قصيده : ضمير للبيع

[احمد ياسين 0]

قصيده : ضمير للبيع
كلمات : احمد ياسين

ضمير للبيع مفيش منه ف بلدى جديد
ضمير شاحح ضمير لقطه ويستحمل لحد بعيد
ضمير اصلى لا محتاج صيانه ولا تجديد
وسعره بجد يا بلاش وعليه تخفيض
ومن مزايا يا اسيدنا عدو معياا كالاتى:-
بيستخدم رجالى بس وعمره مايقلب بناتى
مبيحبش ياكل لحوم ويعشق الفول الحراتى
صغير ف السن وعمره لسه ف العشرين
تامنه على كل ما تملك ميسرقش لائنه امين
وان جاع مره ميعضش ولا يهوهوش
وان مره ضربته بعنف مبيخفشى ولا ينونوش
ضريع جدا ف لغه الحق وان شاف ظلم بيقول لاء
لا عمره خان ف يوم صحبه ولا من فوق سطوح قام زق
صريح جدا ولا يكدبش وان شافك رايح تغلط
يقوم هربان ويسيبك ولا يكملش
بسيط جدا ومصاريفه على قد الايد
وان طبطبت يوم عليه بيبقى سعيد
ضمير لا حديد ولا بلاستيك
ولاضيق ولا واسع كما الاستيك
وممكن حمله ف اى مكان بسهوله
ويحمل من الشهادات دكتوراه  وهو لسه ف سنه اولى
ضمير للبيع وصنفه ينفع ليدى او مان
وتوصيله وتشغيله لحد البيت وبالمجان
ولكن برده عنده عيوب
هدومه مثلا لا ليها سكه  ولا  فيها جيوب
ولا مسجون ف اى قضيه ولا حتى ف وطنى  مطلوب
وان غلط ف ثوانى يقوم بسرعه و يصلى ويتوب
ومن عيوبه مبيعرفش يوم يضحك غير من قلبه
ولا يخفشى من بشر ولا يهربش من صحبه
ولا ينفع يكون تركيب لاخوانى ولا يصلح يكون بالمره علمانى
وعيبه كمان بانه ماركه مصنوع ف دروب وف حاره
لا يعرف يسكن يوم قصر ولا يركب طياره
كبيرو  يعيش فى بيت قضتين وصاله
وان حس انه غنى يكون ملى الحصاله
ورغم انه مليان بالعيوب لكن عيوبه دا مزايا
وقفلنا المزاد خلاص  يانا  فا دا ضمير
وهيفضل ديما ويايا
ومش للبيعه ولا عمرى هبيع ابدا حاجه ساكنه جوايا

[nora1 0]

أهلاً بشاعرنا...نورت بالقصيدة..
قصيدة ضمير للبيع: فظيعة،،جااامدة،،
وقفلنا المزاد خلاص يانا فا دا ضمير
وهيفضل دايما وياي 
ومش للبيعه ولاعمري هبيع ابدا حاجة ساكنة جوايا
طبعا..كل سطر في القصيدة لي معنى..
طبعا فنان ومبدع...دايما...تسلم يارب...وتسمعنا قصائد قوية زي دي..


في أمان الله..

[nora1 0]

عشان القصيدة عجباني..وبتحكي عن الضمير..
اللي هو بيبقى أحلى شئ وأحلى حاجة في الإنسان..
اسمحلي باضافة على قدي.!


 لا يمكن لأحد آخر أن يمثل ضميرك..
فالضمير هو بوصلة الإنسان..
وهو أكثر قيـمــــــة من الثروة..
وهو أعظم الدروع..
وهو صوت الروح..
وما هو إلا اسم آخر للحقيقة..