رساله للمركز

[lole adel 0]

السلام عليكم 

ياجماعه تعالو كلنا نبعت رساله للمركز نقول فيها انهم على الاقل يأجلو الامتحنات لموعد معين مش هينفع تفضل متعلقه كده واظن ما بقاش فيه احداث عند الجامعه هي الناس دي نسيتنا ولا ايه ؟



انا بعت شكوى وقلتلهم على الاقل نعرف امتى ان شالله السنه الجايه 



بس نعرف عشان في سفر ومشغوليات كلها وقفت 



مين معايا ؟؟ 

[Soli1 0]

معاكى ..ياريت تكتب صيغة واحده ونبعتها كلنا
انا مسافر للقاهره الان ومش هقدر اكتب معاكم الصيغه 
لكن ربما بالليل متاخر او باكر صباحا

انا اؤيد الفكره لانى من المضارين من هذا الوضع

[shahnda 0]

كلنا نبعت اننا عايزين نعرف ميعاد محدد للامتحانات عشان ظروفنا
وكل واحد يبعت واناهبعت دلوقتي شكرا ياقمر

[Soli1 0]

ياريت يكون محدد قبلها بفتره معقوله علشان ظروف المقيمين بالخارج

[shahnda 0]

اكيد هيحددو قبلها مش هتبقي فجأه كد وعلي ما يرتبو امورهم اكيد ويعرفووا في قلق او اي ضرر علي الطلبه ولالا

[Soli1 0]

......................

[shahnda 0]

ان شاء الله انا ارسلت رسالتى للمركز واى حد ياجماعه معانا يرسل علشان يهتموا بالموضوع

[ماجده 0]

الله يعينكم والله الأنتظار شيء صعب

[Hidaya52875 0]

 ربنا معكم ان شاء الله ووتلاقوا رد ان شاءالله

[shahnda 0]

امين

[lole adel 0]

شكرا للمشااركه ويارب حد يرد علينا

[lole adel 0]

ومش مهم صيغه معينه الاهم ان كلنا نبعت شكوى

[galal elmadny 0]

 لاداعى للقلق وكل واحد يضع نفسه مكان القائمين على الجامعة سيجد الملاحظات التالية .
*لن يتم وضع جدول جديد قبل استقرار الاوضاع حرصا على الدارسين
* الجدول سيتم وضعه واعلانة قبل الامتحان باسبوع على الاقل
*هناك متسع من الوقت للتيرم الجديد مقارنه بالتيرم الحالى فالتيرم الحالى بدء فى شهر ابريل والامتحانات كانت فى شهر يونيو يعنى شهرين فقط بالاضافه الى نتيجه التيرم البينى لم تظهر الا قبل امتحانات التيرم بايام ولم يكن هناك وقت لمن رسب فى ماده انه يقدم لامتحانها مع مواد التيرم واقتصرو الموضوع على من هم فى التيرم الاخير فقط لضيق الوقت .
* نحن فى شهر يوليو وامتحانات التيرم الجديد هتكون أن شاء الله فى اواخر شهر يناير العام القادم  يعنى لسه 7 شهور من الان .
*بكل المقايس سنجد ان مع مرور الوقت ممكن يكون التيرم الجديد افضل من التيرم الحالى كما يلى :ـ

* بفرض ان الامتحانات الباقيه لن تتم الا بعد اجازه العيد يعنى مثلا فى اواخر شهر اغسطس والنتيجه بعدها بشهر يعنى فى نهاية شهر سبتمبر
*التقديم للتيرم البينى سيكون فى اول شهر سبتمبر بعد انتهاء امتحانات التيرم والامتحان البينى يكون فى اواخر شهر اكتوبر والنتيجه بعدها شهر.
*التقديم للتيرم الجديد يكون فى اوائل شهر اكتوبر والامتحان هيكون فى نهايه شهر يناير العام القادم بما يعنى اكثر من ثلاثه شهور ونصف للدراسه .
هذا مجرد دردشه وتسالى صيام وقد يكون واقع ورمضان كريم وكل عام وانتم بخير.

[shahnda 0]

 يارب---
 شكرا على الدردشه،،
 بس بجد الموضوع مقلق اتمنى تتحقق افترضاتك وماتسوؤش الاحوال عن كد ،
الله أكرم،،وكل عام وانت بصحه وسلآمه

  

[مجدى جلال 0]

أنا معاكم فالفكرة دي وياريت لوفيه رقم تليفون يردوا عليه وكلنا نكلمهم بجد الوقت بيضيع واحنا متعطليين م ولا مش عارفين نفتح التذاكر ولو هفتحها افتحها لا متى

[shahnda 0]

 اهو تم الرد على رسائلنا

اعزائنا الدارسين لا يوجد جديد حتى الان فيما يخص مواعيد الامتحانات وذلك نظرا لما تمر به البلاد،لذا يرجى متابعتنا على الموقع والبريد الادارى وكذلك قناة المركز على النايل سات

[galal elmadny 0]

 كما تم التوضيح من قبل لا توجد رؤية واضحه لتحديد مواعيد جديده للامتحانات ولكن المطمئن أن الوقت طويل ومتاح على الاقل حتى بداية او منتصف شهر سبتمبر واذا وصلت الامور الى ذلك وقتها ممكن يكون هناك اخبار جديده ؟؟؟؟ .

[lole adel 0]

عليه العوض