كارثة حقيقية والناس في غفلة

[محمود حسن 0]

مليار مسلم يتناولون الخنزير وإنتي واحدة منهم
ورد بجريدة الأسبوع في العدد الصادر بتاريخ 20 جمادى الأول
1426 ه 27
يونيو 2005 صفحة 16 بقلم
منى
مدكور الآتي:
هل نجح الأمريكيون بالفعل في أن يضحكوا على 2 مليار مسلم وعربي
وجعلوهم يشربون طوال السنين
مشروباتهم الغازية المصنعة من أمعاء الخنزير ؟؟؟
سؤال يطرح نفسه بقوة ويحتاج إلى إجابة حيث أن مجمع البحوث الإسلامية
أرسل عينات من المياه
الغازية ( البيبسي الكوكاكولا )
لتحليل مادة البيبسين الأساسية في تركيبها لمعرفة تركيبة تلك المياه
الغازية المرة الأولى التي أثير فيها هذا الموضوع كان في الخمسينات
حين تبنى الفتوى حزب مصر الفتاة
(أحمد حسين) التي صرح بها الشيخ ( سيد قطب) حول تحريم البيبسي
والكوكاكولا لأن مادة البيبسين
تستخرج من أمعاء الخنزير وأدى ذلك إلى كساد اقتصادي هائل للشركة
المنتجة وفرعها في مصر بعد
إحجام الشعب عن الشراء .لكن الجديد اليوم هو طلب الدكتور / مصطفى
الشكعة رئيس لجنة المتابعة

بالمجلس الأعلى للبحوث
>>
>>
>>
تحليل عينة من زجاجات البيبسي ويقول د/ الشكعة أنه بغض النظر عن
المطالبة
بالمقاطعة للمنتجات الأمريكية والصهيونية فإن التحليل لعينات البيبسي
في معامل خاصة ومتعددة مع
ضمان سرية أسمائها حتى لا تتدخل يد الرشاوى والتسهيلات للعبث بنتائج
التحليل
وذكر د/ الشكعة أنه عاش في أمريكا 6 سنوات عرف خلالها أن مادة
البيبسين تستخرج من أمعاء
الخنزير لتساعد من يشربون المشروب على الهضم .ويقول أحدالمصادر الذي
رفض ذكر اسمه إن من
يقول أننا نصنع البيبسي في بلادنا العربية وفي مصر دفاعاًعن حقيقة
زائفة هو بالتأكيد يخفي الحقيقة
لأن المادة المكونة لمشروب البيبسي تأتي
إلى الدول المصنعةعلى شكل عجائن
خاصة في براميل محكمة الغلق من بلد المنشأ ولا يتم فتح هذه البراميل
إلا عند توصيلها على خطوط
الإنتاج بعد أن يتم ضخ المواد الأولية التي تحتويها هذه البراميل لتصل
في النهاية بعد المعالجه اللازمة
إلى الزجاجات التي تطرح في الأسواق وهي محكمة الغلق أيضاً وأستطيع أن
أتحدى أي فرد يمكن أن
يجزم بحقيقة المكونات الأساسية لمادة البيبسين . المثير في الموضوع أن
شركة بيبسي العالمية اشترت
عام 1964
>>
خطوط إنتاج مشروب غازي آخر هو
(ماونتن ديو ) وتحمل إعلاناته شعار مشروب القوة ( قوي قلبك ) مع
ماونتن ديو وبالبحث في تاريخ
صناعة هذا المشروب الذي تنتجه شركة
Tip Corporation Of America
نجد أن أول ما فعلته شركة بيبسي هو تغيير الشكل الخارجي للعلب
والزجاجات التي تحوي مشروب
ماونتن ديو وكان تصميم الزجاجة يعتمد على إحدى الشخصيات الكرتونية في
ذلك الوقت وهو (هيل بيلي )
وبجانبه صورة خنزير صغير ينظر لمحتويات الزجاجة المكتوبةفما كان من
الشركة إلا أن حولت
الخنزيرالصغير إلى خنزير آخر يضع يده على فمه ضاحكاً وكان هذا تحت
شعار
(تغييرات الخنزير )
لمشروب ماونتن ديو وبالدخول إلى الموقع الخاص بالشركة حالياً على
الإنترنت والمترجم إلى اللغة
العربية لبلدان الشرق الأوسط سنجد أن هذا الخنزير يختفي تماماً سواء
من على شكل الزجاجة الرئيسي
قبل شراء شركة بيبسي لها أو حتى على الشكل الخاص بالزجاجةعام 1965 وهو
بعد التعديل الذي
أجرته الشركة ما يطرح العديد من علامات الإستفهام المثيرة حول حقيقة
هذا المشروب خاصة أن
مشروب ماونتن ديو كان يعرف عند الأمريكيين بمشروب الخنزير ذو القدم

المرفوعة .
ولا تتوقف الأعيب عند هذا الحد فيما يتعلق بتصدير موادغذائية تحتوي
على شحوم ودهون الخنزير فلقد
لإنتاج اللبان على استفسار Wrigleys اعترفت شركة ريجيلز
مرسل من قبل دينيس يونج من نفس الشركة للرد على أحد العملاء بخصوص
احتواء لبان < E-mail
إكسترا ولبان أبو سهم كما هو معروف في البلاد العربية على شحوم
مستخرجة من الخنزير فكان رد
الشركة مؤكداً أنها تستخدم ملينات حيوانية ( شحم الخنزير) في صناعة
اللبان الخاص بها وهو ما
يتعارض مع استخدامات المسلمين
ولكن الشركة تأسف لذلك لأن هذا هو الواقع بل وأكد مسئول شئون
المستهلك صراحة في رده قائلاً إنه ليس حلالاً على كل الأحوال. ولنا أن
نذكر أن أمعاء الخنزير التي
يستخرج منها الملين الحيواني و مادةالبيبسين تحتوي على العديد من
المواد المسرطنة التي تساعد على
انتشار سرطان القولون والمستقيم والبروستاتا والرحم والمرارة والثدي
البنكرياس ؟ وإذا كان البيبسي
هو المشروب المفضل لدى الكثيرين فإن الهنود استخدموه في محاربة آفات
المحاصيل الزراعية لأنه
أرخص بكثير عن المنتجات الكيميائية لكبريات شركات المبيدات
>>
الحشرية .
وأعلن دكتور / مصطفى الشكعة أنه سيخوض حرباً شرسة عند إعلان نتيجة
التحاليل في بيان رسمي
صادر عن مجمع البحوث الإسلامية مؤكداً أنه إذا ثبت أن تحاليل الزجاجات
غير متطابقة مع الحقيقة
سيطلب رسمياً أخذ عينة من براميل العجينة القادمة من أمريكا رأساً
خاصة أن البرميل الواحد ينتج ما
يقارب من 10 آلاف زجاجة مما قد لا يظهر مادة البيبسين مع هذا الكم
الهائل من الإنتاج وهو بالطبع ما
سيقابل بالرفض من الشركة المنتجة وهنا ستكون المعركةالحقيقية لإثبات
حقيقة ما يشربه المسلمون
طوال السنوات
الماضية.
فكلمة بيبسي المختصرة هي نفس العبارة التي ترجمها هو
PEPSI
Pay Every Pense to Save Israil
ادفع كل فلس لتحمي إسرائيل
وهناك نقطة هامة
إذا كان هذا أحد المكائد المخفية المدبرة للمسلمين على مستوى
المشروبات الغازية
فما بالنا بالمنتجات الأخرى؟؟ أو الأفكار التي يبثونها في الأفلام
مثلا؟؟
أسأل الله أن يفيق المسلمون ويتعرفوا على عدوهم جيدا
ثم يعدوا لهم ما استطاعوا من قوة ومن رباط الخيل ..
. أخواتي في الله :واجباتكم تجاه دينكم وأمتكم الإسلامية..


من واجبنا

أن :
1- نتوقف عن شراء هذه المنتوجات لأننا سنسأل عنها يوم القيامة بما
أننا علمنا بما تحتويه.

2- نرسله إلى كل شخص نعرفه
3-و إلى المواقع العربية و الإسلامية
4- و أن نقوم بحملة واسعة جدا ننشرها في كل مكان
(أقارب – أصدقاء – جيران كل الأشخاص الذين نعرفهم)
ما دمنا عرفنا بهذا الموضوع واجبنا تجاه المسلمين أن يعرفوا بذلك



منقول للافاده / محمود حسن

[enigma_sinai 0]

شكرا أخى محمود على طرح هذا الموضوع
لكن هناك علامات استفهام..اذا كان وتأكد مجمع البحوث الاسلامية من أن مشروب البيبسى يحتوى على أى شىء له علاقة بالخنازير، فلماذا لا يعلنها علناً؟ واذا كانوا يرتشوا فما ذنبنا نحن؟
بالنسبه لي أنا لن أتوقف عن شرب البيبسى الا فى حالة صدور فتوى صريحة بتحريمه !
ثم من يكترث من المسؤلين اذا كانت مياة الشرب أصلا لا تصلح للإستخدام الآدمى؟

[محمود حسن 0]

اولا شكرا علي اهتمامك بالرد
ثانيا انا ما ليش سلطة اني اقول لحد اشرب اولا لا وطبعا كل واحد له حرية شخصية انا ما اقدرش انكرها ولا اتخطاها
ثالثا انا لما نقلت الموضوع نقلته للضرر الناتج منه للتحذير. مايخصنيش بقا ان كان الضرر من خنزير ولا حتي من بقرة وكمان عشان موضوع الدعم الا في الموضوع الا بيقولوا انه رايح لاسرائيل ده سبب نقلي للموضوع
واخيرا وليس بأخر انا سعيد بردك علي الموضوع اي ان كان الرد فحرية الرأي موجوده

[dream 0]

السلام عليكم

انا اثق جدا فى معهد البحوث وفى هذه الكوكبة من علمائنا من المسلمين
واربأ بهم ان يشار اليهم باى همز او لمز
وقد يكون الموضوع فعلا فى مجال المناقشة او البحث
ولكنهم لا يعلنون فى النهاية الا ما هم متأكدون منه حتى لا يثيروا الفتن بين الناس
واما عن الدعم الذى يذهب لاسرائيل فهذا موضوع اخر ولا اتصور انه باهمية موضوع الغاز
او الاعتذار الفج لفاروق حسنى عن اساءته لاسرائيل ذات يوم فى مقابل الوظيفة المحترمة فى اليونيسكو .

جزاك الله خيرا وهدانا جميعا الى ما يحبه ويرضاه

[Rehab SISAQ 0]

يمكننا ان نراسل موقع بيبسي ونتاكد من هذا الموضوع عموما احنا مش بنشرب البيبسي علشان اضراره الجسيمة على الصحة العامة
شكرا جزيلا لك

[محمود حسن 0]

بالنسبة لتعليق الاخت رحاب في الكلمة الا قالتها (ممكن نراسل موقع بيبسي) كلمة ماتوقعتش خروجها من واحده مثقفة ولا اقصد اي اساءة
لان مفيش حد هيقول حقيقة منتجة وثانيا مفيش حد هيقول انه مضر زي الالبان الموجوده بالسوق والابقار الا تحقن بهرمونات لزياده الالبان بها ونسبة السرطان الناتج عن الموضوع ده هل حد هيقول ان منتجه بيضر الناس او انه متصنع تحت السلم زي عبوات التجميل والمكياج المضروبة وغيره من الفساد الا موجود في البلد وضمير الرقابة الا مات الا هو مش موجود اصلا غير مع الضعفاء وضدهم اما اصحاب النفوذ ما ينفعش حد يكلمهم حتي ولو كانوا غلط بحجة عدم الاضرار بالاقتصاد القومي (وربنا يجعله عامر) وشكرا لكم جميعا

[a.h.issmail 0]

البيبسي والكولا والالبان ومياه الشرب والمياه المعدنية

انا معاكوا 100 *100 بس لو حسبناها بالطريقة دي يبقي والله هانمشي كاتمين نفسنا مش هتبقي علي الاكل والشرب بس
كل الي اقدر اقوله ربنا يرحمنا برحمته ومادام بنقول بسم الله الرحمن الرحيم علي اي حاجة يبقي نخليها علي ربنا وربنا يستر

[enigma_sinai 0]

والله انى اثق فى المشروبات والآغذية الآمريكية والإسرائيلية ايضاً أكثر من أى منتج محلى..ودى حاجة ملهاش دعوة بكوننا مسلمين وكونهم مسيحيين ولا يهود او حتى كفرة
وبعدين ما شأن اسرائيل بشركة بيبسى الآمريكية؟ الدعايات كثيرة يا اخى عن المنتجات الآسرائيلية
مع ان هذه المنتجات تكاد تكون فى كل منزل مصرى
وزى ماقالت توتا عن الغاز اللى بيصدر لهم..واللى كثير من الناس متعرفهوش ان سعر المتر مكعب بدولار..يعنى خمسة جنيه ونص فى حين ان الآنبوبة بتصل ل 7 جنيهات..العيب فين؟
وانا مش ضد استخدام أى منتج أجنبى مادام بلدى مش عارفة تصنع مثله!
وبعدين يا ابلة توتا..محدش عارف لعلماء المسلمين رأى ثابت..واحد يقول يمين والتانى يقول شمال ويطلع واحد تالت يقول لا ياعم خليكوا علطول...والله أعلم ان ما كانوا متأكيد من صحة معلوماتهم عن بعض المنتجات المضرة المنتشرة فى الآسواق ولكن هناك قوة عظمى تردعهم
وتبقى الحكاية كلها زى صنية الكنافة اللى محشية صلطة
ومحدش فاهم حاجة

[محمود حسن 0]

رد بسيط جدا علي كلمة مال شركة بيبسي ومال اسرائيل؟
اسألي وانتي تعرفي ايه الا بيربط بين امريكا واسرائيل عشان انا شايفك متعصبة قوي
ثانيا
حكاية الغاز دي في ايد الا ما سكين البلد اما الحاجه الساقعة في ايدينا احنا الا بنشتريها

[أسامة1 0]

عامة يا جماعه هو كده كده البيبسى مضر جدا خصوصا للكبد وهو مش بيهضم زى ما الناس فاكره لكنه بيسحب الأكل بسرعه من الأمعاء وهو ناقص هضم عشان كده الواحد بيحس بالراحه وده كلام احد الأطباء على احدى القنوات الفضائيه وكده كده احنا المفروض نقاطع على قد ما نقدر منتجات اى دوله بتدعم اسرائيل اما موضوع تضارب فتاوى علماء المسلمين فده بدء يحصل من بعد سقوط الخلافه الاسلاميه مباشرة لأن زمان كان علماء الأمه كلهم الكبار بيتفقوا ع الفتوى وبعد كده يقروها انما من بعد سقوط الخلافه ما بقاش فى ترابط او توحد بينهم لكن احنا نقدر ناخد برأى جمهور العلماء وآراء العلماء الكبار امثال الدكتور يوسف القرضاوى مثلا وفتاوى الشيخ عطيه صقر هو والشيخ الشعراوى مثلا الله يرحمهم.

[Rehab SISAQ 0]

على فكرة يااستاذ محمود انا مش اقصد انه الشركة تقول انها بتعمل كده بس من طبيعة شغلي في المبيعات اقدر اعمل feed back لخدمة العملاء اشتكي فيه من ملاحظتي على منتجاتهم وبدورهم هيردوا لطمئنتي علشان يهمهم انه اشتري منهم تاني

بالنسبة لموضوع الشعار قريت قريب في كتاب شكلها باظت لعمر طاهر انه دا من ضمن الاشاعات التي انتشرت في مصر
فياريت نرجع لاصل الموضوع ده

[dream 0]

السلام عليكم

وتبقى الحكاية كلها زى صنية الكنافة اللى محشية صلطة

والنعمة نفسى ادوقها !! انت جربتها ؟؟


بص يا ياسر اذا كنت تقصد بعلماء المسلمين اللى بيطلعوا على الفضائيات وكل واحد منهم
عاوز يثير موضوع ويحط فلفل وشطة علشان يجيبوه تانى وتالت !!!فدول ما لهمشى دعوة بالعلماء اطلاقا وربنا يحمى الاسلام منهم وكما تقول الحكمة ..اللهم اكفنى شر اصدقائى اما اعدائى فانا كفيل بهم ..
انا اقصد العلماء الين يتعبون انفسهم ليل ونهار علشان يتوصلوا لرأى جماعى لفتوى معينة
ولا يهمهم على الاطلاق موضوع الفضائيات ده ، وطبعا هذا لايقتصر على ايام الخلافة كما يقول اخونا اسامة فلكل زمان رجاله ...( المقصود ليس الذكور فقط وانما الاناث ايضا فالسيدة نفيسة مثلا كانت من احدهم فى عصرها )

[enigma_sinai 0]

بصراحة لأ...مجربتهاش...بس رمضان الجاى احتمال أحشيها..ووعد منى لو طلعت حلوة هقولك :lol!:

اللى على الفضائيات دول انا بسميهم "ذقون"...دول وهابيين..ولا اطيق اشوفهم..أى قناة تعرض لهم..ألغيها دغرى.
ولا عندهم فقه ولا حاجة...كل واحد قريلى كام كتاب ومربى ذقنه خلاص تولى الخلافة وبقى شيخ
ومعظمهم فى أمن الدولة يصعقون بالكهرباء
وعلى فكرة...أمن الدولة مخصص لهم..انا لما اتحبست 11 يوم فى أمن الدولة كرهونى فى عشتى...الصلاة تكاد أن تأخذ ساعة...صلاة ايه دى؟ ومين قال كدة؟
وبعدين همهم الوحيد هو التوحيد...وكأنى ملحد..حتى انهم مقسمين التوحيد لعدة شعب..توحيد الربوبية وتوحيد الآلوهية ومش عارف ايه....وشوية تخاريف الدين براء منها
المضحك انهم لا يأكلون ذبح أى حد وان كان مسلم...مش عارف ليه
يعنى كذا مره كانوا يجيبوا لينا فراخ أو لحم فى الحجز..كنت اشوفهم يمسكوا الفرخة ويفسخوها..يحطوا اللحم فى كيس ولخبطوه مع باقى القمامة والعظم فى كيس تانى..ولما يجى الزبال يرموه
عرفت انه لو الظابط عرف انهم مكلهوش هينفخهم..وما ادراكى ما النفخ..فكانوا بيعملوا كدة علشان يبان انهم كلوه ومفضلش غير العظم
المهم..شكلى خرجت عن الموضوع ولاون دا أهم

[Hamdy Tawfik-manar9 0]

الحقيقة انا مختلف مع معظم ماكتبه الزملاء في هذا الموضوع

لكن ساوجز راي في نقاط بسيطه

اولا : بالنسبة للموضوع الاصلي بخصوص شركة بيبسي... الموضوع قديم وقيل ابضا علي شركة كوكا كولا .
.. واغلب الظن انها جزء من حملات التنافس والدعاية بين الشركات

ويجب ان يعرف الجميع ان مصانع المياة الغازية في العلم العربي هي مصانع تعبئة وليست انتاج
بمعني ان المادة الخام تاتي الشركة الام في امريكا ولا يعرف تركيب تلك المادة حتي العاملين في المصانع
.. فكيف عرف البعض انها مستخلصه من الخنزير

ثانيا : انا اؤيد المقاطعه العاقله والانتقائية لبعض المنتجات الغربية
لكن ماذا نفعل مع شركات الدواء التي 90 % منها امريكية واروبية
هل تعلم مثلا ان المصنع الرئيسي لمعالجات انتل intel في الشرق الاوسط موجود في اسرائيل
ويعاد تصديرها الينا من دول جنوب شرق اسيا

ومعالجات انتل تحتل نصيب الاسد في سوق المعالجات في العلم العربي
اي ان كل منا قد يكون في جهاز حاسوبه منتج امريكي مصنع في اسرائيل
والامثلة كثيرة ولا تنتهي

عندما يكون لدينا صناعة حقيقية وعلماء حقيقين واقتصاد قوي قائم علي موارد ذاتيه
ساعتها يمكن ان نتكلم عن المقاطعه

ثالثا : لماذا التجني علي علماء الدين والتكلم عنهم بشكل ساخر وغير لائق
هذا موضوع خطير ياخوان له اثر سيء جدا علي المستو الشخصي وعلي مستو الامة
فاتقوا الله فيما تقولون وتخط ايديكم

رابعا :خدعوك فقالوا ان اتفاق العلماء دليل حياة ونهضة للامة
بالعكس الاختلاف هو الذي يصنع الثراء الفكري الذي طالما تميزتبه الامة الاسلامية في فترات تطورها وازدهارها

وان الركون الي الراي الواحد هو دلالة علي الجمود وعصور التخلف

هذا سنه من سنن الله في الكون تنطبق علي المسلمين وعلي غيرهم

واننا لم نصل الي ماوصلنا اليه من انحدار وتخلف الا عندما ظنت كل فرقه واصحاب منهج انهم الفرقة الناجية التي تملك الحقيقة والصواب

وشغلوا انفسهم بمهاجمة المخالفين لهم بدلا من محاولة اصلاح مجتماعاتهم او ربما اصلاح انفسهم

الاختلاف رحمه من الله بعباده وسنه كونية وتضارب الاراء هو الذي يصنع مجتمعا حيا قادرا
علي التفاعل والتمييز بين الحق الباطل

ويكفي هذا حتي لا اطيل عليكم

[أسامة1 0]

أنا متفق معاك يا حمدى فى معظم اللى قلته لكن اختلاف العلماء رغم انه رحمه زى ما انت قلت وخصوصا ان المفروض ان الاختلاف فى الفروع لكن الاختلاف دلوئتى بقى شكله غريب يعنى مثلا لو شفت برنامج دينى زى عما يتسائلون وممكن يكون فى اتنين علماء او تلاته ويجى حد من المشاهدين يسأل عن مسأله فقهيه تلاقى العلماء بيتحدوا بعض بشده فى ارائهم المختلفين فيها ويخلوا المشاهد صاحب السؤال يا عينى يعيش فى حالة توهان مش عارف يمشى ورا انهى شيخ او شيخه فيهم.هنا الاختلاف خد شكل تانى ومبقاش اختلاف عادى وبقى فى كل كبيره وصغيره وعمل ارتباك وحيره للناس.

[Hamdy Tawfik-manar9 0]

كلامك صحيح ياسامه

ليس كل من ظهر علي التلفزيون وربي لحيته عالم

وليس كل خريج من الازهرعالم

المشكله ان الفضائيات جعلته موضوع بيزنس

وبقينا نسمع عن دعاة ثرواتهم بالملايين

ومش بعيد كمان كام سنه نسمع ان احد الدعاة دخل قائمة الفوربس بتاع اثرياء العالم

والتاس ايضا تتحمل جزء من المسئولية

الناس عايزه تاخد الدين بالمعلقة او في كبسولات

مفيش حد فاضي يدور في الكتب ومفيش حد فاضي يفرق بين العالم الحقيقي

وبعض المدعين

لكن رغم هذه الضوضاء فانا اري الصورة فيها قدر معقول من الايجابية

لان التنوع في الاراء يجعلك تحاول ان تبحث عمن تثق في فتاواه وسط طوفان الفتاوي

كما انه يزرع في يقين العامة ان راي العلماء ليس مقدسا

هو راي نحترمة لكن قد يكون هناك راي اخر نحترمه العالم اخر

باختصار اري التنوع وضجيج الفتاوي له ايجابيات اكثر من سلبياته

[sara111 0]

أولا انا بشكرك جدا ياحمدي والله موضوعك شيق جدا ومهم ربنا يوفقك ويبارك فيك والواحد يحمد ربنا ان لسة الشباب العربي لسة بخير وانا رأيى زي رأيك والظاهرة دي منتشرة كتير كل واحد عامل نفسة راجل دين وطالع على التلفزيون وعمال يفتي وربنا يستر والله أنا شفت ناس كتير من الاشكال دي وأتعاملت معاها شخصيا وفي النهاية بدعي وبقول يارب اهديهم واستر علينا

[Hamdy Tawfik-manar9 0]

اشكرك ياساره واشكر صاحب الموضوع الذي اثار تلك القضية اخونا محمود

[dream 0]

السلام عليكم



بالنسبة للذين ينسبون انفسهم الى علماء الاسلام والاسلام براء منهم

فالافضل هو ان نطبق



استفت قلبك ولو افتوك

[Hamdy Tawfik-manar9 0]

tota كتب:

استفت قلبك ولو افتوك

هذا اذا كان القلب سليم ...وبوصلته في الاتجاه الصحيح ... لم تحرفها الذنوب والمعاصي

ومن منا ليس مثقلا بالذنوب والمعاصي في هذا الزمن

هذا زمن تجدين فيه الكثير من الناس يحسنون التحدث في امور الدين

براعة لغوية وثقافة واطلاع واسعيين

لكنهم يفتقدون الي اهم المقومات وهي الاخلاص

والاخلاص في العمل امر يطول الحديث فيه

[sara111 0]

وأشكر الآخ محمود ايضا وربنا يبارك فيكم

[dalia 0]

السلام عليكم ورحمة الله وبركاته

أنا متفقة مع الأستاذ حمدي والأستاذ أسامة وربنا يرحم الأمة دي يا رب ويهديها

بس أنا متفقة تماماً مع توتا، لأن بصراحة لما تسمع آراء كتيرة متناقضة وكل واحد والتاني ينصب نفسه المسئول عن الدين والرعية والدنيا واللي عايشينها، يبقى لازم تحكم عقلك وقلبك وتدعي ربنا إنه يهديك للطريق الصواب

وأعتقد أن الواحد لو بذل مجهود إنه يفهم ويقرا القرآن والأحاديث الشريفة ويستشف هو المعنى، حيكون أفضل من إنه يمشي ورا العلماء زي الخروف كده، وخصوصاً لو مش مقتنع

[sara111 0]

كلامك صحيح وفعلا الناس عايزة يتسقالها الكلام بمعلقة محدش عايز يتعب نفسة شوية ويبحث في الكتب ولا يقرأ الآحاديث الشريفة ولذلك الدليل ان كل ماسمعنا حاجة مشينا وراها وأحنا مغمضين ولذلك الواحد لازم يبحث بنفسة وسمع أكتر من رأي ويحكم بعقلة

[Hamdy Tawfik-manar9 0]

خروف :D

لا احنا ضد ان اي حد يمشي ورا اي حد زي الخروف

بس الدين والفقه علم زي اي علم محتاج حد متخصص علشان يبين للواحد الامور اللي مش واضحه لييه...

[dalia 0]

أستاذ حمدي،

مافيش اعتراض خالص على اللي بتقوله، لكن أنا بقول إنه في حالة مالقتش كلام يقنعك من العلماء والمتخصصين، ساعتها تعمل إيه؟

[sara111 0]

بصراحة أنا عن نفسي كام مرة قطعت البيبسي وأرجعلة تاني مع أني عارفة أضرارة وعارفة اني مفرود أأقطعة وكلامك صح يامحمود وربنا يهدينا كلنا وأنا رأيي من رأيك

[enigma_sinai 0]

علماء دين؟؟ بصوا أغلب اللى بتشوفوهم على الفضائيات، طويلين اللحى قصار الثياب ما هم الا حفنه من المتطرفين"الا من رحم ربى"...ولو دورتوا فى البيوجرافى بتاعهم هتلاقوهم كانوا صيع فى مرحلة من حياتهم..انا بقول معظمهم"الا من رحم ربى" اهو..علشان محدش يقولى انت بتسب فى الكل!
وأكيد واحد هيقول..ايه المشكلة فى كدة..ربنا تاب عليه....هقوله ربنا ما تاب عليه مادامهم بيسبوا فى أولياء الله الصالحين وينبذوهم "بالطواغيت"
والله كنا أعرف شله كل ما أصادف فرح الاقيهم على المسرح بيرقصوا مثل الحريم
وفجأة لقيتهم طلقوا الذقون وأصبح كل واحد بينادى التانى"يا شيخ"
ومن ضمنهم واحد كان جارى..وفجر نفسه فى أحداث طابا ونويبع..فاكرين؟..ومات برصاصة نشتهالوا الحكومة فى راسه.

اسألوا أهل الذكر ان كنتم لا تعلمون

[Honey Bunny 0]

يا أخي...عندما تطالع أحدهم علي احدي الشاشات ...يفتي "بارضاع الكبير" وهو يعلم علم اليقين ان ذلك ليس من الدين في شيئ...يعني مش بس غير محترم ..لا كمان افتري علي الله كذبا...والعياذ بالله.

وكما ذكر اخونا حمدي الناس عاوزة تاخد امور الدين بالمعلقة...عاوزين فتوي في كل كبيرة وصغيرة.....
وأنا لا أدري..في كل رمضان تتكرر أسئلة المشاهدين في امور يفترض انهم نشؤوا عليها...زي "أمور الطهارة والصلاة"...يعني لو سألنا الناس دي نفسها عن مين قام ببطولة فيلم معين....هتلاقي نفسك قدام موسوعة وخبير فني مخضرم...البطل والمؤلف والمنتج وتاريخ الانتاج والعرض ونسبة نجاح الفيلم من عدمه كانت كام.... في حين اننا نجهل امور دينا...

وبرده معرفش ليه الناس بتتجاهل أو بتعمل مش واخده بالها انه المعلومات دايما بنلاقيها في الكتب!

عن نفسي أنا مبشربش اي نوع من المياه الغازية اطلاقا سواء ليها علاقة بالخنزير أو لا
وعلي فكرة:
واحدة من اهم استخدامات البيبسي والكولا وما شابه هي تسليك بالوعات الصرف الصحي "المنزلي"...جربوا الموضوع ده وادعولي :D

[أسامة1 0]

موضوع تسليك البلاعات ده خطير جدا ويدل على انها بتكوى وتهرى الكبد بتاع الناس لو فعلا بتسلك البلاعات. عامة انا اتعقدت من المياه الغازيه وبشرب فيروز اناناس والحمد لله وياريت يا جماعه اللى عنده النقرس زيى انا كده يبعد عن اى حاجه لونها اسود او غامق زى البيبسى والشاى وما شابه ذلك.

[dream 0]

السلام عليكم

والله كتر خيرك يا رانيا انك دلتينا اخيرا على فائده للمياه الغازية
وفكرة تسليك البالوعات دى لايقة عليها خالص
ماله الينسون والكركدية والقرفة والجنزبيل وحتى الكراوية

[Honey Bunny 0]

دي حقيقة واللهي ...أنا جربتها بنفسي وبتدي نتايج هايلة علي فكرة:D

[noor1 0]

شكرا جزيلا لك

[om mostafa 0]

بسم الله الرحمن الرحيم                                                                                                        السلام عليكم اشكر علي الافاده في موضوع  البيبسي و الكوكاكولا و كنت عايزه اقول شيء ليه المهجمه المفرود نشكر كل الي بيفيد مش نهجمه  لما احنا نشوه صورت رجال الدين بالشكل ده الغير مسلمين يقولوا علينا ايه حتي لو بعضهم كده نحتفظ بالشكل ده في داخلنا مش نقول كده علي الملاء و شكرا

[darkbluesky75 0]

الموضوع مش موضوع مقاطعه امريكا واسرائيل ولكن الامر متعلق بمحاربه النفس وفهم كيفيه التغلب علي الرغبات.... انا شخصيا اقلعت عن التدخين و شرب الشاي والقهوه و المشروبات الغازيه والjunk food.... فعلت تلك الاشياء لرغبتي في محاربه نفسي ولكي اكون انسان حر...

[zika 0]

السلام عليكم/

انا شوفت الموضوع الجميل دة بالصدفة , ولكن شهادة لله , منذ فترة وانتابنى خبر فى عمود صغير وتقريبا فى جريدة الاهرام او الاخبار , وكاد ان يكون لا يرى الا بالصدفة كان مجمله فى العنوان الاتى "ان دار الافتاء اوالازهر مش فاكر بالظبط انها تقضى بتحريم شرب البيبسى كولا " وكان الخبر على لسان شيخ الازهر انذاك "الدكتور محمد سيد طنطاوى

الشاهد بردوا يا جماعة الخير انى منذ قراءة هذا الخبر , منذ ما يقارب حوالى 5 سنوات انا قررت ابطله وبصراحة شربته حوالى كام مرة بس يتعدوا على الاصبع ويسامحنى الله , بس الان بعد تأكيد هذا الخبر ان شاء الله انا هاقلع عنه خالص
واحنا منكن نستبدله باى مشروبات محليه , والله الموفق والهادى الى سواء السبيل.
والسلام عليكم ورحمة الله وبركاته