أنا من المغرب هل يمكن مساعدتي في تعلم اللغة الانجليزية انا ضعيف ؟

[Ahmed Elwardany 0]

في كل الاحوال يستحيل تخسر الاتنين متقلقش
طالما انت موقف التانية خلاص
هو اللي مينفعش انك تكمل في الاتنين في وقت واحد انما طالما انت موقف واحدة مؤقتا و بتكمل في التانية خلاص شغال

[حواس 0]

عبدالحكيم العقاد كتب:

سلام عليكم أنا من المغرب هل يمكن مساعدتي في تعلم اللغة الانجليزية انا ضعيف ؟

مرحبا أخي عبد الحكيم ، نعم الأخوة والأخوات لن يدخروا جهدا في وضع ما يلزمك من التعلم جزاهم الله خيراً ، حضرتك تجول بين جنبات المنتديات ستجد ما تسأل عنه إن شاء الله .

أهلا وسهلاً بحضرتك ، وكل أهلنا بالمملكة المغربية الشقيقة ...  

[ِِAhmed11 0]

شكراً يا أحمد على الرد ، أنا فعلا موقف أعلام وبأذن الله هكمل وكلها سنة والأمور تمشى عادى . وربنا يوفق وأخلص فخلال السنة..