خزعبلات ابداعية

[hinar 0]

داليا
هل تعلقى على الخزعبلات بالانجليزية ؟!

نور

ولا تحبى بعد كده نسميكى
ضوءا من شعاع القمر
تعرفى متهيا لى احلى و لائق عليكى اكتر


توتا
ربنا ما يحرمنا منك ابدا

مستر حمدى
اعتذر بشدة
فانا لم اقرأ المواقف الا الان
لكن جميلة يا مستر
خلاص سماح

[noor1 0]

اي حاجة منك زي العسل يا قمر

[hinar 0]

ايه يا بنتى هو كلنا قمر

على الاقل حددىمين قمر 14 ومين 17 و مين 29

[a.h.issmail 0]

هاتتخنقوا مين القمر خلاث ولا يهمكوا انا هاتنازل واسمحلكوا تقولولي ياقمر ومتتخناقوش كدة


مع اني اقمر من القمر

بس يلا بقي

من تواضع لله رفعه


:lol!:

[hinar 0]

بس كده مش تواضع دى بهدلة على الاخر

[sara111 0]

تواضع ونعم التواضع اول مرة اشوف حد يقول على نفسه قمر طيب سبنا أحنا نحكم عليك يااحمد

[a.h.issmail 0]

هــــــــئ

[dream 0]

السلام عليكم

ولا تزعل يا احمد
دا انت قمر و14 كمان


ايه يا بنات اتلمتوا عليه ليه كده
مش كفاية انه الوحيد اللى بيعبركم ويرد عليكم

[a.h.issmail 0]

والله العظيم


اهئ اهئ

ربنا يخليكي ليا ياتوتا

[dream 0]

السلام عليكم

ولا تزعل يا احمد خلاص بقى
قطعت قلبى


طيب اسمع دى

اراك يا قمرى فى الليل وسط النجوم
وفى الصباح بين الغيوم ..
فانت لا تغيب يا عمرى ..
انت هنا داخل اعماق العيون ..

طبعا دا قمرى انا

[dream 0]

السلام عليكم

وتطلب منى الا اكون ناعمة ...الا اتدلل
وتقول لى انك لم تعد تتحمل ...
ومن طلب منك ان تتحمل ؟؟؟
لا..لا تتحمل

نخلة انا ...علياء فوق السحاب
زهرة انا ...مغموسة باحلى شراب
مدينة انا ...مفتوحة الابواب
لا ..لا تتحمل

[noor1 0]

طبعا قمر 14 يا هينار
دي عايزه كلام

[noor1 0]

ونعم التواضع يا احمد

[sara111 0]

لاء ياتوتا احنا بس بنحب نهزر عشان عارفين بس أن هوة اللى بيستحملنا ماتزعلش ياباشا

[dream 0]

السلام عليكم

خلاص يا احمد
كل القوات رجعت مكانها

[dream 0]

dream كتب:

السلام عليكم

اقرار

اقر واعترف انا الموقعة ادناه ... انى احبك .. اذوب عشقا ..اتحرق شوقا .. التهب حنينا ..
انصهر وجدا..

اقر واعترف انى لست وهما او سرابا .. او ضوءا شاردا ... و ساعود من حيث اتيت..
انا حقيقة بين يديك ..

اقر واعترف انى قد قبلت عذاب عمرى فى انتظارك .. فقد كان استعدادا للقائك ..
الا تنقى النار الذهب ؟؟

اقر واعترف انى ما اردت فى الحياة غيرك ..وانى اتنازل عمن سواك وما عداك ..

استميحك عذرا سيدى ..هذا هو اخر ما عندى .. هذا هو اقرارى ..
فهل تقبلنى ؟؟؟

علياء

اقر واعترف انك قطعة من نفسى وروحى ولن ينتزعك منى شىء ..

اقر واعترف انى امضيت اجمل ايام العمر بين يديك ..

[enigma_sinai 0]

[hinar 0]

لو ان دنيا الاحلام تفتح لنا بابا ، فنمد يدا نمسح دموع الاخرين ،

او حتى لو يستطيعوا هم لمس حزننا

لاخذت ريشتك ورسمت كل الخطوط بيضاء بلون الضياء

[enigma_sinai 0]

يانهار اثود...معرفش ان اللوحة هتكون كبيرة بالشكل ده وتخرب الصفحة
ممكن لاحد المشرفين ان يلغيها
الود ودى يا هينار ان الحياة تكون وردية وحلوة والخطوط تصبح بيضاء لكن الواحد عايش بين وحوش !

[enigma_sinai 0]

ولا اقولك...نحط اللوحة دى كمان مادام الصفحة خربانة خربانة :D

[hinar 0]

اللوحة رائعة
والتعليق عليها اكثر من رائع
بشرط تصحيح كلمة شكوة لتصبح شكوى

[sweet_love 0]

بحيك بجد يا ياسر على إختيارك للوح مع إنه الصفحة خربت بس اللوح تستاهل يارب تكون بتحب الورد

[a.h.issmail 0]

تم تعديل الصور

[hinar 0]

شكرا مستر احمد على تعديل الصفحة

[hinar 0]

اترانى استطيع ان اكون جاريتك ...
وان اناديك سيدى ...

لا لن اكون ...
لا اريد ان اكون....
اخشى ان اكون ....

[enigma_sinai 0]

أحب الورد وأزرعة...وأرويه بنظر عينى وأرسمه
شكرا سويت
نبض قلبى يعبر عن امتنانى لكِ

[enigma_sinai 0]

hinar كتب:

اترانى استطيع ان اكون جاريتك ...
وان اناديك سيدى ...

لا لن اكون ...
لا اريد ان اكون....
اخشى ان اكون ....

فلتكونى أميرتى
متوجة بالهوى
مكسوة بالمودة

[hinar 0]

فلتضع فوق رأسى تاجا من زهور الياسمين

ولتنفخ فى كل ما حولى ليزداد جمالا وحنين

اميرتك انا ... وها تاجى فوق الجبين ...

[hinar 0]

شجن
ما هذا الشجن السارى فى كل انحائى.كأن نهرا من الحنين يسرى بقلبى.
ترتعش اناملى . تترقرق دمعة بعينى .على ماذا انا مقبلة .
كن الى جوارى يا الهى.

[enigma_sinai 0]

مقبلة على النتيجة :D

[hinar 0]

enigma_sinai كتب:

مقبلة على النتيجة :D

ههههههههههههههه

[hinar 0]

تسأل ما بى...
انت ما بى !!!

تأتى لدارى..
تقتحم اسوارى..
تعرف اسرارى..
تقرأ افكارى ..
تشعل نارى..
ثم
تقيد فرارى !!!

[a.h.issmail 0]

Love is now like a penalty kick at the end of a game, if you scored U won
and forever, but if U miss ... ouch U will never have another chance, so if we
consider the referee is your Love, the best thing to do is to wait for your
love's...i mean the ref's whistle !! (^_^)

[hinar 0]

دنيا الاحلام

- مامى احكى لى حدوتة

- نامى يا بنت الساعة 9 دنيا الحواديت قفلت خلاص

لم تستطع البنت النوم . وفجأة سمعت صوت حانى يناديها

- لا تزعلى يا صغيرتى ، ان كانت دنيا الحواديت اغلقت فدنيا الاحلام ما زالت تفتح ابوابها ليل نهار

- ولكن من انت

-انا جنية دنيا الاحلام ، هيا تعالى الى دنيانا وعيشى ما شئت من الاحلام ، كونى اميرة او كونى احدى الالهات القدامى او كونى اليس ، هيا كونى من شئت ، امرحى والعبى كل الابواب مفتوحة الا باب واحد

-ما هو ؟

- انه باب الحب غير مسموح لك بالدخول الا مع فارسك المنتظر

عاشت الصغيرة كل الاحلام . صارت شابة وبدأت تحلم بالدخول من باب الحب

وقفت امام الباب مع مئات البنات ينتظرن فارسهن

فى كل يوم كانت الكثيرات يدخلن وهى لا تزال تنتظر . الى ان جاء يوم . شعرت انه اليوم الموعود ارادت الدخول من باب الحب الى جوار فارسها ولكن ...

منعت الشابة من الدخول . فوقفت لا تدرى ماذا تفعل او لماذا منعت

جاءتها جنية الاحلام

-ما هذا ياصغيرتى كيف اندفعت بدون ان تأتيك الاشارة هو ليس لك

- ظننتها اشارة منه بان نبدأ معا حلم الحب

- لا مكان فى دنيا الاحلام للظن انت معاقبة انت مطرودة من دنيا الاحلام

- ولكن اين اذهب دعينى بينكم لا مكان اخر لى

- ولا مكان لك هنا

بكت الشابة توسلت ترجت ولكن بلا جدوى

ووجدت نفسها من خلال دموعها تصرخ

-مامى احكى لى حدوتة !!

[a.h.issmail 0]

فعلا ياهينار مش عارف ارد اقولك ايه


قطعتي قلبي

[hinar 0]

هههههههههههه
دى قصة يا مستر
دنيا الاحلام يعنى

[a.h.issmail 0]

مفيش حد في الدنيا مهما كانت جريمته يتعاقب بعدم دخوله دنيا الاحلام

[hinar 0]

تهنئة

اليك يا من لا ادرى ان كنت تملأ القلب ام تملكه

كل عام وانت بخير

[enigma_sinai 0]

وانتى طيبة بالصحة والسلامة

[hinar 0]

ههههههههههه

حلوة يا مستر

وانت بخير

[a.h.issmail 0]

حمدالله علي السلامة ياهينار دانا كنت يئست وقلت الافكار نضبت خلاث

وربنا يرجع الي بيملى الخزعبلات علي طووووول

قولوا


اااااااااااااااامين



وبمناسبة العودة الحميدة دي هالفلكوا خزعبولاية علي الماشي

وهاسميها

دنيا بلا ابليس "عليه لعنة الله"

لولولولولولولولولوولولولولولولوولولولولولوي

ايه ياام سيد ايه الحكاية

افتحي الاخبار يااختي شوفي الهنا

ايه هو الزمالك كسب الاهلي ولا ايه

زمالك ايه واهلي ايه "ياولية"
افتحي التفزليون هاتي النشرة

جريت ام محمود فتحت "التفزليون" وجابت الاخبار

ال خير اللهم اجعله خير
ايه بقي الخبر الي خلي ام سيد تزغرط في عز الضهر من غير مايكون ماتش كورة

وسمعت الخبر الي خلاها "سورئت"


ال ايه ابليس "عليه لعنة الله هايقدم استقالته"


يانعم ودي تيجي ازاي دي

طبعا مصدقتش وقعدت تسمع الخبر

محاور قاعد مع ابليس بيسئله عن ايه الاسباب الي قدمته الا الياس من اغواء بني البشر
هل هو زيادة الايمان والتقوي عند البشر

ام اسباب اخري

ثم بداء ابليس يتحدث عن قصته

ابليس : بقولك شفلي سيجارة الاول لحسن خرمان ومن ساعة ماعملوا الصورة علي العلبة وانا مش طايق اشربها
المحاورمعطيا له السيجارة: احكي بقي ايه الاسباب الي دفعتك للاستقالة
ابليس: انت اكيد بتهرج ال يعني مش عارف
ياباشا انا بقالي شهرين مش عارف ااكل
بقف ادام طابووورالعيش ساعتين علشان اخد رغيفين وفي الاخر يقولولي الفرن شطب
ربنا رزقني بسببوبة واحد غني مابيسميش الله كنت بازوره كل يووم

اتاريه بياكل سحت لما وجعلي بطني

كان في امهات بقعد ازن علي ودانهم علشان يرموا ولادهم في الشارع دلوقتي بيرموهم من غير مااعمل اي حاجة
كان الاول اسد ودان الواحد علشان ينام وميعرفش يصلي الفجر دلوقتي بقي في التلفزيون ياراجل ده انا نسيت مرة اقووم اسد ودان واحد

نظر اليه المحاور مندهشا لا يدري ماذا يقوول

اكمل ابليس قائلا : وتقولي عايزين ابليس علشان يقعد معاكوا يغويكوا ياباشا دانا غلبان دانا هاروح اخد كورس صياعة من اول وجديد كله من ورا احمد السقا الله يسامحه مش كان بيقول الشيطان صايع اهه ييجي يشوفني دلوقتي

ياشماتتة ابلة ظاظا فيا

وهنا انتهي اعزائي المشاهدين لقائنا مع الاستاذ ابليس سابقا صايع تحت التدريب حاليا

وهنا نقلت ام محمود التلفاز لتكمل مشاهدة الرنامج الغنائي

اثناء صياعة ابنها محمود في الشارع





وكان شيئا لم يكن




رخمة صح
انا عارف بس معلش اصل بقالي كتير جدا مكتبتش

[hinar 0]

ههههههههههههههه

حلوة
حلوة
حلوة

[a.h.issmail 0]

هانبتديها مجاملات عموما انا بصدق وانتوا حريين هتلاقوني كل يوم بخزعبلاية بعض كدة الموضوع يتطور تقلب روايات

[hinar 0]

فى انتظار رواياتك

[noor1 0]

ههههههههههههههههههههههههههههههههههههههه

[a.h.issmail 0]

والله مبسوط بجد انها ابتدت تعجبكوا

بس اوعوا تكونو بتجاملو

[hinar 0]

اما زلت لا تعرف من كان حبيبى ...
لو نظرت داخل قلبى ....ستراه
لو نظرت لاعماق عينى ....ستراه
لو قرأت كلماتى ....ستراه

ما زلت لا تعرف
اذن
انظر الى المرآه

[a.h.issmail 0]

جلست فتاة رائعة الجمال في حديقة غناء ملتفتة حولها متاملة جمال وروعة الطبيعة
لفت انتباهها شابا في مثل عمرها يجلس وحيدا ترتسم علي وجهه علامات الحزن
لم تعرف لماذا ظلت تفكر فيه
وبدون ان تشعر بدات تتسائل لماذا هو حزين
حاولت بشتي الطرق لفت انظاره اليها علها تستطيع تجاذب اطراف الحديث معه لكي تعرف لم هو علي تلك الحال ولكن باءت كل محاولاتها بالفشل فانصرفت غاضبة
وفي اليوم التالي ذهبت الي الحديقة في ابهي حللها واثقة من نفسها عالمة انها ستلفت انظاره هذه المرة ولكن علي نفس الحال لم يرها مطلقا او حتي يعيرها اي انتباه

فقامت الفتاة متجهة اليه في غضب عارم عازمة علي التحدث اليه وفي طريقها اليه

اذ بالشاب يضع يده في جيبه يخرج نظاراته وفاردا عصاه متحسسا بها طريقه للخروج .

[hinar 0]

دعنى فقط اعلم باى قطعة من الارض ستكون ..
لاتجه اليها بعينى واقول ..
هنا تسكن روحا اوصلتنى للجنون ..

[Hamdy Tawfik-manar9 0]

احياءا لموضوع الخزعبلات اسمحوا اقدم لكم هذه الخزعبله الجهبذيه من تاليفي بعنوان قلة حبنا

لكن الحدث الرئيسي في الخزعبله مستوحي من قصه سمعتها شفاهة من احد الحوارات التليفزيونية

منذ زمن بعيد لكنها علقت بذهني لطرافتها

قلة حبنا

يحكي ان كاتبا واديبا مغمورا في فترة الخمسينات اعتاد الجلوس علي احد المقاهي في احد احياء

القاهرة القديمة وفي يوم من الايام وبينما هو جالس يحتسي كوبا من الشاي ويطالع الجريدة ,

لمح خلف مشربية احد المنازل المقابلة للمقهي كان فتاة ترتدي ايشاربا احمر اللون تنظر من

وراء المشربيه. ولما كان صاحبنا خلي القلب في تلك الايام فقد علق نظره بتلك الفتاة

التي تتهادي من وراء المشربيه .. اطالت الفتاة في بقاءها خلف المشربية فقال في نفسه

لابد انها اعجبت بي ولا ماصبرت علي الوقوف كل تلك المدة خلف المشربية .

ظل جالسا حتي اقتربت الشمس من المغيب وتعذر رؤية الفتاة فانصرف الي حاله

ولكنه ظل مشغولا بامر تلك الفتاة ودارت التساؤلات في ذهنه

هل كانت تنظر لي انا ؟

ااكيد... ولكن كان هناك اشخاص اخرون جلوس بجانبك فماالذي يجعلك تعتقد انها تقصدك انت

فلا انت اكثرهم جمالا ولا احسنهم هنداما .. انت تمني نفسك بالاحلام

لا لا بالتاكيد تقصدني انا

هذا مايريد قلبك ان يسمعه ويصدقه لكن العقل والمنطق يقول اشياء اخري

ومالي انا والعقل والمنطق فانا اديب اسير وراء قلبي اينما اراد ان يحط رحاله

فلتخرص ايها العقل والزم حدودك فانت لاياتيني منك الا الملل والكابة

وفي صباح اليوم التالي ارتدي اديبنا الشاب افخم ماعنده من ملابس ثم ذهب ليجلس

في نفس المكان علي نفس المقهي رافعا نظره الي المشربيه علي امل ان تظهر الفتاة في نفس التوقيت

وهو ماحدث حيث ظهرت حركات ايشاربها من وراء المشربيه ولكنها ترتدي ايشاربا اصفر فاقع اللون في ذلك اليوم

مااحمل ذوقها في اختيار الالوان

اه لو تفتح تلك المشربية التي تحول بيننا

وبدا الاديب الشاب يستوحي من وحي الموقف

ليكتب اشعارا وقصائد يتغزل في حبيبته التي لم يراها رؤي العين ولكنه راها بقلبه

لم ير منها الا ذلك الايشارب الذي الذي كلما تمايل تمايل قلبه معه

وتكرر الامر في اليوم التالي والاختلاف الوحيد ان الايشارب كان اخضر اللون في ذلك اليوم

كما ان صاحبنا اصبح اكثر هياما وغراما بتلك الفتاة التي لايعرف عنها شيئا سوي ذوقها في اختيار الالوان

وظل صاحبنا علي حاله يذهب كل صباح وينتظر حتي مغيب الشمس

وتعددت القصائد بعدد الوان الايشاربات التي ارتدتها الفتاة

صاحبنا الاديب اصابه الجنون ولوثه الحب فقد اصبح يحكي لكل من يقابله عن تلك الفتاة التي يحبها

وكم هي جميله ورائعه ومؤدبه ومتحدثه وست بيت شاطره

وعندما يسالونه .. كيف عرفت كل ذلك ..من لون الايشارب !!!!!!

يرد عليهم ويقول ... انا اعرف .. انا فقط اعرف ..وعلي يقين مما اقول... لا تسالوني كيف عرفت ؟!!

ومع الايام زادت احوال صاحبنا جنونا فقد اضناه العشق والهوي حتي اشفق عليه كل من عرفه

ونصحه احد المخلصين منهم لماذا لا تتقدم لخطبة تلك الفتاة وتضع حدا لالامك وعذابك

انا اتقدم لخطبتها . ماذا تقول ؟؟

وماذا في ذلك ؟ اليست بنتا مثل كل البنات

انت محق نعم .. ساذهب لكي اخطبها ..اشكرك ان نبهتني الي ذلك الامر !!!!

وذهب الي المقهي مبكرا بعد ان ارتدي بدلة استاجرها من عند المكوجي لكي تليق بالمناسبه

لكن الوقت مازال مبكرا عليه الانتظار قليلا حتي يصحو اهل بيت العروس

فلا يصح ان يذهب ليزعجهم في ذلك الوقت المبكر

جلس ينظر الي المشربيه فاذا بالفتاة منيه القلب ومبتغي الروح تتهادي بايشاربها الاحمر من وراء المشربيه

طار صاحبنا من الفرح ... لكن مفاجاة حدثت اذهلنته

هناك يدا تمتد لتفتح المشربيه

اخيرا سيري حبيبته ... يالا سخريه الاقدار

يد طفل صغير تمتد لتفتح المشربيه

اشكرك ايها الطفل العابث ولن انسي جميلك ابدا

وفتحت المشربيه

وراي الايشارب الاحمر

ليس علي راس فتاة ولكن موضوعا علي قله في صينية القلل

فقد كان من عادة اهل ذلك الزمان ان يضعوا القلل في الصينيه بجوار المشربيه لتبرد بفعل الهواء

ويضعوا عليها مناديل فاقعة اللون

صاحبنا اكتشف انه يحب قله عليها منديلا

نعم قله عليها منديلا

يالهول المفاجاه

هل يضحك ام يبكي

ضحك كثيرا لكنه لم يندم علي حبه لقلته فقد كتب اجمل قصائده واشعاره في تلك الفترة

الخلاصه : انتبه فقد تكتشف انك لا اتحب سوي قله

العبرة : كن صادقا في حبك حتي لو كنت تحب قله او حتي زيرا