نتائج المقابلات الشخصية "آداب ترجمة انجليزي" ظهرت

[Asmaa Nur 0]

Hussein1974 كتب:

أهلا بيك ياعمرو وبأسماء وبكل دارسي الترم الأول.هو فعلا يا أسماء زي ما عمرو قال أنا أقصد تدرسي الكتاب كله لأن المقرر غالبا بيكون جزء منه أو حاجات من برة الكتاب. فخلي دراستك للجزء المقرر لاجتياز الامتحان وبس وادرسي الكتاب كله مع نفسك.طبعا مع الاستزادة بأي مصادر تانية.

أهلاً بحضرتك : )  

يا رب بس زي ما ذكرت من شوية في ردي على عمرو انه يكون الوقت كافي لمذاكرة الخمس مقررات في خلاص الشهرين دول

[Asmaa Nur 0]

bold_look كتب:

بالنسبالى علشان انا كنت ثانوية عامة لغات فالمقررات سهلة بالنسبالى لاكن مشكلتى العربى والأعراب والكلام دة لاكن بأذن الله أول سنة بتكون سهلة نوعا ما لكل الطلبة...
أه فعلا الدكتورة اللى واكلة محشى دى...صوتها بيروح ويجى وأوفر جدا فى تعبيرتها بس استفدت منها وحسيت انها صاحبتى 
أه فى ناس مش بتحضر والموضوع بيعدى لاكن عاوزين نرتبط بالجامعة منبقاش فشل من أولها كفاية السنين اللى راحت باى.

ماهو أوك المقررات سهلة وفله وشمعه منورة والحمد لله لاقيت معظم اللي اتكلموا فيه ف الاسطوانة مفهوم .. انا بتكلم بس عشان هما 5 .. ربنا يسهل ان شاء الله يا رب 
الواحد اصلاً مشتاق للمذاكرة خصوصاً لو مجال بيحبه .. ف ربنا يعين ان شاء الله. 

محشي هههههههههههههه .. طيب والله الدكتورة فريش كده وحبوبة وزي مابتقول تحس انها صاحبتك.. الحمد لله ان بتاعت الجرامر مش قافشة..

بس بصراحة دكتور هاني البشير ده البرتش اكسنت بتاعه وهو بيتكلم ولا كأنه ناتف سبيكر .. حاجة واو يعني ومحمسة : )

أنا عن نفسي هاحضر ان شاء الله لاني مشتاقة للموضوع ده جداً بعد 8 سنين عناء نفسي من غير اي حاجة مفيدة.

[Hussein1974 0]

مش شهرين ولا حاجة يا أسماء انتي أدامك أكتوبر ونوفمبر وديسمبر ويناير ده غير الأيام الفاضلة من سبتمبر.يعني لو ذاكرتي كل يوم ساعتين هتنجزي إنجاز كويس بإذن الله.

[bold_look 0]

8 سنيين؟ ينهار أزرق ده انا الثانوية واخدها فى 1999 ...حاجة تقرف

[bold_look 0]

وكمان انا متنبئلك بمستقبل باهر ع السايت دة..عقبال ما أشوفك مشرفة قسم وأوسمة وحركات

[Asmaa Nur 0]

Hussein1974 كتب:

مش شهرين ولا حاجة يا أسماء انتي أدامك أكتوبر ونوفمبر وديسمبر ويناير ده غير الأيام الفاضلة من سبتمبر.يعني لو ذاكرتي كل يوم ساعتين هتنجزي إنجاز كويس بإذن الله.

جميل يعني هي الامتحانات بتكون في آخر يناير؟

[Asmaa Nur 0]

bold_look كتب:

وكمان انا متنبئلك بمستقبل باهر ع السايت دة..عقبال ما أشوفك مشرفة قسم وأوسمة وحركات

 هههههههههههههههه

[Hussein1974 0]

أيوة يا أسماء تقريبا.

[hadie elashrey 0]

يا جماعه لو حد فاكر امتحن فى ايه يقول وخاصه البرجراف بتاع ماليزيا ده علشان نلحق نحفظ كلمات خاصه بالموضوع.pllllllllllz

[Asmaa Nur 0]

Asmaa Nur كتب:

الامتحان كان عبارة عن 3 أسئلة..
الأول قطعة تترجمها من الانجليزي للعربي. كانت عن ماليزيا 
بس للاسف مش هقدر اذكر النص بالتحديد لان كانت الاجابة نكتبها ف نفس ورقة الاسئلة. يعني الورقة مش معايا 
عموماً البرجراف بتاع ماليزيا ده كانت بيتكلم عن موقع البلد على الخريطة واقتصادها عامل ازاي وبيعتمد على ايه

السؤال التاني كان عبارة عن سطرين بس عربي وانت تترجمهم للانجليزي .. كان عن "ملك حفني ناصف" انها رائدة من رواد حركات تحرير المرأة في بدايات القرن العشرين. وكتبت عدة كتب عن تربية البنات ومشاكل الاسرة.

السؤال التالت طلب مننا نكتب فقرة عن تحب تغير ايه في الحي اللي انت عايش فيه.

و يا رب بالتوفيق ..

ده كان الامتحان .. وقطعة ماليزيا كانت اسهل واحلى حاجة فيه والله .. كلها 3 اربع سطور
ولو حضرتك عندك حصيلة كلمات معقولة صدقني هيكون سهل عليك . لانهم مش بيحطوا كلمات صعبه.
يعني لو الكلمة في العربي مرادفها 10 كلمات في الانجليزي تديك المعنى، هو بيجيبلك الاسهل فيهم.
الامتحان ماطلعش صعب زي ما كنا فاكرينه خالص .. لذلك ماتقلقش.

فيه جملة شهيرة كل سنة بيقولولها الوزراء بعد امتحانات الثانوية العامة وبيكونوا كدابين فيها : D
ألا وهي (الامتحان كان في مستوى الطالب المتوسط) بس هنا بئى الامتحان في مستوى الطالب المتوسط فعلاً مش كدابين : )

يعني لو حضرتك شايف نفسك مستواك متوسط تأكد انه هيكون سهل عليك ان شاء الله
كمان فيه حاجة احب اذكرها 
انه مش شرط الامتحان يجي نفسه 
ممكن يجي قطع تانية .. ف بلاش تربط نفسك بفكرة معينة عشان ماتتفاجئش
توكل على الله وربنا يوفقك يا رب : )

[hadie elashrey 0]

 شكرا على اهتمامك بجد....ربنا يوفقك يااااااارب

[hadie elashrey 0]

انا بنت واسمى hadie هدي

[Asmaa Nur 0]

أهلاً وسهلاً بيكِ يا هدى وربنا يوفقك يا رب ويحقق لك اللي بتتمنيه اذا كان فيه الخير ليكِ : )