هل يمكن التسجيل في أكثر من كلية في التعليم المفتوح؟

[aymanamer 0]

أنا بدرس دلوقتي في آداب إنجليزي وعلى الرغم من إني حابب الدراسة فيها بس كان نفسي أدرس فنون جميلة وعرفت متأخر إن جامعة الأسكندرية بتقدم برنامج للفنون الجميلة ضمن التعليم المفتوح وبصراحة دي كانت رغبتي من أيام ثانوية عامة بس للأسف معرفتش لأكتر من سبب منها المجموع، وفرحت جداً لما عرفت إنها متاحة ضمن برامج التعليم المفتوح بس بعد ما اتقبلت في آداب مش عارف ينفع أسجل في برنامج تاني ولا لأ.. لما سألت ناس كتير قالولي لأ عشان ملف الثانوية الأصل بيروح للجامعة اللي سجلت فيها الأول بس مش واثق في الكلام ده 100% ومش عارف صح ولا لأ، لو صح كده معناها إني المفروض أستنى 3 سنين كمان عشان أقدم في جامعة تانية وده مش منطقي والخيار التاني هو إني أخرج من آداب وأسجل من جديد وده برضه مش منطقي عشان أنا فعلاً حابب الدراسة وبحب الإنجليزي جداً ونفسي أوفق بين الأتنين لو أمكن.. ياريت تفيدوني وجزاكم الله كل خير

[Ahmed Elwardany 0]

الموضوع بسيط كل الحكاية ان فيه طريقتين
اول طريقة انك تقدر تحيب نموذج اصل بديل او اصدار تاني للثانوية العامة و تروح تقدم هناك في اسكندرية بأصول باقي الأوراق
او تعمل زي زمليتنا في اداب طلعت من اداب واخدت الاوراق بتاعتها و قدمت في كلية تانية 
لكن انك تدرس في كليتين مختلفتين في وقت واحد دي صعبة او يتطلب الموضوع نموذج اصل ثاني من الثانوية العامة و ليس مجرد بيان للدرجات فقط و انا ما اظن ان فيه امكانية تسمح بكدة
فه خليك واثق انه مستحيل اذا ما عرفت تتم الموضوع بهذه الطريقة

[Hana09 0]

بالنسبة لموضوع التقديم في كليتين في نفس الوقت مقبول ام لا معرفش !! لكن من الممكن انك تطلع اكثر من شهادة اصلية في هذا الحالة بتسمي " مستخرج رسمي للشهادة مكتوب عليها اسم الجهه الموجه لها وبتكون مثلها مثل الشهادة الاصلية تمام "  بتذهب لمديرية التربية والتعليم قسم التعليم الثانوي بيطلبو منك تجيب حوالات وطوابع من البوسطة قدرها 15 جنية علي ما اظن ودا للمستخرج الرسمي الواحد ، الموضوع بياخد يوم بالكثير! 

وبالتوفيق ان شاء الله.

[emy mamdouh 0]

انا كنت فى الامتحان امبارح كان سهل بس كان فيه كلمات بس هى اللى كانت صعبة فى الترجمة للعربى والانجليزى بس مش كتير كلمتين او تلاته

[marina 0]

هو الامتحان التحريرى للمقبلولين بقى يحتوى على قطعتين ترجمة مفيش كتابة بلجراف

[marina 0]

لا يجوز التقديم فى كلتين فى وقت واحد لان عليها مسالة قانونية وبتنتهى لو اتعرف انك بتدرس بكلتين بالرفدمن الكليتين

[3beer 0]

( .. اعتقد مينفعش حتى لو اتعمل مستخرج من الشهادات ..~

[reda mostafa 0]

officially, no way to attend for two studies at the same time.