اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
Asmaa Nur

موعد المقابلة الشخصية للقبول بكلية آداب ترجمة إنجليزي لعام 2013

Recommended Posts


السلام عليكم ورحمة الله وبركاته


اتمنى ان يكون الجميع بخير وسعادة : )





من يوم 24/8 منذ ان تم فتح باب القبول بالكليات في التعليم المفتوح

 وانا كنت ابحث عن موعد المقابلة الشخصية في كل مكان على الانترنت وحتى موقع الجامعة نفسه ولكني لم اجد شئ 

الامر اضطرني اروح المركز بنفسي واسأل 

لما عرفت الموعد حبيت اقولكم عليه هنا يمكن فيه اي حد بيدور عليه زي ما كنت بدور عليه 


إن شاء الله تعالى الإمتحان الأول يوم الاثنين 9/9/2013 الساعة 10 صباحاً

والثاني يوم السبت 14/9/2013 كذلك 10 صباحاً



وهناك تنبيه للحضور قبل الموعد بنصف ساعة

ولكن ضروري للسماح باجتياز المقابلة الذهاب لمقر مركز التعليم المفتوح لسحب إستمارة قبل موعد الإمتحان 

ولسحبها لابد من تقديم صورة من البطاقة الشخصية والمؤهل و 50 جنية



اسأل الله للجميع التوفيق ..

شارك هذه المشاركه


رابط المشاركه
شارك
جزاك الله خيرا .. لو سمحتى هل المعلومه دى تنطبق على قسم التعليم المفتوح فى اسكندريه أيضا ام لا ؟
و هل تكون الدراسه خلال ايام الإسبوع ام خلال الجمعه والسبت فقط و شكرا

شارك هذه المشاركه


رابط المشاركه
شارك

وإياكِ اختي يا رب : )
والله للأسف ماعنديش فكرة بخصوص المركز في الإسكندرية.. لكن تقدري تدخلي على موقع الجامعة وتتصلي بالأرقام الموجودة للتواصل مع المركز 
ده رابط أرقام التليفونات 
http://www.ou.cu.edu.eg/NewsDetails.aspx?NewNumber=137

واتمنى يكون حد في المنتدى هنا مسجل في مركز الإسكندرية يقدر يفيدك

كذلك بالنسبة لأيام الدراسة يا رب لو اي حد من الطلاب القدامى هنا يقولنا 
لاني لسه جديدة زيك : ) 

شارك هذه المشاركه


رابط المشاركه
شارك
جزاك الله خيرا و ربنا يوفقك ان شاء الله

شارك هذه المشاركه


رابط المشاركه
شارك
انا من النااس اللى المفروض همتحن ف المعاد ده بس قلقانه جدا ومش عارفه اذاكر ف اية ؟؟ وخصوصا البراجراف

شارك هذه المشاركه


رابط المشاركه
شارك

انا كمان همتحن يوم 9-9 ياريت فعلا لو حد موجود وامتحن قبل كدة يقولنا امتحن فى ايه  flower

شارك هذه المشاركه


رابط المشاركه
شارك
السلام عليكم 
no-ur           Asmaa Nur 

ايام الدراسة فى التعليم المفتوح غالباً ماتكون الجمعة وفى بعض الاحيان يكون 

الجمعة والسبت حسب الجدول ولكن لا يوجد ايام اخرى للدراسة 



مع اطيب الامنيات لكما بالتوفيق يارب 



flower flower flower   

شارك هذه المشاركه


رابط المشاركه
شارك

الامتحان كان رخم اوووى Sad نفسى القى حد عجبه الامتحان ده
انا حاسة انى بنسبه 80 % مش مقبوله

شارك هذه المشاركه


رابط المشاركه
شارك
حابين نعرف من اللي امتحنوا ونجحوا قبل كده، هما بيدققوا اوي على التكات يعني؟ يعني لو فيه غلطات بسيطة ماينجحوش؟ لازم يكون الامتحان برفكت؟

ربنا يستر يا رب ما يكونش حد معقد نفسياً يصحح 
لان دخلت علينا دكتورة صعبة جداً وتزعأ و بجد كهربت الجو وحسستني بإسلوبها ده اننا في امتحان ماجستير والموضوع كبير جداً.
انتي كنتي في انهي قاعة يا ندى؟ 1 والا 2 والا 3 ؟

شارك هذه المشاركه


رابط المشاركه
شارك

لو قصدك اللي جوا خالص يبئى 1 يبئى كنتي معايا .. مش بعيد تكوني اللي كانت قاعدة قدامي او ورايا love 
هي النتيجة امتى بئى Sad

شارك هذه المشاركه


رابط المشاركه
شارك
اهمحاجة فى امتحان براجرف الجمل مكتوبة صح و موضوع تصحيح بيكون تقيم لدكتور مقبول او لاء يعنى مش درجات

شارك هذه المشاركه


رابط المشاركه
شارك
ربنا يكرمك يارب انا عن نفسى متاكده انى مش هعدى باللى انا عملته لخبطت الدنيا
ربنا يوفقك يارب ويكرمك ان شاء الله

شارك هذه المشاركه


رابط المشاركه
شارك
والدكتورة الى كانت واقفة هى الى بتصحح

شارك هذه المشاركه


رابط المشاركه
شارك
ياريت تقولوا لنا على الاسئله بتاع امتحان 9-9
انا لسه هقدم بس مش عارف ميعاد الامتحان الجاى امتى ؟

شارك هذه المشاركه


رابط المشاركه
شارك

الامتحان كان عباره عن تلات اسئلة واحد من انجليزى لعربى كان عن ماليزيا 
والتانى كان من عربى لانجليزى عن واحده اسمها ملك حفنى ناصف 
والتالت براجراف عن ال Neighborhood  وابة واللى عايزة اغيره Sad Sad Sad 
وانا الحمدلله ما اتوفقتش وسجلت ف كلية تجارة مع انى كان نفسى ف اداب انجلش بس قدر الله فما شاء فعل الحمدلله على كل شىء 
طمنونا مين عدى ف المقابله يارب التوفيق للجميع

شارك هذه المشاركه


رابط المشاركه
شارك
ارجو الاطلاع على امتحانات  التحريرى  للى قدموا الترم الا فات والا قبلة لان تقريبا نفس القطع دا جاءت لهم حتستفيدوا فى الامتحان التحريرى وحتفدكم

شارك هذه المشاركه


رابط المشاركه
شارك
marina كتب:
ارجو الاطلاع على امتحانات  التحريرى  للى قدموا الترم الا فات والا قبلة لان تقريبا نفس القطع دا جاءت لهم حتستفيدوا فى الامتحان التحريرى وحتفدكم
فين امتحانات التحريرى السابقه دى

شارك هذه المشاركه


رابط المشاركه
شارك
nadayousry كتب:
الامتحان كان عباره عن تلات اسئلة واحد من انجليزى لعربى كان عن ماليزيا 
والتانى كان من عربى لانجليزى عن واحده اسمها ملك حفنى ناصف 
والتالت براجراف عن ال Neighborhood  وابة واللى عايزة اغيره Sad Sad Sad 
وانا الحمدلله ما اتوفقتش وسجلت ف كلية تجارة مع انى كان نفسى ف اداب انجلش بس قدر الله فما شاء فعل الحمدلله على كل شىء 
طمنونا مين عدى ف المقابله يارب التوفيق للجميع
ندى يا حبيبة قلبي.. أنا مش عايزاكي تزعلي انه محصلش ليكي نصيب في المتحان لسبب 
كل شئ له حكمه نحن لا نعلمها عند ربنا 
الله أعلم ربما ده الخير ليكي أو فيه حاجة أفضل مستنياكي في طريق مختلف 

تعرفي، انا عايزه احكيلك عن تجربتي الشخصية .. انا بئالي 8 سنين كان نفسي ادخل الكلية دي 
ومن حوالي اربع سنين،، قدمت فيها وامتحنت بس كان على النظام القديم 
وكانت الامتحانات على النظام القديم صعبة وبيجيبوا قطع صعبة وكبيرة تقريها وتتجرميها 
كان كلام اكبر من مخي وقتها ومصطلحات 
ولما سقطت، قدمت بعد كده تاني وسقطوني بردو 

قلت لا بئى ده فيه حاجة غلط! : ) لما فكرت فيها شوية قلت ربما الكلية عشان دسمة وانا ما زال مستوايا يمكن مش قدها كنت هاتعب فيها اثناء الدراسة وتكون صعبة عليا ف ربنا عمل كده .. او ربما فيه أسباب اخرى غيبية أكيد.. لذلك بعد كده فكرت اشتغل على نفسي في اللغة زيادة شوية عشان ربنا يوفقني، ولو مانجحتش تالت مرة كمان يبئى انا ربنا مش رايد ليا ادخل الكلية دي بئى من أساسه..
فلما قدمت السنة دي ونجحت بفضل الله ، ايقنت انه فعلاً كان ربما اتعب في الكلية في الدارسة لو كنت قدمت فيها السنين اللي فاتت .. 

لذلك انا مش عايزاكي تزعلي من حاجة ودايماً اي حاجة تحسي انها هاتضايق لو محصلتش وانتي بتتمنيها ،، قولي لنفسك (لعله خير) ..
وانا عارفه انك فاهمه كل الكلام اللي انا بقوله ده ومش محتاجة اني اذكرك بيه.. لانك انت نفسك كتبتي قدر الله وما شاء الله . بس انا بحكيلك كل ده عشان حسيت ان من جواكي زعلانه خصوصا انك بتقولي كان نفسك تدخليها.. والحمد لله على كل حال 

ربنا يوفقك يا رب في حياتك كلها .. وعلى فكرة بالمناسبة في امتحان تحريري فرصة تانية يوم 21/9 فكري لو عايزه تجربي تاني .  ويا ستي لو قررتي و دخلتي التجارة و حسيتي انك مش مبسوطة فيها وماحبيتهاش، جربي تاني في الانجليزي السنة اللي بعدها وبلاها تجارة ^_^ ، بس تكوني اشتغلتي على نفسك شوية في اللغة .. وان شاء الله ربنا يحقق لك اللي بتتمنيه لو فيه الخير والصالح ليكي. 
معلش طولت عليكي flower

شارك هذه المشاركه


رابط المشاركه
شارك
AHMAD.ALSESY كتب:
marina كتب:
ارجو الاطلاع على امتحانات  التحريرى  للى قدموا الترم الا فات والا قبلة لان تقريبا نفس القطع دا جاءت لهم حتستفيدوا فى الامتحان التحريرى وحتفدكم
فين امتحانات التحريرى السابقه دى ؟
مارينا قصدها ان حضرتك تراجع المواضيع المتعلقة بالاختبارات بتاعت القبول المنشورة هنا في المنتدى 
عشان فيه طلاب كتير عرضوا تجاربهم وجالهم ايه في الامتحان وصادفت انها اتكررت مع طلبة من بعدهم بنفس الأسئلة او مشابهه ليها على الاقل وبنفس النظام : )

شارك هذه المشاركه


رابط المشاركه
شارك
الف مبروك اللي نجحوا في امتحان القبول وعقبالي يارب 

ادعو لي ولكل اللي نفسه يقدم

شارك هذه المشاركه


رابط المشاركه
شارك

طيب يا جماعه اللى عنده خلفيه يارررررررريت يقولى ....بالنسبه للمسافرين اللى هيمتحنوا فى التليفون بييقى الامتحان عباره عن ايه ...وكده هنمتحن شفوى بس ولا فى طريقه هيمتحنونا فيها التحريرى ........ياريت حد يقولىnoo

شارك هذه المشاركه


رابط المشاركه
شارك
انا ياجماعة همتحن بكرة 12/10/2013 حد عندو معلومة ممكن استفاد بيها يقولى اللة يكرمكو 

شارك هذه المشاركه


رابط المشاركه
شارك
هتمتحن شفوى ولا تحريرى ؟



لو هتمتحن تحريرى 


الامتحان التحريرى مدتة ساعة وهو عبارة عن سوالين مش حياخدوا اكتر من 15 دقيقة بالمراجعة 

السوال الاول بيطلب كتابة 5 جمل عن موضوع معين مثلا عن فوائد الكمبيوتر او اهمية اللغة الانجليزية او كتابة 5 جمل بالانجليزى طبعا عن اى شخصية وبترك ليك حرية اختار الشخصية 

اما السوال التانى فسطرين انجليزى يتم ترجمتهم للعربى ممكن عن اهمية النت او الكمبيوتر وهكذا وكلها سهلة وعامة 


لو هتمتحن شفوى 
اما الامتحان الشفوى فبتدخلوا مجموعة 4 اشخاص وبتكون الاسئلة عن اهمية الكمبيوتر لية عايز تدرس انجليزى اشتغلت قبل كدة ولالا هل الكمبيوتر مهم وواللغة الانجليزية مهمة وممكن تكون اسئلة شخصية وعامة هم بيكروا السوال كذا مرة حتى لو معرفتويش تفهموة او تجوبوا

اهم سؤال بيتسئل أنت جى تدرس انجليزى هنا ليه ؟

Why you come to study english here ?

I came here to study english because I want to improve

my english skills to be  even better than before .

طبعآ ممكن تاخد بالك انه ممكن يسألك أنت حاصل على أيه أو خريج أيه ؟

عمومآ الدكتور فى الغالب بيسألك سؤال واحد مش اكتر

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.