اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
3beer

نتائج المقابلات الشخصية "آداب ترجمة انجليزي" ظهرت

Recommended Posts




السلام عليكم ورحمة الله وبركاته ..


النتيجة ظهرت ع الموقع الرسمي للمركز التعليم المفتوح 



نتائج المقابلات الشخصية


التوفيق إن شاء الله 

شارك هذه المشاركه


رابط المشاركه
شارك

ايوا فعلاً شفتها امبارح والحمد لله نجحت بفضل الله، بس مرعوبة من الشفوي
حاسه لو قعدت اتسئل قدام الدكتور او الدكتورة هنسى كل حاجة من التوتر وادخل الدنيا ف بعضها ..
الارتباك وحش اوي وممكن يضيع الواحد وده اللي مخوفني


انا قريت كل المواضيع اللي ناقشتوها هنا قبل كده عن الامتحان الشفوي
بس بردو مسألة انك رايح ومش عارف هاتتسئل ايه دي صعبة اوي حزين 

شارك هذه المشاركه


رابط المشاركه
شارك
مبروك لكل الناجحين
ياريت حد ياجماعه يقول لنا على اسئلة امتحان يوم  9/9 كانت عباره عن ايه ؟

شارك هذه المشاركه


رابط المشاركه
شارك
الامتحان كان عبارة عن 3 أسئلة..
الأول قطعة تترجمها من الانجليزي للعربي. كانت عن ماليزيا 
بس للاسف مش هقدر اذكر النص بالتحديد لان كانت الاجابة نكتبها ف نفس ورقة الاسئلة. يعني الورقة مش معايا 
عموماً البرجراف بتاع ماليزيا ده كانت بيتكلم عن موقع البلد على الخريطة واقتصادها عامل ازاي وبيعتمد على ايه

السؤال التاني كان عبارة عن سطرين بس عربي وانت تترجمهم للانجليزي .. كان عن "ملك حفني ناصف" انها رائدة من رواد حركات تحرير المرأة في بدايات القرن العشرين. وكتبت عدة كتب عن تربية البنات ومشاكل الاسرة.

السؤال التالت طلب مننا نكتب فقرة عن تحب تغير ايه في الحي اللي انت عايش فيه.

و يا رب بالتوفيق ..

شارك هذه المشاركه


رابط المشاركه
شارك
Asmaa Nur اشكرك جدا وبالتوفيق ان شاء االله
ياريت كمان تعرفينا بامتحان الشفوى (اعتقد 14-9 )وايه الاسئله االى بتتسال دايما فى مقابلة الشفوى
ويارب بالتوفيق دايما

شارك هذه المشاركه


رابط المشاركه
شارك

لا شكر على واجب اخي أحمد .. ادعيلي بس بالتوفيق مش مهم الشكر : ) 
وربنا يوفقك يا رب وكل اللي نفسه يدخل الكلية، وكل اللي في الكلية كمان وينجحهم

بس يا ريت أي حد يقولي من الطلاب هنا ارجوكم ، هما ممكن بسألوا أكتر من سؤالين لكل واحد؟ يعني ممكن يسألوا 3 او 4 اسئلة؟
انا قريت كل المواضيع هنا عن الشفوي، بس يا ريت حد يوضحلي النقطة دي.

كمان هل لازم يكون الواحد برفكت في كل الاسئلة؟ والا ممكن يعدوا
الامتحان بكره ومش قادرة ماقلقش، بحاول اكون طبيعية بس بيرجع القلق تاني Sad

شارك هذه المشاركه


رابط المشاركه
شارك
Asmaa Nur كتب:
لا شكر على واجب اخي أحمد .. ادعيلي بس بالتوفيق مش مهم الشكر : ) 
وربنا يوفقك يا رب وكل اللي نفسه يدخل الكلية، وكل اللي في الكلية كمان وينجحهم

بس يا ريت أي حد يقولي من الطلاب هنا ارجوكم ، هما ممكن بسألوا أكتر من سؤالين لكل واحد؟ يعني ممكن يسألوا 3 او 4 اسئلة؟
انا قريت كل المواضيع هنا عن الشفوي، بس يا ريت حد يوضحلي النقطة دي.

كمان هل لازم يكون الواحد برفكت في كل الاسئلة؟ والا ممكن يعدوا
الامتحان بكره ومش قادرة ماقلقش، بحاول اكون طبيعية بس بيرجع القلق تاني Sad
ده كان حالنا كلنا بس اطمنى الشفوى بيكون اسهل لان هما سؤالين بس كلمينى عن نفسك وليه عاوزة تدخلى كلية اداب انجلش ممكن حضرتك تحضرى كام حاجة عن نفسك وسبب دخولك الكلية وتحفظيهم وربنا يوفقك ان شاء الله وتنورى منتدانا flower

شارك هذه المشاركه


رابط المشاركه
شارك

يا رب يا رب يا عطر يكونوا دول هما السؤالين بجد .. انا اللي خايفه منه اتفاجئ بحاجة تانية، عشان شفت طلبة كاتبين في المواضيع القديمة هنا انه فيه اتسألوا عن مواضيع عامة زي الثورة كانت ناجحة والا لاء وكده، وفيه اتسألوا عن الموسيقى (معرفش اتسألوا ف ايه عن الموسيقى!) وفيه اتسألوا عن الكمبيوتر والانترنت.. لو ع الكمبيوتر مش مشكلة، لكن قلقانة اني اتفاجئ بسؤال مش على بالي. 

ربنا يجزيكِ خير يا عطر يا رب ويطمّن قلبك ويحقق لك اللي بتتمنيه. 
متشكرة أوي انك رديتي عليا flower

شارك هذه المشاركه


رابط المشاركه
شارك
Asmaa Nur كتب:

ايوا فعلاً شفتها امبارح والحمد لله نجحت بفضل الله، بس مرعوبة من الشفوي
حاسه لو قعدت اتسئل قدام الدكتور او الدكتورة هنسى كل حاجة من التوتر وادخل الدنيا ف بعضها ..
الارتباك وحش اوي وممكن يضيع الواحد وده اللي مخوفني


انا قريت كل المواضيع اللي ناقشتوها هنا قبل كده عن الامتحان الشفوي
بس بردو مسألة انك رايح ومش عارف هاتتسئل ايه دي صعبة اوي حزين 

مبروك يا أسماء وعقبال امتحان الشفوي
ربنا يوفقك و ييسرلك كل عسير

شارك هذه المشاركه


رابط المشاركه
شارك

الله يبارك فيكِ يا رب واللهم آمين يا عبير .. اللهم آمين ليا ولكل اللي رايحين المقابلة ان شاء الله 
اشكرك من قلبي flower

شارك هذه المشاركه


رابط المشاركه
شارك
تصفيق 

مبروك لكل الناجحين 
مع التوفيق والنجاح للجميع يارب

شارك هذه المشاركه


رابط المشاركه
شارك
أنا نجحت نجحت الحمد لله 
يا ربي احمدك واشكر فضلك يا رب 
يا رب يوفق الجميع يا رب واللي ماتوفقش وربنا ما كتبش له النجاح المرة دي لعله خير له لا يعلمه الا الله
يا رب كل اللي نفسه ف حاجة ربنا يحققهاله لو فيها الصالح ليه

شارك هذه المشاركه


رابط المشاركه
شارك
انا كمان نجحت الحمد لله فى التحريرى وشفت الدكتورة كتبت اوكى على الاستمارة فى الشفوى..الشفوى كان عبارة عن حوار مفتوح عن شغلك ودراستك ولية عايز تخش الكلية واذا كنت بتفهم فى الانترنت ولا لأ وشكرا ومبروك للكل.

شارك هذه المشاركه


رابط المشاركه
شارك

ألف مبروك ليك ولكل اللي نجحوا Smile
انت كنت من 1 الى 25 اللي رحنا الاول والا بعد كده؟ : D
انا سألتني انا بشتغل ايه وكان بناء على ردي عليها هي تسألني
يعني عملت معايا زي حوار حد بيتعرف على حد
مش اسئلة ثابتة 

وسألتني سؤال ماكنتش متوقعه انها تسأله اصلاً
لاقيتها بتسألني اذا كان عندي فيس بووك والا لاء؟
قلتلها اه اكيد،، فسألتني عندي عليه صحاب قد ايه وكده
وكانت بتضحك معايا 
بس و ف الاخر شكرتني 
مع اني سألتها بلطافة ف الاخر انا ناجحة والا لاء بس مارضيتش تقولي ساعتها 
خليتني قاعدة على نار يوم ونص 
بس الحمد لله رب العالمين

الف مبروك تاني ليك ولكل اللي راحوا امتحنوا

شارك هذه المشاركه


رابط المشاركه
شارك

الله يبارك فيك يا رب 

شوفيها من هـنـــا

ناجحة ان شاء الله flower

شارك هذه المشاركه


رابط المشاركه
شارك
galal elmadny كتب:
  مبروك النجاح

الله يبارك فيك يا رب اشكرك جداً على مباركتك كلك ذوق  فرح  Smile

شارك هذه المشاركه


رابط المشاركه
شارك
ههههههههههههههههه أه فعلا كنت من ال 25 الأولانيين وفضلت ماشى مع القطيع فى شوارع ومتاهات لحد موصلنا للمبنى الخ الخ الخ..بس بحمد ربنا جة حظى مع الدكتورة الكبيرة لهجتها بريطانى وواضحة وسهلة بس بصراحة عجبانى التجربة جدا ومبروك النجاح وعقبال الشهادة بقى

شارك هذه المشاركه


رابط المشاركه
شارك
اية الالش دة؟ كدة نتيجة الشفوى ظهرت؟ برقم الجلوس؟ يعنى أروح بكرة دفع الفلوس وأفتح الملف ولا اية الظروف؟ حاجة تحير

شارك هذه المشاركه


رابط المشاركه
شارك
اه فعلا طلع الكلام دة صح والحمد لله عديت الشفوى ومبروك بقى لأول 25 ههههههههههه

شارك هذه المشاركه


رابط المشاركه
شارك

هههههههه ماهو انا كنت مع القطيع الاولاني كذلك : )
وفيه واحد سألني انتي استمارتك كام عشان اعرف انا هادخل مع مين
اوعى يكون انت بردو rolling eye 
اه روح بكره قبل ما يرجعوا ف كلامهم :D

شارك هذه المشاركه


رابط المشاركه
شارك
اه صحيح على فكرة نفس الدكتورة هي اللي امتحنتني وفعلاً هي برتش اكسنت 
و بالأمارة كانت عينيها حمرا ومش نايمه كوايس : )

الحمد لله والف مبروك للجميع مرة كمان

شارك هذه المشاركه


رابط المشاركه
شارك
مبروك لكل المقبولين باختبارات القبول ونورتوا المنتدى وإن شاء الله تكون بداية موفقة ليكم وتلاقوا في المنتدى اللي يساعدكم على النجاح والتفوق.وربنا يوفقكم في مساعدة بعض والأجيال اللي جاية من بعدكم.

شارك هذه المشاركه


رابط المشاركه
شارك

الله يبارك فيك يا استاذ حسين يا رب 
اشكرك جداً على مباركتك لينا وده من ذوقك  flower 
thanks 

وبالمناسبه، بما ان حضرتك في الترم التامن
شايف نفسك ايه بعد الدراسة؟ يعني نقدر نقول انه خلاص يعتمد عليك في الترجمة؟ : )

شارك هذه المشاركه


رابط المشاركه
شارك
هههههههههههههههه لأ ياستى مش انا اللى سالتك..انا كنت واقف لوحدى قدام الباب وسرحان خالص...بالمناسبة انا سجلت النهاردة الحمد لله وأستلمت الكتب والسديهات وليا نصيحة...السديهات بتزن جامد جوه الجهاز فالاحسن تنسخوها على الجهاز وتشغلوها بعد كدة من الجهاز على طول علشان الاسطوانات دى لو فرقعت جوه الدفيدى او السى دى روم يبقى العدسة بالسلامة .... وبصراحة مجهود اكتر من رائع جوه الاسطوانات وشرح تمام ومخارج الفاظهم واضحة فعلا السيديهات دى مهمة

شارك هذه المشاركه


رابط المشاركه
شارك
Asmaa Nur كتب:
الله يبارك فيك يا استاذ حسين يا رب 
اشكرك جداً على مباركتك لينا وده من ذوقك  flower 
thanks 

وبالمناسبه، بما ان حضرتك في الترم التامن
شايف نفسك ايه بعد الدراسة؟ يعني نقدر نقول انه خلاص يعتمد عليك في الترجمة؟ : )
متشكر يا أسماء على ذوقك،وبالنسبة لسؤالك الأفضل انك متقسيش اللي ممكن تحققيه حسب تجارب فردية لينا وطبعا ده لاختلاف القدرات الاستعابية واختلاف قدرات كل واحد على بذل المجهود اللي ممكن يوصله للمستوى اللي بيتمناه.طبعا رأيي ان مستوى المناهج وتسلسلها ووضعها ممتاز ولو حابة تستفيدي فعلا منها نصيحتي ليكي تدرسي الكتاب كله من غير ماتلتزمي بالمقرر وخلي التزامك بالمقرر عليكي لمجرد اجتياز الامتحان وبس.وطبعا المقرر ده بيكون على صفحتك الشخصية في المحاضرات التليفزيونية والمكتوبة.

شارك هذه المشاركه


رابط المشاركه
شارك
bold_look كتب:
هههههههههههههههه لأ ياستى مش انا اللى سالتك..انا كنت واقف لوحدى قدام الباب وسرحان خالص...بالمناسبة انا سجلت النهاردة الحمد لله وأستلمت الكتب والسديهات وليا نصيحة...السديهات بتزن جامد جوه الجهاز فالاحسن تنسخوها على الجهاز وتشغلوها بعد كدة من الجهاز على طول علشان الاسطوانات دى لو فرقعت جوه الدفيدى او السى دى روم يبقى العدسة بالسلامة .... وبصراحة مجهود اكتر من رائع جوه الاسطوانات وشرح تمام ومخارج الفاظهم واضحة فعلا السيديهات دى مهمة
مبروك التسجيل ومبروك لينا وجودك بينا.وبالنسبة للسيديهات متقلقش منها لان السي دي بيكون عليها أول محاضرتين وبس من مجموعة المحاضرات التليفزيونية اللي في صفحتك بمعنى انك بعد تحميلك للمحاضرات التليفزيونية بتكون في غنى عن السيديهات.

شارك هذه المشاركه


رابط المشاركه
شارك
bold_look كتب:
هههههههههههههههه لأ ياستى مش انا اللى سالتك..انا كنت واقف لوحدى قدام الباب وسرحان خالص...بالمناسبة انا سجلت النهاردة الحمد لله وأستلمت الكتب والسديهات وليا نصيحة...السديهات بتزن جامد جوه الجهاز فالاحسن تنسخوها على الجهاز وتشغلوها بعد كدة من الجهاز على طول علشان الاسطوانات دى لو فرقعت جوه الدفيدى او السى دى روم يبقى العدسة بالسلامة .... وبصراحة مجهود اكتر من رائع جوه الاسطوانات وشرح تمام ومخارج الفاظهم واضحة فعلا السيديهات دى مهمة

ألف ألف مبروك التسجيل يا استاذ بولد لووك : )
party 
 وعقبال ما تاخد الليسانس يا رب
انا كمان الحمد لله سجلت امبارح واستلمت الكتب والسيديهات بس لسه هاكتشف الحكاية اللي بتفول عليها 
يمكن تكون المشكلة عندك بس هبئى اجرب و اقول

شارك هذه المشاركه


رابط المشاركه
شارك
Hussein1974 كتب:
متشكر يا أسماء على ذوقك،وبالنسبة لسؤالك الأفضل انك متقسيش اللي ممكن تحققيه حسب تجارب فردية لينا وطبعا ده لاختلاف القدرات الاستعابية واختلاف قدرات كل واحد على بذل المجهود اللي ممكن يوصله للمستوى اللي بيتمناه.طبعا رأيي ان مستوى المناهج وتسلسلها ووضعها ممتاز ولو حابة تستفيدي فعلا منها نصيحتي ليكي تدرسي الكتاب كله من غير ماتلتزمي بالمقرر وخلي التزامك بالمقرر عليكي لمجرد اجتياز الامتحان وبس.وطبعا المقرر ده بيكون على صفحتك الشخصية في المحاضرات التليفزيونية والمكتوبة.

صح جداً.. ما شاء الله كلام حضرتك جميل جداً ومنطقي جداً جداً .. 
هو انا بس سألت على أساس الأمر بشكل عام ولو بالقدر المتوسط لأي طالب أصبحت له تجربة في الكلية، ولكن طبعاً كلامك حضرتك مظبوط. : )

بالنسبة للنقطة بتاعت انه يفضل نلتزم الكتاب افضل من المقرر، معلش اصل انا جديدة خالص ومش فاهمه اصلا ايه الفرق بين الكتاب والمقرر. هو مش المقرر بيكون في الكتاب بردو كمان والا ايه، والا انا كده هابتدي غباء من الأول؟ أنا مش فاهمه حاجة : ) 
يا ريت حضرتك توضحلي بس واكون شاكرة جداً flower

شارك هذه المشاركه


رابط المشاركه
شارك
الله يبارك فيكى يا أسماء... وأخيرا دخلت على صفحتى فى الموقع الرسمى ولقيت صورتى بقى وحركات ومحاضرات بقى بوربوينت وحوارات حلوة مفيدة جدا..بالمناسبة انا لسة جايب الدفيدى بتاعى جديد ومفيش الا الأسطوانات دى اللى بتزن بس علشان اليافطة اللى حاطينها على الاسطوانة وفاكرينها أستيكر وبتاع...أبقى شوفيلنا بقى مواعيد المحاضرات فى الجامعة والحد الادنى من ساعات الحضور والحركات دى.

شارك هذه المشاركه


رابط المشاركه
شارك
هو يقصد نستفيد من الكتاب كله مش من اللى ينجحنا بس وشغل ثانوى وكدة حتى لو المقرر منه نصه بس يفضل نقرا ونفهم النص التانى لينا يعنى كمعلومات

شارك هذه المشاركه


رابط المشاركه
شارك
الله يبارك فيك يا حسين فعلا محاضرات التليفزيونية ممتازة مع الكتاب بصراحة مجهود حلو من الجامعة ونظم حلوة ..انا اخدت نظرة سريعة ع كل المواد لقيتها سهلة ولذيذة ومشجعة ومبشرة بتقدير حلو لو عندك أى نصايح ياريت متبخلش علينا..أخوك عمرو

شارك هذه المشاركه


رابط المشاركه
شارك
مبروك عليكم التسجيل
بالنسبة للفرق بين الكتاب و المقرر يا اسماء ان المقرر بيبقى اجزاء بس من الكتاب وباقى الكتاب بيبقى ملغى 
اما بالنسبة للحد الادنى من الحضور .bold look Mr  فأنا ارجو ان يكون مفيش حد ادنى لانى مش ناويه احضر المحاضرات خالص و ربنا يستر
واتمنى لكم التوفيق

شارك هذه المشاركه


رابط المشاركه
شارك
لأ انا سمعت ان الحد الأدنى ساعتين فى كل مادة فى كل ترم عموما دى مش مشكلة خالص لان المحاضارات ع ما أعتقد بتبقى ايام الجمعة ..ربنا يوفقك....study 

شارك هذه المشاركه


رابط المشاركه
شارك
فى حوار حلو أكتشفته على الموقع الرسمى فى صفحتك الشخصية..بتحط رقم الموبايل وتحفظه وتختار خدمات معينة تتبعتلك اس ام اس زى مواعيد المحاضرات والامتحانات دة حوار لذيذ بس لو بجدLaughing 

شارك هذه المشاركه


رابط المشاركه
شارك
أهلا بيك ياعمرو وبأسماء وبكل دارسي الترم الأول.هو فعلا يا أسماء زي ما عمرو قال أنا أقصد تدرسي الكتاب كله لأن المقرر غالبا بيكون جزء منه أو حاجات من برة الكتاب. فخلي دراستك للجزء المقرر لاجتياز الامتحان وبس وادرسي الكتاب كله مع نفسك.طبعا مع الاستزادة بأي مصادر تانية.

شارك هذه المشاركه


رابط المشاركه
شارك
bold_look كتب:
الله يبارك فيكى يا أسماء... وأخيرا دخلت على صفحتى فى الموقع الرسمى ولقيت صورتى بقى وحركات ومحاضرات بقى بوربوينت وحوارات حلوة مفيدة جدا..بالمناسبة انا لسة جايب الدفيدى بتاعى جديد ومفيش الا الأسطوانات دى اللى بتزن بس علشان اليافطة اللى حاطينها على الاسطوانة وفاكرينها أستيكر وبتاع...أبقى شوفيلنا بقى مواعيد المحاضرات فى الجامعة والحد الادنى من ساعات الحضور والحركات دى.

اليافطة ههههههههههههههههههههه
 ايوا صح والله شكلها استفزني ،، بس عموماً انا جربت كله الاسطوانات مالقتش اي مشكلة غير ف اسطوانة واحده بس وكمان خطأ تقني مش ف الاسطوانة نفسها، الا وهو ان صوت الدكتورة عمال يعلى و يوطى لما عملي رنين مغناطيسي في دماغي.. الاسطوانة اللي هي بتاعت الدكتورة هدى عياد بتاعت الجرامر.

انا لما سألتهم امبارح على المواعيد والجدول قالولي في نص 10 هاينزل الجدول .. وكل جديد هيكون على الموقع اعتقد. انا متهيألي مفيش حد ادنى للحضور على فكرة لان اعرف ناس مابتحضرش ولا محاضرة. مش عارفه نبئى نتأكد من الموضوع ده عشانكم. ولكن عموماً الحضور لذيذ بردو .. بس ان شاء الله في اول مشوار ليا هناك تاني هناك هسألكوا.

bold_lookهو يقصد نستفيد من الكتاب كله مش من اللى ينجحنا بس وشغل ثانوى وكدة حتى لو المقرر منه نصه بس يفضل نقرا ونفهم النص التانى لينا يعنى كمعلومات 


مممم تمام شكراً يا عمرو.. ، بس تعرفوا ايه اللي خطر على بالي النهاردة.. ان من هنا لشهر يناير (اللي فيه الامتحانات يعني) مافيش حاجة خلاص الا شهرين و شوية.. ياترى ده كافي للانتهاء من مذاكرة  ممتازة لـ 5 مقررات؟  scratch

شارك هذه المشاركه


رابط المشاركه
شارك

[quote"((العلم و الايمان))"]مبروك عليكم التسجيل
بالنسبة للفرق بين الكتاب و المقرر يا اسماء ان المقرر بيبقى اجزاء بس من الكتاب وباقى الكتاب بيبقى ملغى 
اما بالنسبة للحد الادنى من الحضور .bold look Mr  فأنا ارجو ان يكون مفيش حد ادنى لانى مش ناويه احضر المحاضرات خالص و ربنا يستر
واتمنى لكم التوفيق[/quote]

تمام جميل وصلتني الفكرة : ) flower

شارك هذه المشاركه


رابط المشاركه
شارك
بالنسبالى علشان انا كنت ثانوية عامة لغات فالمقررات سهلة بالنسبالى لاكن مشكلتى العربى والأعراب والكلام دة لاكن بأذن الله أول سنة بتكون سهلة نوعا ما لكل الطلبة...
أه فعلا الدكتورة اللى واكلة محشى دى...صوتها بيروح ويجى وأوفر جدا فى تعبيرتها بس استفدت منها وحسيت انها صاحبتىSmile 
أه فى ناس مش بتحضر والموضوع بيعدى لاكن عاوزين نرتبط بالجامعة منبقاش فشل من أولها كفاية السنين اللى راحت باى.

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.