خزعبلات ابداعية

[dream 0]

السلام عليكم

نظرا للجهود التنظيمية التى يحاول ان يقوم بها سيادة المدير بالترغيب مرة وبالترهيب اخرى
ونظرا لانه تعب معانا ومفيش فايدة فينا
ونظرا لان الخزعبلات كما اقترحها ياسر اعجبت بعضنا وسوف تشجيع الاخرين على الاشتراك
فايه رأيكم نخليها كلها هنا
ولقد قمت بتجميعها


ياسر كتب
حلوة منك هذه الكلمات أخى حمدى
طب مفيش حد حاول يكتب؟
لو حد كاتب اى حاجة نثر..شعر..خاطرة الخ
ياريت يورينا ولا يتكسف..وانا هبتدى بهذه الكلمات

يا امرأة
لو تعلمين ما أكنه فى قلبى من حب لكِ لتعذبتى بحبى
ولشتقت منى بهمسه أو لمسه
إن فى قلبى لكِ جنات
رياحين وورود
ومياه عذبه
وظلال وأمان
وأصوات كأعذب الآلحان
فتعالى واجلسى
وتمتعى وارقصى
وإن مللتِ فلدى أكثر
ادخلى فى قلبى كما تدخلين الحديقة
واستمتعى بنسيم الحب
واقطفى ازهار الغزل
واستظلى تحت أشجار العشق
وإن مللتِ فلدى أكثر
يا امرأة

ايه رأيكم فى الغزعبلات دى؟

توتا كتبت

السلام عليكم
ماشى نجرب كده واهى على رأيك كلها خزعبلات

يا هذا... انى احببتك

قليلة الكلام ..اكتفى بابتسامة صغيرة ارسمها على شفتى لتقوم بدلا عنى بالرد فى اى حوار صاخب او هادىء ..هكذا انا ..اخرجتنى طبيعتى تلك من دائرة المجتمعات الى محيط المهمشين .. فانا وسط الجميع لا لون لى ولا طعم ولا رائحة..او لنقل لا وجود باية حال.
رفضت مقايضة مشاعرى بفيلا ورصيد وفوقهما زوج وسيم . لملمت مشاعرى وصنعت منها تمثالا لعصفور ..دثرتة برداء حريرى ودفنته فى قفص صدرى واضعت المفتاح .
تمر السنون ..اشتاق احيانا لسماع تغريد عصفورى ، اظل ابحث عن مفتاحى ليوم او يومين حتى تعينى الحيلة واستسلم واعود !!
وظهرت انت ملوحا بمفتاحى . من اى جبل او بحر او نجمة التقطه لست ادرى ...فتح القفص فانطلق النور وغرد العصفور .وطار عصفورى لاهثا وراءك ..فهو جائع يلتقط حبا ظنك تلقيه قاصدا ..حتى شبع من الحب وفاض به الحب .
وكأن ماردا انطلق منى نازعا الابتسامة المزعومة عن شفتى ..واضعا اعترافات بحب فاق الحدود
انطلق لسانى بقول احبك...احبك...احبك .. تمنيت لوكنت ابنى فارضعك حبى او كنت ابى فادخلك قلبى او زوجى فارشفك قطرى ..
لكنك سكت ...معك حق ..فحتى شلال الحب يغرق !!
ولكنى لست ممن يعرضون مرتين كانت الاولى والاخيرة
يا هذا ..لتعلم ..ولتصدق او لاتصدق انى احببتك .. فقط احببتك .

توتا كتبت

السلام عليكم

استكمالا للخزعبلات

لنكن اصدقاء

امسكت قلمى لاخط لك خطاب ...لاحدد موعدا للقاء ...لاقص لك كيف استعددت... كيف صففت شعرى ...واشتريت اصباغا لوجهى ...وابتعت رداءا سماوى اللون واخترت الحذاء ...
لاصف لك كيف سيكون موعدنا على الشاطىء مع اولى نسمات الصباح واول اشراقة شمس .
اردت ان اصف لك كيف اليك انا اشتاق ...كيف سيكون لون ردائى بلون البحر والسماء.
وجاءنى خطابك ..لنكن اصدقاء ..
نظرت حولى كيف اختفت الالوان ؟ كيف اتشح ثوبى بالسواد ؟؟حتى دموعى اصبحت سوداء !!
الله خلق الكون بكلمة...خلق الانسان بكلمة..
وبكلمة اختفت الالوان ..



حمدى كتب

شاتشارك معكم هذه الخزعبلات علي راي توتا هانم

قصة قصيرة....

الشطرنج ... chess
حبيبي الذي قتلني

يمكن البعض يظن ان الكلام عن الشطرنج ...كهواية ... لايتناسب وطبيعة هذا الموضوع لكن انا تجربتي مع الشطرنج تجربة رومانسية شاعرية.... كان عشقي الاول والاخير..... لو عرفتم شعوري وانا انظر الي لوحة الشطرنج والاحجار متراصه فوقها ... وانا امسك بيدي كتاب الشطرنج لاتدرب علي بعض ادوار ابطال العالم.... او اثناء لعب دور مع لاعب مميز....شعور ونشوة لو عرف بها روميو لما انتحر حزنا علي جولييت
ولاتي مسرعا ليلعب معنا دور شطرنج ويتقاسم معنا هذا الشعور الرائع
مملكة الشطرنج .تاسر قلب عشاقها .... حتي وانت تضع راسك لتنام كباقي خلق الله ... كل ماتفكر فيه .. لماذا نقلت هذه النقلة ... كان يجب ان افعل كذا وكذا ... لو كان بوبي فيشر يلعب هذا الدور لما ضحي بالحصان بدلا من الفيل ...... لو اني استخدمت الدفاع الاسباتي اكان افضل من الفرنسي
تقوم من النوم .... اعيتك منتفخه ومتورمة ...... يظن المحبون انها من اثر المذاكرة طوال الليل... وتقول لك احدهم ..... شد حيلك ومتعملش زي السنه اللي فاتت ... شد حيلك كليتك كلية صعبة ماينفعش فيها اللعب .... ايوه كده معلش انت بتتعب طول الليل بس العبرة بالخواتيم.... فعلا العبرة بالخواتيم

اما الخبثاء فيتهامسون ...ده واد بايظ ده قاعد يلعب طول الليل شطرنج في البلكونه هوو الواد صابر ابن ابو اسماعين..... والله اعلم كانوا بيعملوا ايه تاني .... ياعم سيبك انتي ده جيل بايظ

تتناسي كل هؤلاء وتحضر لوحة الشطرنج وتبدا في رص القطع ... وفجاءة ينادي الواد صابر ...هيه يامعلم جاهز ... طبعا جاهز ...اطلع ياباشا علي طول ...هتكنسل الكلية النهاردة ..وانا كمان هكنسل

يالا نبدا ابيض ولا اسود...... بقولك ايه ياصابر انا لا اسمتع بلعب الشطرنج الا اثناء االليل
ايه رايك عندنا سكاشن مهمه النهارده ...طيب يالا اهو حتي نغير جو
وطبعا وصلوا متاخرين ....علي المحاضرة الثانية او الثالثه ,... عليك و يامعلم الكافتيريا شايك وسجايرك وشطرنجك ..مين المزة اللي جاية دي..دي البت جيهان بتاع قسم كهرباء ...اه هي دي بقي ... هي دي اللي واد حلمي هيتجنن عليها .. حلوة بس مش للدرجة يعني ... طيب ياعم سيبك وركز في اللعب (( شوفت ميزة الشطرنج.. حبك الاول والاخير)) .ونبدا نلعب,,,, تجوع بعد شويه نطلب سندوشات علي السريع ناكل واحنا بنلعب ... احلي اكل وانت بتلعب شطرنج ...الاصوات تخف من حواليك والواد بتاع الكافتيريا يزغر لك ... فيه ايه ياسيد ... اصل الساعه داخلة علي خامسه ياباشا وعايزين نشطب..... تفتكر خدوا حاجه مهمة النهاردة..... ياعم ولا خدوا ....كبر الجماجم
طيب ياله نروح .... خليك علي الوووو ... يتقابلون بعد صلاة العشاء ...( وذكر الصلاة للدلاله علي الوقت فقط )
ويبدا مع دخول الليل فاصل جديد .. من طقوس الشطرنج .... ونشوة اللعب تتصاعد مع الاقتراب من صلاة الفجر.....الفجر هياذن.... يبقي يانقوم نصلي ونكمل لعب او نقوم ننام
ايه رايك ....يبقي ننام احسن لاني تعبان قوي... تضع راسك وتبدا مع هلاوس واحلام الشطرنج
حتي الاحلام يطاردك فيها ..... وتظل هكذا بين الاحلام والهلاوس والغيبوبه واليقظة
حتي تستيقظ ..... فتكتشف انك نمت كثير جدا واستيقظت متاخرا...فتلعن اليوم الذي احببت به الشطرنج او سمعت عنه وتقسم علي ان لا تعود علية.

وتبدا في التنفيذ رغم صعوبة الامر

لكن كلما رايت لوحة شطرنج تتصبب عرقا وترتجف يديك ويخفق قلبك .... ولا تستطيع ان تشيح بنظرك عنها ... تظل تتابعها وهي تبتعد عنك .. حتي عندما تغيب عن ناظريك تظل تتخيل شكلها ووضعها
لكن في النهاية تتغلب علي عواطفك الجياشة وتعمل صوت العقل وتتذكر المقولة المشهورة ان تستيقظ متاخرا خير من ان تظل بين الهلاوس والاحلام

القصة خلصت خلاص... ايوه....اصل عايز انام

الاسماء المذكورة في القصة غير حقيقية.... والقصه نفسها ممكن تقول انها حقيقة لكن بتصرف
بمعني ماقتضته الحبكة الدرامية من تعديلات

[Hamdy Tawfik-manar9 0]

ارجو حذف قصتي الهابطة

فقد كتبتها بين اليقظة والافاقة تحت الحاح المشاركة بشيءما

وانا من الناس الذين لا يحسنون الاداء تحت الضغط والالحاح

[dream 0]

السلام عليكم
احنا قلنا دى خزعبلات
وقصتك احلى خزعبلة فيهم

[Rehab SISAQ 0]

جميل ساتابع لحد مااروق واجي هنا معاكو

[enigma_sinai 0]

حلللللو يا ابله توتا الموضوع ده
أهو الكل يكتب اللى فى نفسه

بس انا عايز اسال سؤال
حمدى معنا فى الجامعة المفتوحة؟ ترجمة؟

[Hamdy Tawfik-manar9 0]

ايوه طبعا معاكم

التيرم الثامن ... المنصورة

[enigma_sinai 0]

يابختك ياعم كلها ايام وتودع المذاكرة
بالتوفيق ان شاء الله

[sweet_love 0]

برافو يا توتا أخيرا هيلاقى حمدى حد ينظم معاه المنتدى معى إنى مشرفة بس أنا نفسى مش ملتزمة بالقوانين ؟؟؟؟؟؟؟؟؟؟ !!!!!!!!!!!!!!!!!

[Honey Bunny 0]

كلماتك حلوة جدا يا توتا وكـأنما تتحدثين عني....سلمت يمينك.

[Hamdy Tawfik-manar9 0]

tota كتب:

السلام عليكم
احنا قلنا دى خزعبلات
وقصتك احلى خزعبلة فيهم

يامنافقة.... يارافعه معنوياتي

[dream 0]

enigma_sinai كتب:

[size=18]
حلللللو يا ابله توتا الموضوع ده
أهو الكل يكتب اللى فى نفسه

size]

والله على رايك
اهو الكل يكتب اللى فى نفسه
وبعدين الاحلى يا استاذ اللوحات اللى انت بتتحفنا بها
ايه ده ايه الجمال والروعة دى
بجد حاجات تاسر العين المفروض الست والدتك كانت تسميك آسر مش ياسر

وعلى فكرة لك خزعبلاية جميلة هناك انقلها هنا

[dream 0]

السلام عليكم

والله يا سيادة المدير
من غير نفاق
احلى حاجة انا قرأته هى قصتك


مع الاحتفاظ بحقى فى طلب وقف حضرتك

[dream 0]

السلام عليكم

كلماتك حلوة جدا يا توتا وكـأنما تتحدثين عني

الحمد لله انها عجبتك ويظهر اننا متشابهتين
بس عاوزين نشوف بعض من شعرك

انت سرى

وتحسبنى مملؤة بالاسرار ..
هل للموجة فى عرض البحر سر ...تأتى للشاطىء ..تلعب..تمرح..تتكسر بين زراعيه...
ثم تعود لعرض البحر.
هل للزهرة فوق الغصن سر ... تتمايل ..تتراقص.. يفوح منها العطر...
ثم تنام فوق الغصن .
هل للنجمة فى فلكها سر.. تضىء.. تنطفىء.. ترسل نورها او تخفته...
ثم تسير نحو الفلك.
هل للنسمة فى سحرها سر ...تتهادى..تعصف..تقطر ندى ...
ثم تعود لدنيا السحر .
وتحسبنى مملؤة بالاسرار
انت ... انت ياعمرى سرى !!!
انت عندى سر الاسرار ...

[enigma_sinai 0]

tota كتب:

enigma_sinai كتب:

[size=18]
حلللللو يا ابله توتا الموضوع ده
أهو الكل يكتب اللى فى نفسه

size]

والله على رايك
اهو الكل يكتب اللى فى نفسه
وبعدين الاحلى يا استاذ اللوحات اللى انت بتتحفنا بها
ايه ده ايه الجمال والروعة دى
بجد حاجات تاسر العين المفروض الست والدتك كانت تسميك آسر مش ياسر

وعلى فكرة لك خزعبلاية جميلة هناك انقلها هنا

هههه اللى متعرفهوش ان اهلى كانوا مسمينى ياسر أبو المخاسر :lol!:
لآن من فضولى كنت بخرب فى كل حاجة فى البيت

[Honey Bunny 0]

ايه كنت بتدور علي كنز مستخبي في أودة النوم زيي؟ :D

[enigma_sinai 0]

لا وحياتك..الكنز لقيته فى صندوق تحت السرير...وكنت بخنصر منه عشرة فى عشرين جنيه..وكانت العشرة جنيه ساعتها زى الميه..اخدهم وازوغ من المدرسة :D
اما بخصوص الفضول فكان تخريبى..يعنى مثلا افتح افك فى الآجهزة واطلع كرشها
انتى فكرتينى بأيااااااام

[Honey Bunny 0]

ملتزم من يومك ياسر .... ما شاء الله :D

[intezar 0]

بصراحة كل كلامكم جميل جدا بلا أستثناء وخزعبلتي الغير مكتملة هي حنين للماضي الذي بالطبع هرب ولن يعود

وأعود وأسدل جفني المملوء بالعبرات من فرط الأنين
أتود يا قلبي أن يعود لك الحنين
أن نتقطف لحظات كانت ومضت من بين أنياب السنين
فلتبقي يا قلبي العمر مسلوب العرين
فلا لن يعود بك الزمان
من بعد ما أنكمش الجبين

[dream 0]

السلام عليكم

اقرار

اقر واعترف انا الموقعة ادناه ... انى احبك .. اذوب عشقا ..اتحرق شوقا .. التهب حنينا ..
انصهر وجدا..

اقر واعترف انى لست وهما او سرابا .. او ضوءا شاردا ... و ساعود من حيث اتيت..
انا حقيقة بين يديك ..

اقر واعترف انى قد قبلت عذاب عمرى فى انتظارك .. فقد كان استعدادا للقائك ..
الا تنقى النار الذهب ؟؟

اقر واعترف انى ما اردت فى الحياة غيرك ..وانى اتنازل عمن سواك وما عداك ..

استميحك عذرا سيدى ..هذا هو اخر ما عندى .. هذا هو اقرارى ..
فهل تقبلنى ؟؟؟

علياء

[dream 0]

السلام عليكم

هههههههههه

[Hamdy Tawfik-manar9 0]

اهلا بالاخت

Intezar

ماشاء الله ....موهبه جديدة متميزة

الي توتا

لماذا التوقيع مختلف .. ليه علياء مش توتا

ارسي علي بر ... توتا ام علياء ؟؟

[dream 0]

السلام عليكم

اصل ده اقرار لازم يكون رسمى

[enigma_sinai 0]

أحد الآشياء الشيقة هو معرفة شعورك الداخلى تجاه الكلمات التى تخرج منكِ

[Hamdy Tawfik-manar9 0]

tota كتب:

السلام عليكم

اصل ده اقرار لازم يكون رسمى

اممممممممممممممممممممممم

عندك حق .. .

[dream 0]

السلام عليكم

الكلمة اذا استطاعت ان تجد لها صدى فى قلب اخر فهى اكيد صادرة بصدق من القلب

[enigma_sinai 0]

خزعبلة صغيرة

انى أحسك كموقد مستدير فى صباح بارد

[dream 0]

السلام عليكم
هل تسمح لى ان اضىء الظلام حولك ؟؟
خذ نجمة من جبهتى واضىء الطريق الى...تحسس صوتى ..تلمس رسمى ..
اضىء الطريق .. وستصل الى !!

[intezar 0]

Mr Hamdy أشكرك علي تشجعيك وربنا يوفقك
رفعت من روحي المعنويةوهي بصراحة مكلكعة شويه بس لانها خزعبلات وبصراحة
tota جميلة جدا وبتمني لكم التوفيق وربنا معانا جميعا

[dream 0]

السلام عليكم

اهلا انتظار شكرا على مجاملتك الرقيقة
واحلى حاجة فيكى انك اتجرأت وكتبت شعر
انا لم اجرؤ على هذا وكل الذى اكتبه مجرد خواطر لاحاسيس وليدة اللحظة
ولكن لبس عندى حس وخيال الشعراء
لانهم كما يقولون اجمل الشعر اكذبه
وانا لازلت لا استطيع الكذب !!!

[dream 0]

السلام عليكم

هاك قلبى ..القيه بين يديك مضرجا بالدماء .. فاغسل بالدماء وجهك .. او القيه تحت قدميك ..لا فرق هناك .
ما هذا ؟! هل تخشى الدماء ؟! من يملك خنجرا لا يخشى الدماء ..

[dream 0]

السلام عليكم

قصة فيلم
كان يا ما كان...كان فيه بنت جميلة وبنت شهبندر التجار ، كل اللى حواليها كانوا بيحبوها اما علشان هى حلوة واما علشان بنت الشهبندر . وعلشان كده عمرها ماصدقت حد فيهم . وفضلت تحلم وتحلم بالشاطر حسن اللى حيحبها هى ،هى وبس ، علشان نفسها وبس .
وفى يوم من الايام سمعت عن فارس نبيل وحزين بيساعد كل الناس .اتعلقت روحها به ،وفضلت تتابعه طول الوقت ، وظنت المسكينة انه كمان واخد باله منها اوعلى الاقل سامع خطواتها .
وعلشان كده طلبت تقابلة فى دار المقابلات ومن وراء حجاب بدأت تحكى له عن كل حياتها ، وتجرأت وقالت له انها حبته من كل فؤادها . وانها مستعدة تكشف الحجاب وتروح معاه لاخر الدنيا . ولما خرجت من وراء الحجاب لقيته مشى وما سمعشى اخر كلامها !!!!وتوتا توتا فرغت الحدوتة
وخلص الفيلم وما فضلشى غير دموع البنت

[enigma_sinai 0]

على كدة انتى دوبك تدونى فى الخزعبلات ومفيش وقت للمذاكرة خالص :D

[dream 0]

السلام عليكم

لا يا استاذ انا اكتر واحدة بتذاكر بس فى الخباثة
لانى بذاكر فى الوقت الذى لا استطيع فيه النوم وانت عارف الوقت ده بالنسبة لى طويل اد ايه
وبعدين انا بدرب نفسى على الاستماع هذه الايام
وبالذات عن طريق الاغانى الروعة بتاعتكم كلكم
والخبر الجميل ان الايقاع لما بيكون هادىء بفهم الاغنية كلها تقريبا
وادينى بحاول .. بس ليه مش فيه اى موسيقى ؟
مش انت عارف انى بحب اختيارك فى القطع الموسيقية

وعلى فكرة الخزعبلة بتاخذ الوقت اللى بتتكتب فيه بالضبط لانى حتى لا احضر لها ولا اكتبها فى ورقة خارجية وحتى لا اتذكرها بعد كتابتها لانها بتبقى انفعال لحظى او نوع من المناجاة وباشركم فيه .

[dream 0]

السلام عليكم

لو استطيع ان اخبىء وجهى فى صدرك ...
فاكثر من اخافه هو انت..
لو استطيع ان امسح دموعى بكفك ..
فاكثر من اريده هو انت ..

[Honey Bunny 0]

جميلة جدا كلماتك توتا ..فكرتني بأغنية رقيقة لأصالة:


لا تخاف من الزمان الزمن ماله أمان

خف من اللي كل آمالك في يديه وتامنه

لو حبيبك ماوفى لك لو حبيبك فيك خان

ايش ترجي من زمانك النتيجه باينه


نكتشف مرّ الحقيقه بعد مايفوت الأوان

قلت لك لاتندفع له قلت حبي صاينه

وينه اللي صان حبك ماأشوفه اليوم بان

قلبك اللي هو قلبك لاتحسبك ضامنه


لاتعذّر باحتياجك كلنا ناقص حنان

كلنا طفل يتمنى أي شخص يحضنه

نبني الدنيا وحنّا نوقف بنفس المكان

للأسف ينقص وفانا مع مرور الأزمنة

[Hamdy Tawfik-manar9 0]

الحقيقة توتا موهبة ادبية رائعه اضاءت سماء منتدانا

وليتها تاخذ الانر بجديه فنري لها قصائد ودوواين منشورة

وتصبح توتا شاعرة واديبة مليء السمع والابصار يشار لها بالبنان

مفيش بقي خزعبله علي السريع كده علشان الكلمتين الحلوين اللي انا قلتهم دول

[Honey Bunny 0]

انتوا الـ2 في الفينال ترم....يعني تخلصوا وتتفرغولنا ...انا بس سايبلكم فرصة تعرفوا تخلصوا لكن بعد كده ....ابدا قراءة في كل اتجاه وملخصات لما قرأتموه...
انت كمان يا حمدي اختياراتك واسلوبك الادبي ما شاء الله جميل جدا.....

[dream 0]

السلام عليكم

لا داعى للهتاف
دعونا نعمل فى صمت
فكرتونى بقول الشاعر
كن جميلا ترى الوجود جميلا
انتو اللى عنيكم حلوة علشان كدة شايفينى حلوة
جميلة الاغنيه يا رانيا
وبعد الامتحانات نبقى نسمعها معا

مفيش بقي خزعبله علي السريع كده علشان الكلمتين الحلوين اللي انا قلتهم دول

يا ساتر كله بتمنه طيب خلينى افرح بيهم شوية واهى حاجة تشجع على المذاكرة

[dream 0]

السلام عليكم

زعلانة منك ياقمر...كل شوية تختفى...
لو الشمس خفياك ...قولى وانا اشتكيها لربنا
وادعيلك يبعدها عنك شوية ...ويطول لى الليل
وارجع اشوفك تانى
يارب

[dalia 0]

السلام عليكم،

توتا، حلو قوي قوي الكلام اللي انتي بتكتبيه ده...بجد فنانة رقيقة جداً وكلامك في الصميم

ربنا يوفقك دايماً يا رب

[dalia 0]

السلام عليكم،

قررت أشارك بخزعبلاية صغننة وفي الأغلب فاشلة

من أكون؟
سؤال أبحث عن إجابته من سنين...
والمؤسف بل المؤلم أن الإجابة كانت معي وأنا طفلة
ثم ضاعت مني في زحام الحياة اليومية
ماذا أصبحت؟
هل أنا هي الفتاة التي كنتها؟
هل أصبحت امرأة غير التي كنت أحلم بها؟
هل هناك أمل في أن أصل إلى الصورة لنفسي رسمتها؟
أين الطريق؟
لماذا أشعر أنني ضللته، رغم أنني أعرف كل ما حولي
لماذا أشعر بأنني في قاع البئر وحدي
وأنا محاطة بالحب والحنان والدفء؟

كفاية عليكم كده

[dream 0]

السلام عليكم

اهلا داليا
اخيرا حد ظهر فى الخزعبلات
دا انا كنت قربت اطلب من سيادة المدير يسمى الموضوع خزعبلات توتا بدلا من خزعبلات ابداعية

مع اننا قرب الامتحانات وكل الخزعبلات المفروض تظهر

كلامك جميل يا داليا
وطالما صادر من القلب بيوصل للقلب

[dalia 0]

السلام عليكم،

متشكرة على المجاملة الرقيقة يا توتا، وإذا كان على الخزعبلات، والله أنا خايفة عليكم بس علشان أنا بالظبط اللي يتقال عليها "دماغها فيها 7 قطط بيجروا ورا خمستاشر فار وعشرين نملة"

[dream 0]

السلام عليكم

هههههههههههههههه
مش ممكن يا داليا انت رهيبة

تعرفى ان دى الطف خزعبلة

[sweet_love 0]

"دماغها فيها 7 قطط بيجروا ورا خمستاشر فار وعشرين نملة"

هههههههههههههههههههههه

أحلى ما فيكى يا داليا متجوزه ومازلتى محتفظة بدماغك اللاسعة ربنا يكون فى عون جوزك ويارب أفضل كده برده

[a.h.issmail 0]

خدوا الخزعبولة دي



المشهد الاول
استاذ احمد الموظف الحكومي واقف في الطريق الصحراوي فاتح كبوت عربيته السيات الي مدة صلاحيتها انتهت من كاام سنة عمال يأأفف ومش عارف هايروح ازاي

هيثم شاب فانكي بتاع اليومين دوول شاف استاذ احمد وصعب عليه قال ينزل يساعده
ركن هيثم عربيته البي ام دبليو ونزل قال :
ايه مان ايه البروبلم اي هلب انا هير قول انتا بس من ماتشاي خالث .

استاذ احمد قاله :متشكر يابني بس تبقي عملت فيا ثواب لو قطرتني لققرب بنزينة وهما هناك يتصرفوا .
قال هيثم :بس كدة يامان تحت امرك .
وهب هيثم ربط العربية بتاعت استاذ احمد وابتدوا يتحركوا .


المشهد التاني

بيسو شاب هلس صاحب هيثمراكب عربيته المرسيدي اخر موديل قابلوا علي الطريق الصحراوي

وابتدي الحوار في عربياتهم وهما ماشيين ==>
بيسو : مان اخباراتك واحشني فحت فينك من زمان واحشني واحشني فحت يلا يخرب بيتك
هيثم :عادي بقي مانتا عارف النوم طول النهار وطول الليل في النادي لما الواحد زهق والعيشة بقي ايمبوسيبل .
بيسو:الف مبرووك يامان علي العربية الجديدة بس هيا مش قد كدة بس يلا تعيش وتجيب غيرها
هيثم :ايييه انتا مش عارف انا عامل في العربية دي ايه لو مش مصدقني ماتيجي رايس ونشوف مين البيست .
بيسو :بيس يامان يلا بينا

وابتدي السباق وهيثم سابق بيسو وبيسوا يسبق هيثم وفجاءة طلع هيثم علي الرابع وسبق بيسو وفجاة تاني وطرااااااااااااااااااااااااااااااااااااااااااااااااااااااااخ


المشهد التالت


بيسو مرمي في المستشف متجبس من راسه لصباع رجله النونومش عارف ايه الي حصله واقف جنبه الدكتور بيساله :
ايه يابني الي عمل فيك كدة .
بيسو: اي دونت ريميمبر كل الي فاكره اني كنت بسابق هيثم صاحبي الانتيخ وفجاءة لقيته سبق كنت لسه هحصله لقيت عربيه مهكعة سبقتني قمت فاتح الباب قلت اشوف فيه ايه صحيت لقيت نفسي هنا ............



النهاية

[Hamdy Tawfik-manar9 0]

dalia كتب:

السلام عليكم،

متشكرة على المجاملة الرقيقة يا توتا، وإذا كان على الخزعبلات، والله أنا خايفة عليكم بس علشان أنا بالظبط اللي يتقال عليها "دماغها فيها 7 قطط بيجروا ورا خمستاشر فار وعشرين نملة"

:D دي اكيد خزعبله من امريكا اللاتنية او من جزر الكاريبي

[dalia 0]

لا، لا، لا دي خزعبلة دالياوية أصيلة من وأنا في أولى إعدادي

وهو فعلاً من الكاريبي...انت تعرفه ولا حاجة؟

يا سويت والله صدقيني، يعني أقولك أساميهم وعناوينهم يعني؟ :D

بس أحب أطمن الجميع، إن الرجالة عامة زي بعض...عندي صاحبة متجوزة طلياني، وواحدة متجوزة هولندي، وواحدة متجوزة أمريكاني، والباقي طبعاً متجوز مصري، والله مافيش فرق كبير كلهم زي الفل الحمد لله...المشاكل واحدة، فلو حد حيفكر يتجوز أجنبي علشان يهرب من المشاكل التقليدية...ماوعدكوش يا بنات

[alaa eldin fikry 0]

السلام عليكم ورحمه الله اخوانى الاعزاء الحمد للع عدنا بعد انقطاع دام فتره لظروف خاصه ولكن رجعت لقيت الدنيا مقلوبه راسا على عقب بس ما شاء الله على التفاعل واول موضوع شدنى موضوع الخزعبلات ده وطلع فعلا فعلا خزعبلات زى العسل تحس كده انك قاعد على الشيزلونك بتاع الدكتور اللى بالك فيه وعمال تتكلم باسهاب على فكره ان شاااااااااااء الله هكون عضو مميز فى منتدى الخزعبلات وانتو اللى جبتوه لنفسكم

[Hamdy Tawfik-manar9 0]

a.h.issmail كتب:

خدوا الخزعبولة دي



المشهد الاول
استاذ احمد الموظف الحكومي واقف في الطريق الصحراوي فاتح كبوت عربيته السيات الي مدة صلاحيتها انتهت من كاام سنة عمال يأأفف ومش عارف هايروح ازاي

هيثم شاب فانكي بتاع اليومين دوول شاف استاذ احمد وصعب عليه قال ينزل يساعده
ركن هيثم عربيته البي ام دبليو ونزل قال :
ايه مان ايه البروبلم اي هلب انا هير قول انتا بس من ماتشاي خالث .

استاذ احمد قاله :متشكر يابني بس تبقي عملت فيا ثواب لو قطرتني لققرب بنزينة وهما هناك يتصرفوا .
قال هيثم :بس كدة يامان تحت امرك .
وهب هيثم ربط العربية بتاعت استاذ احمد وابتدوا يتحركوا .


المشهد التاني

بيسو شاب هلس صاحب هيثمراكب عربيته المرسيدي اخر موديل قابلوا علي الطريق الصحراوي

وابتدي الحوار في عربياتهم وهما ماشيين ==>
بيسو : مان اخباراتك واحشني فحت فينك من زمان واحشني واحشني فحت يلا يخرب بيتك
هيثم :عادي بقي مانتا عارف النوم طول النهار وطول الليل في النادي لما الواحد زهق والعيشة بقي ايمبوسيبل .
بيسو:الف مبرووك يامان علي العربية الجديدة بس هيا مش قد كدة بس يلا تعيش وتجيب غيرها
هيثم :ايييه انتا مش عارف انا عامل في العربية دي ايه لو مش مصدقني ماتيجي رايس ونشوف مين البيست .
بيسو :بيس يامان يلا بينا

وابتدي السباق وهيثم سابق بيسو وبيسوا يسبق هيثم وفجاءة طلع هيثم علي الرابع وسبق بيسو وفجاة تاني وطرااااااااااااااااااااااااااااااااااااااااااااااااااااااااخ


المشهد التالت


بيسو مرمي في المستشف متجبس من راسه لصباع رجله النونومش عارف ايه الي حصله واقف جنبه الدكتور بيساله :
ايه يابني الي عمل فيك كدة .
بيسو: اي دونت ريميمبر كل الي فاكره اني كنت بسابق هيثم صاحبي الانتيخ وفجاءة لقيته سبق كنت لسه هحصله لقيت عربيه مهكعة سبقتني قمت فاتح الباب قلت اشوف فيه ايه صحيت لقيت نفسي هنا ............



النهاية

شكرا علي الخزعبله الايمبوسيبل دي