قصيده : مات اخويا

[احمد ياسين 0]

 قصيده : مات اخويا
كلمات : احمد ياسين

مات اللى حلمه على قد علمه
عاشق لدينه وعايش عشانه
مات اللى كان وقت الاذان
يصلى ف جماعه ويدعى يوماتى
على اللى خانه
مات المسالم وجوا جيوبه مصحف كريم
مات الجدع وعاش اللئيم
عاش اللى لسه عشان كرسى هربان
وخارج يقول بينا للجهاد
ويكفر عباد ويضحك على عقول الولاد
ووقت المجازر وسفك الدماء
بيهرب وكائنه زى الوباء
حرام كل دم يسيل على التراب
عشان حلم اعواج ومليان سراب
وتحت مسمى شرعيه مات
ولسه مازلت عيون اللى الصحاب
مليانه ياما من الضباب
فكر وعبر بس ب اداب
اصل الرجواله ماهيش شنب
كل اللى مات واللى اتسلب
بيبكى عليها لائنو اتنهب
كم ام باتت الدموعه ف عيونها
كام طفل اصبح امس يتيم
كام حد تاجر بدم البلادى
عشان يبقى بكره ف السليم
من امتى واحنا بنشتم ف جيشنا
مهوش بردو جيش النصر العظيم
ومنى امتى واحنا نقول على شيوحنا
ارهاب وفيرس خبيث او لئيم
مش دول بردو اللى قالو  مستقيم 
مصر اللى كانت امن وامان
صبحت بيت لكل اللى خان
يسقط كل اللى موت اخويا
وكل اللى قال لاخويا روح موت
يسكت كل اللى شارك لاخويا
ف صنع المجازر ووضعه ف تابوت
يسقط كل اللى قال شرعيه
واللى هدمها وقال شرعيه بطله
يسقط كل اللى حب  الخراب
وساب الحقيقه وعاش يوم مغيب
ولا عدش تانى لحد وصواب

[احمد حسن ابراهيم 0]

تسلم ايدك يااحمد
ربنا يرحمهم ويصبر اهلهم يارب ويتقبلهم من الشهداء يارب احقن دماء كل المصريين ووحد صفهم وكلمتهم واهلك كل من اراد خراب مصرنا وانصر الحق
 يارب احفظ مصر يارب احفظ مصر واهلها يارب

[nora1 0]

 قصيدة توجع القلب...


يسقط كل اللي حب الخراب
وساب الحقيقة وعاش يوم مغيب


يارب استر..وعدي الأيام على خير..واحفظ مصر وأهلها..
للأسف مش كل مصري بيحب بلده..وبيخاف عليها..في ناس حابة الخراب لبلدها..
حسبي الله ونعم الوكيل..


يارب يصبر الأهالي ويرحم كل اللي ماتو..


تسلم ايدك يا شاعر..


في أمان الله..

[zika 0]

 اين الاخوة المحترمين اللى بيقالوا هاجموه السفاحين المجرمين الارهابين , سفك الدماء علنا يا مغيبين , حسبنا الله ونعم الوكيل.